1. Ka mite ___bangin em in ka thiangtho sak tu hi.
a. aksa
b. tau
c. thik
2. Amate ii leeite sia thi theina ___bang hi uh hi.
a. ngu
b. lampi tung tot
c. thaltangte
3. Innpaam te tungah kam pha apaute sia ____ hi nginge hi.
a. thupha ngaana tu
b. TOPA maipha zonna
c. thaang siana
4. Thina sia ih ___ panin hong sungtang hi.
a. khelkite
b. kongpi
c. nisuana
5. Mithi luangte sia, ___ bangh ki thethaang kakoai hi.
a. paak
b. lo sungah eaklei vum
c. lopa
6. TOPA heakna le telna tung ah ___ vun.
a. kiphasak heak
b. lungdam
c. kiphasak
7. Spain ngam pan apai bang taw milimte kituam ziam?
a. Ngun
b. Khamh
c. Tau
8. TOPA thin uuk ciangin leitung___hi.
a. kaangtum tu
b. liing
c. kisia
9. TOPA in ___sungah khua leng sak hi.
a. mei
b. vantona
c. nguatui
10. Milim vawtte in a milim uh hu in ___ uh hi.
a. kiphasak
b. maipha ngaa
c. a mai uh zum law
11. ___ mite sia ngal ii uumci mite a uh hi.
a. Israel
b. Judah
c. Jerusalem
12. TOPA ___ahikom, amaa pai ngawl in kithethang hi.
a. awlmawk ngawl
b. biak ngawl
c. thudongh ngawl
Jeremiah 9
1Ka lu sia tuikhuk hi hen a, ka mitte thitui ii naak hi le paw uk nang, tua hi thong le a kithatlum ka mite atu in a sun a zan in ka kap zo tu hi.
2Ka mite nusia in senneal ngam sungah om natu mun khat nei thei leng ka uk hi.
Amate sia a thu maan ngawl siat,
mihingte a leeheak hon khat hi uh hi.
3Amate sia leeilot thu son tu in kinging tawntung uh hi, thumaanna taw sangin thumaan ngawlna taw ngam uk zaw uh hi. TOPA in,
“Ka mite in thusia khat zawkciang khat vawtin
kei sia a Pathian bang zongh in hong sim bua uh hi,” ci hi.
4A kuama po in a lawmpa kidawm in a pawlpui kul tu hi, kuama in a suapuipa muang thei ngawl hi;
banghangziam cile suapui theampo sia
Jacob bangin ngual theam thei a, a kuama po in a lawmte sonsia hi.
5-6Amate theampo in a lawmte lam khialpui uh a, kuama in thumaan son ngawl hi;
amate in a leeite uh leeilot thei natu hil uh a
khialna a vawt uh tawlnga ngawl tu hi.
Amate in siatna khat zawkciang khat vawt uh a;
theamna taw a ngamtatna te khat zawk khat kizawm hi.
A mite in ama nial hi TOPA in ci hi.
7Tua ahikom Vaanglianbelpa TOPA in, “Ka mite thik bangin
em in ka thiangtho sak tu a, ka sittel tu hi.
Ka mite in a sia vawt zo a–
amate bang law tuan thei tu khi ziam?
8Amate ii leeite sia thi theina thaltangte bang hi uh a; leeilot thu veu son uh hi.
Misim in a innpaam sia tungah kam pha pau hi,
ahihang thaang siana kam hi nginge hi.
9Hi thute hu in amate daan pia ngawl tu khi ziam? Hi bang minam khat tungah phu la ngawl tu khi ziam?
Keima TOPA in ka ci hi,” ci hi.
10Keima in, “Mualte atu in mau in, ngamsung lonona munte atu in ka kap tu hi.
Banghangziam cile
tuate kongaw a, kuama in kantan ngawl hi,
ngannote aw kiza nawn ngawl hi;
vacimte leang siat zo a, ngamsate tai siat zo hi,” ka ci hi.
11TOPA in, “Jerusalem khua sia nin kholna le, ngiate tenna mun ka suak sak tu hi;
Judah ngam khuapite sia
kuama ii ten nawn ngawl na senneal ngam suak tu hi,” ci hi.
