Laithiangtho (Jeremiah 39-40)

1 Zedekiah maan sung Babylon in Judah a zaw natu bangtan vei hai ziam?
a. Tha thum
b. Tha kua
c. Kumh khat le lang

2. Babylonia kumpipa in khutnuai uliante bangza nei ziam?
a. 8
b. 6
c. 4

3 Zedekiah ngelku ahihang koisung ah matthuak ziam?
a. Sinai mual
b. Jericho naina
c. Khuapi luphung

4. Babylon ngalkapte in Judahmi bangbanghte hamphat ziam?
a. Natna neite
b. Mizawngte
c. Puhuai pihuaite

5 Akua in Jeremiah zong aa phatak keam ziam?
a. Nebuzaradan
b. Zedekiah
c. Haman

6 Zedekiah maan sung kumpi inn naseam akua in Topa muang ziam?
a. Ebedmelech
b. Italiah
c. Hezekiah

7. Sila in akikai Jeremiah sia koisung athet ciang kisuataa ziam?
a. Ramah khua
b. Hebron khua
c. Gath

8 Akua in Jeremiah sila hi na kolte suut sak ziam?
a. Babylon ngalkapmangpa
b. Pathian
c. Ama le ama

9. Judah a uk tu in Nebuchadnezzar in akua koi ziam?
a. A ngalkapmangpa
b. Gedeliah
c. A tapa

10. Sila in kikaih zawk koisung pan Judah khuate ki uk ziam?
a. Jeresalem
b. Mizpah
c. Jericho

11. A kithethang Israelte banghang angamah cia kik uh ziam?
a. Topa it ahikom
b. Ngam khat in ding nuam
c. Nebuchadnezzar in mi kheet nei

12. Babylonte khutnuai atum nuam ngawl sia akua ziam?
a. Gadeliah
b. Jeremiah
c. Jonahan


Jeremiah 39
Jerusalem khua Bona
1Zedekiah ii Judah kumpi a sua zawk a kum kua kum a tha sawm tha in Babylonia Kumpipa Nebuchadnezzar sia a ngalkap theampo taw hong pai in Jerusalem sim hi. 2Zedekiah ii kumpi a sua zawk kum sawm le kum khat kum, tha li tha, ni kua ni in khuapi luphungte ki sulet hi.



( 3 Jerusalem khuapi a kilaak ciang Babylonia kumpipa khutnuai uliante theampo hong pai in Kongpi Laita ah to uh hi. Tuate sia Nergal Sharezer, Samgar Nebo, Sarsechim le a dang Nergal Sharezer ahi uh hi.)

4Zedekiah Kumpipa le a ngalkapte theampo in a piang thu a mu uh ciang amate sia zan lai in khuapi pan ngelku tu hanciam uh hi. Amate in kumpi huansung lam tawnin luphungte ngeal kilaklaw kongkha kantan in, Jordan Kuam ah ngelku uh hi. 5Ahihang Babylonian ngalkapte in delin Zedekiah sia Jericho khua nai zaangtam ah man uh hi. Tasia ciang amate in Zedekiah sia Hamath ngamsung Riblah khua ah a om Nebuchadnezzar Kumpipa kungah paipui uh a, tua munah Nebuchadnezzar in Zedekiah tungah thukhen hi. 6Riblah khua ah Nebuchadnezzar Kumpipa in Zedekiah ii tapate sia Zedekiah ii mu tang ma in thatlum a, Judah ngam kumpi uliante theampo zongh thatlum hi. 7Tua zawkciang ama in Zedekiah ii mittangte khel sak a, Babylonia ah paipui tu in kol bul hi. 8Tua hun laitak ma in Babylonian te in kumpipa inn le mipite ii innte haltum in Jerusalem khua luphungte sutham uh hi. 9A khakbel in ngalkap maangpa, Nebuzaradan in, khuapi sungah a taanglai mite sia ama ii kung a zuan mite taw Babylonia ah saltang tu in paipui khawm hi. 10Ngalkap maangpa, Nebuzaradan in, bangma nei ngawl a, a zawngkhal bel mihing pawl khat Judah ngamah nusia in sapit huante le lote pia hi.

Jeremiah ii Suatakna
11Ahihang Nebuchadnezzar Kumpipa a nuai a thute pia tu in ngalkap maangpa, Nebuzaradan tungah thupia hi. 12“Pai in a Jeremiah zongin pha takin keam in. Vawtsia heak in a a dei papo vawt sak in” ci hi. 13Tua ahikom Nebuzaradan in kumpi uliante Nebushazban le Nergal Sharezer le Babylonia kumpipa ii ulian dangte theampo taw 14Kumpi innhuang sung panin kei hong la uh hi. Amate in Shaphan ii tupa Ahikam ii tapa Gedaliah kungah, hong kep tu in keima hong aap uh hi. Gedaliah sia ngalmuang takin kei inn hong then tu pa ahi hi. Tabangin ka mite sungah ka teang hi.

