Laithiangtho Dokna (Psalm Late 137-138)

1 Koisungah Israelte to ziam?
a. Khuapi lungphungtung
b. Babylon ngun hui
c. Biakinn naina

2. ___ aphawk uh ciang kap hi.
a. Jerusalem
b. Babylon
c. Zion

3. Kuate ii laa sak tu in kingen ziam?
a. Lawmitna laa
b. Ngualzawna laa
c. Zion Laa

4. Jerusalem a mangil uh le ___ tum thei nawn ngawl tu hi.
a. tengtongte
b. khuang
c. zam

5. Jerusalem laakkik ni ciang akuate ngamtatna phawk tu ziam?
a. Philestinete
b. Edomte
c. Egypt

6. Babylonte nausen athatlumpa sia ___ hi.
a. mihing lungdam
b. ngualzopa
c. minuamsa

7. Laphuakpa in akuate ii maiah Pathian pok sawm ziam?
a. pathian dangte mai
b. Vanmithiangte mai
c. Minam tatuamte mai

8. Biakinn maingat in bangbangh pok tu ci ziam?
a. Bok
b. Kuunin pok
c. Khutbeang

9. A bang in laphuakpa tha kho sak ziam?
a. Lawpna
b. Phawkna
c. Thahatna

10. Pathian in akuate a thinbot ziam?
a. Mimawte
b. A niam mihingte
c. Israelte

11. Akuate ama kungpan kibu zo ngawl ziam?
a. Judahte
b. Babylonte
c. A kiphasakte

12. Na pat sa nasepte a ___ dongin hong seam tan.
a. atamzaw na zaw
b. alang

c. khuangkhim

Psalm Late 137
Saltang Israel Mihingte Kaana
1Babylon ngunte hui ah ka to uh hi;
tua munah Zion ka phaw uh ciangin ka kap uh hi.
2A nai a om pakngiam kungte tungah
ka tengtongte uh ka khai uh hi;
3Ko hong pummatte in la sa in hong sawl hi.
Amate thinnop lungpilna tu in
“Zion la hong sak tavun” hong ci uh hi.
4Ngual ngam ngual lei ah bangbangin
TOPA tungah la sa thei tu khu ziam?
5Jerusalem awng, nang kong mangil a ahile
tengtong zongh tum thei ngei nawn ba tong!
6Nang sia ka lungdamna lianbel na hi hunlam
kong ngaisun bua a, nang kong mangil a, ahile
la zongh sa kik thei ngei nawn ba tong!
7TOPA awng, Jerusalem hong kilak ni ciangin
Edomte ngamtatna na phawk in.
“Lei ah sutham suk vun” ci kikik sia na phawk in.
8Babylon awng, nang sia hong kilalcip sak tu hi.
Kote tungah nong vawt sa teng hong thuh kik pa le *
9na nausente uh hong laak sak in
suangpi tungah hong sukthap sak pa sia mi nuamsa ahi hi.



Psalm Late 138
Lungdam ko Thungetna
1TOPA awng, ka thin theampo taw lungdam kong ko hi;
pathian dangte mai ah nang tungah pokna la kong sa hi.
2Na Biakinn thiangtho sang maingat in,
kunin na min kong pok hi,
banghang ziam cile tatsat ngawl nong it hang le
na thumaanna hang ahi hi, na min le na thupiakna sia lianbel ahi hang hi.
3Kong sam ciangin nong zo hi,
na thahatna taw nong tha kho sak hi.
4Leitung ah kumpi theampo in nang hong pok tu hi,
banghangziam cile TOPA awng, na kamciamte amate in za zo uh hi.
5Amate in na sep na vawt sate hu le
na minthanna lian hu in la hong sak tu hi.
6Nang sia tungsang ah, saang mama na hihang,
a niam mihingte na thinbot a,
a kiphasak te sia nang kung panin a buu zo bua hi.
7Ngimna in kei hong uumci ciangin
nangma in suatakna taw nong keamcing hi.
A thin uuk ka ngalte nong do sak a na vaangletna taw nong hun hi.
8Na kamciam sa theampo na vawt tu hi; TOPA awng,
na itna a tawntungin kip hi.
Na pat sa nasepte a khuangkhim dongin hong seam tan.


0 comments:

Post a Comment