Laithiangtho Dokna (Samuel 27-28)

1. David koi sung ah akibuh ciang Saul in a thalup sawm kheal ziam?
a. Philistia
b. Judah ngam
c. Sinai nitumna

2. Achish in abang khua sia David pia ziam?
a. Samaria
b. Damascus
c. Ziklag

3. David in Achish ii piak khua ah tha bangza uk ziam?
a. 4
b. 9
c. 16

4. Philistia a om sung David in akoi sung dong ngalnguk sim ziam?
a. Israel ngam
b. Amon
c. Egypt

5. David in Achish kung ah angal simna san sia a bang ngam ci ziam?
a. Philestinete ngam
b. Judah thangsang
c. Israel saksang

6. Achish ii ngaisutna sung, David in ___te ensan hi.
a. Judah
b. Syriate
c. Israel

7. Akua na David sia a body guard in koi nuam ziam?
a. Amon kumpipa
b. Saul
c. Achish

8. Samuel koisung kiphum ziam?
a. Gath
b. Galilee
c. Ramah

9. Saul in a uliante tung ah akua zong sak ziam?
a. Atapa le David
b. David
c. Thaa sam thei

10. Saul akua taw kimutu in ameal kiseal ziam?
a. Samuel
b. David
c. Thaa sam thei numei

11. Sual in Israel ngam sung panin akuate hawlkeak ziam?
a. Ngamdangmite
b. David le mealheakte
c. Aisaan thei / thaa samtheite

