Laithiangtho Dokna (Thupulaakna 7-8)

1. Akuate in vui a vak ngawl natu vuipi te lencip ziam?
a. Pathian
b. Mithiangthote
c. Vantung lalangte

2. Nisuana pan vantung lalang in, ___ toai hi.
a. naamsau khat
b. Pathian tepteena
c. meila khat

3. Talki tungah, Pathian tepteena a nga Israelte bangza ziam?
a. 144,000
b. 250, 000
c. 777, 777

4. Tepteena angaa Israel nam bangza pha ziam?
a 12
b. 2
c. 1

5. Akisim zo ngawl mihongpite koi sung ah ding ziam?
a. Tuuno kumpi tokhum mai
b. Olive mual ah
c. Van lai zang ah

6. Vawtsiatna nasia mama pan asuaktate in ___uh hi.
a. kap in au
b. Topa ko
c. Puantual kaang sil

7. Tuuno in tepteena a hon ciang vantung lalangte bangtat ziam?
a. Topa pok
b. nai lang sung thim dide
c. leitung ah leang suk

8. Vantung lalang saliteng sia bang kipia ziam?
a. Lemle
b. Naamsau
c. Meikuang

9. Vantung lalang in leitung ah bang lawnsuk ziam?
a. Paaknamtui halna
b. Thathiangtho naamsau
c. Natna nam kim

10. Amasa phit bel lemle in bang kaangtum sak ziam?
a. Thingkung 1/3
b. Mual 1/3
c. Mihing 1/3

11. Aniina,  lemle in bang piang sak ziam?
a. Mihingte thi sak
b. Tuipi chisan suak sak
c. Tuikhang sak

12. A lina lemle in ___ see thum sua see khat vaattham hi.
a. Israel ngalte
b. Mihing ngilo
c. Ni, tha, le aksi

Thu Pualaakna 7
Israel Mite 144,000.
1Hisia zawkciang leitung kingh li ah a ding vantung lalangte li ka mu a, leitung ah ahizong tuipi tungah ahizong, thingkung khat po tungah ahizong, vui a vak ngawl natu in amate in vuipi li te lencip uh hi. * 2Tua zawkciang a nungta Pathian tepteena toai in nisuana sang pan vantung lalang a dang khat hong paito ka mu hi. Ama in awnging tak taw, leitung le tuipi lal sak tu a, Pathian ii thu a piak vantung lalang lite sam hi. 3Tua vantung lalang in, Pathian naseamte talki tungah tepteena a kivawt siat mateng, leitung, tuipi le thingkungte susia heak lai vun, ci hi. * 4Taciangin kei tungah hong kisonna panin, tabangin talki tungah, Pathian tepteena a nga sia 144,000 pha hi. Amate sia Israel minam sawm le niite pan hi a, 5-8nam khat ciangin tul sawm le tul nii veu ahi: Judah, Reuben, Gad, Asher, Napthali Manasseh, Simeon, Levi, Issachar, Zebulun, Joseph leh Benjamin suante ahi uh hi.

A tam mama Mihonpi
9Hisia zawkciang ka et le, mihonpi tam mama— kuama ii sim zawk ngawl tu khat om hi! Amate sia minam, be le phung, ngam tatuam le pau namcin pan hi a, amate in Tuuno kumpi tokhum mai ah dingin, puantual kaang silh a, a khut sungah palm sawl toai uh hi. 10Amate in awnging takin au uh a, “Kumpi tokhum tungah a to ih Pathian le Tuuno kung panin, Ngupna hong pai hi,” ci uh hi. 11Vantung lalangte theampo kumpi tokhum, upate leh nganhing nungta lite kiimkot ah ding uh hi. Taciangin amate sia kumpi tokhum mai lei ah boksuk in Pathian bia uh a, 12“Amen! Pokna, minthanna, ciimna, lungdamkona, upatna, thahatna, ii Pathian in a tawntung le a tawntung in nei tahen! Amen!” ci uh hi.

