Laithiangtho Dokna (Kumpite Khatna 1-2)

1. Abishag sia akua ziam?
a. David zino
b. Thiampi
c. Solomon suapuipa

2. Kumhpi khatna 1 sungah kumhpi asuak nuam sia...
a. Abishag
b. Adonijah hi.
c. Solomon

3. Bethsheba ii son tu thute akua ii hil ziam?
a. Joab
b. Nathan
c. Shimei

4. Solomon kumhpi suaktu ciang bang sathau ki noai sak ziam?
a. Sathau namtui
b. Kumpi sathau
c. Olive

5. Solomon kumpi in kikoi thu Adonijah tungah ason sia...
a. Jonathan hi.
b. Shimei
c. Rehoboam

6. Solomon thalup tu lau in biakinn kingh khat alen pa sia ...
a. Nathan
b. Adonijah hi.
c. Jonathan

7. Abner le Amasa thina thu aciamte lingleng sia...
a. Adonijah
b. David hi.
c. Hushan

8. Ngal sungah thina hang in kilemzawk phu alam kik sia...
a. Abner
b. Shimei
c. Joab hi.

9. David in akua thalup ngawl natu Jordan ngunah kiciam ziam?
a. Shimei
b. Jonathan
c. Abitha

10. David ii zino Solomon ii nu tungah angen sia....
a. Abitha
b. Adonijah hi.
c. Abishag

11. Solomon in akua sia Thiampi ahina pan tawlnga sak ziam?
a. Nathan
b. Abiathar
c. Jeremiah

12. Solomon ii ngalkapmangpa sia...
a. Abner
b. Joab
c. Benaiah hi.
a few seconds ago
1. Abishag sia akua ziam?
a. David zino
b. Thiampi
c. Solomon suapuipa

2. Kumhpi khatna 1 sungah kumhpi asuak nuam sia...
a. Abishag
b. Adonijah hi.
c. Solomon

3. Bethsheba ii son tu thute akua ii hil ziam?
a. Joab
b. Nathan
c. Shimei

4. Solomon kumhpi suaktu ciang bang sathau ki noai sak ziam?
a. Sathau namtui
b. Kumpi sathau
c. Olive

5. Solomon kumpi in kikoi thu Adonijah tungah ason sia...
a. Jonathan hi.
b. Shimei
c. Rehoboam

6. Solomon ii thalup tu lau in biakinn kingh khat alen pa sia ...
a. Nathan
b. Adonijah hi.
c. Jonathan

7. Abner le Amasa thina thu aciamte lingleng sia...
a. Adonijah
b. David hi.
c. Hushan

8. Ngal sungah thina hang in kilemzawk phu alam kik sia...
a. Abner
b. Shimei
c. Joab hi.

9. David in akua thalup ngawl natu Jordan ngunah kiciam ziam?
a. Shimei
b. Jonathan
c. Abitha

10. David ii zino Solomon ii nu tungah angen sia....
a. Abitha
b. Adonijah hi.
c. Abishag

11. Solomon in akua sia Thiampi ahina pan tawlnga sak ziam?
a. Nathan
b. Abiathar
c. Jeremiah

12. Solomon ii ngalkapmangpa sia...
a. Abner
b. Joab
c. Benaiah hi.

Kumpite Khatna 1
Kumpipa David A huai a teak hun
1Kumpipa David sia tu in pasal huai mama khat hong hi a, a naseamte in puanvan taw sisiin hi kale a khua mama a lum thei nawn bua hi. 2Tua ahikom a uliante in, ama munah, “Kumpipa awng, nang hong ou tu ngaknu khangmoi khat hong zon sak taw ung. Ama in nang taw a nai in hong luppui tu a, na khualum tu hi,” ci uh hi. 3Israel ngam bup ah ngaknu mealpha khat kizong a, Shunem ah Abishag a kici khat mu uh a, taciang ama sia kumpipa kungah ki paipui hi. 4Ama sia a meal pha mama a, kumpipa zongh ou hi, ahihang ama in nupa vai a zak pui nawn bua hi.

