Heak Tu Kilawm "Vom" Thu

Vomte sia amun zui in nam liat bangh kikhen aa, Asiatic, Black, Brown, Polar, Panda, Sloth, Spectacled le Sun ci hi.

Asiatic :
Aletna alai hawl pawl hi in, abil lian aa pil hi, a awm le akha san multe kang hi.
Pi 4 pan pi 5 le lang bangh sang in angitna  100 - 200 kilograms bangh ngit thei hi. 
Asia ngam ah om hi. Ano lai anu taw kumh 2-3 peuma kop khawm hi. 
Thingngaa, lungno le thingmu ne hi. 

American black bears:  te sia Mexico ah om in, thingte, paak mom, thingzung le thingngamu te ne hi.Asian black bears namte ii awm mul sia ankampak le akang zongh om amundangte amul vom hi.
Pi 4 - 6 bangh sang in 60-300 kilogram bangh ngit hi. 
Lungno le thingngaa ne in, sakhino, zawngno khawng man in ne thei hi.
January le February ciang ano suak aa, khat vei asua ciang luk bangh pha thei in anu taw kum khat le lang bangh kop aa kumh 25 bangh nungta uh hi. 

Brown bears : te sia  390 kilograms bangh ngit aa,North America, Europe le Asia ah kimu aa, nam 5 bangh kikhenthua lai hi.  Salmon ngasa le thingtee sawlhing ne , sasial zongh ne thei hi.
January - March tha sia ano nei hun hi aa, anu taw kumh nii le lang bangh kop hi, khat vei sua in lii dong suak thei aa, atamzaw sia apeangvo hi.

Polar bears : Sasial du bel nam hi in,  Amul letmat kiimkot sung 9,677 bangh po hi. Picingsa khat sia  kilogram 800 sang in ngit thei zaw aa, pi luk le lang bangh sang thei hi. Atalte sia pi liat bangh sang thei hi. Tuikhal om na Arctic Circle ah kimu hi.
Kum 3 ciang nau khat veivo nei aa kop khat vo suak in anu taw kumh nii le lang kithua hi. 
Saham le, lopa ne in, adangte sang in, sasial du zaw hi.  
Tai 100 akikhuala na dong tui op zo hi. Angilpi sung pound 150 an akham ikek dong nene zo hi. Canada le Alaska tuikhalh ah om saham le ngansate ne thei hi.

Panda : Amul sia avom le kang kihel hi. Pi luk bangh sang in 125 kilogram bangh ngit hi. 

Asuakzaw anu taw kumh nii bangh om khawm hi. 
Ni khat nai 14 sung anneakna taw hunbo hi. Leitungbuppi Panda vomte tul nii pha ngawl tu hi.
Giant pandas te sia nguabul le nguatee ne in, apumpi vom aa, amaitang kang in, abil le mit vom hi. Senngam laizang , nitumna le thangsang ah om hi.

Sloth :
No in amul ham in vom aa, anaak sia kang in a awm sia  ankampak le akang zongh hi thei hi.Pi luk bangh sang in, 140 kilogram bangh ngit hi.

India , Sri Lanka, Bangaladesh , Nepal le Bhutan ngamte ii lopa tamna ah om hi. 
Phalbi ciang nau nei aa, anu sia atate taw tha thum bangh bek om khawm hi. 

Spectacled :
Amul vom le avompian le asan pian zongh om hi. Amittang hui a akang ngial om aa, mitdal thua taw kibang hi. Pi luk bangh sang aa, 82 kilogram bangh ngit aa, atalte sia 150 kilogram bangh ngit thei hi. 
Ano asua ciang nii le thum bangh pha aa November le February tha kilaklaw vo suak hi.
South America ngam teng ah kimu thei in sea level 3300 - 8900 asangna ah ta nuam hi., pawl khat in inn sung khawi hi.Thingnga du thei hi. 

 Sun :Vom namte sungah a no bel hi aa, amul tom bel in acin (claw) le lei (tongue) sia vom dangte sang in sau zaw hi. Southeast Asia ah  kimu mun bel in kison hi. Vom namte sung ah anobel pawl hi in pi thum le lang pan pi 4 le lang dong bek sang aa, kilogram 65 bangh ngit thei hi.
A awm mul sia ankampak le akang vo hi in,  acin sau ahikom, akhut le peangte zangh in thingkungtung ol no tak in kaa thei hi. 
Vacimbu, khuaibu te tawh thei in, awmtaal nganhingno te ne thei hi. 
Ano asua ciang khat ahi bua le nii bek suak aa, anu taw picin akisak dong om hi.



Vomte ii mul sia thuap 2 om aa, asau zaw hiat le atom zaw hiat om hi.
Vom te sia angaisutna sang in a ki phel ol mama thaang sung ah awk va zeang ngawl hi.
Kumh 30 bangh nungta aa, Brown bear te sia kumh 47 bangh nungta hi.
Polar bear in sasial ne aa, adangte in sasial ngawl adang / asikpo ne thei hi.
Vomte sia nai khat tai 40 akikhuala na dong tai zo hi. 
Vomte sia anung ngil sung ah tui hi. 
Panda te sia angilpi sung pound 45 angit a an ne ikek thei hi,  Panda bek ma apeang kopte zangh in pai hi. 
Mikangte in vom talte sia boar or a he-bear ci aa, apuite sia  sow or a she-bear ci in ahon in a om le sleuth or sloth na hi.
Asiatic black bears, American black bears, brown bear pawlkhat le naungil nei polar bears te ii  Phalbi atuam op sung (Hibernate) sung a eak ngawlna ahang sia scientists te in zongh tu dong tel zo ngawl hi. 
Tuiop le nai khat tai luk dong atheng zo tu in malang aa, tai 100 bangh op zo hi. Polar bear te pawlkhat bangh tai 200 dong tawlnga ngawl op zo hi.
Ha tang tang 42 nei aa, letmat 1.5" sau hi. 

Tuangpu Siyin

http://kids.poisson.org.uk/bears/types.htm
http://facts.randomhistory.com/bear-facts.html
http://www.kidzone.ws/lw/bears/facts.htm

0 comments:

Post a Comment