RST Taw Kisai Meeting


CDU ii vaihawmna taw tuni 14/8/2014(thursday) ni -in suutpom lampuite le RST pan uliante kimukhopna le thu kikupna khat Chinese Assembly Hall ah zing nai 9-12 dong ki nei hi. 

RST pan Mikewell, Wai Mei(investigation officer) le Ms. Brianne te hong kihel thei hi.
Ms. Wai Mei in fraud case huvau amate mu bang hong kikup pui hi.


Malaysia suutpom ngamthum na thengsa le malaysia ah aom lai avekpi fraud case 2300 val om hi. Tuak sung pan 1600 sia Malaysia ah om lai hi. A omlai teng sung pan 900 bang ph taw ki sam a, 400val hiat bek ki sam thei ci hi. A kisam theite sung pan pawl khat hong pai thei a, pawl khat pai ngawl ci hi. 

Regional Commission zum pan sawlna taw kizui in thukan tu thudok tu adawl adawl in ki phuan a, naseam khawm khu hi. RST zum pan kisam aa, hong pai suutpom khat sim ii, hong panpui na taw kizui mawpiak ki ciangtanh sak hi. 

Fraud min taw na nga uh ahi;Medical record, bank passbook, Birth certificate le adang certificate tatuamte, na min man tatak taw na lai kik thei na tu hong ki vaihawm pui tu hi.Cidamna taw kisai zato kaa tu te zato na pai ma RST pan lai(attestation) hong la masa ta vun.

Mikewell; Fraud case sung a kihel kuama po mawpiak thuak tu hi. Khat le khat ki bang ngawl tu hi. Interview kik tu hong paite kamkum(interference) a, a zo kik tu daan kihil ci za khu hi. Na hil na tung tawn ah bangma phat tuamna om ngawl tu hi. A hi babang maan tatak in na tangthu te hong son ta vun. Anawngkai sak taw kibang tu ni hi.

Ngam thumna theng sa fraudcase teng zong, a thetna ngam ah thunei te tung ki puak siat zo hi. A thetna kumpite ii khensat bang hi tu hi UNHCR pan bangma ki ci thei ngawl hi. Suutpom hi na pan zong hong ki tawlnga sak thei tu hi.

CDU: Community sim ah haw tu khu hi. CDU pan hong kipia system vai, sum(tum/pusuak) kep dan le en kawm tu khu hi.Aug 21(thursaday) ni ciang Education dept taw kimu khopna om tu hi. Dok nop om te ki nging khol tavun.

0 comments:

Post a Comment