Adonijah in Kumpi tokhum Lua nuam
5-6Tu in Absalom a thi tak ciang David ii Haggith taw a tapa Adonijah sia David tate a nungta lai te sung pan a upa bel ahi hi. Ama sia a meal hoi mama mihing khat ahi hi. David zongh in ama sia bangma hunin tei ngei ngawl a, taciang ama sia kumpipa suak nuam mama hi. Ama le ama sia ngalleang, siphu te le ama a cing ngalkap sawmnga heang hi. * 7Ama in Zeruiah ii tapa Joab taw thu son a, thiampi Abiathar taw zong thu kikum uh hi, taciang amate in ama sia hu tu a lungkim uh hi. 8Ahihang thiampi Zadok, Jehoiada ii tapa Benaiah, kamsangpa Nathan Shimei, Rei le David a cing ngalkapte sia Adonijah sangah a om bua uh hi.

9Ni khat ni in Adonijah in Enrogel cik hui Ngul Suangpi a kicina munah tuu, khuital, khui no thaute sangaw biakpiakna in a pia hi. Ama in kumpipa David ii tapa dangte le Judah pan kumpipa uliante tua biakpiakna sungah sam hi, 10ahihang ama in a suapui seal Solomon ahizong Nathan kamsangpa ahizong, Benaiah kumpipa a cing pa sam ngawl hi.

Solomon Kumpipa in Kikoi
11Tua zawkciang Nathan in Solomon ii nu Bethsheba kungah pa in dongh hi, “Haggith ii tapa Adonijah in ama le ama sia kumpipa in kikoi ahi hunlam he ngawl ni ziam? Taciang Kumpipa David zongh in hi thu bangma he ngawl ahi hunlam na he ziam? * 12Nangma le na tapa Solomon ii nuntakna na hu nuam le, 13ngaisutna hong pia khi hi, thakhatin Kumpipa David kungah pai in a, “Kumpipa awng, ciliap huai takin kei tungah kamciam nong vawtna ah ka tapa Solomon in na kumpi za hong laih tu ci ka na ngawl ni ziam? Tua ahile Adonijah sia bangbangin kumpipa suak thei ziam?” ci in dongh tan. 14Taciang Nathan in belap a, “Tua zawkciang Kumpipa David taw na papau laitakin kei kong tum tu a, a thuson teng maan hi kong ci tu hi,” ci hi.

15Tua ahikom Bethsheba in kumpipa lupna khaan sungah kimu tu in pai hi. Ama sia huai mama zo a, Shunem panin Abishag in ou hi. 16Bethsheba kumpipa mai ah a niamin hong kun a, kumpipa in, “Bang uuk ni ziam?” ci in dongh hi.

17Ama in, “Kumpipa awng, TOPA na Pathian ii min taw kei tungah ciliap huai takin kamciam nong piakna ah, nang zawkciang kumpi a suak tu sia ka tapa Solomon hi, ci ka na ngawl ni ziam? 18Ahihang Adonijah sia kumpipa suak zo a, taciang hi thu huvau nang bangma he ngawl ni hi. 19Ama in khuital tam ma, tuute, khuino thaute sangaw biakpiakna in pia a, ama in na tapate sam a, Abiathar thiampipa, Joab na ngalkap hon ukpipa samin poaipi khaam hi, ahihang ama in na tapa Solomon sam ngawl hi. 20Kumpipa awng, Israel mite theampo in akua in na kumpi za hong lai tu ci in na son tu hong ngak tek hi. 21Tabang na hi bale na thi papo ciang ka tapa Solomon le kei sia thumaan ngawlte a vawt bangin hong kivawt tu hi.”

