Laithiangtho Dokna ( Psalm 131-132)

1. Psalm 131 sia ___ natu thungetna hi.
a. kiniamkhiak a muan
b. lungdam thei
c. a maan nuntak

2. Laphuakpa in abang kakheal zo ci ziam?
a. A kiphatsak nate
b. Mawzon nate
c. Daatham nate

3. Laphuakpa in bang ka nungngat ci ziam?
a. Kisak thei nate
b. TOPA
c. Innkuanpuite

4. Laphuakpa atu abang om ngawl ziam?
a. Kisiik kikna
b. A Haksa
c. Ci le sa deina

5. Laphuakpa in akua taw ki tengat ziam?
a. Sila khat taw
b. Nauno khat taw
c. Ngalkap khat taw

6. Laphuakpa na akuate kungah TOPA muang vun ci ziam?
a. A mealheakte
b. Israel
c. A veangte

7. Laphuakpa in akua ii haksatnate mangil heak in ci ziam?
a. Ama
b. Jacob
c. David

8. Pathian atu ___ ka piak mateng ka mu ba tu hi.
a. sumpi
b. biakpiakna khat
c. tenna tu inn khat

9. Thukham Thingkuang sia ___ sungah ka mu ci hi.
a. a inn
b. biakinn
c. Jearim lo

10. Thiampite in bang hi na taw au tu ci ziam?
a. Lungdamna
b. Kiphatsakna
c. Vaangletna

11. TOPA in akua tungah ciliap huai kamciam vawt ziam?
a. Israelte
b. David
c. Jacob

12. David ii suan khat sia bang in ka vawt tu kici ziam?
a. Mihau
b. Ngaltaaite
c. Kumpi lian

Psalm Late 131
Kiniamkhiak a Muan natu Thungetna
1TOPA awng, ka ki phatsaknate ka kheal zo a,
ka kisak thei nate ka nungngat zo hi.
Thu liante bangma ka thinbot bua a,
kei atu a haksa leilam thute zongh ka awlmawk bua hi.
2Tuate taangin lungkim thin nuamin ka om hi.
Nute kaang sungah nauno khat ngam muangin
a lup bangin ka sungah ka lungtang thinmuang takin a om hi.
3Israelte awng,
TOPA sia tu le a tawntung in muang tavun.



Psalm Late 132
Biakinn Pokna
1TOPA awng, David le
ama ii haksatna a thuaknate mangil heak in.
2A vaanglian Jacob Pathian nang tungah
hong kamciamna hong kiciamnate na phawk in TOPA awng,
3“Inn ah ka cia batu a, lupmun ka zuan batu hi;
4Ka tawlnga batu a, ka mu batu hi,
5TOPA atu mun khat,
a vaanglian Jacob Pathian tenna tu inn khat, ka piak mateng,” ci hi.
6Bethlehem khua ah Thukham Thingkuang huvau ka za uh a,
Jearim lo sungah tua thingkuang ka mu uh hi. *
7“TOPA inn ah pai tawng;
a kumpi tokhum mai ah bia tawng” ka ci uh hi. *
8Na vaangletna lim ahi na Thukham Thingkuang taw
na Biakinn sungah hong pai tan a,
hi sungah a tawntung in hong om tan.
9Na thiampite in a maan sepnate vawt tawntung tahen a;
na mihingte in lungdamna taw au tahen!
10Na naseampa David tungah kamciamna khat na vawt hi;
TOPA awng, na teal sa kumpipa nial heak in.
11David tungah ciliap huai takin kamciamna khat na vawt hi;
tua kamciam sia na kheal kik tu in na vawt ahi bua hi;
“Na tapate sung panin
khat kumpi ka suaksak tu a, ama in nang zawkciang ngam a uk tu hi. *
12Na tate in ka thuciamna sungah thumaan a,
amate tungah ka piak thute a zui le, amate ii tate in
a tawntung in kumpi suakin nang za hong lua tu hi.”
13TOPA in Zion sia teal zo hi;
ama tenna tu in vawt nuam hi.
14“Hi sia in a tawntung in, ka ten natu hi a;
hi mun in ka uk nopna mun ahi hi.
15Zion tungah ama kisap theampo
kicing takin ka pia tu a; a mizawngte an ka pia tu hi.
16A thiampite sia a sepna po ah thupha ka pia tu a,
ama mihingte in la sa in lungdamna taw a au tu uh hi.
17Hi sungah David ii suan khat sia
kumpi lian khatin ka vawt tu hi;
hi sungah ka teal sa kumpipa ukna ka kepcing sak tu hi. *
18A ngalte sia maizumna taw ka kidim sak tu a,
ahizong ama ngam khangto in pung tu hi.

0 comments:

Post a Comment