Laithiangtho Dokna (Samuel Niina 9-10)

1. David in akua hang in Saul ii baangkua tung dik nuam ziam?
a. Jonathan
b. Saul
c. TOPA

2. David tung ah apai Saul ii innteang naseampa min bang ziam?
a. Zara
b. Miphibosheth
c. Ziba

3. Jonathan ii tapa anungta lai sia bang natna nei ziam?
a. Pumlangzaw
b. Phaak
c. A peangzaw

4. David anneak sabuai ah akua sia leangna hi tawntung ziam?
a. Mephibosheth
b. Ammon kumpipa
c. Joab

5. Mephibosheth ii tapa min bang ziam?
a. Zara
b. Mica
c. Ziba

6. Mephibosheth sia koisung khua ah teang suak ziam?
a. Hebron
b. Jerusalem
c. Gath

7. Ammonte kumhpipa thi ciang David in bang hi ziam?
a. Kamtai sawl
b. A ngalkapte sawl
c. Nithum antang

8. David ii sawl kamtaite bang hi tuh in ki umh ziam?
a. Kilemna atu
b. Khutthiam siat
c. Thukan

9. David ii sawl kamtaite bangbangh in cia kik ziam?
a. Ngalleang taw
b. Tel tam tatak
c. Maizum

10. David ii kamtaite acia kik lam koisung ah taam uh ziam?
a. Jericho
b. Nihnaveh
c. Hebron

11. Ammonte in akuate ii tai amu ciang tai ziam?
a. Palestine
b. Syria
c. Moab

12. Akuate in, Ammonte hu ngam nawn ngawl ziam?
a. Egypt
b. Syria
c. Moab

Samuel Niina 9
David le Mephibosheth
1Nikhat ni in David in, “Saul ii baangkua sung pan a nungta lai om ziam? Tabang a om le Jonathan hu in dikna lak nuam khi hi,” ci hi. *

2Saul ii baangkua sungah innteang a seam Ziba a kici khat om a, ama sia Divid kungah pai in kisawl hi. “Nang Ziba ni ziam?” ci in kumpipa

in dongh hi.

“Na na seam tu khi hi, topa,” ci in ama in zo hi.

3“Pathian tungah kiciamna ka vawt bangma, Saul ii baangkua tungah thumaanna le dikna ka lak natu in Saul ii baangkua sungah khat po a

kikhe a om ziam?” ci in dongh hi.

Ziba in, “Jonathan ii tapa khat omlai hi; Ama a peangzaw hi,” ci in zo hi. *

4Kumpipa in, “Koi sungah ama om ziam?” ci in dongh hi.

Ziba in “Lodebar khua, Ammiel ii tapa Machir inn ah om hi,” ci in zo hi. 5Tua ahikom David in ama sam sak hi.

6Saul ii tupa, Jonathan ii tapa, Mephibosheth a thet ciang David mai ah zatak pia in kun hi. David in, “Mephibosheth awng, ” ci in sam a,

ama in “Na na seam tu khi hi, topa,” ci in zo hi.

7David in, “Lau heak in. Na pa Jonathan hu in nang tungah hong thudik tu khi hi. Na pu Saul ii leitangh theampo nang kong pia kik tu a,

taciang nang sia a tawntungin ka sabuai ah an na ne tu hi,” ci hi.

8Mephibosheth kun kik a, “Kei sia ui thi sa khat sangin mannung ngawl zaw khi hi, topa awng. Banghangin kei tungah ta za in hong dik tu

ni ziam?” ci hi.

9Tua zawkciang kumpipa in Saul ii naseam pa Ziba sam a, “Na topa Saul ii tupa Mephibosheth tungah Saul le a baangkua ii neisa theampo

pia khi hi. 10Nang, na tapate le na naseamte in leitangh te na tho tu uh a, Saul na topa ii innkuanpuite anlaak ciang amate neak tu an na

puak tu uh hi. Ahihang Mephibosheth ama ahile keima sabuai ah leangna hi tawntung tu hi,” ci hi. (Ziba in tapa sawm le nga le naseam kul

nei hi.)

11Ziba in, “Kumpipa ii nong sawl babang ka vawt tu hi,” ci in zo hi.

Tabangin Mephibosheth in kumpipa ii tapate khat bangin kumpipa sabuai ah an ne hi. 12Mephibosheth in tapano Mica a kici khat nei hi.