22Ama a papau laitak in, Nathan sia kumpipa inn sungah hong tum hi. 23Nathan tua munah om ci in kumpipa tungah kison a, kamsangpa, Nathan sia sungtangin kumpipa mai ah kun hi. 24Tua zawkciang ama in, “Kumpipa awng, Adonijah in nang hong laih kumpipa suak tu hi ci in taangko zo ni ziam? 25Tu ni mama in ama in pai in, khuital tam ma le tuu le khuino thaute sangaw biakpiakna in pia hi, ama in na tapate theampo sam a, Joab na ngalkap hon ukpipa zongh sam hi, taciang Abiathar thiampi zongh sam a, amate poai khaam in, ‘Kumpipa Adonijah a khan sau tahen,” ci in au uh hi. 26Ahihang ama in kei hong sam ngawl hi, topa awng, Zadok thiampipa ahizong, Benaiah ahizong, Solomon ahizong hong sam ngawl hi. 27Kumpipa in hite sia na thukim ma ziam, nang hong laih tu sia akua hi tu ziam ci in na uliante zongh nong son ngawl ma ahi ziam?” ci hi.

28Kumpipa David in, “Bathsheba hong tum sak kik tavun,” a ci ciang ama hong pai a, ama ii mai ah ding hi. 29Taciang ama ii munah, “Ka ngim nga na theampo pan hong hunkhia a, a nungta TOPA min taw nang tungah kamciam hong pia khi hi, 30tu ni in TOPA Israel Pathian min taw kamciam kong piak kholet tu khi hi, na tapa Solomon in keima kumpi za hong laih tu hi,” ci hi.

31Bathsheba kunsuk in, “Ka topa kumpipa nungta tawntung tahen!” ci hi.

32Tua zawkciang kumpipa David in Zadok, Nathan le Benaiah sam sak hi. Amate hong sungtan ciangin, 33amate tungah, “Ka zum uliante keng vun; ka tapa Solomon in ka laa tung to tahen a, Gihon Cik ah tha suk tavun, 34tua munah Zadok le Nathan in Israelte ii kumpipa tu in sathau noai tahen. Tua zawkciang lemle tum tu a, ‘Solomon kumpipa a khan sau tahen,’ ci in au vun. 35Ka kumpi tokhum tungah to tu in hi munah hong heak kik ciangin, a nung zui vun. Ama in ka kumpi za hong laih tu hi banghangziam cile ama sia Israel le Judah uk tu in ka teal sa ahi hi,” ci hi.

36“Na dei bangin ka seam tu hi,” Benaiah in ci in zo a, “taciangin TOPA in zongh hong kip sak tahen. 37TOPA sia nang kumpipa taw hong omkhop bangin na tapa Solomon taw zong hong omkhawm tahen, taciang ama ii maanna sia nang sangin zongh mainawt zaw lai tahen,” ci hi.

38Tua ahikom Zadok, Nathan, Benaiah le kumpipa a cingte in Solomon sia Kumpipa David ii laa tungah suan in, Gihon Cik ah tha uh hi. 39Zadok in TOPA ii hong ompuina puanbuk sung pan olive thau la in, Solomon noai hi. Amate in lemle tumin, mipite theampo au in, “Kumpipa Solomon a khan sau tahen,” ci uh hi. 40Taciang amate theampo in ama nungzui in cia a, lungdam in au a, tamngai tumin, lei liing khom za tu in a aw uh nging hi.

41Adonijah le a leangnate poaipi khaam a man kuan ciang, amate in awnging za uh hi. Taciang Joab in lemle aw a zaak ciang ama in, “Khuapi sungah awnging sia bang khiakna nei ziam?” ci hi. 42A pau a man maa in thiampi Abiathar ii tapa Jonathan hong theng hi. Adonijah in, “Hong tum tan, nang sia pasal pha khat na hi hi, thuthang pha khat hong puak hi lete kilawm hi,” ci hi.

