Laithiangtho Dokna (Samuel Khatna 21-22)

1. Thiampipa ii anluum sia bangbangh te bek in ne thei ziam?
a. Uliante bek
b. A thiangthote
c. Levite bek

2. David ii neak anluum sia akoi sung pan ziam?
a. Sabuai thiang pan
b. Biaktau tung pan
c. Thiampipa inn pan

3. David in ___ kung pan tei ahi zong namsau ahi zong ngen hi.
a. Ahimelech
b. Saul
c. Jonathan
4. Akua in Goliath ii namsau sia David pia ziam?
a. Ahimelech
b. Saul
c. Jonathan

5. David akoi sung tai masa ziam?
a. Egypt
b. Judah
c. Gath

6. David in akua lau a amamaw banghin kithoai ziam?
a. Saul
b. Achish
c. Ahimelech

7. David mamaw in akithoai zawk ciang koi sung ngam taai ziam?
a. Egypt
b. Moab
c. Philistine

8. David apawm mihing bangza bangh pha ziam
a. 300
b. 400
c. 800

9. David in apa le anu sia akua kung ah aap ziam?
a. Moab kumpipa
b. Thiampipa
c. Saul

10. Kamsang Gad in David kung ___ ah pai tan ci hi.
a.  Gath
b. Syria
c. Judah

11. Ahimelech le thiampite athat Doeg sia bangna seam ziam?
a. Ngalkap
b. Biakinn cing
c. Tuucing

12. Doeg in Thiampi bangza that ziam?
a. 70
b. 75
c. 85

Samuel Khatna 21
Saul kung pan David Tai
1Nob khua ah a om thiampi Ahimelech kungah David pai hi. Ahimelech a liing sa in ama muak tu in pai a, “Nangma nguakin hi sungah banghang hong pai ni ziam?” ci in dongh hi.
  2“Kumpipa vai taw kei hi sungah kong pai hi,” ci in David in zo hi. “Ama in sep tu hong piak te kuama ka heak sak ngawl tu in hong sawl hi. Ka mite ahile mun khat ah kisiktua tu
in thu ka pia hi.  3Tua ahile, tu in nguai an bang teng nei ni ziam? Anluum nga ahibale zong a dang na nei khat po hong pia tan!” ci hi.
  4Thiampipa in, “Anluum thathong nei ngawl khi hi, a kithiansua sa anluum bek nei khi hi; na mite in tu nai sungin numei taw a omkhawm bana uh le tuate la thei ni hi,” ci hi.
  5David in, “Om khawm ngawl het hi, ka mite sia sawlna thathong te a sep bek zongh a zeksa ngeina taw kisai in thiang hi, tua ahile a thupi sawlna ah ka pai uh ciang thiang
seseam ngawl tu khu ziam?,” ci in zo hi.  *
  6Tua ahikom thiampipa in David sia a thiangtho anluumte pia hi, banghangziam cile anluum a nei sunte sia Pathian a kipia sa hi a, sabuai thiang panin anluum thak taw a kilaih
sa te ahi hi.  *
  7(Saul ii tuucing ukpa Doeg, Edom pan a sia, tua ni in tua munah biakna vai a khuangkhim sak tu in na om hi.)
  8David in Ahimelech munah, “Tei ahizong namsau ahizong kei nong piak tu na nei ziam? Kumpipa in manlang tatak in ka pai natu thu hong pia ahikom ka namsau ahizong
ngalhiam dang ahizong laak tu hun ka nei nawn bua hi,” ci hi.
  9Ahimelech in zo kik a, “Elah Kuam sungah Philistinete Goliath na thalup sia ii namsau bek nei khi hi; ephod sia ii nungah puan taw kituun in om hi. Na dei le la in— hi sungah a
om ngalhiam sia tasia bekma hi,” ci hi.
 David in, “Hong pia tan, tasia sangin a pha zaw namsau dang koima ah om ngawl hi,” ci hi..  *
  10Tabangin David in Saul kung pan tai in, tua mun zongh nusia in, Gath ah kumpipa Achish kung zuan hi.  11Kumpipa ii uliante in, “Hisia David hi kana ngawl ziam? Ama ii ngam
sungah kumpipa hi ngawl ziam? Numeite a lap kawm in la a sak uh, ‘Saul in a tul in that a, David in a tulsawm in that hi’ a ci sia hi ngawl ziam?” ci uh hi.  *
  12Amate ii kammalte in David thin sung nasia takin hong suu hi, taciang ama in Kumpipa Achish sia kiita mama hi.  *  13Tua ahikom amate kiim le paam ah a om uh ciang David
sia a thin ki amh sakin, amate in ama a letcip nop uh ciang, mihing mamaw te bangin kithoai a, khuapi kongpi tung piik zazan in, a khamul tung khawng ah a cil kaai sak dimdum
hi.  *  14Tua ahikom Achish in uliante munah, “En vun! Mihing pa sia mamaw hi ngawl ziam? Banghang kei kungah hong paipui nu ziam?  15Mihing mamaw a kicingin nei zo hong
sa ngawl nu ziam? Ka baangkua sungah a mawmawt huai ngamtatna te taw hong nawngkai sak tu in banghang midang khat hong paipui nu ziam?” ci hi.

