Laithiangtho Dokna (Psalm 81-82)

1. Bangbangh in au tu ziam?
a. Lungdam in
b. Deisakna taw
c. Poknopna

2. Banghun ciangin poaikhaam natu in lemle tu ci ziam?
a. Thadet ciang le thalik
b. Ngalzaw ciang
c. Lungdamna om ciang

3. Bangbangh thupiakte ngai tu ci ziam?
a. Deisakna taw
b. Nasep tu dan
c. Kidop natu

4. ____  aw nging hi.
a. Vanto na
b. Ngal kinginna
c. Heak ngei ngawl

5. TOPA in koi sung ciktui pan kong ze-et ci ziam?
a. Jordan tuinak
b. Shechem
c. Meribah

6. Bang taw na ngil uh kong va sak tu ci ziam?
a. Khuinoai
b. Mukluum
c. Ngam khuaitui

7. Vantung upa kikhopna ah hun ukpi a seam akua ziam?
a. Thathiangtho
b. Pathian
c. Pathian Tapa

8. ____kikhopna sungah Pathian in thukhen hi:
a. Vantung lalang
b. pathian dangte
c. Tealtuam-te

9. Akuate tung ah "A maan ngawl thukhen nate kheal vun! kici ziam?
a. Israelte
b. Vantungmi
c. pathian

10. Akua in "A zawngte le tangate panpui tavun ci ziam?
a. Kumpipa
b. Vantung lalang
c. Pathian

11. Pathian in akua tung ah bangza in tel ngawl nu ziam ci ziam?
a. Israelte
b. Vantungmi
c. pathian

12. Pathian in pathiante tung ah "no sia ___ te nu hi" ci hi.
a. ka naseam
b. hell sung taak tu
c. a Sangbel Pa tapa


Psalm Late 81
Poai khaamna La
1Ei hong hung pa Pathian tungah lungdam in au vun;
Jacob ii Pathian tungah pokna la sa vun!
2Tumtheite nging sak vun a, thikdaakkualte tum vun;
tengtongte le liamlote taw aw hoite nging sak vun.
3Thadet ciang le thalik ciangin
poaikhaam natu in lemle tum vun. *
4Hisia in Israel ngamsung thukham hi a,
Jacob Pathian ii thupiak ahi hi.
5Ama in Egypt ngam a sim ciangin
Israel mite tungah a piak ahi hi.
Heak ngei ngawl aw khat in hi bangin a ci ka za hi,
6“Na nungzaang panin na vanhngit kong laakkeak sak a;
na vanhpuak uksuangte kong khiasuk sak hi.
7Ngim na nga laitakin nong sam a, kong hun hi.
Ka buhna vuipi sung panin kong zo a,
Meribah ciktui ah nang kong ze-et hi. *
8Ka mite awng, kidop natu kong thupiakte ngai vun;
Israel awng, ka thu nong ngai tu uh ka oai mama hi!
9Note in pathian dang peuma na bia ngei batu uh hi. *
10Keima in Egypt ngam pan note hong dokkeak
TOPA na Pathian ka hi hi.
Na kam uh kaa vun, an kong vaak tu hi.
11“Ahihang ka mite in ka thu hong ngai nuam ngawl a;
Israelte in ka thu hong ni nuam ngawl hi.
12Tua ahikom amate sia a thin puina uh taw
a zot nopna uh po ka zuan sak a,
a vawt nop po ka vawt sak hi.
13Ka mite in ka pau hong ngai hen a,
ka thu hong ni le ka oai mama hi.
14A ngalte manlang takin ka zaw sak tu a,
a ngal a sa theampo ka zawthal sak tu hi;
15Kei hong ensante in kiitakna taw ka mai ah hong kun tu uh a;
amate ii thuak daan sia a tawntungin a kikhomsuan tu uh hi.
16Ahihang note sia a limbel zungtaang taw kong vaak tu a,
ngam khuaitui taw na ngil uh kong va sak tu hi.


Psalm Late 82
Ukpi Lianbelpa Pathian
1Pathian in vantung upa kikhopna ah hun ukpi seam a;
pathian dangte kikhopna sungah ama in thukhen hi:
2“A maan ngawl thukhen nate kheal vun;
mihing ngilote ngum nawn heak vun!
3A zawngte le tangate panpui tavun a;
ki taangsapna a neite le
a cimawte tungah a kilawm in ngamta tavun.
4Amate mihing ngilote khut sung panin suatak tavun.
5“Note in bangza in tel ngawl nu ziam!
Bangza in mamaw nu ziam!
Note na siacip siat zo uh a,
leitung ah a maan ngamtatna bo zo hi.
6‘Note theampo sia a Saangbel Pa ii tapate,
pathiante na hi uh hi’ kong ci hi. *
7Ahihang mihingte bangma in na thi tu uh hi;
na nuntakna uh sia
kumpipa tate khat papo nuntakna bangin bo tu hi.”
8Hong pai tan, Pathian awng, leitung hong uk tan;
ngam theampo sia nangma neisa ahi hi.

0 comments:

Post a Comment