Laithiangtho Dokna (Psalm Late 117-118)

1. TOPA ___ vun.
a. pok
b. biapui
c. awhsan

2. Akuate in TOPA pok tu ziam?
a. Israete
b. Atealtuamte
c. Minam Theampo

3. TOPA in akuate it ziam?
a. Keima
b. Mimawte
c. Eite

4. TOPA hong itna sia ___ hi.
a. hoi peuma
b. nasia
c. khuam bangh kip

5. A bang sia atawntung atu ziam?
a. A thumanna
b. Na lamdangte
c. Upna te

6. Psalm 117 sia ano bangza om ziam?
a. 5
b. 2
c. 7

7. TOPA itna atawntungin ___ hi.
a. kikhomsuan
b. kilaih tan
c. thaksua thei tu

8. Kuate in a ngim ngana sungah TOPA biapui tu ziam?
a. Thuumhte
b. Mitheampo
c. Israelte

9. Ka kiimkot pan amate in ___ bangh in uumci hi.
a. ngia
b. khui
c. khuai

10. TOPA in nasiatak daan hong piak hang ka ___bua hi.
a. lau
b. thi
c. kisiik

11. TOPA kongpi ah ___te bek tum thei hi.
a. thutangte
b. mawmai ngaate
c. mithiangthote

12. Bang toai in poai khamna kipan tu ziam?
a. Laithiangtho
b. Thingsawl
c. Naamsau


1TOPA pok vun,
minam theampo awng!
Ama pok vun,
mi theampo awng!
2Ama ii eite hong itna in nasia a,
a thumaanna sia a tawntung atu ahi hi.
TOPA pok vun! *

Psalm Late 117

TOPA Pok na

1TOPA pok vun,

minam theampo awng!

Ama pok vun,

mi theampo awng!

2Ama ii eite hong itna in nasia a,

a thumaanna sia a tawntung atu ahi hi.

TOPA pok vun! *

Psalm Late 118

Zawna hu a Lungdam ko Thungetna

1TOPA tungah lungdam ko vun,

banghang ziam cile ama pha hi,

taciang ama hong itna in a tawntung kikhomsuan hi. *

2Israelte in:

“Ama hong itna in a tawntungin kikhomsuan hi” ci tahen.

3Pathian thiampite in

“Ama hong itna in a tawntungin kikhomsuan hi” ci tahen.

4Ama a bia theampo in

“Ama hong itna in a tawntungin kikhomsuan hi” ci tahen.

5Ka ngim ngana sungah TOPA ka biakpui hi;

ama in hong zo a hong suatak hi.

6TOPA in keima taw hong omkhawm a, kei ka lau batu hi;

akua in kei bang hong law thei tu ziam? *

7Kei hong hu pa sia TOPA ahikom,

ka ngalte lelna a thuak sia ka mu tu hi.

8Mihing muan sangin

TOPA muanna in pha zaw hi.

9Mihing lampuite suanna sangin

TOPA muanna in pha zaw hi.

10Ngal tam mamate ka kiim ah om hi;

ahihang TOPA vaang taw amate ka susia hi!

11Amate ka kiimkot mun theampo ah a om uh hi;

ahihang TOPA vaang taw amate ka susia hi!

12Ka kiimkot panin amate in khuai bangin hong uumci hi,

ahihang ling sungah kaangmei te bangin amate kaangtum pai hi;

TOPA vaang taw amate ka susia hi.

13Kei sia nasia takin hong kisim a hong zo uh hi,

ahihang TOPA in kei hong hu hi.

14TOPA in vaang hong pia a hong hat sak hi;

ama in kei hong hun zo hi. *

15Pathian mite tuipuan bukte sungah

zawna lungdamna taw a auna ngai vun:

“TOPA vaangletna thahatna in tu a bang suak sak hi!

16Kidona sungah ama vaanglet thahatna in

eite zawna sungah hong then hi!” ci uh hi.

17Kei ka thi batu hi;

ka nungta zaw tu a, TOPA vawt sa sep sate ka thang sak tu hi.

18Ama in nasia takin kei daan hong pia zo hi,

ahihang ama in kei hong thi sak bua hi.

19Biakinn kongpite kei hong hon tavun;

a sungah ka tum tu a, TOPA tungah lungdam ka ko tu hi!

20Hisia in TOPA kongpi hi a,

thutangte bek tum thei hi.

21TOPA awng, nang kong pok hi,

banghangziam cile nangma in ka aw nong za a,

zawna nong pia hi. *

22Innsate in mannung ngawl sa a

a nil suangtum sia a thupi bel hong suak hi. *

23Hisia in TOPA nasep hi a;

mu nop huai mama hi!

24Hisia in TOPA zawna ni hi;

lungdam in poai vawt tawng!

25Hong hun tan, TOPA awng, hong hun tan!

Zawna hong pia tan TOPA awng! *

26TOPA min taw hong pai pa,

Pathian in thupha pia tahen!

TOPA Biakinn panin

nang thupha kong pia uh hi. *

27TOPA sia Pathian hi;

ama in ei tungah hong pha hi.

Thingsawlte na khut sung uh ah toai in

poai khamna hong kipan tavun a,

biaktau kiimkot ah pai vun.

28Nangma sia ka Pathian na hi a, lungdam kong ko hi;

na letna ka thang sak tu hi.

29TOPA tungah lungdam ko vun,

banghangziam cile ama pha hi,

taciang ama itna in a tawntungin kikhomsuan hi.