Samuel Khatna 22
Thiampite Kithalupna
1David sia Gath khuapi panin hong tai in Adullam khua mawk lianghawng khat hong zuan hi. A suapuite le a innkuanpuite in tua thu a zaak ciang ama pawm uh hi.  *  2Mihing a ki
nengniamte, leiba neite le lungkim ngawlna nei papo in ama kungah pai uh a, a vekpi a kingawm in zali bang pha in, ama sia amate lampui suak hi.
  3David in tua mun panin Mizpah, Moab ngam Mizpah ah pai a, Moab kumpipa munah, “Nong hesuakna in, Pathian in kei atu bang hong vawt sak tu ci ka heak dong, ka pa le ka
nu sia nang kungah na om sak in,” ci hi.  4Tua hikom David in a pa le a nu sia Moab kumpipa taw nusia a, David ii lianghawng sung a ten lai theampo amate zongh tua munah om
uh hi.
  5Taciang kamsang Gad sia David kungah hong pai a, “Hi sungah om heak in, Judah ngam ah tu mama in pai in,” ci hi. Tua ahikom David in tua mun nusia in Hereth ngam
duisung zuan hi.
  6Ni khat ni in Saul sia Gibeah ah om a, mualtung khat makeang kung nuai ah tei toai in, a uliante ama ii kiim ah dingin om hi. David le a mite sia kimu zo hi ci in ama tungah thu
kiko a,  7taciang ama in a uliante munah, “Benjamin mite awng, ngai vun! David in no sia sapit huan khawng hong pia in, ama ngalkap hon sungah ulian, zalian hong pia tu in
muangmaw nu ziam?  8Tasia hu in kei sia hong sawm na hi uh ziam? Ka tapa in David taw a kipawl hunlam no sung pan khat zongh in kei tungah hong son ngawl nu hi. Kuama in
kei hong thin nuam maw ngawlin, tua ahibale zong ka mihingte sung pan khat ahi David in, tu hun tatak ma in kei hong thalup natu hun pha zong tawntung ahi hunlam le ka tapa
in ama hanthawn ahi hunlam hong son ngawl nu hi,” ci hi.
  9Doeg sia Saul ii uliante taw tua munah ding a, ama in, “Nob khua ah Ahitub ii tapa Ahimelech thiampipa kungah David a pai mu khi hi.  10David in bang teng vawt kul tu ziam ci
in Ahimelech in TOPA dongh a, tua zawkciang David sia an tawm pia in, Philistine Goliath ii namsau sia pia hi,” ci in son hi. *
  11Kumpipa Saul in thiampi Ahimelech le Nob ah thiampite ahi a bete sam sak a,  12Saul in Ahimelech munah,“Ahimelech awng, hong ngai tan,” ci hi.
 Ama in, “Na naseampa khi hi, topa,” ci in zo hi.
  13Saul in, “Nang le David in banghangin kei hong sawm nu ziam? Banghangin ama an tawm le namsau namsau pia in, Pathian munah ama atu thu dok sak ni ziam? Tu in ama in
kei hong langpan a, kei hong thalup natu hun pha a nga tu ngakin om hi!” ci in dongh hi.
  14Ahimelech in,“David sia na uliante sung pan nang tungah a thumaan bel pa hi. Ama sia na maakpa, nangma hong cingte ii ngalkap mang pa hi a, taciang kumpipa inn sungah a
om theampo in ama zakta uh hi.  15Hi hi, ama atu Pathian tungah thu dongh peu khi hi, ahizong hi sia a masa phit bel hi ngawl hi. Nang hong thasawm na taw kisai in, kumpipa in
kei ka innkuan sungah a dang khat papo ahizong maw hong suan thei ngawl tu ni hi. Hi thu ah kei bangma he ngawl khi hi,” ci in zo hi.
  16Kumpipa in, “Ahimelech awng, nang le na bete theampo na thi uh kul tu hi,” ci hi.  17Tua zawkciang ama a cing a kungah a dingte munah, “TOPA ii thiampite that vun! Amate
in David taw kikum ku uh a, ama a taimang zongh he napi hong son ngawl hi,” ci hi. Ahihang amate in TOPA ii thiampite ii tungah a khut uh a tu nuam bua hi.  18Tua ahikom Saul
in Doeg munah, “Nangma that in!” ci a, Doeg in thatlum siat hi. Tua ni in ephod a silh thei tu thu nei sa thiampi sawmliat le nga that hi.  19Saul in thiampite khuapi Nob sungah a
teangte theampo thalup natu thu pia a: pasal, numei, patang le nausen, khuite, laate le tuute— tuate theampo that uh hi.
  20Abiathar a kici Ahimelech ii tapa khat suakta a, ama in David zuanin pawm hi.  21Ama in Saul in TOPA ii thiampi theampo a thalup son hi.  22David in ama tungah, “Tua ni in
Doeg tua munah ka mu ciang, ama in Saul tungah son vangiat tu hi ci in ka heak ma hi peu hi. Tua ahikom, na bete theampo ii thina sia keima hang ahi hi.  23Keima kungah hong
om tan a, lau heak in. Saul in nang le kei sia hong thatlum nuam hi, ahihang nang sia kei taw suakta tu ni hi,” ci hi.
 

0 comments:

Post a Comment