Laithiangtho Dokna (Isaiah 47-48)

1. TOPA in, Babylon awng ___ah to in ci hi.
a. mun sang na
b. senneal ngam sung
c. leivui sung

2. TOPA in Babylon tungah, Khuazing sungah ___ in ci hi.
a. lum heak
b. to khipkhep
c. ngual that lum

3. Babylon in ___za in lian na kisa hi.
a. Pathian
b. Ni
c. Satan

4. Ni khat thu in, thu nam___piang tu hi.
a. 1
b. 2
c. 3

5. Na ciimna le na pilna in nangma ___ sak hi.
a. hong kai to
b. hong hanciam
c. lam hong pial

6. Babylon in a khan tawntung ___ hi.
a. siatna taw kidim
b. aisaante thu dongh
c. sila man in vak

7. Israelte te in ___te ka hi uh hi ci in, kiphasak hi.
a. Pathian a suang
b. Pathian tate
c. Teamtuamte

8. Israelte thinpui sia ___ sak mama hi.
a. suangtum bangin
b. thik le taungo bangin
c. khamh ngeak bangin

9. Topa in banghang athinukna iip kenkon ziam?
a. Hong it
b. Hong lamen
c. A min pok sak nuam

10. Akua in Babylon sim tu ziam?
a. Israel
b. Pathian ii teal sa mipa
c. Judah

11. Topa thupiakteng ngai leang luamtui te bangin___ tu hi.
a. kang ngei ngawl
b. kiam vaial
c. tuipi sung kingawm

12. A kuate atu abitna mun om ngawl ziam
a. Baal abiate
b. Mawneite
c. Satan

Isaiah 47
Babylon tungah Thukhenna
1TOPA in,“Babylon awng, na kumpi tokhum tung pan hong tuaksuk tan a, leivui sungah to in. Nangin khatvei lai in ngaknu thiangtho khat bang na hi a,
a kizo ngei ngawl khuapi khat bang na hi hi, ahihang nang sia na moi milmel na neal ngiingeei nawn bua hi!
Tu in nang sia sal khat na hi hi! *

2An ngoaina suangpheak pei in! An ngoai in! Na lutuam sut in! Na puanpha silhte sut in! Luite kantan tu in na nikte zepto in! 3Na pumnguak na om sia mihingte in hong mu tu hi; zawn sak huai le maizum huai in amate in nang hong mu tu hi. Keima in phu ka la tu a, kuama in hong tho ngawl tu hi,” ci hi.
4Israelte ii a thiangtho Pathian in eite hong suatak aAma min sia Vaanglianbelpa TOPA ahi hi.

5TOPA in Babylon tungah, “Khuazing sungah thim dide in to khipkhep in; Amate in nang sia mi namcin te ii kumpinu hong ci nawn ngawl tu hi!
6Ka mite tungah ka thin uuk hi; ka mihing in ka tuat nawn bua hi; Nangma khut sungah amate kong pia a; amate na hesuak bua hi.
Khanghaam nupi pasalte ngangawn na vawtsia hi.

7A tawntungin kumpinu khat hi tu in na ki um a, hi thute na thin sungah ngaisun ngawlin ahibale bangbang bo tu cisia na ngaisun bua hi.
8“Nopsakna bek dei in, muanhuai in bit a kisa sia awng, hi thu ngai in.
Nang taw a kibang kuama dang khat zongh om ngawl a Pathian za in lian na kisa hi. Nangma in meingong nu ka suak ngei batu a, ka tate thina bona thuak ngei ngawl tu hi ci in na ngaisun hi.

9Ahihang tawmvei no sung, ni khat thu in, thu hite ngeal piang tu hi.
Mitbum pilna theampo na zak hang na pasal le na tate na khuai sua veve tu hi. *
10“Na phat ngawlnate kuama in hong mu thei buante ci in ngaisun ni hi; nangma le nangma na thin na muang hi.
Na ciimna le na pilna in nangma lam hong pial sak a, Nangma le nangma, ‘Keima in Pathian ka hi hi kei bang khat zongh om ngawl hi,’ na kici hi.

11Nang tungah lalna hong theng tu a, na mitbum thiamna in khak zo ngawl tu hi.
Mang zongin na mat ngei ngawl siatna nang tungah thakhat thu in hong theng tu hi! 12Na no lai pek panin na zak na mitbum thiamna le na dei aite a vekpi in keamcing in. Amate in nang hong hu thei tha tu hi, na ngalte na lauthawn thei tha tu hi.

13Ngaisutna hong kipiak hangin vawt zawk na nei bua hi.
Na aisaante aksi taw kisai thu sin te , vantung a khawk a khawkin khenin lim suaite le nang tungah bang thu piang tu ci in
tha sim tha simin nang tungah hong sonte pai sakin ngum sak in.

14“Amate in taangphaw bekno taw kibang tu a, mei khat in kaangtum tu hi! Amate le amate ngangawn kihun zo ngawl tu uh a–
amate mei oai lum valit bang hi ngawlin meikuang sia amate atu in sa lei tu hi.

