Laithiangtho (Psalm 139-140)

1. A khuala na panin ka ___ theampo na he hi.
a. ngaisutna
b. paina
c. thu kikupna

2. Kei nong heakna sia ___; kei heak zawk ahi bua hi.
a. hamphatna hi
b. kilangh a
c. thuk mama a

3. ___ sia TOPA atu kibang hi.
a. Nang le kei
b. Mivom mikangte
c. Khuazing le khuavak

4. Hong ki see siat hunte a kipat ma in ___ hi.
a. nongson zo
b. laibu sungah kiciamte
c. naseal nuam bua

5. Nang hong ___ te bangza in ensan khi ziam!
a. leedo
b. nunau
c. tuam vawt

6. Pathian awng, ___ hong he tan.
a. ka inn sung
b. ka hanciam nate
c. ka thinsung

7. Kuate in kihau thei natu in ngual a hol tawntung ziam?
a. Mihing khansiate
b. Mihing duhopte
c. Satan teal tuamte

8. Akuate ii kammal in ngulsok ngu bang hi ziam?
a. Mawneite
b. Baal nungzuite
c. Mihing khansiate

9. Koisungah laphuakpa thaang kisia ziam?
a. Moab kuam
b. Khuazing sung
c. Lampi ah

10. TOPA awng, a ngilote ___ pia heak in.
a. phat vawt
b. ii dei
c. maipha

11. Laphuakpa in angalte ii tungah bang taak ta hen ci ziam?
a. Meikam
b. Meikuang
c. Thupha

12. TOPA in a ngim ngate ___, a cimawte thumaan in khen sak hi.
a. hilh thiang
b. dan pia
c. panpui a




Psalm Late 139
Pathian Heakna le Thinbotna A cing
1TOPA awng, nangma in nong veal ngiingeei zo a nong he hi.
2Nangma in ka sep ka vawt theampo na he hi;
a khuala na panin ka ngaisutna theampo na he hi.
3Na ka seam a, ahibale ka tawlngak zong nong mu hi;
ka ngamtatna theampo na he hi.
4Ka pau ma ngangawn in
ka ci tuteng na he zo hi.
5Nangma in ka kiimkot mun theampo ah na om hi;
na vaangletna taw kei nong hung hi.
6Kei nong heakna sia thuk mama a;
kei heak zawk ahi bua hi.
7Nang pial tu in koisung ka zuan thei tu ziam?
Nang omna pan koisung ah ka tai thei tu ziam?
8Vantung ah paito ka leng zong tua munah na om tu hi;
a thite omna munah lumsuk ka leng zong tua munah na om tu hi.
9Nisuana kalh in leang a
tua ahibale nitumna a khuala belna ah teang ka leng zong
10kei hong lampui tu in tuak ma ah na om tu hi,
kei hong hu tu in tuak ma ah na om tu hi.
11Khuazing hong sealcip natu ngen leng a,
tua ahibale ka kiimkot khuataang sia
zan suak in ci thei ka leng zong,
12ahihang khuazing ngangawn nang atu in a zing tuan bua a,
zan sia suntang bangin a taang hi.
Khuazing le khuavak sia nang atu in kibang hi.
13Nangma in ka pumpi sungah, nate theampo na bitphua hi;
Ka nu naubu sungah ka pumpi nong ngawmtua hi.
14Nangma kong pok hi,
banghangziam cile
nangma in kiitak tu na hi hi;
na sep na vawt theampo tumdang in lamdang hi.
Ka thinsung theampo taw ka he hi.
15Ka ngu te kipiang sak in,
ka nu sulh sungah pha tatakin kingawmtua a,
a thimtham in ka khanto laitak,
tua munah ka om hunlam nong he hi.
16Ka sua ma in kei nong mu zo hi.
Kei atu hong ki see siat ni le hunte
a kipat ma in na laibu sungah kiciamtee siat zo hi.
17Pathian awng, na khua ngaisutna sia
kei tel tu haksa mama a, tam mama hi!
18Sim tu in kipan hial leng
tuate sia senvui za sangin tam zaw hi.
Ka khanlaw ciang zong nang mama taw ka omkhawm lai hi.
19Pathian awng, mihing ngilote hong thalup sak le te oai meak ing!
mihing molngolte in kei nguak hong nusia le uuk meak ing!
20Amate in ngitlona kammal nang tungah hong zangh uh a,
na min siat thethei natu in pau uh hi.
21TOPA awng, nang hong ensante bangza in ensan khi ziam!
Nang hong leedo tee bangza in ensan khi ziam!
22Amate sia etsat tawpin ka ensan a;
keima ngalin ka nei hi.
23Kei hong veal tan, Pathian awng, ka thinsung hong he tan;
hong sin tan a, ka ngaisutnate a thakin hong mu tan.
24Ka sungah siatna a om ziam maw hong zong tan a,
tawntung lampi ah kei lam hong pui tan.





Psalm Late 140
Kidal natu Thungetna
1Mihing khansiate kung panin hong hun tan, TOPA awng,
mihing molngolte kung panin hong keamcing tan.
2Amate in a tawntung in a sia vawt tu a sawm ku uh a,
kihau thei natu in ngual a hol tawntung uh hi.
3Amate ii leei sia a kiitak huai ngulte bang hi a;
amate kammal in ngulsok ngu bang ahi hi. *
4A ngilote vaangletna panin hong dal tan TOPA awng,
ka puk natu a, sawm kuna a vawtte molngol mite kung panin hong keamcing tan.
5Mihing kiphasak te in thaang khat taw kei hong sia hi;
amate in khau thaangte pha in
lampi ah kei hong sia natu thaangte keak sa in koi uh hi.
6“Nangma in ka Pathian na hi hi.” TOPA tungah ka ci hi,
TOPA awng, hu ngen a kong auna hong za tan.
7Vaanglianpipa TOPA awng,
a tha kho kei hong hungpa nangma in kidona sungah nong dal zo hi.
8TOPA awng, a ngilote ii dei pia heak in;
amate sawm ku thute tangtung sak heak in.
9Ka ngalte in hong zo sak heak in,
amate ii kei hong thawmvau nate amate tungah tu sak kik in.
10Meikam sa vahem te amate tungah taak tahen;
dumthuk sungah amate kilawn suk tahen a,
pusuak kik mama heak hen.
11Midangte leeilot thu taw
maw a suan nuamte in tangtung heak hen;
mihing ngoltolte sia siatna in delin pha tahen a, lalcip tahen.
12TOPA in a ngim ngate panpui a,
a cimawte atu thumaan in a khen sak ka he hi.
13A thutangte in nang hong pok tatak tu a,
nang omna mun ah a teang tu uh hi.

0 comments:

Post a Comment