CDU Le RSC Pan Thuzaaksakna

CDU palai sepna taw suutpom kipawlna lampuite le CDU/RSC kimukhopna sia 21-Nov-2014(Fri) ni-in, UNHCR meeting khan ah zing nai(9-12) dong ki nei hi.

Ms. Brittosha,CDU pan kikuppuina: 
Malaysia ngam om, Suutpom kipawlna sia UNHCR pan awina le ceptena taw hong ki phuan sak hi. Ahing zong, Non- Myanmar Ethnics atu mi (50) pha hamtang tu a, Myanmar Ethnic ahi le mi(300) pha hamtang tu hi. Mi khat ahibale Innkuan khat ii kum khat pawl luut man sia RM150/ saang tamzaw ngawl tu hi. Kum khat sung hong ki en cik tu hi. Tua zawk ciang UNHCR nuai ah aom kipawlna ci-in hong ki ciamte pheang tu hi. Suutpom kipawlna CBO khat sim in zui tu thukhun le mungtup nei ham tang tu hi. UNHCR ah register nganopna hang bek taw in pawl sung a luut hi ngawl tu hi.

CBO kipawlna khat le CBO lampui khat sim ii kisap puicinnate hong kikuppui zawk ciang, lampuiteng ding kawm, ziatsang khut laam in tongciamna hong neisak hi. Tongciamna man zawk ciang laidal tung ah ka tongciam nate bang ka zui tu hi ci, mintupna hong nei sak hi.

CDU thuzaksakna: Suutpom kipawlna khat sim in 2014 Activity Report le 2015 year plan sia Dec 18,2014 maa in CDU zum ah hong puak tavun. Dec 18,2014(Thur) ni CBO kipawlna pan lampuite ngualnop vaakhopna sia Taman Jaya Park ah kinei tu hi. Lampui peuma peal ngawl in hong pai ta vu. Tua ni in CBO lampui thum tek kipia tu hi.


Ms. Rajani, RSC pan kikuppuina: 
Casi password sia RSC na huan phit ni in hong kipia hi. Casi om ma, MY No.ngasate password sia email taw hong ngen ta vun.
Casi sung ah status tatuam atu huan tuni aki suang zong, RSC pan phone taw kong sam mateng zum ah pai heak vun.

Nangma phone no. bek hingawl, na lawmte, na ompuite, na naseppuite le innkuanpuite phone no. zong kipia thei hi. Ahizong na thu sia kuama kung kisonsak ngawl tu hi. Nangma phone a kinga ngawl ciang na lawmte, na ompuite, na naseppuite le na innkuanpuite phone ah hong ki paupui tu hi. RSC pan paupui hi, na son sak in ci vaithak sak tu hi. Banghang sam cisia ki son ngawl hi. Tua ahi man, Phone, Email le Lai taw RSC ah hong kizom kik tan.
Nang phone no. na lai le amanlaang zasak kik pai ta vun.

IOM vaihawm na taw, na leen tu ni he zo na hi ta zong, na phone sia vanleang tung na thet mateng nangma tawi in.

P3 programme taw USA ah apai tute, UN card nei kul ngawl hi. DNA test mansate , RSC huan tu sam kipan zo hi. Khanghamte le a nasia damngawlna nei te hong zasak ta vun. Vai angaangthei natu hong hanciam pui tu khu hi. Ahizong bangma kamciam pia thei ngawl khu hi.

RSC huvau dongh nop om peuma KLInquiries@rescue.org ah zasak tavun.


By: Amos Haukim


0 comments:

Post a Comment