Kenya Tapidaw University Saangpatangte Thalup Thuak




Kenya ngam , university saanghuang khat ah nipizawk niliini in hiamtoaite in Tapidaw saang patangte that ahikom, mi 150 thi law hi. 

Hiam toai te sia Somli ngam pan al-Shabaab kici muslim te hi aa, AK 47 thau toai tinghteng sawm bangh pha tha tu ci hi.

Garissa University College saangptangte hostel sungah zingsang nai 5:00 pawl in tum aa, doituam (room) khat zawk ciang khat sung om muslimteng pusuak sak siat zawk tapidaw akici teng thatlumh siat aa pawlkhat sia ngawngtan ci hi. 

Hiam toaite sung panh lii in apumpi tungah bom kamh sa i koi aa amate zongh thi hi. 

Ningkumh zongh Muslim hiamtoaite thalup hang in mi 67 thingei aa, 
1998 lai in, mi 200 val thalup thuak ngei hi.

Kenya ngam sia U.S. president Obama ii pa pianna ngam zongh hi aa, July tha ciang Obama in apa ii khua vil sawm hi.

Ngambup population sia 49.25 million pha aa, 82. 5% sia tapidaw hi in, Muslim sia 11. 1 % pha ci hi. Adang percentage teng sia biakna dang hi.

Ref: Dailymail, Kenya time, Wikepidia

0 comments:

Post a Comment