Ziba ii innkuanpuite theampo Mephibosheth ii naseamte suak siat uh hi. 13Tua ahikom, a peangte ngeal a zawcip Mephibosheth sia

Jerusalem khua ah teang a, a an theampo kumpipa sabuai ah ne hi.

Samuel Niina 10
David in Ammonte le Syriate Zo
(1Khang tangthu 19:1-19)
1Tua zawk tawm vei ciangin Ammonte ii Kumpipa Nahash thi a, a tapa Hanun sia kumpipa suak hi. 2Kumpipa David in Hanun tungah, “A

pa Nahash ii kei tungah hong vawt bangin thumaan lawmtakna ka lak kul tu hi,” ci hi. Tua hi a, David in a khuangai puina a lakna in

kamtaite pai sak hi.

Amate Ammon a thet uh ciang, 3Ammon lampuite in a kumpipa tungah, “Na pa upat piakna taw David in hi mite khuangai thu lakna in

hong pai sak hi tu in um ni ziam? Hi peuma ngawl hi. Ama in amate hi sungah hong puakna sia ih khuapi hong suanthal thei natu ngalvil

thu dawpin hong pai sak hi!” ci uh hi.

4Hanun in David ii kamtaite man sak a, a khamul langkhen meetkol sakin, a puansilh uh a kawng ciangin attan sak a, tha kik uh hi.

5Amate sia inn lam a zot tu a mai uh zum mama hi. David in bang thu piang ci a zaak ciang amate tungah kam thaak a, na khamul uh a

po kik mateng hong heak kik heak vun a, Jericho khua ah na taam vun ci in za sak hi.

6Amate in David sia a ngal uh suak sak ci in a phaw ciang Bethrehob le Zobah pan Syria ngalkapte tulkul, Tob pan tulsawm le tulnii,

taciang kumpipa Maacah le a mite tulkhat teng ngal cial uh hi. 7David in hi thu za a taciang, Joab le a ngalkap hon bup amate do tu in

kuan sak hi. 8Ammonte in amate khuapi Rabbah tumna ah mun la uh a, tua laan in a dangte Syria te le Tob le Maacah pan a te in leimai

na ah mun la uh hi.

9Ngalte in mai pan le nung panin hong sim tu hi ci in Joab in mu ahikom Israel ngalkap pha bel teng tealin Syriate maingat in mun la sak

hi. 10Ngalkap a om lai teng sia a suapui pa Abishai khut nuai ah koi a, ama in tuate sia Ammonte maingat in koi hi. 11Joab in ama munah,

“Syriate in kei hong zo tuak bangin na mu le hong pai tan a hong hu tan, taciang Ammonte in nang hong zo tuak bang ahile keima hong

pai in kong hu tu hi. 12Hat in a, na thinlian sak in. Ih Pathian khuapite le ih mite atu in nasia takin do tawng. Taciang TOPA ii deina

babangin piang tahen,” ci hi.

13Joab le a mite a sim tu in hong mainawt uh a, taciang Syriate tai keak uh hi. 14Ammonte in Syriate tai a mu uh ciang amate zongh

Abishai mai panin tai a, a khuapi sung tu uh hi. Tasia ciang Joab sia Ammonte a simna pan hong heak kikin Jerusalem khua zuan hi.

15Syriate in amate sia Israelte in zo hi ci in phawk ahikom a ngalkap theampo khawmtua uh hi. 16Kumpipa Hadadezer in Euphrates Ngun

ii nisuana sangah a om Syriate sam a, taciang amate Zobah Kumpipa Hadadezer ii ngalkap hon ukpa Shobach uk a, Helam khua ah hong

pai uh hi. 17David in tua thu zaak ciang Israel ngalkap theampo khawmtua a, Jordan Ngun kantan in Helam ah kuan uh hi, tua munah

Syriate in amate maingat in mun la uh hi. Kidona hong kipan a, 18taciang Israelte in Syria ngalkapte notkeak kik uh hi. David le a mihingte

in Syria ngalleang uk mihing zasali that uh a, siphu ngalkap tul sawmli thatin, ngalte ngalkap ukpipa Shobach zongh liam a, ngalphual ma

ah thi hi. 19Hadadezer ii khutnuai ah a om kumpite in amate sia Israelte lel ci in a kiphaw uh ciangin ngal kilemna vawt uh a, amate ii

khutnuai ah tum uh hi. Taciangin Syriate in Ammonte hu ngam nawn ngawl uh hi.