solomon biakinnpi ah israel patangte kikham

 By: tuangpu    11:48 AM  Israel Taw Kisai   No comments

Solomon biakinnpi munh ah, April 24,2014 ni in, a haw Israel patangte sia, Muslim te in, a haw avil tu zongh dei ngawl aa, nawng kai sak hi.

A nawng kaisak te sung ah Palestine mi kumh 50 ngual khawng kihel aa, Palikte in tua Israel patangte hung hi.

Read More

Laithiangtho Dokna (Peter Masa 3,4,5)

 By: tuangpu    10:50 AM  Laithiangtho Dokna   No comments

1. ___ taw, na hoi natu in kizeam heak vun.
a. Tungtham nate
b. Leitung deina
c. Hanciamna

2. Pathian lamen-te, ___ a mealhoi hi.
a. a pasalte thu a nit uh ciang
b. ama uapna sung
c. a om na po ah

3. Kilem natu ___taw hanciam tahen.
a. thin theampo
b. palai sepna
c. thungetna

4. Na thin sungah,___ heak vun.
a. kithasunna om sak
b. Satan munh pia
c. Kipha sak

5. Christ pumpi taw a thuak sate mawna sungah ___ hi.
a. zia-et thuak zaw
b.  tualta nawn bua
c. kikai kikik thei

6. ___mawna tam mama sincip hi.
a.  Ngupna ngaa na in
b. Ki-itna in
c. Thunitna

7. Haksa ze-etna na thuak uh hu in, ___ vun.
a. thungen
b. kiniam khiat zaw
c. lamdang sa heak

8. A kamciam a keamcing in ___taw pum muan tahen.
a. upna
b. lam-etna
c.  a ngamtat phate

9. Na nasep uh sia ___seam na hi tavun.
a. hanciam in
b. thungetna taw
c. uukna takpi taw a

10. Doaimangpa sia ___ ah hong vak hi.
a. na inn sung
b. ngulsok bangh inn sung
c. tawpi hawk bangin na kiimkot

11. Leitung bup na thu-um-te in, a kibang___ hi.
a. thungen
b. ngupna ngaa
c. haksatnate thuak

12. Akua in Peter lai-at huu ziam?
a. John
b. Timothy
c. Silas


Peter Khatna 3
Zite le Pasalte
1Tasia bangma in, no zite awng na pasalte khat po Pathian thu um ngawl a omle, na ngamtatna taw Pathian thu um khat na sua sak thei natu in na pasalte thu na ni vun. Na kam uh taw na pau tu uh kul ngawl tu hi, * 2banghangziam cile amate in no sia bangza in a thiangtho le a zatak huai in, ngamta nu ziam ci in hong mu tu uh hi. 3Na sam vawtzia uh ahizong, khi le hak te ahizong nikten puansilh ahizong, tabang tungtham nate taw, na hoi natu in kizeam heak vun a, * 4tuate taangin, Pathian muna ah a manh neibel a tul thei ngawl a dik le thinsung khua ngaisut pha nei vun. 5A bo sa hun sungah biakna san ah a takkha, Pathian tungah lametna a neite in, a pasalte thu a nit uh ciangin a mealhoi suak hi. 6Sarah zongh tabangma ahi hi; Abraham thu ni a, topa awng ci hi. Nasep pha seamin, bangma kiitak na nei bana uh le, no sia Sarah ii tanute na hi uh hi. *

7Tasia bangma in no pasalte zongh in, na zite uh thaneam zaw ahi hunlam telthiang in nuntak pui tavun. Amate upat tavun, banghangziam cile, noma taw kibangin, Pathian ii nuntakna letsong sia amate zongh in, sang tu uh hi. Na thungetna uh hong nawngkai sak bangma a om ngawl natu in, hi bang ngamtatna nei tavun. *

Thumaan Ngamtatna hu in Thuakna
8A tawpna ah note theampo in a kibang ngaisutna le kikhualna nei tavun. Taciang khat le khat unau bangin ki it vun. Khat le khat tungah, kiciliap in, kiniamkhiak tavun. 9Ngitlona sia ngitlona taw thuh kik heak vun a, haamsiatna zongh haamsiatna taw thuh kik heak vun. Tua hi ngawl zaw in thupha taw kithuh zaw vun, banghangziam cile, Pathian hong sap lai in piak tu a hong kamciam in thupha hi zaw hi. 10Laithiangtho in,

