Laithiangtho Dokna (Samuel Masa 7-8)

1. Thukham Thingkuang sia ___ii kep tu in, thiansua uh hi.
a. Eleazar
b. Joel
c. Samuel

2. Thukham Thingkuang sia Kiriath Jearim ah kum bangza taam ziam?
a. 10
b. 20
c. 30

3. Samuel in Israelte theampo ___ ah kisitua tu in sam hi.
a. Hebron
b. Jerusalem
c. Mizpah

4. Israelte Mizpah ah kikhop thu aza Philistine kumpi bangza pha ziam?
a. 3
b. 4
c. 5

5. Israel asim sawm Philistinete banghang patau in taai uh ziam?
a. Ngalkapte khuanii nging lei sa
b. Thukham Thingkuang hang
c. Vanto nging ngawp

6. Ebenezer ii khiakna sia ___ hi.
a. “Hong dam sak TOPA”
b. “A sang bel pa”
c. “Hu na Suangpi”

7. Samuel in tapa bangza nei ziam?
a. 1
b. 2
c. 3

8. TOPA tung ah kumpi a nget thu sia TOPA in ___ hi ci hi.
a. hoi sa mama
b. keima hong nialna
c. Philistinete a kikim natu

9. Mihingte tungah Samuel in bangbangh thu teng son ziam?
a. Ama ii heak teng
b. TOPA ii a son teng
c. Son tu akilawm teng

10.  ___ kumpi innsung za neite le ulian dangte hawm sak tu hi.
a. Sawm a khat
b. Na neisate
c. Na ngan khawi uh te

11. TOPA in bang taw kisai Israelte ii phunnate ngai ngawl tu ci ziam?
a. Kumpipa
b. Milim biaknate
c. Paktatnate

12. Israelte in kumpi khat adeina ahang sia ___ te taw kibang nuam ahi hi.
a. ngamdangmi
b. Philistine
c. milim biate

Samuel Khatna 7
1Tua ahikom Kiriath Jearim mite in TOPA Thukham Thingkuang sia la in, mualtung a teang Abinadab a kici pasal khat ii inn ah tun uh hi. Amate in a tapa Eleazar sia a keam tu in

thiansua uh hi. *

Samuel in Israel Uk
2TOPA ii Thukham Thingkuang sia Kiriath Jearim ah khuangeipi om a, kum kul taang om hi. Hisia hun sung tawntung Israelte theampo in TOPA ii tungah hu ngen in au uh hi.

3Samuel in Israel mite munah, “Na lungtang theampo uh taw TOPA sangah na kihei kik tu uh ahile, ngamdang pathiante le Astarte doainu ii limte na vawk siat uh kul tu hi. TOPA

tungah noma le noma kipum aapna uh a vekpi in nei vun a, ama bek bia vun, taciang ama in Philistinete ii khut sung pan hong hunkhia tu hi,” ci hi. 4Tua ahikom Israel mite in Baal

le Astarte ii milim theampo vawkin TOPA bek bia uh hi.

5Tua zawkciang Samuel in Israelte theampo Mizpah ah kisitua tu in sam a, hi bangin ci hi, “Tua munah no atu in TOPA tungah thu ka ngen tu hi.” 6Tua ahikom amate theampo

Mizpah ah kikhawm uh hi. Amate in tui tawm toai in, TOPA tungah piakkhiatna in tua tui sung uh a, nikhat bup an tang uh hi. Amate in, “TOPA tungah maw zo khu hi,” ci uh hi.

(Khat le khat kinop mawknate Samuel ii thu a khen sakna mun sia Mizpah ahi hi.)

7Israete Mizpah ah kikhawm hi ci in Philistinete in a zaak zawk uh ciang a kumpipa nga teng in a mite taw amate sim tu in kuan uh hi. Israelte in tua thu za in lau uh a, 8taciang

Samuel munah, “Philistinete kung pan hong hutkhiat natu TOPA ih Pathian tungah thu ngen tan in,” ci uh hi. 9Samuel in tuuno khat la in, TOPA tungah meihal biakpiakna in zangh

hi. Tua zawkciang ama in TOPA ii Israelte a hu natu ngen a, taciang TOPA in a thungetna zo hi. 10Samuel in sangaw biakpiakna a vawt laitakin, Philistinete in sim tu in mai hong

nawt uh hi; ahizong tasia hun laitakin TOPA in vantung panin amate ii tungah vanto keak sak hi. Amate sia a lung uh mang cip a, patau in tai uh hi. 11Israelte in Mizpah panin

kuankhia uh a Bethcar dong, Philistinete zuizen in lampi ah thathat uh hi.

