Malaysia Om Suutpom Vai

Jan 8,2015(Thu)ni in, Suutpom kipawlna pan lampuite le REG Unit, IAD unit te taw thu kikupna nei hi.

REG Unit pan kikuppuina : Malaysia UNHCR sungah na sia tatak kipua phatna om ahiman suutpom register sia kitawl nga ci hi. Hi kipua phat hun (transitional period)sia 2015 bo dong bang hi tu ki lamen hi. Dam ngawl hang le mat le hen pan bek register kipia a, RSD huan tu ni zong 2016/2017 sung hong ki pia pheang hi.

IAD pan kikuppuina: Abosa kum saang huuna sum tawm zaw hi. Abosa hun bang huna hong ki pia zo non ngawl tu hi. 

Tua ahiman Remedi lei hamtang hun ci, hong hanthawn hi. Malaysia kumpi in zong zato kiveal man 30% khang sak hi. A kilaw thei natna te atu abosa hun in athong hong ki bawl sak ahi hang 2015 pan ki pan sum hong ki ngen tu hi. Athong in zatui/zahaa hong kipia non ngawl tu hi. 2017 ciang suutpomte zong ngamdangmi te piak zaza (foreigner rate)dong hong khan to lai tu hi. Cidamna huvau noma le noma na khin vawt mama kul tu hi. Na omna inn khealkite hong vunna, hui thiangtho nga sak vun. Na khan sungah nitaang zong nga sak vun.

A kilaw thei natna nei Kawlngam mite, na ngamah cia kik in kibawl zaw vun. Tu lai tak Kawlngam ah HIV/AIDS huvau Shan ngam, Mon ngam le Thaninthyi ngam sungah athong in zatui zahaa pan ki pan athong in kibawl sak hi. Chinmite atu Kalaymyo ah athongin kibawl thei hi. Tua bekdomngawl Myanmar Christian Council (MCC) in vaihawmpui a, Mizoram, Manipur ah athong in a kibawl akiveal thei natu huna pia hi. Kawlngam ah cia kik in akibawl nuam, contact adei peuma hong ngen tavun! ci hong kikuppui hi.

CDU pan kikuppuina: 2015 kum sung suutpom kipawlnate ii ki mupui nop teng hong dong a, a lem babang thasim khat vei kimupuina kong nei sak tu ci hi. 

2014 activity report le 2015 planning report hong pia ngawl laite puak tavun.Report nong puak mateng UNHCR ii dalna lai(Protection Letter) hong kipia ngawl tu hi. Kipawlna thakte sia kum 2 sung hong ki encik zawkciang, hong ki saang le hong ki pia pheang tu hi.

0 comments:

Post a Comment