“Nuntak nuam a, a nungta nuamte le
Hunpha a mu nuamte in,
kam ngilo pau heak hen a,
a leeilot thuson kheal tahen. *
11Ama in ngitlona pan kikheal in phatna vawt tahen.
Ama in kilem natu a thin theampo taw hanciam tahen.
12Banghangziam cile, Topa in
Thutangte keamcing a, a thungetna uh ngai hi;
ngitlona a vawtte ahile ama in, langpan hi,” ci hi.
13A pha vawt tu na lawp uh le, akua peuma in hong susia tu ziam? 14Ahihang thumaan nasepna na sep uh ciang ngangawn in na thuak uh le, bangza in hampha nu ziam? Kuama kiita heak vun a, thinngim heak vun. * 15Ahihang na thin sungah Christ sia zatakna nei tavun. Ama sia Topa a hina taw vaang pia tavun. Na sungah lametna khat na nei uh sia hong dong khat po a om le, na sonthiang thei natu in a tawntung kinging tavun, 16ahihang tabang na hi uhciang, thin neamna le kithasiana na zangh tavun. Na thin sungah, kithasunna om sak heak vun, tua hile hong kilan ciangin, Christ nungzuite na hina uh taw na ngamtat phate hong sonsiate sia, amate kampauna hangin, maizum tu uh hi. 17Banghangziam cile Pathian deina ahile a pha sepna hu a, thuakna in, a sia sepna hu a thuakna sangin pha zaw hi. 18Christ in mawna hangin, a tawntung atu in, khatvei thi zo hi. Note Pathian kungah hong zot pui natu in, mipha khat in mawneite taangin thi zo hi. Ama pumpi thi ahihang thaa sungah ki nungta sak zo hi, 19taciang thaa a hina taw a nuntakna sungah, ama pai in, thaa thongtaakte munah thuhil hi. 20Hi thaa te sia Noah ii teambaw a sak lai hun a, Pathian ii thin uai takin a ngak Pathian thu a ni nuam ngawlte ii thaa te ahi hi. Teambaw sungah mihing tawmno— a vekpi in liat bek— tui in laamto in suakta sak hi. * 21Tua tui in tu in, note hong ngum ki baptize na lim ahi hi. Pumpi tung a, ciniinte sil thiangthona hi ngawlin, thinsung thiangtho taw Pathian tungah kamciam piakna ahi hi. Jesu thaw kikna tungtawn in note hong ngum hi. 22Tua Jesu vantung ah pai zo a, Pathian ziat sangah om in, vantung lalang theampo le, thuneite le vaang neite uk siat hi.

Peter Khatna 4
A kikheal Nuntaknate
1Christ in pumpi taw thuak ahi bangma in, note zongh noma le noma sia, ama khua ngaisutnate taw kithahat sak vun; banghangziam cile a kuama po pumpi taw a thuak sate sia, mawna sungah a tualta nawn bua hi. 2Tua ahikom tu pan kipan in, na leitung nuntakna uh a om laiteng, mihingte deina thin in uk sak heak vun a, Pathian deina in uk sak tavun. 3A bo sa hunsung Pathian he ngawlte ii sep nop zia teng, a khomin seam zo nu hi. Na nuntakna uh sia, zummawk vai sikvilna, zu khamna, paktatna, zu neakna, a thasiat huai milim biaknate taw zangh zo nu hi. 4Tu in Pathian he ngawlte in amate maitat loklenna sungah na kihel nop nawn ngawl uh ciangin, lamdang sa in note hong lang uh hi. 5Ahihang amate in a nungtate le a thisate tungah thukhen tu in a kingingta sa Pathian mai ah thusitna thuak tu hi. 6Mihing khat sim tungah, thu kikhen ahi bangma in, amate pumpi nuntakna tungah thu khen sa ahi, a thite tung zongh ah, Lungdamna Thupha a kihilna sia, tua thu hang ahi hi; amate thaa nuntakna sungah Pathian nuntak bangin, anuntak thei natu thu kihil ahi hi.

