Laithiangtho Dokna (Isaiah 63-64)

1. Edom ngam Bozrah khua pan hong pai sia ___ ahi hi.
a. TOPA
b. Isaiah
c. Doaimangpa

2. Sapit ngaa cilpa sia abang hang in apuan san ziam?
a. Ngan athalup
b. A nasep
c. Mihingte thisan

3. TOPA ii puan tung ah akuate chisan baang ziam?
a. Israelte
b. Mihingte
c. Ngalte

4. TOPA ahuu tu kuama om ngawl ahikom, TOPA in ___  hi.
a. ciamte
b. lamdang
c. phamaw sa ngawl

5. Amate in TOPA leedo aa akua khuangai sak ziam?
a. A vaangletna
b. Thathiangtho
c. TOPA

6. A bang ngan ii siina mun sia kho in lutu ngei ngawl ziam?
a. Keal
b. Tawpi
c.  Ngamsiphu

7. Mualte in TOPA mu aa ___ uh hi.
a. lungdamko
b. pok
c. liing

8. A kisuang tuiso bangin amate ___ tu uh hi.
a. akhusuak
b. thinso
c. liing

9. TOPA Vaangletna akuate tungah lak tu kingen ziam?
a. Mihingte
b. Micimaw
c. Ngalte

10. Isaiah in TOPA na akuate tung ah athinuk ci ziam?
a. Amate tung
b. A ngalte tung
c. Mihing theampo tung

11.  ___  taw ko hong khii top heak in.
a. Ka khialna-te
b. Thinukna
c. Mawzonna

12. ___ pan kipan kote in khialna ka vawt tan uh hi.
a. Taanglai
b. Nidanglai
c. Ka pian uh

Isaiah 63
Minamte tungah TOPA ii Ngalzawna
1“Edom ngam Bozrah khua pan hong pai hi sia pa akua ziam? Puansan silh in pha tak a kizeam, vaangletna le thahatna taw hong pai hi sia pa akua ziam?”
Ngum tu in vaangletna a nei, ama ngal zawna thu thang sak tu in hong pai, TOPA ahi hi. *2“Sapitzu vawt tu in sapit nga a cilpa taw ki bangin, bang hang in a puan tabang keakin san ziam?”

3TOPA in, “Keima in sapit ngate ka totcil bangin minamte ka tuancil zo a, kei hong hu tu in kuama hong pai ngawl hi. Thin uukin amate ka tuancil a, amate ii chi sia ka puan tung theampo ah baang zo hi. * 4Ka mite ngup tu hun hong theng zo hi ci in ka khensat hi. A ngalte daan piak tu hun hi zo hi. 5Ka et ciang kei hong hu tu kuama a om ngawl hunlam mu in, lamdang ka sa hi. Ahihang ka thin uukna in keima hong thahat sak a, kei mama in ngal ka zo hi. * 6Ka thin uukna taw in minamte theampo tuancil in ka sutham hi. Amate ii nuntakna chisan sia lei ah ka sung hi,” ci in zo hi.
Israelte tungah TOPA ii Phatna

7TOPA ii a kho itna thu ka son tu hi;
        Ei atu in ama sep sate theampo hangin ama ka pok hi.
    Ama ii hesuakna le tawntung itna hangin
        Israel mite ama in thupha tam mama pia zo hi.

8TOPA in, “Amate in ka mite hi uh hi; kei hong theam ngawl tu uh hi,” ci hi. Tua ahikom TOPA in amate sia 9amate ii thuakna theampo panin, ngum hi. Amate a ngum sia vantung lalang khat hi ngawl a, TOPA ama mama ahi hi. A itna le a hesuakna taw amate suatak hi. Ama in a bo sa hun sungah amate keamcing tawntung hi, 10ahihang amate in TOPA leedo in a thaa thiangtho khuangai sak hi. Tua hu in TOPA sia amate ngal suakin amate do hi.

