Laithiangtho Dokna (Isaiah 51-52)

1. Jerusalem ah a teangte theampo ki ___ hi.
a. that siat tu
b. sila in ki kaai tu
c. hesuak tu

2. Topa in ___ sia Eden huan taw bangh kavawt tu ci hi.
a. Jerusalem
b. Israel
c. A ngam

3. Amate in ka ___ hong ngak uh hi.
a.
b. ngup tu lametna taw
c.

4. ___ sia puanlui sa bangin paat vadil tu hi.
a. Leitung
b. Israelte
c. Topa alangpante

5. A mite theampo sia bangbangh in thi tu ziam?
a. Ngallelte
b. Khaumaw
c. Tho

6. Jerusalem awng,  Nangma le nangma ki ___ in!
a. phong in tho
b. that lum
c. maw kisuut

7. Egypt ngam ah teang tu in apai lai akua ii sawl ziam?
a. Pathian
b. Kuama
c. Joseph

8. TOPA in a khuapi suatak tu a, a mite ___ tu hi.
a. heeneam
b. hung
c. thupha pia

9. A thiangtho in om vun a ___ nusia vun.
a. mawna
b. kiphatsakna
c. hi khuapi

10. TOPA na Pathian in na ___ pan hong dal tu hi.
a. kiim na paam uh
b. omna mun
c.  vakna cia na

11. ___sia mihing taw kibang ngawl za dongin a meal hem hi.
a. Jerusalem
b. Naseampa
c. Israel

12. Kumpite sia akua lamdang sa in pau thei ngawl liang ziam?
a. Naseampa
b. Isaiah
c. Israel kumpipa

Isaiah 51
Jerusalem tungah Heenepna Kammalte
1TOPA in,  “Ngup tu dei a, kei kungah hu ngen tu in hong pai note awng,
 ka thuson hong ngai tavun.
 Nong paina uh suangpi,   hong kitaw na suangkhuk sia ngaisun vun.

2Na pu Abraham le note pianna Sarah ngaisun vun.  Abraham ka sap lai in, ama in ta nei ngawl hi,  Ahihang keima in ama thupha ka pia a tate ka pia hi;
 Ama ii suan le paalte ka pung sak hi.

3“Keima in a lal sa Jerusalem ah a teangte theampo ka hesuak tu hi.  Ama ii ngam in senneal ngam ahihang
 Eden huan taw kibangin, huan khat ka suak sak tu hi,
 Tualai ah lungdamna le thinnopna om tu a,
 kei tungah lungdam hong ko in pokna la hong sak tu uh hi.

4“Ka mite awng, hong ngai tavun, ka thusonte ngai vun;  Minamte tungah thu ka hil hi;
 keima thukham in amate tungah khuavak puak tu hi.

5Keima manlangin kong pai tu a, amate ka ngum tu hi;  Ka ngal zawna tu hun hong nai zo hi.
 Keima in minamte ka uk tu hi.
 A khuala ngamte in ka pai tu hong ngak hi;
 amate in ka ngup tu lametna taw hong ngak uh hi.

6Vantungte ento vun; leitung en vun!  Vantungte sia meikhu bangin mang vadi tu hi;
 leitung sia puanlui sa bangin paat vadil tu a,
 a mite theampo sia tho bangin thi tu uh hi.
 Ahihang keima ii suatakna ka piak sia kip tawntung tu hi;
 ka ngalzawna in kip tawntung tu hi.

7“Thumaanna he in, na thin sung uh ah keima thu hilna a vom mite awng,  ka thu hong ngai tavun.
 Mite in hong selno in hong lan ciangin lau heak vun;

8amate sia ngetlungte ii neak puan bangin mang vadi tu uh hi!  Ahihang kong paipui suatakna sia kip tawntung tu hi;
 ka ngalzawna sia a tawntung in kho tu hi,” ci hi.

9Khanglo in, TOPA awng, ko hong hu tan!  Na vaangletna zanghin ko hong ngum tan;
 Taangh lai hun a na zak ngei bangma in zangh in.
 Tuipi ngulpui Rahab saatin a neensem pa sia nangma na hi hi.

10Na hut sa mite in tui a kantan thei natu in,  tui kantanna lampi khat vawt a,
 tuipi a kang sak sia zong nangma na hi hi.

11Na suatak sak mite in thin nopna taw lungdam in au a,  lasa in Jerusalem theng tu uh hi.
 Amate a tawntung in heena khuangaina taw
 kipeal in lungdam tawntung tu uh hi.

12TOPA in,  “Keima in nang hong thahat sak pa ka hi hi.
 Banghang lopa sangin ngei a nungta ngawl zaw a thi thei mihing kiita tu nu ziam?

13Note hong piang sak, vantungte a phalkeak,  leitung ii tawdap a pha TOPA mangil zo nu ziam?
 No hong vawtsiate ii thin uukna le
 no hong sia sak nuamte banghang note in kiita tawntung in om tu nu ziam?
 Amate thin uukna in note bangma hong law thei ngawl tu hi.

