Tsunami Lai Kibosua Numeino Kimu Kik


Indonesia ngam ah 2004 Tsunami tuihual hang in, akibosua numeino khat (Amin Raudhatul Jannah)  anulepa taw kimu kik ci hi.

Tuahunlai zinhliing in atanuno sia kumh 4 pha aa, tuciang kumh 14 pha zo aa, August 6, 2014 ni in kimu kik  uh hi.

Numeino ii nu Jamaliah ii suapuipa in 2014 June tha lai, numeino sia  mu aa, asuapuinu ii tanu hi tuh umh ahikom, ama taw akisai thu-le-la te, le tsunami lai anulepa taw kikhen dan teng dongh aa, atunu ahihun lam tel ci hi.

Zinhliing aa, tuihual hong kaato ciang, apa in thingpheak khat taw a innkuanbup suataak natu vaihawm ahihang, atanuno kumh 4 le atapa kumh 7 sia tuihual kawm ah bosua hi. Tuiakiam zawk tha khat sung azon uh hang mu nawn ngawl ahikom, thizo ci'n angaisut uh hi.

Anu alungdam leihlamh aa, katanu ahihun lam ameal ka et ciang zongh tel pai khi hi, na umh zo bua uh le DNA hong sit ta vun ci hi. Abosua atapa zongh nungta lai tu umh hi.

2004 Dec 26 zinhliing aa tsunami tuihual hang in, ngam 14 panh mihing 230,000 thilaw aa, Indonesia se nasia bel hi.





Acingzaw In: http://www.smh.com.au/world/indonesian-girl-reunited-with-family-10-years-after-boxing-day-tsunami-20140807-101pfg.html#ixzz39mjz9M6j

0 comments:

Post a Comment