Laithiangtho Dokna (Thupulaakna 11-12)

1. Pathian biakinn le biaktau sia bang taw kitee ziam?
a. Ciangkang
b. Naamsau
c. Meikhuam

2. Tetti te nii in bang puan silh ziam?
a. Khamh puan
b. Naipuan vom
c. Khau-ip puan

3. Tetti te nii in, ni bangza sung Pathian thu thang sak ziam?
a.  160
b.  1,260
c.  1,000

4. Tetti te nii in a uuk uh sim po in, ___pian natu thu nei uh hi.
a. ngal kidona
b. pul natna
c. huisuangval

5. Tetti te nii sia akua thalup in thi ziam?
a. Vantung lalang
b. Mihingte
c. Nganhing

6. Tetti te nii thi hang in akuate lungdam ziam?
a. Leitung mihingte
b. Pathian
c. Numeinu

7. ___in Aksi sawm le nii taw a kivawt kumpi lukhu khu hi.
a. Numei
b. Dynosos
c. Muvanlai khat

8. ___ in, kii 12, lu 7, a lute khat ii sim tungah kumpi lukhu khu hi.
a. Lavathan nganhingpui
b. Vantung lalang
c.  Ngulpui

9. ___ ii tapa sia kisut a Pathian le a kumpi tokhum ah kipaipui hi.
a. Zing aksi
b. Numei
c. Pathian

10. Numei sia ___ sungah ni 1,260 ki keamcing tu hi.
a. dum thukpui
b. senneal ngam
c. tuikhuk

11. Michael le a vantung lalangte in ___ uh  hi.
a. mihingte kaai khawm
b. Pathian tate ngumh
c. ngulpui do

12. ___numeinu asim ciang leitung in numeinu hu  hi.
a. Ngulpui in
b. Satan in
c. Vantung lalang in


Thu Pualaakna 11
Tetti Niite


1Tua zawkciang kei sia ciangkang khat hong kipia a, a sau teena piciang bang ahi hi, taciang hi bangin hong sawl hi, “Pai tan a, Pathian biakinn le a biaktau sia va tee tan, taciang

biakinn sungah biakpiakna a nei mihing phaza hong sim tan. * 2Ahihang a leitual pua nung sia na tee heak in, banghangziam cile tua mun sia Pathian he ngawlte atu a kipia sa hi

a, amate in Khuapi Thiangtho sia tha sawm li le tha nii sung tuancil tu uh hi. * 3Ka tetti te nii khau-ip puan silh in, ka pai sak tu a, amate in ni 1,260 sungteng Pathian thu thang

sak tu uh hi,” hong ci hi.

4Tetti te nii a cite sia leitung Topa mai ah a ding olive kung niite le meivak khuam niite ahi uh hi. * 5Khat po in amate vawtsia tu in a sawm le, a kamsung pan meikuang hong

pusuak tu a, a ngalte lalcip sak tu uh hi; taciang hi bangin a kuama po amate susia nuam in a kipante sia kithatlum tu hi. * 6Amate in van khakbil in Pathian thu a than sak hun

sungin, ngua a zuk sak ngawl natu thu nei uh hi. Amate in ciktuite chisan a sua sak thei natu thu nei sii uh hi; taciang amate in a uuk uh sim po in, leitung sia pul natna tatuamte

taw ngim piak thei natu zongh thu nei uh hi.

7Amate in a thu than sak a man zawk uh ciangin, a hawng thukpui sung panin hong pusuak nganhing sia in, amate sim tu hi. Tua nganhing in amate zo in thatlum tu a, * 8a

luangte sia a Topa thinglamte tungah a ki thalupna khuapi lian sia ii lampi tungah kisial tu uh hi. Tua khuapi ii a min sealh sia Sodom ahibale Egypt kici hi. * 9Ngam, minam,

kampau tatuam le nam tatuam pan mihingte in a luangte sia ni thum le ni lang sung en tu a, a phum sak batu uh hi. 10Leitung mihingte in hite nii ii thi hu in lungdam tu uh hi.

Amate in lungdamna poai khaam in, khat le khat letsong kithaak tu uh hi; banghangziam cile tua kamsangte nii in, mihingte tungah ngimna tam mama piang sak hi. 11Ni thum le

ni lang zawkciang, Pathian kung pan nuntakna a piangsak husanna hong pai in, amate sungah tum hi. Taciangin amate hong dingto uh a; a mu theampo lau mama uh hi. * 12Tua

zawkciang kamsangte nii in “Hi sungah hong pai to tavun!” ci in vantung panin awnging tatak khat za hi. A ngalte mu tangin, amate sia meeikaai taw van ah kaato uh hi. * 13Tua

hun laitakin nasia tatak in zinliing hi; khuapi sia see sawm sua see khat laltham a, mihing tul sali thi hi. A omlai mihingte lau in vantung ah Pathian letna pok uh hi. *

14Ngimna lian mama a niina sia bo ahihang a thumna sia hong pai pal tu hi!
Lemle A salina

