Laithiangtho Dokna (Psalm 111-112)

1. ___ah ka thin theampo taw TOPA ka pok tu ci hi.
a. Ama mite kikhopna
b. Biakinn sung
c. Ka thin sung

2. TOPA ii vawt theampo sia minphatna le ___ taw kidim hi.
a. cidamna
b. thuthiamna
c. kumpi zia

3. TOPA na bang mangil bua leang dei ziam?
a. A vawtsa ih hi thu
b. A itna
c. A nalamdang vawtte

4. TOPA in ama azaktate bang pia ziam?
a. a dei pawpo
b. sum le paai
c. An

5. TOPA zatakna in ___ ii lampi ahi hi.
a. thupha
b. ciimna
c. khuamu theina

6. A thu a ni theampo tungah bang pia ziam?
a. Vaangletna
b. Thukhen thiamna
c. Hauna

7. TOPA a zakta te sia mihing ___ ahi hi.
a. nuamsa
b. kiphasakte
c. hanciamte

8. Mihing phate ii tate sia ___sungah thahat tu hi.
a. khuapi
b. mizawngte
c. ngam

9. Akuate atu in khuavak sia khuazing sung ah taang ziam?
a. Ngual ahute
b. Ngalkapte
c. Ngualhesuak thei te

10. Akua in lelna ngaa ngei ngawl tu ziam?
a. Pathian
b. Mihing pha khat
c. Atate

11. A kitaangsamh te tungah ___ in ngo takin pia hi.
a. Pathian
b. Mihing pha khat
c. Atate

12. Akua thahat in kizakta tu ziam?
a. Pathian
b. Mihing pha khat
c. Atate


Psalm Late 111
TOPA Pokna
1TOPA pok vun!
Ama mite kikhopna ah ka thin theampo taw TOPA ka pok tu hi.
2TOPA vawt nate bangza in lamdang ziam!
Tuate hu a a lungpilte in tuate thu a tel nuam uh hi.
3Ama vawt theampo sia minphatna le kumpizia taw kidim hi;
ama thutang a hina sia a tawntung atu ahi hi.
4TOPA in ama na lamdang vawtte
eite in hong mangil sak nuam bua hi;
ama dik a hesuak thei hi.
5Ama a zaktate atu in ama in an pia a;
a thuciam a mangil ngei bua hi.
6Minam dangte leitangh
amate a piakna taw in a mite tungah ama in a thahatna lak hi.
7A sep a vawt theampo sungah ama thumaan a thutang hi;
ama thupiakna theampo in muan thamman hi.
8Tuate in a tawntung in kikhomsuan a;
thumaanna le thutanna taw a kipiak ahi hi.
9Ama in a mite suakta sak a,
amate taw tawntung a kip tu thuciamna vawt hi.
Ama thiangtho in vaanglian hi!
10TOPA zatakna in ciimna ii lampi ahi hi;
ama in a thu a ni theampo tungah thukhen thiamna pia hi.
Ama sia a tawntung in pok tu ahi hi. *

Psalm Late 112
Mipha khat ii Lungdamna
1TOPA pok vun!
TOPA thupiakte zui sia nuamsa in,
ama a zakta te sia mihing nuamsa ahi hi.
2Mihing pha sia ii tate sia ngam sungah thahat tu uh a;
ama suan le paalte sia thupha kipia tu hi.
3Ama innkuanpuite sia nei le lamh taw kicing tu a,
ama sia a tawntung in nuamsa tu hi.
4Mihing pha ngual a hesuak theite, a dikte, thutangte atu in
khuavak sia khuazing sungah a tang hi.
5Ngual tungah sum ngo takin pukthaak a,
a nasepna thumaanna taw a seam sia in mihing nuamsa ahi hi.
6Mihing pha khat in bangma hun in lelna nga ngei ngawl tu hi;
ama sia a tawntung in kiciamtee tu hi.
7Ama in thusia zaak tu a lau bua hi;
ama upna hat a ama in TOPA muang hi.
8Ama sia thin ngim ngawlin a lau bua hi;
a ngalte in lelna a thuak tu uh sia ama in a heak sa ahi hi.
9A kitaangsamh te tungah ama in ngo takin pia hi,
taciang ama cikna sia bo ngei ngawl hi;
ama thahat tu a, kizakta tu hi. *
10Mihing ngilote in hi thu mu in a thin uh uuk hi;
amate in etsatna taw ngau in tuateng taw amate a bo uh hi;
amate lametna sia a tawntung in a mangthang hi.

0 comments:

Post a Comment