43“Thuthang pha hong puak ngawl khi hi,” Jonathan in ci hi. “Kumpipa David in Solomon sia kumpipa suak sak hi.” 44Ama in Zadok, Nathan, Benaiah le kumpipa cingte in tha sak hi. Amate in kumpipa laa tungah Solomon to sak uh hi, 45taciang Zadok le Nathan in Gihon Cik hui ah sathau noai in kumpi suak sak hi. Tua zawkciang amate khuapi sungah tumin lungdam in au uh a, mipite sia tu in ngamlum lialua uh hi. Tasia na zaak uh awnging sia ahi hi. 46Solomon sia tu in kumpipa ahi hi. 47Tuateng bek dom ngawlin kumpipa ii uliante in pai in Kumpipa David zatakna pia uh a, hi bangin ci uh hi. ‘Na Pathian in Solomon sia nang sang zongh in minthang sak zaw lai tahen, taciang Solomon ii maanna sia nang aa sangin khangto zaw lai tahen,’ ci uh hi. Tua zawkciang Kumpipa David in a lupna tungah kun in biakpiakna vawtin 48thungen hi, ‘Ka suan ka paalte khat kei hong laih sak a tasia hun a mu tu in hong nungta sak Israelte ii Pathian TOPA pok tek tawng,’ ” ci hi.

49Tasia ciang Adonijah ii leangnate lau uh a, amate theampo dingin amate san tek ah paikhia uh hi. 50Adonijah in Solomon kiita mama ahikom TOPA ii ompuina puanbuk sungah biaktau ii kingh khat lenin om hi. 51Adonijah in ama kiita ahikom biaktau kingh lenin om hi ci in Solomon tungah kiko hi, taciang ama in, “A masa phitbel in Kumpi Solomon in kei hong thalup ngawl natu kamciam hong pia le dei khi hi,” ci hi.

52Solomon in zo kik a, “Ama kei tungah hong thumaan po le a samzam khat zongh kithutha ngawl tu hi, ahihang hong thumaan bua ahile thi tu hi,” ci hi. 53Kumpipa Solomon in Adonijah biaktau panin samkhia sak hi. Adonijah Kumpipa ii mai ah kun suk a, taciang kumpipa in, ama munah, “Na cia nuam le cia thei ni hi,” ci hi.

Kumpite Khatna 2
David ii Solomon tungah A khakbel A hilna
1David thi tu hun a thet ciang ama in Solomon sam a, a khakbel kam hilna vawt hi: 2“Ka thi tu hun hong theng zo hi. Kimuang in takkha in, 3taciang TOPA na Pathian ii vawt a hong sawl teng vawt in. A thukhamte le a thupiakna te a vekpi in, Moses ii thukham sungah a ki at theampo, vawt in, tua hi le na paina po ah na sep papo tungah na mainawt tu hi. 4Ama ii thu na ni le, TOPA in kamciam kei tungah hong pia a, ka suan ka paalte in thumaan tak le thintak lungtak taw ama ii thupiakna a ni uh le, ama in tua kamciam ka kholet tu hi ci hi.

5“A dang thu khat om lai hi. Joab in kei tungah hong ngamtatna te na ciamtee tu hi, ama in Israelte ngalkaphon ukpipa, Ner ii tapa Abner le Jether ii tapa Amasa te nii hong thalup sak hi. Ngal sungah thina hangin ngal kilem sungah phulam in tualthat ahi sia na phawk tu hi. Ama in mihing maw nei ngawlte that ahikom tu in ama ii ngamtatna tungah keima in tavuan nei khi hi, tasia bangma tua taw kizui in thuak khi hi. * 6Na vawt tu bang ziam ci in he ni hi; ama, thi ngei bang thathongin thi sak ngawl tu ni hi.

7“Ahihang Gilead pan Barzillai tapate tungah hesuakna nei tan a, a pha takin ou tan, banghangziam cile na suapui Absalom kung pan ka tai lai in amate in kei tungah hong dik hi. *

8“Benjamin ngam Bahurim khuapino panin Gera ii tapa Shimei a ci khat zongh om hi. Mahanaim zuanin ka pai lai in nasia takin hong haamsiat hi, ahihang Jordan ngun ah ka kisik ciangin ama ka thalup ngawl natu ciliap huai takin TOPA ii min taw kamciam ka pia hi. * 9Ahihang ama daan piak ngawlin tha thong ngawl tu ni hi. Bang vawt tu ci in nangma he ni hi, ama a kithalup natu na vaihawm kul tu hi,” ci hi.