12Keima in, “TOPA awng hi ngam sia kuama a pai ngawl natu in banghangin kisia cip a senneal ngam bangin kongaw ziam? Akua in hi bang thute tel thei tu za in ciim tu ziam? Midangte tungah sonsawn thei tu in akua ii tungah na thiang son ziam?” ci in ka dongh hi.
13TOPA in, “Ka mite in ka piak hilna taisan ahikom hi thu piang hi. Amate in ka thu hong mang ngawlin ka ci bangin ngamta ngawl uh hi. 14Tua kawmkaal ah, a thin uh pui in a pu a pate ii hil bangin Baal milimte bia uh hi. 15Tua ahikom, Vaanglianbelpa TOPA Israel ii Pathian, Keima ii vawt tu sia ngai in: Ka mite neak tu in thingkung khate ka pia tu a, a dawn tu in ngutui ka pia tu hi. 16Amate ahizong a pu a pate ahizong ii a zaak ngei ngawl minamte sungah amate ka thethaang tu a, amate ka siatcip sak siat matengin amate do tu in ngalkapte ka puak tu hi,” ci in zo hi.
Jerusalem Mite in Huna Ngen
17Vaanglianbelpa TOPA in, “Bang piang ziam ngaisun vun!
A kapte hong pai natu in sam vun,
mithi vuina late a sa numeite sam vun,” ci hi.
18Mi honpi in, “Ih mittangte thitui taw a kidim mateng le, ih mitmulte kaana taw a kawt mateng
thivui la ei hong sak natu le
hong manlang natu in amate son vun,” ci uh hi.
19Zion khua sung a kaana aw ngai vun; “Ih lalcip zo hi!
Hong ki maizum sak mama zo hi!
Ih innte hong suksiat cip
sak zo ahikom ih ngam ih nusiat kul tu hi,” ci uh hi.
20Keima in, “TOPA thu ngai vun, no numeite awng,
a kammalte thudon vun.
Na tanute sia kaa dan tu hil vun a,
na lawmte sia mithi vui la sak zia hil vun.
21Thina sia ih khelkite panin hong sungtang a, ih kumpi inn sung hong tum hi;
Thina in lampite ah patangte le
sumbukte ah tangvalte vaatlum hi.
22Mithi luangte sia, lo sungah eaklei vum bang, anlate in taang at a, a nusiat bangin,
kuama ii khop ngawl antang bangin,
mun theampo ah ki thethaang kakoai hi.
Hi thu sia son tu a TOPA ii kei hong sawl ahi hi,” ka ci hi.
23TOPA in, “Miciimte in amate ii ciimna,
mi thahatte in amate ii thahatna,
mihaute in amate ii haunate kiphat sakpui heak hen.
24Mihing khat papo in a kiphasak nuam ahile, keima hong heakna le hong telna kiphat sak pui tahen;
banghangziam cile
ka itna in kipin kho a, thumaan le thutang ka seam hi.
Hite sia ka thin hong nuam sakte ahi hi.
TOPA Keima in ka ci zo hi,” ci hi. *
25-26TOPA in, “A sam uh a tom in a meet Egypt, Judah, Edom, Ammon, Moab mite le senneal ngam a teang mite daan ka piak tu hun hong theng tu hi. Hi mite theampo a vun uh ki at hi napi, vun ki atna taw kisai zui tu thuciamna zui ngawl uh hi. Hi mite le, Israel mite kuama in ka thuciamna zui ngawl uh hi,” ci hi.
Jeremiah 10
Milim Biakna le Biakpiakna Maan
1Israel mite awng, note hong paupuina TOPA' kammal ngai vun. 2Ama in,
“Minam dangte omzia zui heak vun;
minam dangte in vantung a lim lamdangte
kiita in lau hi kale note in ki awlmawk sak heak vun.
3Hi mite ii biakna sia manh nei ngawl hi. Ngam sungah thingkung khat kiphuk in;
tua sia khut thiampa in a hiamte taw sui in
4ngun le kham taw zeam hi. A puk ngawl natu in thikpim taw kilh hi.
5Tabang milimte sia tangmai ciinna lo sungah vacimte lau natu in a kikhai milimte bang ahi hi,
tua milimte pau thei ngawl a;
lampai thei ngawl ahikom puak kul hi.
Tuate kiita heak vun;
Na siat natu uh bangma vawt thei ngawl a,
na phat natu bangma vawt thei ngawl hi,” ci hi.