Ebedmelech atu Lametna
15Kumpi innhuang sungah thong hong kitaak sak lai in, Vaanglianbelpa TOPA, Israel ii Pathian in hi bangin ci hi, ci in, 16Ethiopia mi Ebedmelech tungah son tu in TOPA in kei hong sawl hi. “Ka vawt tu hi ka ci bangkeak ma in hi khuapi tungah nop sak natu hi ngawlin siatna ka theng sak tu hi. Hi bangin hong pian ciang a mu tu in tua munah na om tu hi. 17Ahihang Keima, TOPA in nang kong keamcing tu a, na kiitak mihingte khut sungah nang hong ki aap ngawl tu hi. 18Nang sia kong keamcing tu a, hong kithatlum ngawl tu hi. Kei hong muang na hikom na nuntakna suakta tu hi. Keima, TOPA in ka ci zo hi,” hong ci hi.


Jeremiah 40
Gedaliah kungah Jeremiah Om
1Ngalkap maangpa Nebuzaradan in Ramah khua ah kei hong suatak zawkciang, TOPA in kei hong paupui hi. Keima sia kol bul sa in, Babylonia ah luangta tu in a kipaipui Jerusalem le Judah midangte theampo taw hong kipaipui khawm zo hi.

2Ngalkap maangpa in keima hong sam tuam a, “Na TOPA Pathian in hi ngam sia suksiat tu in tawng a, 3ama in ka vawt tu hi a ci sia tu in vawt zo hi. Na mite in TOPA tungah khialna vawtin a thu ni ngawl a hi hu in hite theampo piang hi. 4Tu in na khut ah a kibul kolte kong suut sak tu a kong suakta sak tu hi. Kei taw Babylonia ah na pai nuam le na pai thei hi. Keima in nang kong keamcing tu hi. Ahihang na pai nuam bale pai kul ngawl hi. Hi ngam buppi sungah na uukna mun po teal in a, na uukna papo ah pai in,” hong ci hi.

5Bangma pau ngawl a ka om ciang, Nebuzaradan in, “Babylonia kumpipa ii Judah ngam khuapite uk tu in a koi Shaphan ii tupa Ahikam ii tapa Gedeliah ii kungah pai kik tan. Ama taw a mite sungah teang a, tua ahibale na pai nopna mun po ah pai in om tan,” hong ci hi. Taciang ama in letsong khat le nguai an hong henin hong pai sak hi. 6Mizpah ah Gedadiah taw om tu in ka pai a, ngam sungah a taanglai mihingte sungah ka teang hi.

Judah Ngam ukpa Gedaliah
(2Kumpite 25:22-24)
7Judah ngalkapmaang pawlkhatte le ngalkap pawlkhatte in a ngalte khut sungah tumna vawt ngawl uh hi. Amate in, Babylonia Kumpipa in Gedaliah sia ngam ukpa in koi zo a, Babylonia ah saltang tu a, a kipaipui ngawl mite theampo ngamsung pan a zawng bel mite teng uk tu in a kikoina thu za uh hi. * 8Tasia ciang Nathaniah ii tapa Ishmael, Kareah ii tapa Johanan, Tanhumeth ii tapa Seraiah, Netophah mi Ephai ii tapate le Maacah mi Jezaniah le a ngalkapte sia Mizpah khua ah a om Gedaliah kungah pai uh hi. 9Gedaliah in amate tungah, “Babylonian te tungah tumna na vawt tu uh sia lau kul ngawl hi ci in kamciam kong pia hi. Hi ngam sungah teangin Babylonia kumpipa ii naseam leute no atu in pha siat tu hi. 10Keima mama Mizpah ah ka teang tu a, Babylonian te hi munah hong pai ciangin na taangmi uh ka hi tu hi. Sapit tui thingnga le olive sathaute khawmin khol vun a, na laak uh khuate ah teang vun,” ci hi. 11Tasia laitakin, Moab ngam, Ammon ngam, Edom ngam le ngamdang ah a om Israelte theampo in, Babylonia kumpipa ii Israelte pawlkhat Judah ngam sungah a om suak sakna thu le Gedaliah sia a ngam ukpa in a koina thu za uh hi. 12Tua ahi manin, amate in a kithethaang na ngamte nusia in Judah ngamah cia kik uh hi. Amate Mizpah khua Gedaliah kungah pai in, tua munah zu le thingnga tam mama khawmtua uh hi.

Gedaliah Kithat
(2Kumpite 25: 25-26)
13Hisia zawkciang, Babyloniate khutnuai ah a tum nuam ngawl Jonahan le ngalkapte ii lampuite sia Mizpah khua Gedaliah kungah pai in, 14ama tungah, “Ammon Kumpipa Baalis in nangma hong that tu in Ishmael hong pai sak sia he ngawl ni ziam?” ci hi. Ahihang Gedaliah in tua thu um ngawl hi. 15Ta ciang Johanan in Gedaliah tungah, “Keima hong pai sak tan a Ishmael hong that sak tan, tua hile a that sia pa kuama in he ngawl tu hi. Banghangin ama in nang hong kithat sak thong tu ziam? Nang hong kithat thong le tua in na kiim ah hong kikhawm Jew mite theampo kithethaang sak tu a, Judah ngamah a taanglai mite theampo ii tungah tuasiatna theng sak tu hi,” ci ku hi.

16Ahihang Gedaliah in, “Tabang hi heak in! Ishmael thu na son sia maan ngawl hi!” ci in zo hi.


0 comments:

Post a Comment