Tapidaw Paikhialte Luanghawm 9 Kimu Kik

South America, Guyana ngam George Town ah Tapidaw upna paikhial in 1978 lai akithat mihing 909 sung pan mi 9 ii luanghawm sia kimu kik pheang ci'n Aug 7 ni thuneite in son hi.

1978 November 18 ni  in, Jim Jones akici pa in,  anungzui 909  (patang 300 val kihel) , thi thei natu "Flavor Aid" zawkthawk thu taw dawn sak in a dawn nuam ngawl te sia thau taw kaap lumh sak hi.

California Congressman Leo Ryan le akithua pui mihing 9  zongh, tua mi 909 kithalupni in, vil aa, thalup thuak hi. Amate taw kingawm  athi  avekpi kingawm  918 thi hi.

American ngamteng ii taangthu sung (Sep 11,2001 sim ngawl) hunkhat thu sung mihing tam  athini ci'n kiciamte hi.



 

Nungsang Thu
- Jim Jones akicipa in, tapidaw te tuam omna khuano Jonetown kici khat phut aa, tua khuano ah ateang mi 900 val hi.
- A teang sate kuama mundang ah peam tu awi nawn ngawl hi.
- Tua sung mi 200 bangh sia tua mun ah teang nuam nawn ngawl hi.
- U.S. ngam thuneite in tua tua thu za aa, congress pan thunei Leo Ryan   le TV channel te pai sak aa, amate pai ni in, kisuamlupna tawk tha luilamh uh hi.

0 comments:

Post a Comment