David ii Thina
10David thi a David khuapi ah kiphum hi. 11Ama kum sawmli sung Israelte ii kumpipa seam hi. Hebron panin kum sali sung maang a, Jerusalem ah kum sawmthum le kum thum sung maang hi. * 12Solomon in a pa David ii za lua a, ama ii kumpi vaangletna kho takin kip hi. *

Adonijah ii Thina
13Tua zawkciang Haggith tapa Adonijah in Solomon ii nu Bethsheba kungah haw hi. “Kilem vai in hong vak na hi ziam?” ci in ama in dongh hi.

Adonijah in, “Hi hi,” ci in zo hi, 14taciang belap a, “Kong nget nop khat om hi,” ci hi.

Ama in, “Bang ziam?” ci in dongh hi.

15Ama in zo a, “Na heak sa bangin kei sia kumpi ka sua natu hi, Israel ngamah mihing sim in tabangin muangmaw hi. Ahihang a tuam dang khat in hong piang a, ka suapuipa sia kumpipa suak hi, banghangziam cile tasia TOPA ii deina hi. 16Tu in nget nop khat hong nei khi hi; Nong hesuakna in hong nial heak in,” ci hi.

Bathsheba in, “A bang ziam?” ci in dongh hi.

17Ama in zo a, “Nong hesuakna in Kumpipa Solomon tungah Shunem panin numei Abishag sia ka zi tu in hong piak natu hong nget sak tan— nang sia ama in hong nial ngawl tu ci in he khi hi,” ci hi. *

18Ama in, “Pha mama hi nang atu Kumpipa tungah kong son sak tu hi,” ci in zo hi.

19Tua ahikom Bethsheba kumpipa kungah Adonijah ii taangin pau tu in pai hi. Kumpipa sia a nu muak tu in dingto a, taciang kun hi. Tasia zawkciang ama kumpi tokhum tungah to a, a nu atu a dang khat paipui in a sawl zawkciang a ziat sangah to sak hi. 20Ama in, “Hamphatna no khat hong ngen nuam khi hi, hong nial heak in,” ci hi;

“Bang ziam nu awng?” ci in dongh hi. “Hong nial bong,” ci hi.

21Ama in zo a, “Na suapuipa Adonijah ii zi tu in Abishag pia in,” ci hi.

22Kumpipa in, “Banghangin Adonijah atu in Abishag hong ngen ni ziam?” ci in dongh hi. “Kumpi tokhum zongh nget sak vet ve le, Adonijah sia ka u hi a, thiampi Abiathar le Joab zongh ama sangah pang hi! ” ci hi. 23Tua zawkciang Solomon in TOPA min taw kiciamna vawt hi. “Adonijah in hisia hong nget hu in ama nuntakna taw a lul bua ngangaw le Pathian in kei hong vua lum tahen! 24TOPA in ka pa David ii kumpi tokhum tungah kip takin kei hong koi zo hi; ama in a kamciam kholet in kumpi ngam sia ka suan ka paalte dongin hong pia zo hi. Adonijah sia tu ni mama in thi tu hi ci in a nungta TOPA taw kiciam khi hi,” ci hi.

25Tua ahikom Solomon in Benaiah thu pia a tua pa in pusuak in Adonijah that hi.

Abiathar Kihawlkhiatna le Joab ii Thina
26Tua zawkciang Kumpipa Solomon in Abiathar thiampipa tungah, “Na tenna ngam Anathoth ah cia tan. A thi tu kilawm ni hi, ahizong tu laitakin hong thi sak ngawl tu khi hi, ka pa David a om lai in Thukham Thingkuang a keam pa na hi a, ama ii ngim ngana theampo a siim pa zongh na hi hu, ahi hi,” ci hi. * 27Tua zawkciang Solomon in thiampi Abiathar sia TOPA ii thiampi a sepna pan tawp sak hi, tabangin TOPA ii Shiloh ah thiampi Eli le a suan a paalte huvau a pauna tangtung sak hi. *