12Tua zawkciang Samuel in suangtum khat la in Mizpah le Shen kilaklaw ah phut a, “TOPA in lam tawntung hong hu hi” ci in a min sia “Hu na Suangpi” ( Ebenezer ) saa hi. 13Tua

hi a Philistinete in lel in, Samuel ii nuntak lai teng Israel ngam a sim tu TOPA in khaam hi. 14Philistinete ii a laak khuapite Ekron pan Gath dong sia Israelte tungah kipia kik a,

Israelte in a ngam a vekpi in nga kik hi. Taciang Israelte le Canaan mite kilaklaw zongh ah ngal kilemna om hi.

15Samuel in a nuntak lai teng Israelte uk hi. 16Kum simin ama in Bethel, Gilgal, le Mizpah ah paikot in hi munte ah kilem mawkna te thu khen sak hi. 17Tua zawkciang ama in

Ramah ah cia kik in, tua munah thukhen maang seam hi. Ramah ah ama in TOPA atu biaktau khat saa hi.

Samuel Khatna 8
Mihingte in Kumpipa khat Ngen
1Samuel hong huai ciangin, ama in a tapate Israelte ii thukhen in koi hi. 2A u zaw sia Joel kici a, a nau zaw sia Abijah kici hi; amate sia Beersheba ah thukhen seam hi. 3Ahihang

amate in a pa ii lamlakna bangin a seam bua uh hi; amate in sum vawt tu bek kin uh ahikom, sumnguk saangin thu tang takin a khen bua uh hi.

4Tasia ciang Israel lampuite hong kikhawmtua uh a, Ramah a om Samuel kungah pai in, 5hi bang ci hi, “En in, nang sia haam va-ial zo a, taciang na tate sia nang ii lamlak bang

hong zui ngawl hi. Tua ahikom, ko hong uk tu kumpipa khat, ngamdang te ii nei bangin, za hong piak sak tan.” 6Samuel sia amate ii kumpipa khat a ngetna huvau a lungkim ngawl

hi; tua ahikom ama in TOPA tungah thungen hi, 7taciang TOPA in ci hi, “Mihingte ii nang tungah hong son theampo ngai in. Hong nial uh sia nang hi ngawl ni hi; Kei
10Kumpipa khat a ngen mihingte tungah Samuel in TOPA ii ama tungah a son teng son siat hi. 11“Hisia in na kumpipate ii no hong vawt tu dan ahi hi. Ama in na tapate uh sia

ngalkap suak sak tu a, pawlkhat sia a ngalleang te uk sak tu hi, pawlkhat sia siphu ngalkap suak sak tu a, taciang pawlkhat sia ngalleangte ii mai ah tai sak tu hi. 12Ama in

pawlkhat te sia mihing tulkhat ukin koi tu a, pawlkhat sia mihing sawmnga uk in koi tu hi. Na tapate in ama ii lo a thaw sak kul tu a, a an laak sakin, a ngalhiamte le ngalleang

sungah a kizangh vanhte vawt sak tu hi. 13Na tanute uh sia ama ii sathau namtui vawtin zangh tu a, a anhuan, a muh em seam sak tu hi. 14Ama in na lo uh a phabel te la in, na

sapit huan uh le na olive kungte la in, ama ii uliante pia tu hi. 15Na lo an uh sawm a khat le na sapit uh sawm a khat sia ama ii a kumpi innsung za neite le ulian dangte hawm sak

tu hi. 16Ama in na naseamte le na khui pha bel te le laate ama ii na seam tu in la tu hi. 17Na tuu honte sung pan sawm a khat ama in la tu hi. Taciang noma mama zongh ama ii

silate na suak tu uh hi. 18Tua hun hong thet ciang, noma ii teal sa na kumpipa tungtaang ah nasia takin na phun na mau tu uh hi. Ahihang TOPA in na phun na mauna uhte hong

ngai ngawl tu hi,” ci in Samuel in son thiang hi.

19Mipite in Samuel sia a nadon bua uh a, “Hi bo! 20ngamdangte taw ka kiban natu in ko zongh kumpipa khat dei khu hi, ko hong uk tu le ka ngal uh hong sim sak hong lampui tu

dei khu hi,” ci uh hi. 21Samuel in amate ii son theampo ngai in, tua zawkciang pai a, TOPA tungah thu puak hi. 22TOPA in zo a, “Amate ii dei bangin vawt in a, kumpipa khat

amate pia tan.” Tua zawkciang Samuel in Israel mite theampo a inn uh ah cia kikin sawl hi.

0 comments:

Post a Comment