Pathian Letsong A zeak Thiamte
7Na theampo a bo natu nai zo hi. Thu pha takin na nget thei natu in, noma le noma ki uk thiamin, na pilvang tavun. 8Khat le khat thinsung takpi taw na ki it tu sia thupi ngaisut bel tavun, banghangziam cile ki-itna in mawna tam mama sincip hi. * 9Phun ngawlin khat le khat zin kido thiam tavun. 10Mihing sim in, Pathian letsongte a zeak thiampa bangin, Pathian tung pan na saan letsong tumdangte ngualdangte phattuam natu in zangh tavun. 11Na theampo ah Jesu Christ tungtawn in Pathian tungah pokna a kipiak thei natu in, thuhil po in, Pathian ngupna thute hil tahen a; na a seam po in Pathian piak thangui thatang taw seam tahen, tua Pathian tungah minthanna le vaangletna a tawntung in om tahen. Amen.

Tapidaw khat hina taw Thuakna
12Ka it lawmte awng, a haksa ze-etna na thuak uh hu in, lamdang sa heak vun, a piang ngei ngawl thute no tungah hong piang bangin ngaisun heak vun. 13Christ vaangletna hong kilangh ciangin, lungdamna a cingin na nga thei natu in, ama thuak nate thuak pui na hi uh komin, lungdam zaw tavun. 14Christ nungzui na hi uh hu in, hong kizawngsak ahile, a vaanglian Thaa ahi Pathian Thaa Thiangtho in no tungah om ahikom na lungdam tavun. 15Note sungah khat po in a thuak le, ama sia mihing that, nguta, thukham paltan, tua ahibale, ngual a nopmawk hu hi heak hen. 16Ahihang Tapidaw na hi uh hu in a thuak na hi uhle, maizum in nei heak vun, Christ min pu na hi uh hu in, Pathian tungah lungdam ko tavun.

17Thukhen natu a kipat tu hun hong tung zo a, Pathian aituam mihingte sia thu kikhen masa tu hi. Ei panin hong pan le Pathian kung pan hong pai Lungdamna Thupha a um ngawlte bang suak thong tu ziam? 18Laithiangtho in,

“Miphate ngup tu haksa ahile;
Pathian thu a ni ngawl mawnei te bang suak tu ziam?” ci hi. *
19Tua ahikom Pathian ii dei sakna taw a thuakte atu in, a kamciam a keamcing tawntung amate A bitphuapa sia, a ngamtat phate taw pum muan tahen.

Peter Khatna 5
Pathian Tuuhon
1Christ thuakna ah tetti a pang pa ka hi a, maisang hong kilangh tu minthanna a nga tu khat ka hina taw, upa khat ahi keima in no pawlpi upate tungah kong thuum hi. 2Pathian hong piak tuuhon a cingte hi vun a, sawl veilaak man po hi ngawlin Pathian hong dei sak bangin, lawpna taw keamcing tavun. Na nasep uh sia thaman saan natu lel hi ngawlin, uukna takpi taw a seam na hi tavun. * 3Noma ii kep tu a hong ki aapte tungah, zawthawk thu taw uk ngawlin, tuuhonte atu ettee pha na hi zaw vun. 4Taciang Tuucing Pipa hong kilangh ciangin, a mealmang thei ngawl minthanna lukhu na saang tu uh hi.

5Tasia bangma in no khangmoite zongh, khanghaam zawte thu na ni vun. Taciang note theampo in, kiniam khiakna sia, awmdalna puan bang silh tavun, khat le khat atu na kisep sak tavun, banghangziam cile, Laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi. * 6Pathian thahatna khut nuai ah, kiniamkhiak vun, tua hile ama hunpha hong tun ciangin hong kilaamto tu hi. * 7Ama in note hong thin nuam maw ahikom, na thin ngimna theampo ama aap vun. *

8Pilvang vun a, encik vilvel vun! Na ngalpa Doaimangpa sia a valhlup tu khat po zongin, tawpi hawk bangin, na kiimkot ah hong vak hi. 9Na upna sungah kip vun a, ama na nalh vun. Banghangziam cile, leitung bup na thu up puite zongh in, a kibang haksatnate thuak hi. 10Ahihang tawmvei na thuak zawk uh ciangin, Christ taw pumkhat hina taw, ama ii a bo maw minthanna nga tu a hong sam thuthiamna theampo ii Pathian ama mama in hong cialcing sak tu a, kipna, thahatna le, bul khona hong pia tu hi. 11Ama tungah vaangletna om tawntung tahen! Amen.

A khakbel Vaithakna
12A thumaan Tapidaw suapui in ka ngaisut Silas hong huna taw, hi lai tomno kong at hi. Hi thute in Pathian thuthiamna tatak hi ci in tetti pangin, kong hanthawn hi. Tua thute sungah kho takin ding vun. *

13Pathian teal ahi na suapui Babylon pawlpi ii, hong paupui bangma in ka tapa Mark zongh in hong paupui hi. 14Tapidaw ki itna taw khat le khat kinam tavun.