28Joab in thupiang teng za hi. (Ama in Absalom panpui ngawl ahihang Adonijah panpui hi.) Tua hikom ama tai in TOPA ii ompuina puanbuk sungah biaktau ii kinghte lenin om hi. 29Kumpipa Solomon in Joab sia puanbuk tu in tai a, biaktau hui ah om hi ci in a zaak ciang, Kumpipa Solomon in kamtai khat sawlin Joab munah banghangin biaktau tu in tai ni ziam ci in dongh sak hi, Joab in zo kik a, ama TOPA tu in ka tai sia Solomon ka kiitak hang hi ci sak hi. Tua ahikom Kumpipa Solomon in Joab that tu in Benaiah sawl hi. 30Ama TOPA ii ompuina Puanbuk ah pai in Joab munah, “Kumpipa in hong pusuak tahen, ci hi,” ci hi.

Joab in, “Hong pusuak ngawl tu khi hi. Hi munah thi zaw tu khi hi,” ci in zo hi.

Benaiah heak kikin Kumpipa munah Joab ii pauna teng son hi.

31“Joab ii ci bangin vawt in,” Solomon in ci hi. “That in a, phum in. Tasia ciangin kei ka hi zong, David ii suan le paal dangte ahizong Joab ii maw nei ngawl a thalupte huvau ah tavuan ka nei nawn batu hi. 32Ka pa David ii heak ngawl laanin, tual thana a vawt hu in TOPA in Joab sia daan pia tu hi. Joab in ama sangin mi phazaw maw nei ngawl mihing nii thatlum hi: Abner sia Israelte ngalkap hon ukpipa hi a, Amasa sia Judahte ngalkap hon ukpipa ahi hi. 33Amate tual a tha hu in daan piakna sia Joab le a suan a paalte tungah a tawntungin thuak tu hi. Ahihang TOPA in David le a suan a paal kumpipa tokhum tungah a to peuma zawna pia tawntung tu hi.”

34Tua ahikom Benaiah in TOPA ii ompuina Puanbuk ah pai in Joab that hi, taciang ama sia ama ii inn ngam tanzauna ah kiphum hi. 35Kumpipa in Benaiah sia Joab taangin ngalkap hon ukpipa suak sak a, thiampipa Zadok in Abiathar za laih sak hi.

Shimei ii Thina
36Tua zawkciang kumpipa in Shimei sam sak a, “Hi sung Jerusalem ah nangma atu in inn khat sa in, a sungah teang in a, khuapi nusia ngei heak in. 37Inn nusia in Kidron lui na kantan le thi tatak tu ni hi—- taciang nangma mawna hi tu hi,” ci hi.

38“Pha mama hi, Kumpipa awng, na ci babangin ngamta tu khi hi,” ci in Shimei in zo kik hi. Tabangin ama Jerusalem ah ngei ma teang hi.

39Kum thum zawkciang, Shimei ii silate nii tai in, Macaah ii tapa Achish, Gath kumpipa tu in tai uh hi. Shimei in amate sia Gath ah om hi ci in a zaak ciangin, 40a laa kungh thua in Gath ah Achish Kumpipa kungah tua silate zong tu in pai hi. Amate mu in inn ah hong cia pui kik hi. 41Solomon in Shimei ii ngamtatna teng a zaak ciangin, 42ama sam sak a, “Jerusalem na nusiat ngawl natu in TOPA min taw kamciamna kong vawt sak hi. Taciang na kidop natu kong thupiakna na na nusia le thi tatak tu ni hi ci in thu kong pia hi. Tua thu thukim in ka thu nong nit natu lungkim hi ngawl ni ziam? 43Tua ahile banghangin na kamciam paltan in kong thupiakna hong mang ngawl ni ziam? 44Ka pa David tungah na tatkhialnate theampo he nginge ni hi. TOPA in tuate hu in daan hong pia tu hi. 45Ahihang ama in kei sia thupha hong pia tu a, David ii kumpi ngam sia ngammuang sak tawntung tu hi,” ci hi.

46Tua zawkciang kumpipa in Benaiah thu pia a, ama pusuak in Shimei that hi. Tu in Solomon in ukna a cingin nga hi.

0 comments:

Post a Comment