15Na khan tawntung in thu na dok aisaante in nang atu hong sep sak tu sia tabang teng ma ahi hi.
Amate in nang hong nusia siat tu a amate san tek pai in, nang hong hun tu in kuama taang ngawl tu hi,” ci hi.


Isaiah 48
Pathian sia Maisang hun ii TOPA
1Hi thu ngai vun, Judah pan a piangsuk Israel mite awng:
Note in TOPA min taw kiciam in Israelte Pathian ka bia tu uh hi ci nu hi Ahizong na kam bek uh hi a, na pau bangin na zui bua uh hi.
2Ta ciang a thiangtho khuapi ah a teang mite ka hi uh a, Israelte ii Pathian ahi Vaanglianbelpa TOPA a suangte
ka hi uh hi ci in, na kiphasak lalai uh hi.

3TOPA in Israel tungah, “Taanglai pekin bang thu hong piang tu cisia ka sonkhol hi;
tua zawkciang thakhat thu in ka piang sak hi.
4Na thinpui uh sia thik le taungo bangin
sak mama tu cisia ka he hi.
5Na milim uh te in hite piang sak hi na ci thei ngawl natu uh in,
keima in taanglai pek pan noma ii maisang thupiang tu te a pian ma in ka sonkhol hi.
6“Ka sonkhol sate theampo tu in tangtung zo ahikom;
ka sonkhol thute maan hi ci in na pualaak tu uh bek ahi hi.
Nidang in kong pualaak ngei ngawl lai hong pai tu thuthakte, tu in kong son tu hi.

7Tu hun ciang bekin ka pian sak hi a; nidang in hi bang piang ngei ngawl hi.
A piang sa hi thong le a vekpi in ka heak sa thu hi na ci tu uh hi.

8Note sia a tawntung ngual langpan ci in hong kihe ahikom note sia muan tu hi ngawl ci in kong he hi.
Tua hu in hi thu na za ngei vet bua uh a, na nakheng sung uh ah hi kammal tum ngei ngawl hi.
9“Mihingte in ka min hong pok natu in ka thin uukna ka vei kenkon hi; kong suksiat ngawl natu in ka iip kenkon hi.
10Meikhuk sungah ngunte a kisit bangma innote sia meisa thuakna sungah kong sit zo hi, ahihang note sia bangma manh nei ngawlin kong mu zo hi.

11Hi bang ka vawt sia keima atu hi aka min ka paan sak batu a ahibale minthanna sia kuama dang kihawm ngawlin keima atu bek hi tu hi,” ci hi.
TOPA ii Teal Lampuipa, Cyrus 12TOPA in, “Hong ngai tavun, kong sap Israel mite awng! Keima in a masa bel le a khak bel Pathian ka hi hi, Keima bek Pathian ka hi hi! *

13Leitung kipatna sia ka khut taw ka vawt a, vante ka phal keak hi.
Leitung le vantung ka sap ciang, thakhat thu in hong pai in ka mai ah ding uh hi.

14“Note theampo kikhawm in ngai vun! Keima ii teal sa mipa in Babylon sim tu hi ci in
pathiante khat zongh in sonkhol thei ngawl uh hi; ama in keima dei bangin seam tu hi.

15Keima in thu a son pa le ama a sam pa ka hi hi; Keima in ama ka lampui a, ngal zawna ka pia hi.
16“Tu in hong pai in ka kung hong neak tavun a, ka ci bang hong za tavun. A kipat ciil a kipan a langh takin thu ka son a, ka kammalte ka tangtung tawntung sak zo hi,” ci hi. (Tu in Vaanglianpipa TOPA in a vaangletna kei hong pia zo a, kei hong sawl zo hi.)
A Mite atu TOPA ii Tupna 17Israelte ii a thiangtho Pathian, note hong ngum TOPA in; “Keima in note TOPA Pathian ka hi a, note phattuam natu hong hil nuam pa le na zui tu a kilawm lampi hong lak pa ka hi hi.

18“Kong thupiakte ngai hi po le uh te! a kang ngeingawl luamtui bangin thuphate note atu in luang tu hi.
Tuipi vaal ah tuihualte bangin zawna na tung theng tu hi.
19Na suan na paalte senneal za in tam tu a, keima maiah amate min kiphiat ngawlin, kisusia ngei ngawl tu hi,” ci hi.
20Babylon pan pusuak in, suakta takin pai vun!
lungdamna taw hi thuphate au in son vun; “TOPA in a naseampa Israel ngum zo hi!” ci in mun theampo ah thang sak vun. *

21TOPA in a mite a sa, a ko senneal ngam sungah lampui in a pai lai in, amate a dangko ngawl uh hi.
Amate atu in ama in suang sung pan tui phuul sak hi; ama in suang sutham in, tui hong luang hi.
22“Mawneite atu in a bitna mun om ngawl hi,” TOPA in ci hi. *

0 comments:

Post a Comment