Christ neisa ahi note theampo tungah thin nopna hong om tahen. *

Read More

US$ Million 10 Taw Akikim Sum Vom Kimat Sak

 By: tuangpu    11:41 PM  Malaysia Thu   No comments

Malaysia ngam ah Klang ah, ngual sum atheam khat ii tenna inn Palikte in nilaini in phul aa, RM million 30 matsak aa, sum vom amatsakte sung pan atambel ci hi.

Malayte Bank maneger numei khat sia, Iran te khat in, Sweden ngammi ka hi ci'n Facebook tungtawn theam in, ki umh ua, Hotel ah kimu in, Iran pa in, sum tam tatak zaa zuut in ahikom custom te in, hong kep sak hi. Ka sum te sia, camical taw tuam khi hi ci hi.

Ama mai ah zaa akizuut US$ 100 camical taw sil pai aa, theam pai aa, umh ahikom, custom te kung panh asum tat kik natu le camical alei natum RM 400000/- theam pai ci hi.  A theamthuak hun lam aheak ciang, palikte ko aa, man sak hi.

Read More

SACC Sazian Et-kikna Nei

 By: tuangpu    11:28 PM  Sizaang Thu   No comments

24 April 2014 ni Leipui Siyin Baptist Church (LSBC) ah  SACC Sazian te sitna nei ua aa, Upa Tuang Za Khai(LSBC)  Lia Dim Len Kim (TSBC) te in Saziansit uh hi.

Vaipuak neite a pai thei teng Upa Khup Za Lian Vice President I, Rev.James Nang Khai Ex.Secretary, Pa Mang Za Khai Treasurer & Rev.Kam Khen Pau Accountant te in lampui thei uh hi.

24 April 2014 ni Leipui Siyin Baptist Church (LSBC) ah  SACC 2014-2017 hun sung OB tu taw kisai Nomination Committee te Meeting nei thei si uh hi.

Ex.Secretary
SACC

Read More

Laithiangtho Dokna (Isaiah 21-22)

 By: tuangpu    4:12 PM  Laithiangtho Dokna   No comments

1. Isaiah 21 sia ___ taw ki sai mukholna hi.
a. Babylon
b. Israelte
c. Assyria
d. Judah

2. Mu kholna ah ___khat kingingin hi.
a. a leang tawm tu mihing
b. ngalkapmaang
c. anneak poai
d. ngam

3. ___ in“Topa awng, a sun a zan in ngalvil in ka ding tan hi,” ci hi.
a. Ngalvilpa
b. Isaiah
c. Luphung cingpa
d. Ngaltaaipa

4. Mihing bangza veu siphu tung to ziam?
a. Khat
b. Nii
c. Thum
d. Luk

5. “Kum khat sung Kedar minamte ii a ___bo tu hi.
a. lametna
b. ngam khawi
c. letna theampo
d. taang ip te

6. Lampuite sia ___ngawl lai taaikeak uh hi.
a. ngal kuan
b. a ngalte taw ki mu
c.  thaltang khat zongh kaap
d. kilemna vawt

7. Judahte ngal dalnate theampo ___ hi.
a. kangtum
b. bo siat tu
c. ki pua kik siat
d. cimhtham

8. Topa in akua tung ah “Nang akua kisa ni ziam? ci sak hi.
a. Shebna
b. Nathanel
c. Isaiah
d. Hagai

9. Shebna kawngkhai sia ___ ki thua sak sawm hi.
a. Eliakim
b. Nathanel
c. Isaiah
d. Hagai

10. Ama in Jerusalem le Judah mite tungah___ khat bang hi tu hi.
a. Pathian
b. Pa
c. Lawmpha
d. Minawngkai

Isaiah 21

Babylon ngam Bo natu Mukholna

1Hisia sia Babylon taw kisai thupuak ahi hi. A lauhuai ngam khat panin suumpei khat bangin senneal ngam kantan in, tuasiatna hong pai tu hi. 2A kiitak huai mu kholna khat ka mu a, kilee heakna le lalcipna ahi hi.

Elam ngalkapte awng, sim vun! Media ngalkapte awng, khuapite kiim uum vun! Babylon ii a pian sak haksatna le thuaknate theampo Pathian in bo sak tu hi.

