Laithiangtho Psalm Late 143-144


1. Laphuakpa in bang thuak nuam ngawl ziam?
a. Kaana
b. Zawnsakna
c. Thusit

2. Laphuakpa in nidanglai bangbanghte bang ka hi ci ziam?
a. Ngalzote
b. Minuamsate
c. Athisate

3. Laphuakpa in Topa lungngulhna sia bangbangh ci ziam?
a. Sakhi tuidu bangh
b. Leitangh ko
c. Khuakhal kangmei

4. Laphuakpa in bang bosua ziam?
a. Asumneen
b. A Lametna
c. A ciangkhut

5. ___natu in nang kungah kong pai hi.
a. Kidalna nga
b. Kinging khol
c. Ngalsim

6. Kei nong itna taw ka ___te theampo that siat in.
a. ngal
b. tute
c. lawmte

7. Topa in Laphuakpa bang hil ziam?
a. Ngal kidozia
b. Tuu cindan
c. Sum zeak tu dan

8. ___te kei khut nuai ah ama in hong zawsak hi.
a. Minam tatuam
b. Ka ngalte
c. Moabte

9. Mihingte sia Topa atu ___ hi.
a. tuu moi no bangh
b. husan khat bek
c. mitsa

10. Topa in akuate thusim ziam?  
a. Mizawngte
b. A thi thei mihingte
c. Ngamdang mite

11. Topa in mualte tham le___  tu hi.
a. Tuitham
b. Leivui suak
c. Meikhu pusua

12. Amate in a kiciamna ngangawn taw ___ hi.
a. Topa pok sawm
b. aisaan
c. leeilot lai



Psalm Late 143
Hu ngetna Thungetna
1TOPA awng, ka thungetna hong za tan!
Na thutanna sungah kong maangkaa na hong ngai tan;
na thumaanna hangin kei hong zo tan!
2Kei na naseam pa thusitna hong thuak sak heak in;
nang muna ah a maw ngawl kuama a om bua hi. *
3Ka ngalpa in savai bangin
hong vai a hong zothal hi.
Ama in thongzing khat sungah hong khum zo a,
ngei tawnglai ah a thi sate bang ka hi hi.
4A cimaw hi zo ing ci tu ka kithoai zo a;
nasia takin ka thinkiam zo hi.
5A bo sa nite ka phawk hi,
na sep sa nate theampo ka ngaisun hi,
na ngamtatna sa theampo ka thin sungah ka sut kikik hi.
6Thu ngenin ka khutte nang kungah kong laamto hi;
leitangh ko bangin ka thin in nang hong dangko law hi.
7Tu ma in hong zo tan, TOPA awng!
lametna theampo ka bosua zo hi.
Kei kung panin buu heak in,
na buu le kei sia a thi sate ngam a zuansukte taw ka omkhawm tu hi.
8Zing simin tatsat ngawl na itna hong phawk sak kik tan,
banghangziam cile ka muanna sia nang tungah kong nga hi.
Ka thungetnate nang kungah hong paito hi,
ka tot tu lampi hong lak tan.
9Kidalna nga natu in nang kungah kong pai hi,
TOPA awng, ka ngalte kung panin hong suatak tan.
10Nangma in ka Pathian na hi hi;
na dei bang ka vawt thei natu hong hil tan.
Kei tungah hong dik tan a,
a muan huai lampi ah lam hong pui tan.
11TOPA awng, nong kamciam sa bangma in hong suatak tan;
na phatna taw ka ngim ngana sung pan hong hun tan!
12Kei nong itna taw ka ngalte theampo that siat in a,
kei hong siatvawtte na susia in,
banghangziam cile kei sia na naseam pa ka hi hi.

Psalm Late 144
Pathian tungah Kumpipa Lungdam kona
1Kei hong sungsia pa TOPA pok vun!
Ama in ngal kido zia kei hong sin sak a,
ngal kisim natu in hong kingingta sak hi.
2Ama in kei hong dalpa le hong hungpa ahi hi,
ka belna le ka hunpa, suatakna atu a, ka muanpa ahi hi.
Ama in minam tatuamte kei khut nuai ah hong zo sak hi.
3TOPA awng, mihingte sia na phaw tham tu in bang hi a,
mihing lel hi napi banghangin thusim ni ziam? *
4Ama sia husan khat bang hi a
ama khan sia a bo vadi nilim bang bek ahi hi.
5TOPA awng, vantung balkeak in a hong pai suk tan;
mualpite tham in,
tua hile tuate in meikhu pusua tu hi.
6Khualeng tee vazalte pai sak in a, na ngalte thezau in;
na thaltangte kap in a, amate taikeak sak in.
7Van panin hong bansuk tan.
Tuithukna pan hong dokto tan a, hong suatak tan;
minam dangte thahatna panin hong hun tan.
8Amate in thumaan son ngei ngawl a,
a kiciamna ngangawn taw leeilot lai hi.
9Na tungah la thak khat kong sak tu hi,
Pathian awng;
na tungah tengtong hong tumin la kong sak tu hi.
10Kumpipate tungah zawna na pia a,
na naseampa David na suatak hi.
11A ngilo ka ngalte kung panin hong hun tan;
thumaan son ngei ngawl a,
kiciamna taw ngangawnin a leeilot lai, minam dangte thahatna panin hong suatak tan.
12Ka tapate uh sia a khanmoi lai in
thingkung thahatin a khangte bang hi tahen.
Ka tanute uh sia kumpi inn kingh li ah
a po khuam hoite zep bangin etlawm tahen.
13Ka ansaal uh te an namcin taw kidim tahen a,
ka lo sungah tuute in a tulsawm in no nei tahen.
14Ka khuite uh zongh
a no tol a sumsi om ngawlin ta tam mama nei tahen.
Ka khuapi lampi liante ah
ngimnga kikona aw nging ka heak hen.
15Hi thute bangin a piang ngamte sia ngam nuam sa ahi hi;
TOPA sia Pathian aa a nei mite in mihing lungdamte ahi uh hi.

0 comments:

Post a Comment