Laithiangtho Dokna (Psalm 109-110)

1. Psalm 109 sia akua ii phunna kici ziam?
a. Kumpipa
b. Ngualzo tangval khat
c. Ngimnga pasal khat

2. Ngalte tung ah thukhen tu in ____ thukhenmang kisamh hi.
a. a thu man
b. thu ahe
c. a man ngawl

3. Ngual tomlaw thanuam ahikom, ___tahen!
a. kisik kik nanak
b. ama kitomlaw
c. thupha ngaa

4. ___ sia nguu le taang sung sathu bangh cing hen.
a. Haamsiatna
b. Ki itna
c. Kilemnopna

5. Laphuakpa in akoi sung ka liam ci ziam?
a. Nguu le taang
b. Ngaisunna
c. A thin sung tawng

6. TOPA in akua hung ziam?
a. Keima
b. A itte
c. Mizawngpa

7. TOPA sia ___ om in, “Na ngalte uk in” ci hi.
a. Vantung ah
b. Zion
c. Ka sap theina mun ah

8. Khangnote ii abang tui bang in, laphuakpa pawm tu ziam?
a. Daitui
b. Nguntui
c. Ciiktui

9. Akua pan a ki nguizui thiampi suak natu ki kamciam ziam?
a. Samuel
b. Aron
c. Melchizadek

10. Ngal kisimna phual sia bang taw kidim tu ziam?
a. Kihuatna
b. Thinsona
c. Mithiluang

11. Lamhui aluang lui tui, adawn tu sia akua ziam?
a. Vakthapte
b. Kumpipa
c. Thiampite

12. Lamhui aluang lui tui adawn ciang bang tat tu ziam?
a. Ki thakho sua
b. Thuman tu
c. Kidawm tu

Psalm Late 109
Ngim nga Pasal khat ii Phunna
1Nang kong pok hi, Pathian awng; thim om top heak in!
2Mihing ngilote le leeilot theite in kei hong sim hi.
Amate in kei huvau leeilot thu son hi, 3Kei huvau in thusia son hi,
bangma thu om ngawl bulin kei hong sim hi.
4Amate it in amate atu thunget sak ka hi hangin amate in kei hong ngalvawt hi.
5Amate in kei tungah phatna sia siatna taw hong lo a, itna sia etsatna taw hong thuh hi.
6Ka ngalte tungah thukhen tu in a maan ngawl thukhenpa khat teal in a, ama ngalte khat ma in ama mawsiat sak in.
7Ama thu kisit in a maw hunlam kilangh tahen;
ama thu ngetna ngangawn thukham paltan mawna bangin kisaang tahen!
8A nuntakna hai ngawlin bo tahen a, midang khat in a nasep lua tahen! *
9A tate tanga suak tahen a, a zi meingong suak tahen.
10A tate sia inn nei ngawl khutdaw ngen a, a vakte suak tahen;
a siacip sa a tenna pan tua a tate kihawlkeak tahen!
11A leitote in a neisa theampo laak sak tahen a, ama sep thaman theampo khual mite in nga tahen.
12Kuama in ama tungah dik ngei kaheak hen a, ama nusiat tangate sia kuama in awlmaw heak hen.
13A suan a paalte thi siat tahen a, khang kik sungah a min ki mangil tahen.
14A pute ngitlona sia TOPA in ciamtee hen a, a nu mawnate mai sak ngei heak hen.
15Amate mawna sia TOPA in a tawntung in ciamtee tahen a, ahizong amate sia kimangil bing tahen.
16Tua pasal pa in cikna ngaisun ngei ngawl hi;
ama in a zawng taangsapna a neite le hu tu a nei ngawlte siatvawt in thatlum hi,
17Ama in ngual tomlaw thanuam ahikom, ama kitomlaw tahen!
Thupha piak tu sia ngaimaw ahikom, kuama in ama thupha pia heak hen!
18Haamsiatna sia ama in puansilh bangza in olsawng sak hi;
ama haamsiatnate in a pumpi sia tui bangin zen tahen a, a ngu a taang sungah sathau bangin cing tahen!
19Tua haamsiatnate in ama sia puan bangin tuamcip tahen a, ama kiimkot panin kawngkhau bangin vial tahen!
20TOPA awng, kei langpang in kamsia a pau ka ngalte tungah tabangin ngim pia in.
21Ahihang nong kamciam sa bangin kei hong hu tan, Vaanglianpipa ka TOPA awng, a pha na itna hangin kei hong suatak tan.
22Keima in zawngin ka kitaangsamh hi;
ka thinsung tawng dongin ka liam zo hi.
23Nitak nilim bangin a bo dektak ka hi zo a;
mitsa lungno bangin hong ki seamkeak zo hi.
24Anneak kisap hu in ka khupte thazawm a;
keima in vun le ngu bek taw ka om hi.
25Mihingte in kei hong mu ciangin hong nuisan uh a;
selnona taw a lu uh hong pei san hi. *
26Kei hong hu tan, TOPA ka Pathian awng;
tatsat ngawl na itna hu in hong hun tan!
27Kei hong hunpa sia nangma na hi hunlam ka ngalte in he sak in.
28Amate in kei hong tomlaw tu ahihang nangma in thupha nong pia tu hi.
Kei hong siatvawtte in lelna thuak tahen a, keima, na naseam pa ka lungdam tahen.
29Ka ngalte sia min siatna taw kituam tahen a, amate in a maizumna sia puantual bangin silh tahen.
30Lungdam kona nging takin TOPA tungah ka pia tu a;
mihingte kikhopna sungah ama ka pok tu hi, 31banghangziam cile ama in mizawng pa hung a, ama a thi tu in a puavawkte kung panin ama suatak hi.

Psalm Late 110
TOPA le A teal sa Kumpipa
1TOPA in kumpipa ka Topa tungah, “Na ngalte na peangpak nuai ah ka koi dong hi sung ka ziatsangah to in” ci hi. *
2Zion panin TOPA in na kumpi vaangletna khan tu hi.
Ama in “Na ngalte uk in” ci hi.
3Na ngalte na sim ni ciangin na mite in amate hantangin nang hong pawm tu hi.
Zingsang tuung daaituite bangin na khangnote in nang kung mual thiangtho tungah hong pai tu hi.
4TOPA in ciliap huai takin kamciam khat vawt a dok kik ngawl tu hi:
“Nangma in Melchizadek pan a ki nguizui thiampi nam sungah
a tawntung in thiampi khat na hi tu hi,” ci in kamciam pia hi. *
5TOPA in na ziatsang ah om hi;
ama a thin a uuk ciangin kumpite zothal siat tu hi.
6Minam tatuamte tungah ama in thu tan tu a, ngal kisimna phual sia mithiluang taw dim sak tu hi;
leitung theampo ah kumpite zo siat tu hi.
7Kumpipa in lamhui a luang lui panin tui dawn tu a, tasia ciang ki thakho sua in, zawna taw a ding tu hi.


0 comments:

Post a Comment