3Mu kholna sungah ka zaak le ka mute in hong lau sakin, numei khat nau a tut ciangin na a sak bangin na ka sa hi. 4Ka lu hong vai in, lau in ka liing hi. Nitak hong thet tu kaal ka ngakla a, ahihang hong thet takpi ciang liinna le launa bekma hong puak hi.

5Ka mu kholna ah anneak poai khat kingingin ka mu hi; leangnate to natu in puan saate kipha hi. Amate an ne tui dawnin a om laitak thakhat thu in thupiakna khat nging hi; “Ulian te awng! Na lumte pua khol vun!” ci hi.

6Tua zawkciang TOPA in kei tungah, “Pai in a ngalvil khat koi in, a mu bangin thu hong puak tu in sawl in. 7Ama in mihing nii veu siphu tungto in hong pai ahizong, laa tung le kalauh tungah a to mihing a mu le pha takin amate a etcik tu ahi hi,” hong ci hi.

8Ngalvilpa in, “Topa awng, a sun a zan in ngalvil in ka ding tan hi,” ci hi.

9Thakhat thu in amate hong theng hi! Mihing nii veu nii veu siphu tung to hi. Ngalvilpa in, thu puak hi, Babylon bo zo hi! Amate ii biak milim theampo lei ah tamtham dipdeap in om hi,” ci hi. *

10Israel ka mihingte awng, mangtaang bangin no hong kicil zo hi, ahihang tu in Israelte ii Pathian ahi, Vaanglianbelpa TOPA tung pan ka zaak, a zaaknop huai thute kong son zo hi.

Edom taw kisai Thupuak
11Hisia in Edom taw kisai thupuak ahi hi. Edom pan khat in kei hong samin, “Ngalvil pa awng, bang hun ciang zan hun kiman tu ziam? Bang hun ciang bo tu ziam hong son tan,” hong ci hi.

12Ka zo kikna pan, “Zingsang hong thetheng hi, ahizong zan hun hong theng kik leleau tu hi. Nong dongh nuam kikik le hong pai kikin hong dongh tan,” ka ci hi.

Arabia taw kisai Thupuak
13Hisia in Arabia taw kisai thupuak ahi hi.

Dedan mi, Arabia ngamkol sungah kalauh hon taw khualhaw zan ngiak note awng, 14note kungah hong pai tuidu dangtaak mihingte tui pia vun. Tema ngam mihing note awng, ngaltaite an pia vun. 15Namsau taw kithalupna pan, thal taw ki kaalupna pan le ngal launa theampo pan a suakta tu in mihingte tai uh hi.

16Tua zawkciang TOPA in kei tungah, “Kum khat sung lianin Kedar minamte ii a letna theampo bo tu hi. 17Kedar mite sung pan thal toaite sia ngalhang belte hi a, ahihang amate sung pan tawm bek taang lai tu hi. Israelte ii Pathian TOPA ahi Keima in ka son zo hi,” hong ci hi.

Isaiah 22

Jerusalem taw kisai Thupuak

1Hisia in Mukholna Kuam taw kisai thupuak ahi hi.

Bang thu piang ziam? Banghangin khua mite theampo in innkhum tungah poai vawtin om uh ziam? 2Khua buppi au in ngamlum lialua a, lawpna taw kidim hi.

Hi ngal sungah a thi na mite sia ngal simin, thi hi ngawl hi. 3Na lampuite theampo taikeak in, thaltang khat zongh a kap ma in kiman uh hi. 4Ka mihing a thite theampo atu in nasia tak ka kaa thei natu in, tu in keima nguak hong nusia tan. Hong heeneam heak in. 5Hi hun sia Mukholna Kuam sungah a piang liinglawng patauna, ngal lelna le a hi biaibuai hun hi a, tuate sia Vaanglianbelpa TOPA Vaanglianpipa in ei tungah hong theng sak hi. Ih khuapi uumna luphungte kisaattham zo a, huna ngenin auna awte mualte kilaklaw ah hawl hi.

6Elam ngam pan ngalkapte thal le thaltang toai in siphu tung to in, hong pai uh hi. Kir ngam pan ngalkapte a lumte taw kithoai sa in om uh hi. 7Leipha mama Judah kuam sia ngalleangte taw kidim in, siphu tung to ngalkapte Jerusalem kongpite mai ah ding uh hi. 8Judahte ngal dalnate theampo cimhtham hi.

