Psalm Late 113-114

1. Topa ii ___ te tung ah Topa pok vun kici hi.
a. naseamte
b. tealtuam
c. thupha piak

2. Ama minthanna sia bang sang in sang zaw ziam.
a. Leitung buppi
b. Doai vaangletna
c. Vantung

3. Topa in vantungte le leitung ___ hi. 
a. kip sak
b. bitphua
c. en tu in kunsuk

4. Ama in ___panin mizawngte phongto hi.
a. ngam tawngtol
b. leivui sung
c. niinphual

5. Topa in ___te kumpipa tapate taw kithawlsak hi. 
a. kitasam
b. suamleang
c. Pathian ta

6. Ama in tasel nupi sia ___sungah vaang pia hi.
a. khuapi
b. a inn
c. kikhopna

7. Israel te ___ pa kipan  Topa ii minam thiangtho suak hi.
a. Egypt anusiat
b. Abraham
c. Messiah

8. A bang ngun aluan tawlnga ziam.
a. Santuipi
b. Nile
c. Jordan

9. Mualpite sia ___bangin leang valet uh hi.
a. muvanlai
b. sakhi taai haat
c. keal

10. Mualnote sia ___bangin kilawn kawkoai nu ziam?
a. tui hual
b. tuunote
c. hui ii seam keakte

11. Leitung awng, ___ ii Pathian hong om hu in liing in.
a. Jacob
b. Israelte
c. David

12. Ama in___ sia tuicingte, in a kheal sak hi.
a. lopa hingte
b.  suangpite
c. leinuai tui khalhte

Psalm Late 113
TOPA Phatna Pokna
1TOPA pok vun!  TOPA naseamte awng,
 ama min pok vun!

2Tu le a tawntung in ama min kipok tahen.  
3Nisuana pan nitumna ah TOPA min pok vun!  
4TOPA in minam theampo uk hi;  Ama minthanna sia vante sangin saang zaw hi.

5TOPA ih Pathian bang kuama om ngawl hi.  Ama sia tungsang a saangna ah teang hi,

6ahihang ama in vantungte le  leitung en tu in kunsuk hi.

7Ama in mizawngte leivui sung pan in laamto a;  kitaangsap na a neite a cimawkna panin khaito hi,

8taciang ama in amate sia kumpipa tapate taw kithawl sak a,  ama ii a mite ii kumpipa tapate taw kithawl sak hi.

9Ama in tasel nupi sia a inn sungah vaang pia a;  ama in tanu tapa piakna taw ama lungdam sak hi.
 TOPA pok vun!

Psalm Late 114
Paisan Poai La khat
1Israelte in Egypt ngam pan pusuak a,  Jacob suante in tua ngamdang sia a nusiat ciang,  *

2Judah sia TOPA minam thiangtho suak a,  Israel sia ama neisa suak hi.

3San Tuipi in en in taikeak a;  Jordan Ngun in a luan tu tawlnga hi.  *

4Mualpite sia keal bangin leang valet uh a;  mualnote sia tuunote bangin kilawn kakoai hi.

5Tuipi awng, nang tabangin na taikeak natu bang thu piang ziam?  Taciang nang, Jordan awng, banghangin na luan tawlnga ni ziam?

6No, mualpite awng, banghang in kealte bangin liang valet nu ziam?  No, mualnote awng, banghang tuunote bangin kilawn kakoai nu ziam?

7Leitung awng, TOPA hong pai hu in liing in,  Jacob Pathian hong om hu in liing in,

8ama in suangpi sia tuicing suaksak a,  suangliang kip sia ciktui luang suak tu in a kheal hi.  *

0 comments:

Post a Comment