1 Israelte ngamdang ah bang hi uh ziam?
a. Pathian in paipui
b. Saltang
c. Ngalsim
2. TOPA in akuate laamto ziam?
a. Mizawngte
b. Akiniamkhiakte
c. Ngimhngaa theampo
3. Akuate in asap ciang ama in anvak ziam?
a. Doaibiate
b. Sakhinote
c. Va-aknote
4. Akuate tungah TOPA lungkim ziam?
a. Mitheampo tungah
b. A itna amuangte
c. A tealsate
5. Bang sia TOPA in leivui bangh thethang ziam?
a. Sennealte
b. Tuikhal
c. Israelte
6. Akuate in TOPA thukham he ngawl ziam?
a. Manoah
b. Israelte
c. Minamdangte
7. Koisung ateangte tungah TOPA pok vun kici ziam?
a. Asangbelna
b. Zion
c. Cannaan
8. Kuate tungah TOPA pok vun kici ziam?
a. Mihingtheampo
b. Vantung ngalkap
c. Judahte
9. TOPA in abitphuasa nate bangba koi ziam?
a. Asangna ah
b. A en tu taw
c. Thupia
10. Amate in a thu ni ngawlin a ___bua hi.
a. om thei
b. vak
c. kaikhawm
11. Ama ii min sia bangsang in lian zaw ziam?
a. Vantungte
b. Adangte theampo
c. Min tatuam
12. Banghang Israelte thahat sak ziam?
a. Thupha pia nuam
b. Hesuak huaisa
c. Ama pok natu
Psalm Late 147
Vaanglianpipa Pathian Pokna
1TOPA pok vun!
Ih Pathian tungah, pokna la sakna sia pha hi;
ama pokna sia nopci a maan hi.
2TOPA in Jerusalem thaksua kik a,
ngamdang a beal saltangte hong ciapui kik hi.
3Ama in thin kitamthamte dam sak a,
a liamma uh tuam sak hi.
4Ama in aksite a phak za tu sep a, khat simin min vaw hi.
5A lian a thakho sia in eite TOPA hi a;
ama ciimna in kitee thei ngawl hi.
6A kiniamkhiak te ama in laamto a,
ahihang a ngilote sia lei ah sucip hi.
7TOPA tungah pokna la sa vun,
Ih Pathian tungah tengtong tum vun!
8Ama in vantung ah meeikaaite phal hi;
ama in lei atu in nguatui pia a, lopate mual tungah po sak hi.
9Nganhingte ama in an pia a,
va-akno te in a sap uh ciang ama in an a vaak hi.
10Ama dei sia in siphu thahatte le
ama dik sak in ngalkap hangsante hi ngawl hi.
11Ahihang ama in ama vaang a piate le
tatsat ngawl ama itna a muangte tungah lungkim hi.
12TOPA pok in, Jerusalem awng!
Na Pathian pok in, Zion awng!
13Ama in na kongpite thahat sak a,
na mihingte thupha pia hi.
14Na ngamngi uh te bit sak a,
zungtaang pha belte hong kham sak hi.
15Ama in simlei tungah thupia a,
ama ci babang, a manlang in piang hi.
16Ama in vuuk sia puanvan bangin phal a,
tuikhal sia leivui bangin thethaang hi.
17Ama in ngial sia suangpim bangin puak a,
ama puak khuasik sia kuama in a thuak zo bua hi.
18Tasia ciang ama in thupia a, tuikhalte tuitham hi;
ama in vuite pai sak a, tui luang hi.
19Ama in a mite tungah thupuak a,
lam lakna le thukhamte Israel pia hi.
20Minam dangte tungah ama in hi bangin a vawt bua hi;
amate in ama thukhamte a he bua uh hi.
TOPA pok vun!
Psalm Late 148
Vannuai in Pathian A pok natu Samna
1TOPA pok vun!
No tungsang a saang belna a,
a teangte awng, vantung panin TOPA pok vun.
2Ama vantung lalangte theampo,
ama vantung ngalkapte theampo awng, ama pok vun.
3Ni le tha awng, ama pok vun;
a taang aksite awng, ama pok vun.
4A saang bel vantungte le
vantung a om tuite awng, ama pok vun.
5Amate theampo in TOPA min pok tahen!
Ama in thupia a, amate kibitphua hi;
6Ama thupiakna taw amate tek sia
a om natu ah a tawntung in kikoi hi,
taciang amate in a thu ni ngawlin a om thei bua hi.
7Lei panin TOPA pok vun,
a thupiak a ni tuipi nganhingte le tuipi thukte;
8khualeng le ngialte, vuuk le meeikaaite,
hui thahatte awng.
9Pok vun, mualno le mualliante
nga a nei thingkungte le taampui te;
10nganhing theampo a zual a ki,
awmtaal nganhingte le vacimte awng.
11Pok vun, kumpipate le
mihing theampo, kumpi tate le a dang ngam ukte;
12ngaknute le tangval khangmoite,
khanghaam sate le patangte awng pok vun.
13Amate theampo in TOPA min pok tahen!
Ama min in a dang theampo sangin lian zaw hi;
ama minthanna in van le lei ii tungsia ahi hi.
14Ama atu in a it mama Israel mite
ama mihingte theampo in ama a pok natu in
ama minam thahat sak hi.
TOPA pok vun!
0 comments:
Post a Comment