Hongkong Ah Pianna Pa-le-Nu That

Hongkong ngam ah Henry Chau Hoi-leung akici kum 30 in, apianna pa-le-nu sia 2013 March that lumh in aluang sia semneen in thathum sung abek abek vawk sawm ci'n kihe aa, thukisitna Aug 5,2014 ciang  thukhen zumh ah nei uh hi.

Apa sia 65 pha in anu kumh 62 hi, 2012 November in thalup sawm ahikom (thaluk sung) naam, tuikhalh-set (refrigerator), meesatsuana(microwave), thingkuang le rice cooker te sia alawmte kumh 36 apha khat taw kinging khol hi.

March 1,2013 ciang that lumh hi, A thalup ni in, Chau Hoi sia zato ah akhut le alutang ah aliamma taw kibawl in, apa taw akibuanna panh aliamma hi tu in ki umh hi.

Nipi nii zawk ciang palik zumh ah anu-le-pa sia Senngam  ah khualhaw in bo vinghvengh ci'n theam ahikom, Palikte in, athukat le, a teenna inn ii tuikhalh-set sung pan apa le anu ii lutang mu ahikom, man hi.

Palikte ii matni ma in Phone sms thak na WhatsApps sung pan alawmte kung ah "tualthat tha ka hi ciang, bye bye" ci'n sms thak ahikom, ki- muangmaw saseam hi. Ahi hang  ama le ama kipulaak nuam ngawl ahikom, athin ciim tu ngaak in, Aug 5,2014 ciang thukhen zumh ah "ka pianna pa-le-nu keima thalup hi" ci'n pulaak sak vateei hi.

Alawmpa in, "kei athalupna sung kihel bong, asabak teng pawlkhat em, pawlkhat huan aa, niinbung sung vawk sak khi hi" kici hi.


0 comments:

Post a Comment