11Ahizong amate in TOPA naseampa Moses ii hun bo sate phawk kikin, “A mite ii lampuite tuipi panin a suatak TOPA sia tu in koi sungah om ziam? Moses tungah a thaa a pia, TOPA sia koi sungah om ziam? 12-13Ama minthan tawntung natu in Moses tungtawnin a vaangletna taw na lian a seam pa, tuipi tuite khen a, tuithuk kantan in a mite a lampui pa TOPA koi sungah om ziam?” ci in dongh uh hi. *

TOPA in paipui a, amate ngam siphu bangin a peang siina mun kho mama a, lutu ngei ngawl hi. 14Khuite leipha kuam sungah a ki paipui bangin TOPA in a mite tawlnga sak hi. TOPA in a mihingte hi bangin lampui a ama min ki upat sak hi.
Hesuakna le Hu natu Thungetna

15TOPA awng, a thiangtho le a minthang na tenna vantung panin, ko hong ensuk tan. Ko nong thin nopmawk belna sia koi sungah om ziam? Na vaangletna koi sungah om ziam? Nong itna le nong hesuakna koi sungah om ziam? Ko hong ngaingon heak in. 16Nangma in kote pa na hi hi. Ka pu Abraham le Jacob te in ko hong phawk ngawl uh hi, ahihang TOPA kote hong suatak tawntung pa nangma in kote pa na hi hi. 17Banghangin na lampi panin kote lam hong pial sak ni ziam? Banghangin nang kung pan lampial tu in ka thin uh sah sak ni ziam? Na na a seam mihingte atu le a tawntung nangma aa ahi mihingte na ngaisutna in hong heak kik tan.

18Na mi thiangthote ahi, kote sia, ka ngalte in tawmvei sungteng hong notkeak hi; amate in na biakna mun thiangtho sia tuancil hi. 19Nangma in kote hong ukpa ahi ngei ngawl bangkeak, kote in nangma mi ahi ngeingawl bang keakin nong vawt hi.

Isaiah 64
1Banghangin vantung hongkeak in hong paisuk ngawl ni ziam? Mualte sia nang hong mu a, hong kiita in liing tu uh hi. 2Meisa khat tungah a kisuang tuiso bangin amate liing tu uh hi. Hong pai tan a na vaangletna na ngalte tungah lak in, minamte na mai ah liing sak in! 3Nong pai lai in kote muanmawk khol ngawl a lauhuai nate na vawt hun khat om hi; mualte in nang hong mu in, hong kiita in liing uh hi. 4Ama sungah lametna a nei mihingte atu in na a seam, nangma bang Pathian khat kuama in mu ngei ngawl a, za zongh za ngei ngawl uh hi.

* 5Na dei bangin nuntak tu a ciamtee te le thumaan na seam in a lungdamte na phatvawt hi. Ko tungah na thin uuk hi, ahizong kote in khialna ka vawt veve uh hi; na thin uuk mama hi kale zongin taanglai pan kipan kote in khialna ka vawt tan uh hi. 6Eite theampo ih khial siat zo hi. Ih ngamtatna a phabelte ngangawn puan nin taw kibang veve lai hi. Ih khialnate hangin vui ii letkeak thingtee vulte taw ih kibang hi. 7Thungen in nang kung hong zuan kuama om ngawl a, huna ngen tu in nang kung hong pai kuama om ngawl hi. Ka khialnate uh hangin nangma in ko kung pan kisealin nong nusia zo hi.

8Ahizong TOPA awng, nangma in kote Pa na hi hi . Kote in tungman bang hi a, nang in beal seakpa bang na hi hi. Kote theampo nangma bitphua sa ka hi uh a, 9tua ahikom ko tungah hong thin uuk lei heak in a, ka khialnate uh taw ko hong khii top heak in. Kote sia nangma mihingte ka hi uh hi; kote hong hesuak tan. 10Na khuapi thiangthote sia senneal ngam khat bang ahi hi, Jerusalem sia kinusia in lalcip hi, 11thiangtho in a et hoi, ka pu ka pate ii nang hong pokna mun ahi ka Biakinn uh sia, mei in kaangtum zo hi. Kote ii nop ka sakna mun theampo lal siat zo hi. 12TOPA awng, hi thute theampo phamaw sa tuan ngawl ni ziam? Nangma la bangma tungh ngawlin kote ka thuak zawk ngawl tu za dongin ngim hong thuak sak tu ni ziam?

0 comments:

Post a Comment