Laithiangtho Dokna (Psalm 97-98)

1. Meeikaai le khuazing in akua kiimum ziam?
a. TOPA
b. Vantung lalang
c. Ama lap sangte

2. TOPA ii mai ah bang pai ziam?
a. Vantung Lalang
b. Meei
c. Meikuang

3. TOPA ii tung pan bang mu in leitung liing ziam?
a. Aw nging
b. Meikuang
c. Khualeng

4. Leitung sia TOPA mai ah khuainun bangh in ___ hi.
a. tui vadil
b. thum
c. khuaite i bawm

5. TOPA in akuate it ziam?
a. phat ngawlna a ensante
b. Mihingte theampo
c. Ama na aseamte

6. TOPA ii sep nate hang in akuate lungdam tu ziam?
a. Israelte
b. Thutangte
c. Gentilete

7. TOPA tungah bangbangh la sak tu ziam?
a. Mawmai sakna
b. La thak
c. Psalm la le zion la

8.  Ama vaangletna le a thiangtho ___ taw zawna ngaa zo hi.
a. thahatna
b. thupha namkim
c. itna

9. TOPA in abang thu thang sak ziam?
a. A Zawna thu
b. Hesuakna thu
c. Itna thu

10. TOPA in a kamciam sia thumanna le ___ taw kholet hi.
a. nalamdang lakna
b. tatsat ngawl itna
c. vaangletna

11. TOPA in a zawna ___ hi.
a. mihingte in mu
b. dialkhaih khai
c. thangsak

12. Leitung in akua teng taw laa sa tu ci ziam?
a. Atung ah ateangte
b. Ni, Tha le aksi
c. Van michiangthote

Psalm Late 97
A lianbel Ukpa Pathian
1TOPA sia kumpipa hi! Leitung awng lungdam in!
Tuipi sungah a om no, tuikulhte awng, lungdam vun!
2Meeikaai le khuazing in ama kiim uum hi;
ama in thutang le thumaan taw uk hi.
3Meikuang sia a mai ah pai a,
a kiimkot ah a om a ngalte kaangtum siat hi.
4Ama khualeng in simlei taang sak a;
leitung in mu in liing hi.
5Mualte sia TOPA mai ah
leitung theampo ii Topa mai ah khuainun bangin tui vadil hi,
6Vantungte in ama thutanna thang sak uh a,
minamte theampo in ama minthanna mu uh hi.
7Milim a bia a kuama po maizum kipia a,
pathian theampo in TOPA mai ah kun uh hi.
8TOPA awng, Zion mite lungdam uh a,
Judah khuapite a thin nuam uh hi,
banghangziam cile na thukhenna hang ahi hi.
9Vaanglianbelpa TOPA awng,
nang sia leitung theampo a ukpa na hi a,
pathian dangte theampo sangin na lian zaw hi.
10TOPA in phat ngawlna a ensante it hi;
ama in ama mite nuntakna dal a;
mihing ngilote thahatna panin amate suatak hi.
11Thutangte tungah khuavak taang a,
lungdamna sia miphate tungah om hi.
12No a thutang theampo awng,
TOPA ii sep sa nate hu in lungdam vun!
A thiangtho Pathian in bang seam ci in phawk vun a,
ama tungah lungdam ko vun

Psalm Late 98
Simlei Ukpa Pathian
1TOPA tungah la thak khat sa vun;
ama in na lamdangte vawt zo hi!
Ama neisa vaangletna le
a thiangtho thahatna taw ama in zawna nga zo hi.
2TOPA in a zawna thu thang sak a;
ama ngupna thahatna sia minamte tungah he sak hi.
3Ama in Israelte tungah a kamciam sia
thumaanna le tatsat ngawl itna taw kholet hi.
Mun theampo ah a om mihingte in ih Pathian ii zawna mu zo uh hi.
4TOPA tungah lungdamna la sa vun,
leitung theampo awng; la le lungdam aunate taw ama pok vun!
5TOPA tungah pokna late sa vun!
tengtongte tumin la aw nging sak vun!
6Lemle le sakii te tum vun a,
TOPA ih kumpipa tungah lungdam in au vun.
7Tuipi awng, na sungah
nganhing a om teng taw au vun;
leitung awng, na tungah a teang theampo taw la sa vun!
8Ngunpite awng, na khutte uh beang vun;
no mualte awng, TOPA mai ah lungdamna taw sa khawm vun,
9banghangziam cile ama in
leitung uk tu in hong pai hi.
Ama in leitung mite sia thumaanna le phatna taw uk tu hi.

0 comments:

Post a Comment