I Have Decided To Follow Jesus Taangthu


Tuma kumh 150 lai in, England ngam ah khanlawna piang in India (North East) ah Pathian naseam tu akuan khia tam tatak om uh hi. Tuahunlai North East India sia Assam state bek hi in tulaitak hun (Mizoram, Nagaland, Manipur etc..) ci bangh in kikhen ngawl hi.

Assam ah minam tam tatak om in, Tuahunlai Assam minamte sia kisim kido tu uk in, Pasal peuma Inn sung ah mihing lungu tam tatak akoi tu vo kidem uh hi.

Pasal khat in azi hung zo ci lakna ahikom, zi nei thei tu tangvalte in,  inn pang tungah/ abaang tungah mihing lungu tam tatak ataak tu kidem uh hi. Tam akhai zo sia kipi mu mama uh hi.

Hi bang in angamta minamte sungah England ngam pan missionary paite tung pan apiangthak innkuan khat in, To Jesus hang aa Ki-itna, Kilemna le Lametna ngaa ci thu hong sang uh hi.

Tua innkuan hang in, akhuapuite zong ngupna thu hong sang aa, Tapidaw hong suak ahikom, Khua hausa pa athin uk mama hi.

Akhuathing sam in, Tua apiangthak masa innkuante kungah, To Jesu anial natu thupia aa, anial nuam bua le atapate nii thalup saktu ci hi.

Thakhatthu in, tua innkuan ii apabel sia Thaa Thiangtho taw hong kidim in, "I Have Decided To Follow Jesus" laa sia amate kam taw sak kipan hi.

"I have decided to follow Jesus. (3 Vei) No turning back, no turning back." ci teng hong sa ahikom,

Khuahausapa athin uk in, thaltang taw atapate nii kaaplumh sak hi. Tuazawkciang, "Tu na upna na nial tu ziam? na tate suplaw zo ni hi, na zi nuntakna zongh suplaw tha tu ni hi?" ci ahi hang,

"Though no one joins me, still I will follow. (3 vei) No turning back, no turning back." ci'n laasakna taw zo kik ahikom azi zongh  thaltang taw kaaluph sak in, tua zawk ciang "Tu na upna nial natu hun ngaa lai ni zei" aci hang

"The cross before me, the world behind me. (3 vei) No turning back, no turning back." ci in alaa sa zom ahikom, Hausa pa in, ama zongh kaap lumh sak vet hi.

Ahihang Hausapa thin sung ah, Hi innkuante ii upna sia lamdang sa aa, "Kumh 2000 lai aa mihingkhat (To Jesu) hang in, hi mihingpa, azi le atate nii in banghang thingam zazen ziam? vaangletna khat hang hi tu hi, kei zong tua vaangletna dei khi hi" ci in pualaak aa, Keima zongh " Jesu Christ neisa suak tu khi hi," ci'n taangko kik laleau ahikom, akhuathing in To Jesu ngumpa in hong sangsiat uh hi.

Ref: http://www.hymnary.org/text/i_have_decided_to_follow_jesus

0 comments:

Post a Comment