Laithiangtho Dokna (Samuel Khatna 31)

1. Saul athima Philestinete taw koisung mualvum ah kisim ziam?
a. Gilboa Mualvum
b. Sinai
c. Hermon

2. Saul taw athikhawm atapa bangza ziam?
a. Nii
b. Sali
c. Thum

3. Saul bang hang in liam ziam?
a. Liik in liam
b. Naam taw kiholh
c. Thaltang in kha

4. Saul in akua kung ah hong thatlum tan ci ziam?
a. A ngalkapmaang
b. A ngalvan puapa
c. A tapa

5. Saul in ___ la in a tungah ama le ama kihen hi.
a. a namsau
b. thaltang
c. a teipi

6. Saul thi ciang, ___ ii nisuana sang Israelte zong a khua nusia uh hi.
a. Jerusalem
b. Samaria
c. Jordan ngun

7. Philestinete in Saul ii luanghawm banglaw ziam?
a. Meitaw hal
b. Semneen
c. A lutang tan

8. Astarte biakinn sung ah Saul ii bang kikoi ziam?
a. Ngalvanh bek
b. Lutang
c. Luanghawm

9. Philestinte in, Saul ii luang sia bang ii tung ah kilh ziam?
a. Luphung tung
b. Thingkung tung
c. A Pathian limh tung

10. Saul ii luang apham ngam sia akua te ziam?
a. David le alawmte
b. Judah te
c. Gilead ngam Jabeshte

11. Saul ii luang sia Jabesh mihingte in bangba hi ziam?
a. Khuapi laizang ah koi in kap
b. Kumpi thaan ah phum
c. Meitawhal angu makeang nuai phum

12. Saul thi hang in nibangza antang uh ziam?
a. thum
b. Sali
c. sawm

Samuel Khatna 31
Saul le A tapate ii Thina
(1Khang tangthu 10:1-12)

1Gilboa Mualvum ah Philistinete in Israelte langpan in ngal kidona ah do uh hi. Israelte tam mama tua munah thi in, a taang laiteng Kumpipa Saul le a tapate taw tai uh hi.  2Ahihang Philistine te in a taina ah pha in Saul ii tapate thum, Jonathan, Abinadad le Malchishua te that uh hi.  3Saul ii kiim ah ngal kidona sia nasia mama a, Saul ama zongh ngalte thaltangte in kha a, nasia liam mama hi.  4Ama ii ngal vanh a pua tangvalpa munah, “Pathian he ngawl Philistinete ii kisuangtaak a hong thalup thei ngawl natu in, na namsau dokin hong that tan,” ci hi. Ahihang tangvalpa in tabang a ngamtat tu lau lei hi. Tua ahikom Saul in a namsau la in a tungah ama le ama kihen hi.  5Tangvalpa in Saul a et ciang thi zo ci in mu a, ama zongh namsau tung ma ah kihen in Saul taw thi khawm hi.  6Tabangin Saul taw, a tapate thum le tangvalpa thi uh hi; Saul ii mihingte theampo tua ni in thi siat uh hi.  7Jereel kuam ii langkhat Jordan Ngun ii nisuana sang a om Israelte in Israel ngalkap honte taithaap zo a, Saul le a tapate thum thi zo ci a zaak uh ciang amate zongh a khua uh nusia in tai uh hi. Philistinete hong pai in tua khua lua uh hi.
  8Ngal kido khuavak ni in Philistinete mithiluang te phuul tu in hong pai uh ciang Saul le a tapate thum sia Gilboa Mualvum ah a luang uh lumin mu uh hi.  9Amate in Saul ii lutang tan in, a thik puan teng suutin, tuate a pua kamtaite Philistia ngam sung amate ii biak milimte le a mite tungah lungdamna thuthang taangko tu in pai sak hi.  10Taciang amate in Saul ii ngalvanhte a pathian nu Astarte ii biakinn sungah koi in, a luang sia Beth Shan khuapi luphung tungah kilh uh hi.
  11Gilead ngam Jabesh khua mihingte in Saul ii tungah Philistinete ii ngamtatna a zaak uh ciang,  12pasal hang bel teng dingkhia in Beth Shan ah zankhua teak mainawtin pai uh hi. Amate in Saul le a tapate ii luang luphung tung pan la suk uh a, Jabesh ah ciapui in tua munah hal uh hi.  13Taciang a ngu uh sia khuapi sung, makeang nuai ah phum in ni sali sung an tang uh hi.

0 comments:

Post a Comment