Laithiangtho Dokna (Thupulaakna 9-10)


1. Aksi tung ah bang kipia ziam?
a. Tawtang
b. Khuatang
c. Vaangletna

2. Hawng thukpui sung pan bang pusuak ziam?
a. Meikhu
b. Khaumaw
c. Aikam

3. Meikhu sung pan bang hong taak ziam?
a. Aikam
b. Khaumaw hon
c. Meikuang

4. ___ anei ngawl mihingte kisusia hi.
a. Thupha
b. Talki tungah ciamtena
c. Itna

5. Khaumawte aukpa ii min sia Hebrew kam in ___ hi.
a. Adonai
b. Alshadai
c. Abaddon

6 Vantung lalang li teng in mihing ___ a thalup sawm hi.
a. ngina ngawlte
b. maw nei te
c. see thum sua see khat

7. Vantunglalang khutsung ah bang toai ziam?
a. Laizialno khat
b. Naamsau
c. Meikuang

8. Vantung lalang a salina ii aw sia ___ taw kibang hi.
a. huisuangval ngin
b. tawpi hawk aw
c. tuihual nging

9. Vantung lalang in apaunate ___ awi ngawl hi.
a. son ki kik tu
b. thuku in koi tu
c. lai in chepte tu

10. A salina lemle atum ciang Pathian ___ tu hi.
a. thukuute khuangkhim
b. lungdamna kipan
c. nasep kipan

11. Laizialno sia kam sung ah bangbangh hi ziam
a. Thuuk
b. Khuaitui bang thum
c. Kha peuma

12. Laizialno sia ngil sung athet ciang bangbangh hi ziam?
a. Kha peuma
b. Khuaitui bang thum
c. Thuuk

Thu Pualaakna 9
1Taciang vantung lalang a ngana sia in, lemle tum hi. Aksi khat leitung ah a taaksuk ka mu a, tua aksi tungah taw a nei ngawl a hawng thukpui sia ii tawtang kipia hi. 2Aksi in a hawng thukpui sia hong a, thik huanna meimang sung panin, a pusuak bangin meikhu hong pusuak hi; a hawng thukpui sung pan hong pusuak meikhu in nitaang le vuite zingcip sak hi. * 3Meikhu sung panin khaumaw honte lei ah hong taak uh hi, taciang amate tungah aikamte ii nei ngute kipia uh hi. * 4Thingkungte, lopate le a dang a kungte a lal sak ngawl natu in, amate tungah thu kipia hi.Pathian ii tepteena a talki tungah a nei ngawl mihingte bek susia thei uh hi. * 5Khaumawte in mihingte thi sak ngawlin, tha nga hun sung teng ngim pia in, a vawtsiat natu bek thu kipia hi. Khaumawte ii ngim pia in, a vawtsiatna in, aikamte ii hong pe ciang, a bot sia taw kibang hi. 6Tua tha nga hun sungteng mihingte in thi thei natu lampi a zon uh hang, a mu batu uh hi; amate in thi nuam tu hi kale, thina in amate taisan tu uh hi. *

7Khaumawte sia ngalsim tu in a kinging siphute taw kibang uh hi; a lu tungah kham kumpi lukhu taw a kibangte nei uh a, a maitang sia mihingte maitang taw kibang uh hi. * 8A sam uh sia numeite sam bang hi a, a ha uh sia tawpi ha taw kibang uh hi. * 9A awm uh sia thik awmdalna taw a kibangte taw kituam uh hi, taciang a tha uh panin a nging aw in ngal kidona sungah a tai siphu leang tam mamate ii ngin taw kibang hi. * 10Amate in aikam bangin mei nei a, tua taw hong de thei hi. Tua meite taw amate in mihingte tha nga hunsung a liam sak natu in vaang nei uh hi. 11Amate in amate a uk kumpipa khat nei uh hi, tasia pa sia a hawngpui a uk vantung lalang hi a, ama ii min sia Hebrew kam in Abaddon hi a, Greek kam in Apollyon hi. (A laltham sak pa a ci nopna hi)

12Ngimna lian a masa bel sia bo a, ahihang hisia zawkciangin hong piang tu ngimna lian nam nii omlai hi.