6TOPA awng, nang taw a kibang kuama om ngawl hi;
nang na thahat a, na min lian in vaang nei hi.
7Minam theampo ii kumpi nang sia, akua in upat ngawlin om tu ziam?
Nang sia upat tu in na kilawm hi.
Minamte ii mipil theampote sung pan hi kale
amate ii kumpite sung pan hi kale nang bang kuama om ngawl hi. *
8Amate sia a vekpi in ngoai in mamaw uh hi. Thing taw kivawt milimte kung pan amate in bang sin thei tu ziam?!
9A milimte sia Spain ngam pan a piang ngun taw, Uphaz ngam pan a piang kham taw kituam a,
khut thiamte ii vawt veu hi siat hi;
tuate sia puantak thiamte ii a taa puan engdup le
puan sandupte kisilh sak hi.
10Ahihang TOPA, nangma in Pathian tatak na hi a, a nungta Pathian le tawntung kumpipa na hi hi.
Na thin uuk ciangin leitung liing a;
minamte in na thin uukna thuak zo ngawl uh hi.
11(Leitung le vantung a vawt ngawl pathiante sia kisiacip sak tu hi ci in no mihingte in amate son tu nu hi. Amate sia leitung koima ma ah om nawn ngawl tu hi.)
Pathian Pokna La khat
12TOPA in a vaangletna taw leitung vawt a; ciimna taw leitung bitphua in vantungte zalh hi.
13Ama ii thupiakna taw in vantung ah a om tuite hawk a; ama in leimong panin meeite hong paipui hi.
Ama in nguatui sungah khua leng sakin a vanh kholna panin vuiva sak hi.
14Hi thu a mu uh ciang, mihingte mamaw in a thin a lung amh uh hi; milim vawtte in a milim uh hu in a mai uh zum law uh hi;
banghangziam cile amate ii vawt pathiante sia maan ngawl a, nuntakna nei ngawl uh hi.
15Amate sia kimanna nei ngawlin ki zawngsak tu hi; Amate daan pia tu in TOPA hong pai ciang amate kisusia cip tu hi.
16Jacob ii Pathian sia amate bang hi ngawl hi; ama in na theampo a vawt pa hi a, ama in ama mi tatak tu in Israel mite teal zo hi.
Ama min sia Vaanglianbelpa, TOPA ahi hi,
Hong tung tu Saltanna
17Jerusalem mite awng, note sia ngal ii uumci mite na hi uh hi! Na neisate uh kaikhawm vun. 18TOPA in hi ngam sung pan note hong lawnthal tu hi; Khat zongh kikhe ngawl dongin TOPA in note hong hualcip tu hi. TOPA in ci zo hi.
19Jerusalem mite hi bangin au hi, “Nasia takin ih liam hi! ih liam maate dam ngawl tu hi. Hite sia ih thuak zawk tu khat po hi vak ci in ih ngaisun hi!
20Ih puan bukte kisia zo a; a sawmna khaute tattan zo hi. Ih tate uh la tai siat zo a;
ih puan bukte hong sak sak kik tu kuama om nawn ngawl hi;
A kongkha puante uh a khai sak tu kuama om ngawl hi,” ci uh hi.
21Keima in, “Ih lampuite mamaw a; lamlak tu in TOPA thu dongh ngawl hi.
Tasia hu in amate a maa uh pai ngawlin, ih mite kithethaang hi.
22Ngai vun! Thu khat hong theng zo hi! Saksang ngam khat sungah buaina lian khat om hi;
a ngalkapte in Judah ngam khuapite sia
ngiate tenna senneal ngam suak sak tu hi,” ci in ka zo hi.
23TOPA awng, kuama in ama ii maisang nuntakna uk thei ngawl ahi hunlam ka he hi;
kuama in ama nuntakna zeak thei ngawl hi.
24TOPA awng, na mihingte hong hil tan, ahihang na thin uuk ciang a nasia lei in hong hil heak in a,
daan hong pia heak in; nong pia le thi tu khu hi.
25Na thin uukna sia nang hong bia ngawl minamte tung le nang hong nial mite tungah tung sak in.
