Laithiangtho (Malachi 3-4)

1 A thukhen natu thu bang taw tengat ziam? 
a. Kaangmei
b. Moneipa
c. Satpyar le Thik 

2. TOPA kamtaipa in kuate thiangtho sak tu ziam? 
a. Mimawte
b. Thiampite
c. Israelte

3. Amite in TOPA bang taw theam ziam? 
a. Sawmakhat 
b. Pokna
c. Phuatawm thu

4.  “Kei taw kisai in ___ uh hi,” ci hi.
a. daa tham peuma
b. zaak thada huai pau
c. ngualtung ah son tu

5. “Pathian na ih sep ___ hi,” ci uh hi.
a. thupi
b. hang 
c. a luithathong


6. Amite le ngilote tungah a piang thute ___tu ci hi.
a. kibangsak
b. kilamdang 
c. sontham man ngawl

7. Bangbangh in kaang tu uh ziam? 
a. Taangphaw 
b. Khamh
c. Ngamkaang

8. Bangbangh mihingte kaangtum tu ziam? 
a. A kiphasakte
b. Misiate
c. Doai biate

9. A thu anite tungah damna bangba puak tu ziam? 
a. Muvanlai
b. Upna tungtawn
c. Nizang 

10. Khuinote sia akhawk sung pan apusuak ciang ___ hi. 
a. taai keak
b. nuamsa
c. apui nusia ngawl

11. TOPA in Moses sia in thukhamte koi sungah pia ziam? 
a. Sinai
b. Gilgal
c. Biakinn sung

12. A lauhuai thu hong pianma in kua pai tu ziam? 
a. Leilot kamsang
b. Elijah

c. Tualthatte


Malachi 3
1Vaanglianbelpa TOPA in zo kik a, “Ka lampi a sial khol tu in ka kamtaipa ka pai sak tu hi. Tasia ciang na zon uh TOPA sia ama Biakinn sungah thakhat thu in hong pai tu hi. Mu tu in na ngalaak uh kamtaipa hong pai tu a, ka thuciamnate hong taangko tu hi.” *

2Ahihang ama hong pai ni sia akua peuma in thuak zo tu hi ziam? Ama hong kilangh ciang akua nungta zo tu ziam? Ama sia puan a thiang sak satpia le thik a thiang sak thei meikuang taw kibang hi. * 3Ngun tui sakin a thiangtho sakpa khat bangin ama sia thukhen tu in hong pai tu hi. Thik seakpa in kham le ngun tui sakin a thiantho sak bangin TOPA kamtaipa in thiampite thiangtho sak tu a, tabang a maan biakpiakna sia TOPA kungah hong paipui tu hi. 4Nidang hun bangma in Judah le Jerusalem mite ii piakna sia TOPA in saang thanuam kik tu hi.

5Vaanglianbelpa TOPA in, “Note thukhen tu in note kungah kong pai tu a, bum le ai toaite, palngul mawna vawtte, leeilot tetti pangte, a kicial naseamte ii thaman a neaktum sakte, meingong tanga le ngamdang mite tungah meet natu a zongte le kei hong zakta ngawlte theampo tungah maw sakin thu ka khen tu hi.”

Sawm a khat Piakna
6Keima in TOPA ka hi a, ka kikheal bua hi. Taciang no, Jacob suan le paalte zongh na mong siat balai uh hi. 7Note maiah na pu na pate bangma in ka thukhamte pan na puapial uh a, na zui bua uh hi. Kei kungah hong heak kik tavun, tua hile kei zongh no sang kong nga tu hi. Ahizong “Nang sangah bangbangin hong heak kik tu khu ziam?” ci in nong dongh uh hi. 8Tua ahile thu khat hong dongh tong, mihing khat in Pathian a theam tu sia a kilawm tu ziam? Kilawm dek ngawl hi, hi napi no in kei nong theam uh hi. “Bangbang in maw?” ci nu hi. Sawm a khat le sumpi piakna sungah, hong theam nu hi. 9Note tungah haamsiatna khat hong tung hi, banghangziam cile minam buppi in kei nong theam uh hi. 10Biakinn sungah an tam mama a om thei natu in sawm a khat a cingin hong paipui tavun. Kei hong sin tavun, vantung khelkite ka hong tu a, na pha namcinte kicing takin kong buaksuk na mu tu uh hi. * 11Lungnote in na lo ante a lal sak batu a, na sapit nguite sapit nga taw kidim tu hi. 12Taciang, na ngam uh sia ten natu in leitangh pha hong suak tu ahikom minam theampote in mi nuamsa te hong ci tu uh hi.

Hesuak natu Pathian Kamciam
13TOPA in, “Kei taw kisai in a zaak thada huai na pau uh hi,” ci hi. “Ahizong note in, nang taw kisai bang teng pau na khu ziam? ci nu hi. 14Note in, “Pathian na ih sep a luithathong hi. Ama hong sawl bang a ih sep hangin bang kimanna om a, ih ngamtatna sate hangin khuangaina lim Vaanglianbelpa TOPA mai ah ih lak hangin bang phat tuamna om ziam? 15Ih mu bangin ci leang mihing kiphasak teng ma in nuamsa uh hi. Ngamtat siate sia ci thei bek ngawlin a ngamtat siatnate uh taw Pathian thin sauna ze-et napi, bangma tat tuan ngawl hi,” na ci uh hi.

16Taciang TOPA a kiita mihingte khat le khat kipaupui a, TOPA in amate son teng ngai in za hi. Amate omna ah TOPA a kiitate le a zaktate tepteena laibu khat ki at hi. 17“Amate sia ka minamte hi tu hi.” Vaanglianbelpa TOPA in ci hi. “Ka dian ni hong tun tak ciang amate sia keima neisa hi tu hi. Ama atu a sep sak tapa tungah pa in hesuakna a nei bangin amate tungah hesuakna ka nei tu hi. 18Kei atu hong sep sakte le hong sep sak ngawlte, thutangte le a ngilote tungah a piang thute a kilamdanna, ka mite in khatvei mu kik tu uh hi,” ci hi.

Malachi 4
TOPA Ni Hong theng tu
1Vaanglianbelpa TOPA in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaangtum tu a, amate taw kisai bangma a taang nawn batu hi. 2Ahihang kei thu hong ni note tungah kong ngupna vaangletna sia ni bangin hong suak tu a, nizang bangin damna hong puak tu hi. Ngan khawk sung pan a kipusuak sak khuinote bangin nuam na sa tu uh hi. 3Ka dian ni ciang, a ngilote na zothal tu uh a, amate sia na peangnuai leivuite bangin na tuancil tu uh hi.

4“Israel mite theampo ii zui tu a, Sinai Mual Moses tungah ka piak thukham le thupiakte, le ka naseampa Moses ii hilnate ciamtee tavun.

5“Ahihang a lauhuai le a lian TOPA hong pai tu ni hong thet maa in kamsangpa Elijah kong pai sak tu hi. * 6Ama in pate le tate hong ngawmtua kik tu hi, tua ahibale keima hong pai in, na ngam kong sukcip kul tu hi.

0 comments:

Post a Comment