12. Samuel ii apau ciang Saul lau lei in bangtat ziam?
a. Kap
b. Taai
c. Lei ah kithung

Samuel Khatna 27
Philistinete sungah David
1David in ama le ama hi bangin kici hi, “Ni khat papo ciang Saul in kei hong thatlum tu hi. A pha bel ka sep tu sia Philistia ah tai in ka suatak tu ahi hi. Tua hi le Saul in kei Israel ngam sung a hong zon sia kheal tu a, kei ka suakta tu hi.”  2Tua ahikom David le a mite zaluk sia thakhat in Gath kumpipa Maoch ii tapa Achish kung zuan uh hi.  3David le a mite sia a innkuanpuite taw Gath ah peam uh hi. David in zite nii nei a, Jezreel pan Ahinoam le Nabal ii zi meingongnu Carmel pan Abigail ahi uh hi.  4Saul in David sia Gath ah tai hi ci in a zaak ciang ama a zon tawntung kheal hi.
  5David in Achish munah, “Nang ka lawm na hile ka ten natu khuapino khat hong pia tan. Ngam ii khuapi sungah nang le kei ih tenkhop tu sia a kulna om ngawl hi,” ci hi.  6Taciang Achish in khuapino Ziklag sia pia a, tua hu in Ziklag sia Judahte neisa hi tan hi.  7David in Philistia ah tha sawm le tha luk teang hi.
  8Tua hun sung tengin David le a mite in Geshur, Girzi, le Amalek ngamkhen ah khua ngeipi a teang sa te sim uh hi. Ama in amate ii ngam sia Shur dong taciang Egypt ngam dong, ngalnguk in simsuk hi,  9a pasalte le a nupite that in, a tuu, a khui, a laa le a kalauh te le puan ngangawn laak sak uh hi. Tua zawkciang Achish kung veu ah cia kik hi,  10tua pa in, “Tutung koi sungah ngalnguk sim ni ziam?” ci in dongh bul a, taciang David in, Judah thangsang ngam, ahibale Jerahmeel be le phungte ngam, ahibale zong Kente ii tenna ngamte ka sim hi ci hi.  11David in, ama le a mite ii ngamtatna kuama ii Gath ah cia in a son thei ngawl natu in, pasal le numei theampo thatlum siat hi. Hi sia in Philistia ah a ten sung tawntung David ii a ngamtatna ahi hi.  12Ahihang Achish in David muang a, ama le ama hi bang kici hi, “Ama sia a mipui Israelte in ensan mama ahi ciang a nuntak tawntung keima na hong sep sak tu hi,” ci hi.
Samuel Khatna 28
1Tua zawk tawmvei ciangin Philistinete in Israel sim tu in a ngalkapte uh khawmtua hi, taciang Achish in David munah, “Nang le na mihingte in kei sang pan ngal sim tu ci sia na heak sa hi,” ci hi.
  2“Hi mama hi,” David in ci hi. “Kei na naseampa khi hi, taciang bang ciang vawt thei khi ziam ci sia nangma mama in na mu tu hi,” ci hi.
 Achish in, “Pha hi! A tawntung in keima hong cing pa kong suak sak tu hi,” ci hi. 
Saul in Thaa sam thei khat Thu dongh
3Tu in Samuel thi zo a, taciang Israel theampo ama hangin khuangai uh a, taciang ama ii khua Ramah ah phum uh hi. Saul in aisaan thei te le thaa sam thei te theampo Israel panin not keak zo hi.  *
  4Philistine ngalkapte hong kikhawmtua a, Shunem khua hui ah ngiaphual saat uh hi; Saul in Israelte khawmtua in Gilboa Mualvum ah ngiaphual saat hi.  5Saul in Philistine ngalkapte a mu ciang ama lau mama hi,  6tua ahikom ama in TOPA munah bang law tu khi ziam ci in dongh hi. Ahihang TOPA in mang sung pan ahizong, Urim le Thummim tung pan ahizong, kamsangte tung pan ahizong, a zo mama bua hi.  *  7Tasia ciang Saul in a uliante munah, “Thaa sam thei nupi khat va zong tavun, keima pai in thu dongh tu khi hi,” ci hi.
 Amate in, “Endor ah khat om hi,” ci in zo uh hi.
  8Tua ahikom Saul ama le ama kimealseal a, puandang silh in, khuazin zawkciang a mite nii taw nupi nu taw kisi tu in pai hi. “Bang thu piang thei tu ziam ci in kei tungah nong son thei natu in thaa dongh in. A min kong law pasal khat ii thaa sam in,” ci hi.
  9Numei nu in zo a, “Kumpipa Saul ii ngamtatna teng na heak siat sa hi a, Israel ngam sung panin aisaan thei te le thaa sam thei te theampo hawlkeak hi. Tua ahile, banghangin kei thaang hong sia in hong kithatlum sak nuam ni ziam?” ci hi.
  10Taciang Saul in kiciamna vawt a, “A nungta TOPA taw kamciam hong pia khi hi, hi nasep na sep hu in daan hong kipia ngawl tu hi,” ci hi.
  11“Akua thaa hong sam sak tu khi ziam?” numei nu in ci hi.
 Ama in, “Samuel” ci in zo hi.
  12Tua numei nu in Samuel a mu ciang ciik au in Saul munah, “Banghang hong theam ni ziam? Nang Saul Kumpipa ni hi! ” ci hi.
  13“Lau heak in, bang na mu ziam?” kumpipa in ci hi.
 Numei nu in, “Thaa khat lei panin hong tho to ka mu hi,” ci in zo hi.
  14Ama in, “Tasia bang taw kibang ziam?” ci in dongh hi.
 “Pasal huai khat hong pai to a, ama in pualtual tungsilh silh hi,” ci in numei nu in zo hi.
 Taciang Saul in Samuel hi ci in tel a, ama zatakna in lei ah bok hi.
  15Samuel in Saul munah, “Banghangin hong nawngkai sak ni ziam? Banghangin hong heak kik sak ni ziam?” ci hi.
 Saul in zo a, “Keima in ngimna lianpi sungah om khi hi! Philistinete sia kei ngalin hong ding hi, taciang Pathian in kei hong nusia hi. Ama in kamsangte tungtawn ahizong, mang tungtawn ahizong hong zo ngawl hi. Tua ahikom bang vawt tu khi ziam ci in nong son natu nang hong sam khi hi,” ci hi.
  16Samuel in, “TOPA in nang hong nusia a, na ngal a sua zawk nungsang, banghangin kei hong sam ni ziam?  17TOPA in kei tungah hong son sa bangma in ama in nang tungah hong seam zo hi: ama in na kumpi ngam sia na khut sung pan la keakin David hong piak sak zo hi.  *  18Nangma in TOPA thu ni ngawlin, Amalekte le a neisa uh te a vaikhua in susia cip ngawl ni hi. Tua hu in TOPA in hi sia nang tungah hong vawt hi.  *  19TOPA in nang le Israel sia Philistinete khut sungah hong aap tu hi. Zing ciangin nang le na tapate in kei nong pawm tu uh a, TOPA in Israel ngalkap honte Philistinete aap tu hi,” ci hi.
  20Thakhat thu in Saul puk suk a, Samuel ii pau teng hu in lau leilam in lei ah kithung hi. Ama sia a tha zawm hi, banghangziam cile nibup le zan tawntung bangma neak nei ngawl hi.  21Numeinu in ama kungah hong pai in ama lau ngawpin om a mu ciang, “Topa awng, nong hesuakna in ka luang aitaa in, nong sawl teng hong vawt sak khi hi.  22Tu in kei ii kong nget bangin hong ngamta tan. Nang atu an tawm hong vawt tu khi hi. Na khualhaw thei khom natu thahatna na nga natu an na neak kul tu hi,” ci hi.
  23Saul in bangma ne ngawl tu khi hi ci in nial hi. Ahihang a uliante zongh in ama an ne tu in sawl uh hi. A khakbel ciang ama in kilel sakin lei pan hong tho to a, lupna tungah to hi.  24Numeinu in a thau tu in a vaak top khuino sia ngo hi. Taciang ama in anvui pawl khat hong la a, tol saw ngawl anluum in hong em hi.  25Ama in a ante Saul le a uliante mai ah lui a, amate in ne uh hi. Amate tua ni zan in dingkhia uh hi.

0 comments:

Post a Comment