Amate in na mite that in,
ko hong susia cipin ih ngam sia a sia sa in nusia uh hi.
a. aksa
b. tau
c. thik
2. Amate ii leeite sia thi theina ___bang hi uh hi.
a. ngu
b. lampi tung tot
c. thaltangte
3. Innpaam te tungah kam pha apaute sia ____ hi nginge hi.
a. thupha ngaana tu
b. TOPA maipha zonna
c. thaang siana
4. Thina sia ih ___ panin hong sungtang hi.
a. khelkite
b. kongpi
c. nisuana
5. Mithi luangte sia, ___ bangh ki thethaang kakoai hi.
a. paak
b. lo sungah eaklei vum
c. lopa
6. TOPA heakna le telna tung ah ___ vun.
a. kiphasak heak
b. lungdam
c. kiphasak
7. Spain ngam pan apai bang taw milimte kituam ziam?
a. Ngun
b. Khamh
c. Tau
8. TOPA thin uuk ciangin leitung___hi.
a. kaangtum tu
b. liing
c. kisia
9. TOPA in ___sungah khua leng sak hi.
a. mei
b. vantona
c. nguatui
10. Milim vawtte in a milim uh hu in ___ uh hi.
a. kiphasak
b. maipha ngaa
c. a mai uh zum law
11. ___ mite sia ngal ii uumci mite a uh hi.
a. Israel
b. Judah
c. Jerusalem
12. TOPA ___ahikom, amaa pai ngawl in kithethang hi.
a. awlmawk ngawl
b. biak ngawl
c. thudongh ngawl
Jeremiah 9
1Ka lu sia tuikhuk hi hen a, ka mitte thitui ii naak hi le paw uk nang, tua hi thong le a kithatlum ka mite atu in a sun a zan in ka kap zo tu hi.
2Ka mite nusia in senneal ngam sungah om natu mun khat nei thei leng ka uk hi.
Amate sia a thu maan ngawl siat,
mihingte a leeheak hon khat hi uh hi.
3Amate sia leeilot thu son tu in kinging tawntung uh hi, thumaanna taw sangin thumaan ngawlna taw ngam uk zaw uh hi. TOPA in,
“Ka mite in thusia khat zawkciang khat vawtin
kei sia a Pathian bang zongh in hong sim bua uh hi,” ci hi.
4A kuama po in a lawmpa kidawm in a pawlpui kul tu hi, kuama in a suapuipa muang thei ngawl hi;
banghangziam cile suapui theampo sia
Jacob bangin ngual theam thei a, a kuama po in a lawmte sonsia hi.
5-6Amate theampo in a lawmte lam khialpui uh a, kuama in thumaan son ngawl hi;
amate in a leeite uh leeilot thei natu hil uh a
khialna a vawt uh tawlnga ngawl tu hi.
Amate in siatna khat zawkciang khat vawt uh a;
theamna taw a ngamtatna te khat zawk khat kizawm hi.
A mite in ama nial hi TOPA in ci hi.
7Tua ahikom Vaanglianbelpa TOPA in, “Ka mite thik bangin
em in ka thiangtho sak tu a, ka sittel tu hi.
Ka mite in a sia vawt zo a–
amate bang law tuan thei tu khi ziam?
8Amate ii leeite sia thi theina thaltangte bang hi uh a; leeilot thu veu son uh hi.
Misim in a innpaam sia tungah kam pha pau hi,
ahihang thaang siana kam hi nginge hi.
9Hi thute hu in amate daan pia ngawl tu khi ziam? Hi bang minam khat tungah phu la ngawl tu khi ziam?
Keima TOPA in ka ci hi,” ci hi.
10Keima in, “Mualte atu in mau in, ngamsung lonona munte atu in ka kap tu hi.
Banghangziam cile
tuate kongaw a, kuama in kantan ngawl hi,
ngannote aw kiza nawn ngawl hi;
vacimte leang siat zo a, ngamsate tai siat zo hi,” ka ci hi.
11TOPA in, “Jerusalem khua sia nin kholna le, ngiate tenna mun ka suak sak tu hi;
Judah ngam khuapite sia
kuama ii ten nawn ngawl na senneal ngam suak tu hi,” ci hi.