15Tua zawkciang lemle a salina sia vantung lalang a salina sia in, tum a, vantung ah awnging tatak taw, “Leitung uk natu vangletna in ih Topa le ama Messiah ii neisa hi a, ama

in, a tawntung pan a tawntung dongin uk tu hi!” ci hi. * 16Tasia ciang a kumpi tokhumte taw Pathian mai ah a to upa kul le lite in boksuk in Pathian bia uh a:

17“Topa Pathian vanglianbelpa,

        a om sa le tu a om pa,
    Na vaangletna lian mama la in,
            ukna kipan tu na hikom
        lungdam kong ko uh hi.” *

18Na thin uuk natu hun hong cing zo a,

            Mithite tungah thukhen natu
        hun hong theng zo ahikom,
            Pathian he ngawlte thin uuk mama hi.
        Na sila kamsangte a lian a no
    nang hong zakta theampote
        minphatna thaman na piak tu hun hizo a,
    Leitung a laltham sakte
        na lalcip sak tu hun hong theng hi!” ci hi.

19Vantung ah Pathian biakinn sia kihong a, Thukham Thingkuang sia tua munah kimu hi. Tasia zawkciang khualengin, vanto ngawp a, zinliing in ngial nasia takin kia hi. *

Thu Pualaakna 12
Numei le Ngulpui


1Tua zawkciang van ah a lian lim lamdang khat hong kilangh hi. Ni sia puan bangin silh a, tha sia a peangnuai ah koi in, aksi sawm le nii taw a kivawt kumpi lukhu a lu tungah a

khu numei khat om hi. 2Ama sia nausuak pal tu hi a, nautun natna le a thuaknate hangin ama aukeak hi.

3A dang lim lamdang khat zongh, van ah kilangh hi. Kii sawm nei in, lu sali a nei, a lute khat ii sim tungah kumpi lukhu a khu, ngulpui san lian khat om hi. * 4A mei taw van a

aksite see thum sua see khat kaikeak in lei ah sepsuk hi. Ama in numeinu maiah dingin nau a sua po ciang, a nau neaklup sak tu in om hi. * 5Tasia ciangin numei in tapa khat

hong nei a, leitung ngam theampo tua tapa in thik ciangkhut taw uk tu hi. Ahihang a tano sia kisut a Pathian le a kumpi tokhum ah kipaipui hi. * 6Numei sia senneal ngam sungah

tai a, Pathian vawt khol sakna munah ni 1,260 dong ama sia ki keamcing tu hi.

7Tua zawkciang vantung ah ngal kisimna piang hi. Michael le a vantung lalangte in ngulpui do uh a, tua ngulpui in, ama vantung lalangte taw kopin leedo hi. * 8Ahihang ngulpui sia

kizothal a, ama le vantung lalangte vantung ah a om tu uh a ki oai nawn bua hi. 9Tua ciangin taangh lai ngul pui lian Doaimangpa ahibale Satan a kici leitung bup a theampa

ngulpui lian mama sia, ama vantung lalang theampo taw leitung ah hong kisep suk hi. *

10Tua zawkciang, vantung ah aw nging tatak khat ka za a, “Tu in Pathian ngupna sia hong theng zo hi! Tu in Pathian in Kumpipa a hina, a vaangletna hong lak zo hi! Tu in ama

Messiah in a thu neina hong lak zo hi! Banghangziam cile Pathian mai ah ding a, ih suapuite sun taw zan taw a maw sakpa sia, vantung panin kivawk zo hi. * 11Ih suapuite in

Tuuno chi le thumaan a than sakna uh taw zawna nga zo uh a; amate in a nuntakna uh pia in thi ngam uh hi. 12No, vantung le tua munah a teangte awng, lungdam vun! Ahihang

Doaimangpa sia no kungah hong pai suk zo a, hun tawm cilik bek nei lai ahi hunlam he in, thangsiatna taw kidim ahikom, leitung le tuipi tungah a omte atu bangzata in lauhuai

ziam!” ci hi.

13Ngulpui in lei ah a kivawksuk thu a tel tak ciang, tapano khat a hing numei sia del tu in kipan hi. 14Tua numei sia senneal ngam ama omna a zot natu in muvanlai lian khat ii

thakhui nii kipia hi. Tua munah kum thum le kum lang sung ngulpui ii sim natu pan kikeamcing tu hi. * 15Tuateng zawkciang ngulpui in numeinu a taai tu in, a kamsung pan in,

khuanawl tui a pusuak sak hi. 16Ahihang leitung in numeinu hu a; ama in a kamkaa in ngulpui kamsung pan hongluang tu tui sia valh hi. 17Ngulpui sia numei tungah a thin uuk

mama a, Pathian ii thupiakte zui a, Jesu ii pualaak thumaan tungah a kip numeinu ii suan a taang lai te taw kisim tu in kuan hi. 18Taciangin ngulpui sia tuipi vaalbo ah ding hi.

0 comments:

Post a Comment