Banghang Luvai Thei Hi Ziam?

Khamh thei khat pawpo zangh ngawl aa, luvai thathong, luak khawng suak liang za dong aa vai ahi zong, luvai khat pawpo sia ahoi vet ngawl thu hi. Bang hang in ih luvai thei ziam ci le

1) Ih Chisan Pound Kiam
Khat va vei ih din ciang ih lu vai thei a, ahang sia ih chisan ih thuak sung ah athet tu za theng kim zwk ngawl hang hi. Ih chisan-tena- taw te kul tu hi. Chikhangnatna aneite ahi le zatang neak kidop kul tha tu hi.

2) Meriere's Natna
Meriere natna sia ih bil sung pan hui pusuakna taw kisai luvai natna hi. Bilsung ah tuidat a omtu za sang in atam zaw le luvai thei hi. Hi bilsung natna hang in, na-ngong thei aa, bil sung anging khat omtop bangh zongh hi thei hi. Hi natna apian ngawl natu a al ( ci ) khep/ khiam kul tu a, akisamh le zato ah pai in bilsung om tuite duup keak sak kul hi.

3) Alangkhat bek vai
(Migraine) khat vavei alangkhat bek vai ahihang khuazaakna taw kisai ngawl hi, mawtaw nguih, vanleang nguih , teambaw nguih ci khawng sia alangkhat bek avai te tung ah piang thei hi. Hi bangh natnate sia Syavuante kung ah kilak kul aa, zatang neak pai kul hi.

4) Natna Lungno Tum
 Vestibular Neuritis ci lungno namkhat om in, ih thuak sung  Vestibular akici nerve(chingui) te nawngkai sak ahikom, lutang hong vai cip sak thei hi.

5) BPPV (Benign Proxysmal Positional Vertigo)
Hi natna sia ih bil sung om calsium carbonate suang te kikhiin hang hi. Lup ciang in Kitaih thaak, kuun ciang, daakto ciang hi thei hi. Zato ah  kilak pai kul hi.

Src: ျမန္မာ႔သားေကာင္း

0 comments:

Post a Comment