12Keima in, “TOPA awng hi ngam sia kuama a pai ngawl natu in banghangin kisia cip a senneal ngam bangin kongaw ziam? Akua in hi bang thute tel thei tu za in ciim tu ziam? Midangte tungah sonsawn thei tu in akua ii tungah na thiang son ziam?” ci in ka dongh hi.
13TOPA in, “Ka mite in ka piak hilna taisan ahikom hi thu piang hi. Amate in ka thu hong mang ngawlin ka ci bangin ngamta ngawl uh hi. 14Tua kawmkaal ah, a thin uh pui in a pu a pate ii hil bangin Baal milimte bia uh hi. 15Tua ahikom, Vaanglianbelpa TOPA Israel ii Pathian, Keima ii vawt tu sia ngai in: Ka mite neak tu in thingkung khate ka pia tu a, a dawn tu in ngutui ka pia tu hi. 16Amate ahizong a pu a pate ahizong ii a zaak ngei ngawl minamte sungah amate ka thethaang tu a, amate ka siatcip sak siat matengin amate do tu in ngalkapte ka puak tu hi,” ci in zo hi.
Jerusalem Mite in Huna Ngen
17Vaanglianbelpa TOPA in, “Bang piang ziam ngaisun vun!
A kapte hong pai natu in sam vun,
mithi vuina late a sa numeite sam vun,” ci hi.
18Mi honpi in, “Ih mittangte thitui taw a kidim mateng le, ih mitmulte kaana taw a kawt mateng
thivui la ei hong sak natu le
hong manlang natu in amate son vun,” ci uh hi.
19Zion khua sung a kaana aw ngai vun; “Ih lalcip zo hi!
Hong ki maizum sak mama zo hi!
Ih innte hong suksiat cip
sak zo ahikom ih ngam ih nusiat kul tu hi,” ci uh hi.
20Keima in, “TOPA thu ngai vun, no numeite awng,
a kammalte thudon vun.
Na tanute sia kaa dan tu hil vun a,
na lawmte sia mithi vui la sak zia hil vun.
21Thina sia ih khelkite panin hong sungtang a, ih kumpi inn sung hong tum hi;
Thina in lampite ah patangte le
sumbukte ah tangvalte vaatlum hi.
22Mithi luangte sia, lo sungah eaklei vum bang, anlate in taang at a, a nusiat bangin,
kuama ii khop ngawl antang bangin,
mun theampo ah ki thethaang kakoai hi.
Hi thu sia son tu a TOPA ii kei hong sawl ahi hi,” ka ci hi.
23TOPA in, “Miciimte in amate ii ciimna,
mi thahatte in amate ii thahatna,
mihaute in amate ii haunate kiphat sakpui heak hen.
24Mihing khat papo in a kiphasak nuam ahile, keima hong heakna le hong telna kiphat sak pui tahen;
banghangziam cile
ka itna in kipin kho a, thumaan le thutang ka seam hi.
Hite sia ka thin hong nuam sakte ahi hi.
TOPA Keima in ka ci zo hi,” ci hi. *
25-26TOPA in, “A sam uh a tom in a meet Egypt, Judah, Edom, Ammon, Moab mite le senneal ngam a teang mite daan ka piak tu hun hong theng tu hi. Hi mite theampo a vun uh ki at hi napi, vun ki atna taw kisai zui tu thuciamna zui ngawl uh hi. Hi mite le, Israel mite kuama in ka thuciamna zui ngawl uh hi,” ci hi.
Jeremiah 10
Milim Biakna le Biakpiakna Maan
1Israel mite awng, note hong paupuina TOPA' kammal ngai vun. 2Ama in,
“Minam dangte omzia zui heak vun;
minam dangte in vantung a lim lamdangte
kiita in lau hi kale note in ki awlmawk sak heak vun.
3Hi mite ii biakna sia manh nei ngawl hi. Ngam sungah thingkung khat kiphuk in;
tua sia khut thiampa in a hiamte taw sui in
4ngun le kham taw zeam hi. A puk ngawl natu in thikpim taw kilh hi.
5Tabang milimte sia tangmai ciinna lo sungah vacimte lau natu in a kikhai milimte bang ahi hi,
tua milimte pau thei ngawl a;
lampai thei ngawl ahikom puak kul hi.
Tuate kiita heak vun;
Na siat natu uh bangma vawt thei ngawl a,
na phat natu bangma vawt thei ngawl hi,” ci hi.