13Upate khat in, “Hi puantual kaang silhte akuate hi a, koisung pan hong pai ziam?” ci in hong dongh hi.

14“Topa awng, he ngawl khi hi. Nangma he tu ni hi,” ci in ka zo hi.

Ama in, “Hite sia vawtsiatna nasia mama sung pan a suaktate hi. Amate in a puantualte sil thiang zo a, Tuuno mai ah dingin, a chi taw kaang sak zo uh hi. * 15Tua ahi hu in, amate sia Pathian kumpi tokhum mai ah dingin sun taw zan taw a biakinn sungah ama atu in na sep sak uh hi. Kumpi tokhum tungah a to pa in amate sia ama ompuina taw dal tu hi. 16Amate in ngilkial, dangko kik ngei nawn ngawl tu hi. Ni le satna a nei dangte in amate sia kaang ngawl tu hi. * 17Banghangziam cile kumpi tokhum zanglai ah a om Tuuno sia in, amate tuucingpa hi tu a, amate sia nuntakna cik tui ah paipui tu hi. Taciangin Pathian in amate mittang sung pan thitui theampo nawl sak tu hi,” hong ci hi. *

Thu Pualaakna 8
Tepteena Salina
1Tuuno in tepteena salina sia hong hon ciang nai lang sung bang vantung ah thim dide hi. 2Taciangin Pathian mai ah a ding vantung lalang sali teng, ka mu a, amate tungah lemle sali kipia hi.

3Vantung lalang dangkhat kham taw kivawt ngimnamtui halna, a nei pa, hong pai in biaktau mai ah ding hi. Pathian mihingte thungetna a belap sak natu in, ama sia ngimnamtui tam mama kipia hi. Kumpi tokhum mai a om khambiaktau tungah piak tu ahi hi. * 4Ngimnamtui ii a khu sia Pathian mihingte thu ngetna taw kopin, Pathian mai ah a ding vantung lalang khut panin zaamto hi. 5Tua zawkciang, paaknamtui halna sia vantung lalang in la a, biaktau pan meikuang sia taw a dip zawkciang leitung ah lawnsuk hi. A nging valum le a puak vazak in, van hong to a, khualeng vazal in zinliing hi. *

Lemlete
6Taciangin vantung lalang salite in, lemle salite tum tu in hong kithoai uh hi.

7Vantung lalang a masa bel sia in, a lemle tum a, ngialtang le meikuang sia chi taw kihelin leitung ah hong kibuak suk hi. Leitung ii see thum sua see khat, thingkung see thum sua see khat le lopa hing theampo kaangtum siat hi. *

8Taciang vantung lalang a niina sia in, a lemle tum a, mualpi kuang taw a kibang khat sia tuipi sungah lawnsuk hi. Tuipi tui see thum sua see khat sia chisan suak hi. 9Tuisung nganhing see thum sua see khat thi a, teambawte see thum sua see khat lalcip hi.

10Taciang vantung lalang a thumna sia in, a lemle tum a, aksi lian khat meisip bangin, a kuang khat sia, van pan in hong taaksuk a, ngunte le ciktuite ii see thum sua see khat tungah tu hi. * 11(Aksi sia ii min in “A Khaa” kici hi.) Tui see thum sua see khat sia tuikhaa suak hi. Taciang mihingte tam mama tua tui a dawnna panin thi uh hi. Banghangziam cile tua tui in tuikha suak zo hi. *

12Vantung lalang a lina sia in, a lemle tum hi. Ni sia see thum sua see khat, tha see thum sua see khat, aksi see thum sua see khat kivaattham hi. Tasia ciangin amate ii taanna sia see thum sua see khat kiam hi. Sun see thum sua see khat le zan see thum sua see khat sung, khua taang a om nawn bua hi. *

13Tua zawkciangin ka etle muvanlai khat leang a, hi bangin a pau ka za hi. “Aw ngimna; ngimna; a dang vantung lalang thum teng in a lemle uh a tum ciangin, leitung ah a teang mihingte theampo in bangza in ngim nga tu ziam?” ci hi.

0 comments:

Post a Comment