Tabang a pian ciang, ngalvanh koina phual pan ngalhiamte na la uh hi. 9-10Jerusalem luphung koisung teng pua tuak cisia na mu hi. Jerusalem khua ah a om innte theampo na en kakoai a, khuapi luphungte pua kik natu in, zak tu suangte nga natu in, inn pawlkhat na pheltham hi. Tui khol natu in, 11tuili a lui pan a luangsuk tuite khol natu in khuapi sungah tuibeam khat na vawt hi. Ahihang nidang lai pekin, hite theampo hong zeak sak le a piang sak Pathian na thusim bua uh hi.

12Taciang Vaanglianpipa TOPA, Vaanglianbelpa in a kap tu a mau tu le sam meettol in, khau-ip puan silh tu in note hong sam hi. 13Tua kawm sung pan nui in poai na vawt uh hi. Neak tu in tuu le khuite na ngo uh a zu na dawn uh hi. Noma in, “Eite ih hi le ne in dawnin ih om tu hi! Zing ciang thi tu ih hi hi,” na ci uh hi. *

14Vaanglianpipa TOPA, Vaanglianbelpa ama mama in kei hong paupui a, “Amate a nuntak lai teng a siatna kimai sak ngei ngawl tu hi. Keima, Vaanglianpipa TOPA Vaanglianbelpa ka pau zo hi,” hong ci hi.

Shebna tungah Kidop natu Thupiak
15Vaanglianbelpa TOPA in keima tungah kumpi innkuan sung thuzeakpa ahi, Shebna kungah pai in hi bangin ci tan, 16“Nang akua kisa ni ziam? Mualtung suang sungah nangma atu thaan khuk khuak tu in bang thu nei ni ziam? 17Thupi zongh thupi tha tu ni hi, ahihang TOPA in nang hong zamin hong vawk tu hi. 18Ama in bawlung top bangin nang hong tawm tu a, a lian zaw na ngam khat ah hong vawk tu hi. Na kisak thei pui mama ahi siphu leangte ii kungah na thi tu hi. Na topa ii innkuan maimawl sak ni hi. 19TOPA in na na sepna mun panin hong not tu a, na min le na za letna pan hong khia suk tu hi,” hong ci hi.

20TOPA in Shebna tungah, “Tabang a pian ciang, Hilkiah ii tapa, ka naseampa Eliakim ka sam tu hi. 21Na puantual ama ka sil sak tu a, na kawngkhau taw ama sawmin, na thu neina theampo ama tungah ka pia tu hi. Ama in Jerusalem le Judah mite tungah pa khat bang hi tu hi. 22David ii suan le paal kumpi nuai ah a pawlcing thu neina ama ka pia tu hi. Ama in thu neina tawtangte nei tu hi; ama hon sia, kuama in khak ngawl tu a, ama kha sia, kuama in hong ngawl tu hi. * 23Ama sia vanh khaina khat bangin kip takin ka kho sak tu a, ama ii be le phung bup atu in maipha ngana ii naak hi tu hi.

24“Ahizong a bete le ama a bealte theampo sia ama atu in vanhngit khat suak tu hi. Amate sia vanh khaina ah um le bealte a kikhai bangin ama tungah kibomkhai tu hi! 25Tabang a pian ciang kho takin a kikhen vanh khaina sia kawmin in taak tu hi. Tua in a tungah a kikhai nate theampo ii bona hi tu hi,” ci hi. TOPA pau zo hi.

Read More

"Happy Birthday to You" Laaphuak Akua Ziam?

 By: tuangpu    12:14 PM  Music   No comments

"Happy Birthday to You", mihing tam tatak ii sak thei laa minthang mama khat hi in, 1998 Guinness Book of World Records in akihebel laa ci'n kiciamte hi.

Happy Birthday to You laa tomno sia se, "Good Morning to All" ci laa sia ii ala-aw alaak hi.

Laaphuak sia se 1893 kumh lai in, American numei unau Patty Hill le Mildred J. Hill kici hi. Time signature 3/4 hi.

Patty sia mucu saang syama hi in laamal at aa, Mildred sia pianist in laa-aw phua sia hi.,  "Good Morning to All" ci laa sia patangte atu phua masa uh hi.

"Happy Birthday to You" ci'n  1912 ciang hong ki he hon hi.


