Laithiangtho Dokna (Psalm 99-100)

1. TOPA sia kumpipa hi a, mite ___ uh hi.
a. in he ngawl
b. liing
c. lungdam tawntung

2. Ama in ___ tungsia kumpi tokhum tungah hi.
a. cherubim
b. van ii
c. zion

3. Moses le Aaron sia thiampite hi a; Samuel sia ___ hi.
a. paubaanna nei ngawl
b. thungenpa
c. thiampi picing khat

4. Ama in ___ panin amate paupui hi.
a. ih thinsung
b. vantung
c. meei khuam

5. TOPA in daan hong pia aa, ___ zongh hong pia hi.
a. thupha
b. mawmai sakna
c. kisiik-kikna

6. TOPA ih Pathian pok vun a, ___ ah bia vun.
a. a mualthiang
b. a biakinn sung
c. Jerusalem

7. Akuateng tung ah laa vun kici ziam?
a. Ama ii tealtuamte
b. Simleibup
c. Israelte

8. TOPA sia bangbangh thinsung taw bia tu ziam?
a. Lametna
b. Kisiik kikna
c. Lungdamhna

9. Ama ii mai ah bangbangh pai tu ziam?
a. Liing
b. Lungdamhna
c. Kuun

10. TOPA sia bang ahina thu ciamtee tu ziam?
a. Pathian
b. A vaangletna
c. Mawmaisakpa

11. Eite sia ama ii ___te ih hi hi.
a. tealtuam
b. Tuuhon
c. ta

12. Ama ___ sia atawntung in kikhomsuan hi.
a. itna
b. vaangletna
c. Thumaanna



Psalm Late 99
Pathian sia A lianbel Kumpipa
1TOPA sia kumpipa hi a, mite liing uh hi.
Ama in cherubim tungsia ah
ama kumpi tokhum tungah to a, leitung sia liing in ngawk hi. *
2TOPA sia Zion ah thahat a;
ama sia minam theampo tungah a lian bel ahi hi.
3Mihing sim in ama ii a lian le a vaang nei min a pok tu uh hi.
Ama in thiangtho hi.
4Kumpi thahatpa awng, a maan nate na dei hi;
nangma in Israel ngam sungah thutang khenna na om sak zo hi;
nangma in thutanna le phatna nong paipui zo hi.
5TOPA ih Pathian pok vun;
a kumpi tokhum mai ah bia vun!
Ama in Thiangtho hi.
6Moses le Aaron in ama thiampite hi a; Samuel sia
ama tungah thu ngen pa ahi hi;
amate in TOPA biakpui a ama in amate zo hi.
7Ama in meei khuam panin amate paupui hi;
amate tungah ama piak thupiakna le thukhamte amate in ni uh hi. *
8TOPA kote Pathian awng, na mite ngetna na zo hi;
A mawnate hu in amate daan na piak hial hangin,
mawmai sakna a pia Pathian khat na hi sia amate na lak hi.
9TOPA ih Pathian pok vun a,
a mualthiang ah bia vun!
TOPA ih Pathian sia thiangtho hi.

Psalm Late 100
Pokna La khat
1Simleibup awng, TOPA tungah la sa vun!
2TOPA sia lungdamna taw bia vun;
ama mai ah lungdamna late taw hong pai tavun.
3TOPA sia Pathian hi ci in ciamtee vun.
Ama in eite hong vawt a, eite in ama aa ih hi hi;
eite sia ama mihingte ih hi a, ama tuuhonte ih hi hi.
4Biakinn kongpite sungah lungdam kona taw tum vun;
pokna taw a leitual ah pai vun.
Ama tungah lungdam ko in ama pok vun.
5TOPA pha hi;
ama itna in bo maw a,
ama thumaanna sia a tawntungin kikhomsuan hi. *

0 comments:

Post a Comment