6TOPA awng, nang taw a kibang kuama om ngawl hi;
nang na thahat a, na min lian in vaang nei hi.
7Minam theampo ii kumpi nang sia, akua in upat ngawlin om tu ziam?
Nang sia upat tu in na kilawm hi.
Minamte ii mipil theampote sung pan hi kale
amate ii kumpite sung pan hi kale nang bang kuama om ngawl hi. *
8Amate sia a vekpi in ngoai in mamaw uh hi. Thing taw kivawt milimte kung pan amate in bang sin thei tu ziam?!
9A milimte sia Spain ngam pan a piang ngun taw, Uphaz ngam pan a piang kham taw kituam a,
khut thiamte ii vawt veu hi siat hi;
tuate sia puantak thiamte ii a taa puan engdup le
puan sandupte kisilh sak hi.
10Ahihang TOPA, nangma in Pathian tatak na hi a, a nungta Pathian le tawntung kumpipa na hi hi.
Na thin uuk ciangin leitung liing a;
minamte in na thin uukna thuak zo ngawl uh hi.
11(Leitung le vantung a vawt ngawl pathiante sia kisiacip sak tu hi ci in no mihingte in amate son tu nu hi. Amate sia leitung koima ma ah om nawn ngawl tu hi.)
Pathian Pokna La khat
12TOPA in a vaangletna taw leitung vawt a; ciimna taw leitung bitphua in vantungte zalh hi.
13Ama ii thupiakna taw in vantung ah a om tuite hawk a; ama in leimong panin meeite hong paipui hi.
Ama in nguatui sungah khua leng sakin a vanh kholna panin vuiva sak hi.
14Hi thu a mu uh ciang, mihingte mamaw in a thin a lung amh uh hi; milim vawtte in a milim uh hu in a mai uh zum law uh hi;
banghangziam cile amate ii vawt pathiante sia maan ngawl a, nuntakna nei ngawl uh hi.
15Amate sia kimanna nei ngawlin ki zawngsak tu hi; Amate daan pia tu in TOPA hong pai ciang amate kisusia cip tu hi.
16Jacob ii Pathian sia amate bang hi ngawl hi; ama in na theampo a vawt pa hi a, ama in ama mi tatak tu in Israel mite teal zo hi.
Ama min sia Vaanglianbelpa, TOPA ahi hi,
Hong tung tu Saltanna
17Jerusalem mite awng, note sia ngal ii uumci mite na hi uh hi! Na neisate uh kaikhawm vun. 18TOPA in hi ngam sung pan note hong lawnthal tu hi; Khat zongh kikhe ngawl dongin TOPA in note hong hualcip tu hi. TOPA in ci zo hi.
19Jerusalem mite hi bangin au hi, “Nasia takin ih liam hi! ih liam maate dam ngawl tu hi. Hite sia ih thuak zawk tu khat po hi vak ci in ih ngaisun hi!
20Ih puan bukte kisia zo a; a sawmna khaute tattan zo hi. Ih tate uh la tai siat zo a;
ih puan bukte hong sak sak kik tu kuama om nawn ngawl hi;
A kongkha puante uh a khai sak tu kuama om ngawl hi,” ci uh hi.
21Keima in, “Ih lampuite mamaw a; lamlak tu in TOPA thu dongh ngawl hi.
Tasia hu in amate a maa uh pai ngawlin, ih mite kithethaang hi.
22Ngai vun! Thu khat hong theng zo hi! Saksang ngam khat sungah buaina lian khat om hi;
a ngalkapte in Judah ngam khuapite sia
ngiate tenna senneal ngam suak sak tu hi,” ci in ka zo hi.
23TOPA awng, kuama in ama ii maisang nuntakna uk thei ngawl ahi hunlam ka he hi;
kuama in ama nuntakna zeak thei ngawl hi.
24TOPA awng, na mihingte hong hil tan, ahihang na thin uuk ciang a nasia lei in hong hil heak in a,
daan hong pia heak in; nong pia le thi tu khu hi.
25Na thin uukna sia nang hong bia ngawl minamte tung le nang hong nial mite tungah tung sak in.
Amate in na mite that in,
ko hong susia cipin ih ngam sia a sia sa in nusia uh hi.
0 comments:
Post a Comment