Laithiangtho Dokna (Psalm 79-80)

1. Pathian he ngawlte in thiangtho na Biakinn nin sak hi.
a. Silate
b. Pathian he ngawlte
c. Ngamdang mite
2. Akuate ii luang vaciikte le ngamsate neak tu in ki nusia ziam?
a. Ngalte
b. Ama mihingte
c. Mihing ngilote
3. Koi sung ah chisan sia tui bangin luang ziam?
a. Sodom
b. Jerusalem
c. Jerusalem khuathing
4. Laphuakpa in akua min phat natu suataak ngen ziam?
a. Tealsa Israelte
b. Ngupngate
c. TOPA PATHIAN
5. ___ “Na Pathian uh koi sungah om ziam?” ci hi.
a. Babylonte in Judahte kung
b. Sila kaite in
c. Minam dangte in
6. Topa alangte asee bangza taw thuh kik le ki awi ziam?
a. 70
b. 100
c. 7
7. ___ tung ah a kumpi tokhum om hi.
a. Cherubim
b. Mual
c. Vantung
8. ___sia an bangin nong ne sak zo hi.
a. Heena
b. Thupha
c. Vawtsiatna
9. TOPA in dawntu abang hai pui khat pia ziam?
a. Thitui
b. Chisan
c. Thiktui
10. Sapit ngui ii baakte in bang thingkung liante deap suk ziam?
a. Olive
b. Ceder
c. Theikung
11. Sapit nguite sia koisung dong theng ziam?
a. Cicilia tuikul
b. Euphrates
c. Nile ngunn dong
12. ___ te in sapit ngui sia mei taw halin saattan zo hi.
a. Ngilo
b. Ngal
c. Ngamdangmi
Psalm Late 79
Ngambup Kitat natu Thungetna


1Pathian awng, Pathian he ngawlte in na ngam hong sim zo hi.
Amate in a thiangtho na Biakinn nin sak uh a, Jerusalem sia a lalcip in nusia uh hi. *
2Amate in na mite luang vaciikte neak tu le
na naseamte luang ngamsate neak tu in nusia uh hi.
3Amate in na mite chisan sia tui bangin kee sak hi;
Jerusalem khuathing ah chisan sia tui bangin luang a,
a thite a phum tu kuama taang nawn ngawl hi.
4Kiimkot ngamte in kote hong lang zazan hi;
amate in kote hong nuisan zazan a hong selno hi.
5TOPA awng, kote tungah
a tawntungin na thin hong uuk tu ni ziam?
Na thin uukna sia mei bangin kuang tan tu ziam?
6Nang hong bia ngawlte le nang tung a thu hong ngen ngawlte tungah na thin uuk ta in.
7Banghangziam cile amate in na mite thatlum a;
na ngam zancip sak hi.
8Ka pu ka pate khialna hu in kote daan hong pia heak in.
Lametna theampo ka bosua siat zo uh a, tu in kote hong hesuak ta in.
9 Pathian awng, kote hong hu tan a hong hun tan;
nangma mama ii min phat natu in, kote hong suatak tan a ka mawnate uh hong mai sak tan.
10Banghangin minam dangte in
“Na Pathian uh koi sungah om ziam?” ci in hong dong tu ziam?
Na naseamte chisan hong buak sak hu in
minam dangte tungah daan na piak sia hong mu sak tan.
11Thongtaakte ii a taunate ngai tan a,
na vaangletna lianpi taw a thi tu a a kinilte suatak in.
12Topa awng, minam dangte ii nang hong lanna hu in
amate tungah a see sali in thuh kik in.
13Tasia ciang na nganhon sungah tuute ahi
ko na mite in a tawntung in lungdam kong ko tu uh a,
hong pai lai tu hun theampo sungah nang kong pok tu uh hi.

Psalm Late 80
Ngambup Kipuaphat natu Thungetna
1Israel tuucing pa awng, hong ngai tan;
Na tuu hon lampuipa awng, hong za tan, Cherubim tung na kumpi tokhum tung a to pa awng, *
2nangma le nangma sia, Ephraim, Benjamin le Manasseh minamte tungah hong kilak tan.
Na thahatna kote hong lak tan;  hong pai tan a hong hun tan!
3Hong ciapui kik tan, Pathian awng!
Na hesuakna hong lak tan tua hi le ka suakta tu uh hi!
4TOPA Vaanglianbelpa Pathian awng, bangtan vei dong na mihingte thungetna tungah hong thin uuk tu ni ziam?
5Heena sia an bangin nong ne sak zo hi, dawn tu in thitui haipui khat nong pia zo hi.
6Ih kiimkot ngamte in eite leitangh kituu in na kisim sak hi;
ih ngalte in kote hong lang zazan hi.
7Hong ciapui kik tan, Vaanglianbelpa Pathian awng!
Na hesuakna hong lak tan, tasia ciang ka suakta tu uh hi.
8Nangma in sapit ngui khat Egypt panin na la a, minam dangte hawlkeak in amate leitangh tungah tasia na suan hi.
9Nangma in tasia a po natu in mun khat na thiang sak hi;
a zungte thukin zamsuk a ngambup ii tungah a ngui kiphal hi.
10A lim taw mualte siin a, a baak in Cedar thingkung liante deap hi.
11A baakte sia Mediterranean Tuipi dongin kithung a, Euphrates ngun dong theng hi.
12Banghangin a kiim a uumna dalte taltham sak ni ziam?
Tu in tua mun a kantan papo in sapit ngate ngu thei hi;
13ngalhte in siikcil zo a, ngamsate in an in ne hi.
14Vaanglianbelpa Pathian awng, ko sang hong nga kik tan!
Vantung panin ko hong ensuk tan; hong pai tan a na mite hong hun tan.
15Hong pai tan a, hi na suan sa sapit ngui le a hat tu a, na vawt sapit ngui moi sia hong hung tan!
16Ih ngalte in tua sapit ngui sia mei taw halin saattan zo hi;
amate sia thin uukna taw en in a, laltham sak in!
17Na teal sa mite, a thahatin na vawt minam dalin keamcing tan,
18Nang kung panin ka tai kik ngei batu uh hi;
hong nungta sak tan tua hile nang kong pok tu uh hi.
19Hong ciapui kik tan, TOPA Pathian Vaanglianbelpa awng, Na hesuakna hong lak tan, tasia ciang ka suakta tu uh hi.

0 comments:

Post a Comment