Israel Sang Buaina August 3

UN General Secretary pa in, Israel te ii UN saanginnhuang sung bomb akhiak sia dik sak ngawlna thu son hi.

August 3, UN saanginn kong athi 10
Israel PM pa Benjamin Nathan Yahuh in Israel ngalkap mathtuak sia ngal sung ah thi in son hi.

Hamas te in Israel ngalkap IDF te thautaw kaap in mawtaw khat taw taai ahikom,  tua mawtaw Israel ngalvanleang khat in bomb khiat aa, mawtaw tungto theampo thisiat tu in muangmaw uh hi.

Hamas te in UN saanginn huang sung kibu ahikom tua saanginn Israel ngalvanleang in bomb khiat aa, mi 7 thi in, 30 liamlaw ci'n Israel sang pan son aa palestine te in athi 10 in son kik

Egypt ngam Cairo ah, Hamas , USA, le Egypt palai te in, Kilemtu vai kikupna nei uh hi.

Ngalkisim kipat July 8 pan tuni dong Hamaste ii Israel sang akaap  rocket tang 3,172 cing ci hi.

Zeinitak nai 10:00 pawl in Israel thangsang ah Israel ngalvanleang te in, Hamaste 4 bomb khiat aa thi hi.

Ninoni bup Hamas te in, rocket tang 84 taw Israel kaap aa , Israel sang pan tua rocket te tang 6 bek ma Iron Dome taw kaathap sak zo in kison hi.

Israel te ii ngalvan Iron Dome pua phat natu akisamh US$ 225 million sia USA in panpui hi.

Hamas te ii mat Isral ngalkap Sgn Hardar Goldin sia nungta nawn ngawl tha tu ci'n Israel ngalkap thuneite in, a innkuanpuite tung zasak hi. Ama sia UK le Israel ngammi hi khawm hi.

Israel in, Hamas te ii leinuai kulhte sia nipini sung zawk ciang, atam zaw kisuh thap tu hi zo ci hi. Israel te in atam zaw sia he aa, aheak ngawl pawlkhat om lai tu kici in, Hi kulhte sia kumh 5 sung asak uh ci hi. Zeini tak kulh pawlkhat sung pan mawtaw cycle tam tatak mat sak hi.

Nipizawk ninga ni in, Palestine khangno ni Jerusalem khuapi nisuana sang Beih Hanina ah Israel khangnote in vellumh aa, athina thu tuni kipulaak hi.

 

0 comments:

Post a Comment