UN Zumhpi ii UNICEF Taw Kisai

 UN zumhpi ii EC committee ah UNICEF sia kihel in, Akhangto pheang tu ngamte ah numei le patangte noptuam ngaa natu in ngealna taw  December 11,1946 ni in akiphut hi. Kawlngam ah sia 1950 ciang theng hi.

Kipat ciil lai sia, ngalpi nii hang in, ngimhngaa patangte atu in emergency anneak tuidawn ngaa natu ngealna taw kipan hi in, 1953 ciang, UNHCEF sia UN zumhpi ah ngam tatuam om dongtawk patang te atu donghuu kipawlna khat in hong ding hi.

Ngam tatuam le NGO tatuam in fund sum om natu huu in, 2008 lai asum tum sia $3,372,540,239 hi. U.S. le Canada ah "Trick and Treat" ci aa, UNICEF in, inn khat zawk inn khat sum khon thei aa, 2012 lai bangh Canada ngam ah 91 million ngaa in, USA ah 167 million ngaa hi.

Ngam 191 ah UNICEF ii nasepna om ahi hang, Ngam 9 ah kihelna nei ngawl hi (Singapore, Brunei, Bahamas, Cyprus, Latvia, Liechtenstein, Malta, Mauritius,le Monaco)
Ngam tatuam ah khuahun siat hang le tualngal a om le ci'n Denmark ngam ah Kiallap Neakledawn pawlkhat sia Innpui 2 sung ah koi hi.

0 comments:

Post a Comment