Laithiangtho Dokna (Psalm 87-88)

1. ___ tungah TOPA in a khuapi sa hi.
a. Mual thiangtho
b. Van
c. Na lungtang

2. Israel ngam theampo sangin ama in ___ it zaw hi.
a. Nang hong
b. Mihing theampo
c. Jerusalem khuapi

3. ___awng, nang huvau na lamdang ama sonte ngai in.
a. Pathian khuapi
b. TOPA
c. Ka tapa

4. Kei thu hong ni minam saziansung ___ ka hel tu hi.
a. ah ngupngaate
b. Egypt le Babylon
c. Gentilete zong

5. ___te sia Jerusalem ah a teangte sazian sung kikhum tu hi.
a. Philistia, Tyre le Ethiopia
b. Egypt, Babylon
c.  Somalia,

6. TOPA in mihing sazian sia ___khua mite suak sak tu hi.
a. Zion
b. Vantung
c. Jerusalem

7. Mithite sungah kei hong ___ hi.
a. ki nusia
b. ki tho sak kik
c. lumh sak

8. Laphuakpa in "___sungah nong lawn suk zo" ci hi.
a. Tuikhuk
b. Dum thukbel
c. Meikhuk

9. Laphuakpa in "ka ___ in taisan hi" ci hi.
a. ngualtamte
b. innkuanpuite
c. naseppuite

10. Laphuakpa in abang hang in amitte thazawm ci ziam?
a. Laithiangtho asim
b. A kum tam va-ial
c. A thuakna hangin

11. TOPA awng, ___sim in nang tungah thu kong ngen hi.
a. zing
b. ngimh kangaa
c. nitak

12. TOPA thinukna in ___ bangin hong kiim um hi.
a. meikuang
b. namthuam
c. huisuangval

Psalm Late 87
Jerusalem Khua Pokna
1Mual thiangtho tungah TOPA in a khuapi sa hi;
2Israel ngam sungah
mun dang theampo sangin ama in Jerusalem khuapi it zaw hi.
3Pathian khuapi awng,
nang huvau na lamdang ama sonte ngai in:
4“Kei thu hong ni minam tatuamte sazian ka vawt ciangin
Egypt le Babylon ka hel tu hi;
Philistia, Tyre le Ethiopia te sia Jerusalem ah
a teangte sazian sungah ka khum tu hi,” ci hi.
5Zion taw kisai in, hi ngam theampo sia
ama neisa hi a, Vaanglianbelpa in
ama sia a tha kho sak tu hi” kici tu hi.
6TOPA in mihing sazian at tu a,
tua mite theampo sia Jerusalem khua mite suak sak tu hi.
7Amate laam in la sa uh a,
“Thupha ka saan uh theampo ii naak sia Zion ah om hi” ci uh hi.

Psalm Late 88
Hu nget Biapuina
1TOPA Pathian ka hunpa awng,
nitangtum in kong biakpui hi, taciangin zanin na mai ah kong pai hi.
2Ka thungetna hong za tan a;
hu ngen a kong biapuina hong ngai tan!
3Ngimna tam mama
kei tungah hong tung zo a, ka thi dektak hi.
4A thi tu a kithoai midangte theampo bangma ka hi a;
ka thatang theampo bo siat zo hi.
5Mithite sungah kei hong ki nusia hi;
thalup thuak a, thaankuul sungah a lumte,
na makngil biing a
nangma ii na hu thei nawn ngawlte taw ka kibang hi.
6Nangma in keima sia dum thukbel
a zing belna thaankua thuk sungah nong lawn suk zo hi.
7Na thin uukna in kei tungah ngit mama a,
a tuihualte in keima hong delpeak zo hi.
8Ka ngualtamte in hong taisan sak zo ni hi;
amate atu in kei sia a kiihuai nong suak sak zo hi.
Kei sia hong kikhabil a, ka suakta thei bua hi;
9ka thuakna hangin ka mitte thazawm hi.
TOPA awng, nisim in nang kong biakpui a,
thungen in ka khutte nang tungah kong laamto hi.
10Mithi sate atu na lamdang lakna vawt kana ni ziam?
Amate in tho in nang hong pok kana ziam?
11Thaankuul sungah a tatsat ngawl na itna kison kana ziam?
tua ahibale lalna munah nang ii thumaanna kikum kana ziam?
12Tua khuazingna munah
nang ii na lamdang laknate kimu ziam,
tua ahibale a kimangil cip sate ii ngam sungah nang ii phatnate kimu ziam?
13TOPA awng, nang tungah hu ngenin kong biakpui hi;
zingsim in nang tungah thu kong ngen hi.
14Kei banghangin hong nial ni ziam, TOPA awng,
kei banghangin hong nungngat ni ziam?
15Ka khanmoi lai pan ma in ka thuak a, thina taw ka kinai ngei hi;
Daan nong piakna vanhngit taw kei ka tul zo hi.
16A kiitak huai na thin uukna in kei hong delpeak hi;
a kiitak huai nong vuakna in kei hong lal sak hi.
17Sun khuateak in tuate in keima sia tui namthuam bangin hong kiim um a;
mun theampo panin kei hong nengcip hi.
18Ka ngualtam phabelte ngangawn in nong taisan sak zo a,
khuazing bekma kei kitholpui ahi hi.

0 comments:

Post a Comment