14Thongtaakte sia kisuatak pal tu hi;  amate khansau in, nungta in an neak tu a kicing nei tu uh hi.

15“Keima in TOPA na Pathian ka hi hi;  tuipi saukeak in a tuihualte ka hawk sak hi.
 Keima min sia Vaanglianbelpa TOPA ahi hi!

16Keima in vante ka phalkeak a lei ii tawdap ka pha hi.  Jerusalem tungah, ‘Nangin keima mihing na hi hi!
 Nang tungah thu kong hil zo a, ka khut taw nang kong dal hi,’ ka ci hi,” ci hi. 
Jerusalem ii Thuakna A bona
17Jerusalem awng, khanglo in!
 Nangma le nangma kiphong in tho in!
 TOPA ii a thin uukna taw hong piak daan piakna hai na dawn zo hi;
 na dawn suk zo a, nang hong hoi sak vatut hi.  *

18Nang hong lampui tu kuama om ngawl a,  na mite sung pan na khut pan
 nang hong kai tu kuama om ngawl hi.

19Nang tungah tuasiatna a thuapin hong tung zo hi;  na ngam sia ngal in sia sak zo a, na mite pukthi zo hi.
 No hong hesuak tu kuama om ngawl hi.

20Lamkingh theampo ah na mite thazawm in puk uh a,  amate sia savaipa thaang sungah sazuk awk taw kibang hi.
 Amate in Pathian ii thin uukna thuak zo uh hi.

21Zukham bangkeakin a hoi vatut  ngimna a thuak no Jerusalem mite awng,

22TOPA na Pathian uh in no hong sungsia a  taciang, “Ka thin uukna taw kong piak hai sia na khut sung pan ka la kik hi.
 No hong hoi sak vatut zu sia na ne nawn batu uh hi.

23Tua hai sia, no hong vawtsiate,  note lampi tungah hong lum sak a
 ninteak siicip bangin hong siikcipte tungah ka pia tu hi,” ci hi.

Isaiah 52
Pathian in Jerusalem Suatak tu
1Jerusalem awng, thahat in a, lian kik in!  Pathian ii a thiangtho khuapi awng, puan et hoi silh in!
 Pathian um ngawl mite
 na kongpite sungah tum kik ngei nawn ngawl tu uh hi.  *

2Jerusalem awng, nangma le nangma kisuakta sak in!  Leivui sung pan thoto in a, kumpi tokhum tungah to in.
 A kiman Zion mite awng, no hong khiina thikkhaute suut vun!
  3Vaanglianpipa TOPA in a mihingte tungah, “Sal na tan lai un, no atu in sum hong kipiak sak ngawl hi; tasia bangma in no hong kisuatak natu in bangma hong kipiak sak ngawl tu hi.  4Egypt ngam sungah ngamdang mite bangin a teang tu in na pai uh lai in, noma uk thu in na pai uh hi; ahitazong, Assyriate in zawthawk thu taw no hong la a, no atu in bangma hong pia ngawl hi.  5Tu in Babylon ah tabangma in piang hi; note salin na om uh a, no atu in bangma hong kipia ngawl hi. No hong ukte kiphasak, kihi sak in kei hong zawngsak tawntung uh hi.  *  6Khatvei ciangin note tungah thu hong sonpa keima Pathian ka hina thu na he tu uh hi,” ci hi.
 
7Mualte kantan in, thuphate, kilemna thute puak a hong pai  kamtaipa ih mu tu sia lamdang lalawm hi!
 Ama in ngalzawna thang sak a Zion tungah,
“Na Pathian sia kumpi ahi hi!” ci hi.  *

8Khuapi a cingte au uh a, lungdam in au tek uh hi.  Zion ah TOPA hong heak kik sia amate in a mit tek taw mu thei uh hi.

9A kisia Jerusalem awng, lungdam in au vun!  TOPA in a khuapi suatak tu a, a mite heeneam tu hi.

10TOPA in ama ii a thiangtho vaangletna zangh in, a mite ngum tu a,  leitung theampo in mu tu uh hi.

11Biakinn vanh a pua note theampo awng, Babylon nusia vun.  A kikhaam vanhte thutha heak vun;
 a thiangtho in om vun a hi khuapi nusia vun.  *

12Tutung in hi bingbung in nusiat kul ngawl tu hi;  suatak tu hanciam ngawl tu nu hi.
 TOPA na Pathian in note lam hong pui tu a,
 na kiim na paam uh pan hong dal tu hi. 
A thuak Naseampa
13TOPA in,  “Ka naseampa in ama ii nasepna zo tu a,
 ama sia nasia takin kipok tu hi.

14Mihing tam mama in ama a mu uh ciang lamdang sa uh hi;  Ama sia mihing taw kibang ngawl za dongin a meal hem hi.

15Ahihang tu in minam tam mama in ama lamdang sa tu uh a,  kumpite sia lamdang a sakna taw uh in pau thei ngawl liang tu uh hi.
 A heak ngei ngawl thu pawlkhat amate in mu in tel tu uh hi,” ci hi.  *

0 comments:

Post a Comment