Good-Morning To All.
Key G
3/4
s, | l,  :  s,  : d | t, :-  :  s,  | l,  :  s,  :  r  | d : - : s, |
    | s :  m : d|  t, : l, :  f  | m : d : r  | d :   : ||
(sorry pause sign om ngawl)

Happy Birthday to You
Key D
3/4

s,.s, | l, : s, : d | t, : - :s,.s, | l, : s, : r | d : - :s,.s, |
       | s : m : d | t, : l, : f,.f, | m : d : r | d :   : ||

Read More

Topa Taw Maangkhawm

 By: tuangpu    11:47 AM  Sizaang Thu   No comments

Tulaitak Japan ngam om Pa Ngo Cin Mang ii innkuanpui Nu Luai Khan Nuam in, April 23, 2014 nitak 7:20 pawl in hong nusia hi.

Topa in anusiat innkuanpuite hong heneam ta hen.

Read More

Kawlngam Apai Tu Namngim Pua Teambaw Phalaak Tawk

 By: tuangpu    11:23 AM  Ngam Dang Thu   No comments

Nipizawk niniini in, Singapore panh ading namngim liter million 5 apua teambaw khat sia, apaina tuitung ah, phalaak taw ci hi.

Phalaakte in, pistol le meisa taw vau aa, namngim liter million 3 sia teambaw dang khat taai pui ci hi.

Palikte in athu akat ciang, phalaakte sia tua teambaw tung ah naseam Indonesia te Captain , chief engineer kihel in mi sawm banghte hi tha tu ci hi.

Amate ii passport laibu le amate ii vanh te khat zongh khe ngawl in bo vinghveng ci hi.

Ateambaw sia Singapore te ii Japan ngam panh aleisa ci hi.

Read More

Topa Taw Maangkhawm

 By: tuangpu    11:15 PM  Sizaang Thu   No comments

Buanman khuami Pi Niang Ngin (m/o Pa Son Pum Nang) in tuni April 23 2014 03:30am hun in Kawl pan in Khangham natna tawh leitung hog nusia hi.

A nusiat a inn kuan pui te Topa TTT in hong heneam sak ta hen!

By: Lyan Pome Pau

Read More

UNICEF In Kawlngam Pholaak

 By: tuangpu    12:28 PM  Kawl Ngam Thu   No comments

UN zumhpi patangtaw kisai vaihawm United Nations Children’s Fund (UNICEF) in, Kachin ngam ah tualngal hang in, patangte tam mama siat law ci'n Kawl kumhpi tung ah kidop tu in April 22 ni vau hi. 

Patang 1,000 sia in le lo nusia ci aa, dam ngawl zongh om in, ngam muang ngawl aa, tui le an kisamh ci'n Kawl ngam UNICEF vaipuak nei Bertrand Bainvel in son hi.

Kachin le Shan se, mine bomb tam bel in, mitam tatak le huuna kipiakna vai ah nawng kaina om aa, mi 75,000 sia tuma kumh 2 lai in ngaltai ci hi.

Read More

Munoaite In Cisa Thaaisak In, Cancer Natna Dam Sak

 By: tuangpu    11:31 PM  Cidamna   No comments

Munoai-tee in cancer natna dalkhol in, natna nei te zongh dam ci'n kimu ahikom, neak tek tu kilawm hi.

Neak tu dan sia
Atete su nen in , atui hawp tu
Ate tuihuan in, hawp tu
Ate meza le ih du khat papo taw zangh ne khawm ahihang atui hawp sia hoi zaw hi.

Munoai te in, cisa thai  sak in, Dengue natna dam sak hi.

Src: Kyawlinnaing

Read More

Kawlpi Gangaw Meileang Vai

 By: tuangpu    10:36 PM  Kawlzaang   No comments

Feb 5, 1996 lai akihong Meileang lam kisia vaial in, asiatna munh teng pua kik aa, April 20,2014 ni vaipuakneite in vil ci hi.
Nisim in mun 3 vo kawlpi pan ding aa,

1. Kawlpi pan Gangaw
2. Kawlpi panh Muaile
3. Kawlpi Handawaddy

Passenger 1,300 - 1,800 dong pha thei ci hi.

Nidang lai in, tokhum nambat om ngawl ahihang April 18,2014 ciang pa kipanh tokhum nambat system zangh hi.

Kawlpi-Gangaw Meileang saap sia mikhat 1,500 hi in, bus taw pai leang 6,000 hi, Gangaw panh Kawl cia leang 10,000 kyats ci hi.

Read More