13Vantung lalang a lukna sia in, lemle tum hi. Pathian mai ah kham biaktau sia ii kingh li panin, awnging khat hong pai ka za hi. * 14A awnging in vantung lalang a lukna sia munah, “Eupharates ngun ah a ki hencip vantung lalang li teng tha vun,” ci hi. 15Vantung lalang li teng kitha hi. Tu hun, tuni, tu tha le tu kum lian in mihingte sung panin see thum sua see khat a thalup natu in amate li sia a kingingta sa in kikoi hi. 16Siphu ngalkap mak za nii om hi ci in hong kison hi. 17Ka mukholna sungah siphute le a tungah a to te ka mu hi; amate in awmdalna sia meikuang bangin a san, sapphire suangmanpha bangin vancii, kaan bangin a eng silh uh hi. A siphute ii lutang sia tawpi lutang bang hi a, a kam sung pan meikuang, meikhu le kaante hong pusuak hi. 18Mihingte sung pan see thum sua see khat sia pulnatna taw, siphu kamsung pan hong pusuak, meikuang meikhu le kaan in thatlum uh hi. 19Banghangziam cile siphute vaangletna sia a kamsung le a mei ah om hi. Amate ii mei sia ngul taw kibang a, lutang nei in, mihingte a liamsak natu in zangh uh hi.

20Hi pul natnate ii thalup mong a taanglai mihingte in amate khut taw a vawttawm uh nate panin a kisiik kik nuam bua uh hi. Doai biakna pan tawlnga ngawl, kham, ngun, taungo, suang le thing milim khua mu thei ngawl, khuaza thei ngawl, lam pai thei ngawlte a biak uh zongh a kheal bua uh hi. * 21Amate in ngual a thalupna, bum le ai toaina, nu le pa paktatna le nguktaknate uh panin a kisiik kik bua uh hi.


Thu Pualaakna 10
Vantung lalang le Laizialno
1Tua zawkciang a thahat vantung lalang a dang khat, vantung panin hong tuaksuk ka mu hi. Ama sia meei taw kituam a, a lutang kiimkot ah sangun in uum hi; a maitang sia nitaang bang ahi hi. A peangte meikuang khuam taw kibang hi. 2Ama in a khut sungah laizialno khat phel sa in toai hi. Ama in a peang ziatsang tuipi tungah nga in, a peang veisang leitung ah nga hi. 3Taciang ama in tawpi hawk aw taw a kibang awnging taw oksan hi. A oksat zawkciang, vanto salite in hawkin zo uh hi. 4Amate pau zawk po ciangin lai taw ciamtee tu in, at ka kipan hi. Ahihang vantung panin awnging khat ka za a, “Vanto salite ii pauna sia thukuu in koi in, lai taw at heak in,” hong ci hi.

5Taciangin vantung lalang khat tuipi le leitung sisan in a ding ka mu sia in, a khut ziatsang vantung ah laamto in, * 6a tawntung a nungta, vantung, leitung, tuipi le a sung a om theampo a bitphua Pathian min taw kiciamna pia hi. Vantung lalang in, “Haisaang nawn ngawl tu hi! 7Ahihang vantung lalang a sali na sia in, lemle a tum tak ciang, a naseam kamsangte tungah a son sa bangin Pathian in a thukuu te khuangkhim sak tu hi,” ci hi.

8Tua zawkciang vantung pan hong paupuina aw, ka zaak ngei sa aw sia in, kei hong paupui kik a, “Pai tan a, tuipi le leitung a sisan vantung lalang ii khut sungah laizial sia la tan,” hong ci hi. *

9Vantung lalang kungah ka pai a, laizialno sia hong piak natu in ka ngen hi. Ama in kei tungah, “La in a ne in; na ngil sungah a thuk suak tu hi, ahihang na kam sungah khuaitui bangin thum tu hi,” hong ci hi.

10Laizialno sia ama khut tung pan la in ka ne hi, taciang ka kam sungah tasia in khuaitui bangin thum hi. Ahihang ka valh zawkciang ka ngil sungah a thuk suak hi. 11Tua zawkciang, “Nang in khat vei ma Pathian kammalte sia, ngam tatuamte, minam tam mamate, kampau namcinte le kumpite tungah na thang sak tu hi,” hong ci hi.

0 comments:

Post a Comment