LAITHIANGTHO DOKNA (Psalm Late 127 - 128)

1. Pathian kihel bua-le inn sate ii dianna in ___ hi.
a. ciamuina
b. a luithong
c. Satan nasepna

2. Pathian in khuapi hung bua le ___ii cin manh a om bua hi.
a. ngalvilte
b. ngalkapte
c. silate

3. TOPA in ama itte a___ lanin huna pia hi.
a. napha asep
b. mut
c. siatna lam apai

4. ___te sia TOPA hong piak letsong hi.
a. Ih vanh neite
b. Ih cidamnate
c. Tanu tapa

5. Akuate tapate sia thaltang bang hi ziam?
a. Kumpipa tapate
b. Khangmoite
c. Thu umhte tapate

6. Akuate sia mihing lungdamte ziam?
a. Thaltang tam aneite
b. Thalkaap thiamte
c. Kumpipa amuangte

7. TOPA thupiakte bangin a nungtate in ___ te hi.
a. mainawt tu
b. mi nuamsa
c. thupha asisim

8. ___ in na kisap teng a kicing tu hong pia tu hi.
a. Pathian
b. Na hanciamna-te
c. Na nasepna

9. Na zi in na inn sungah ___ bang hi tu hi.
a. pak
b. sapit ngui nga thiam
c. suang manpha

10. Na tate in na sabuai kiim ah ___ bang hi tu hi.
a. olive kung moite
b. antang taakte
c. alim ankuang

11. TOPA in nang sia ___ pan in thupha hong pia tahen!
a. Jerusalem
b. Zion
c. Vantung

12. Na nuntak tawntung ___ hong mu sak tahen!
a. Thupha
b. Vangletna
c. Jerusalem khantona

Psalm Late 127
Pathian Phatna Pokna
1Pathian in inn a sa bua a ahile
inn sate ii dianna in a luithong ahi hi;
Pathian in khuapi a hung bua a ahile
ngalvilte ii cinna sia manh a nei bua hi.
2Nuntak kivaak natu nasia takin naseam a,
zingsang tho pal a, nitak lum hakin nuntak kivaak natu nasia takin nasep zongh, a lui thathong ahi hi.
Banghangziam cile TOPA in ama itte a mut lanin huna pia hi,
3Tanu tapate sia TOPA hong piak letsong hi a;
amate in ih saan thupha tatak ahi hi.
4A khanmoi lai a, mihing khat ii tapa a hinte sia
ngalkap khat ii khut sungah thaltangte bang ahi hi.
5Tabang thaltang tam mama a nei sia mihing nuam sa ahi hi.
Thukhenna munah a ngalte taw
a kisik ciangin ama in a lel batu hi.

Psalm Late 128
TOPA Thunitna Thaman
1TOPA thu ni a,
a thupiakte bangin a nungtate in mi nuamsa ahi uh hi.
2Na nasepna in na kisap teng a kicing tu hong pia tu hi;
nangma in na lungdam tu a, na nuam sa tu hi.
3Na zi in na inn sungah sapit ngui nga thiam bang hi tu a,
na tate in na sabuai kiim ah olive kung moite bang hi tu hi.
4TOPA thu a ni mihing khat sia,
tu a ih son bang kakeak in thupha kipia tu hi.
5TOPA in nang sia Zion pan in thupha hong pia tahen!
Na nuntak tawntung Jerusalem khantona hong mu sak tahen!
6Tunu tupa nei he in hong nungta sak tahen!
Israel tungah thin nopna om tahen!


0 comments:

Post a Comment