1. Abijah in kum in kum bangza sung Judah uk ziam?
a. 3
b. 7
c. 12
2. Abijah maan sung kuate taw kido ziam?
a. Israel
b. Judah
c. Syria
3. Asa in kum bangza Judah uk ziam?
a. 31
b. 41
c. 21
4. Asa kumpipa ii pi sia akua ii tanu ziam?
a. Solomon
b. Absalom
c. Jonathan
5. Akua in khuapi sia Ramah pan Tirzah ah kikhiin ziam?
a. Jimri
b. Zirmi
c. Baasha
6. Asa in Israelte sim tu in akuate cial ziam?
a. Baasha
b. Nimri
c. Syria
7. Israel kumpi Nadad athat sia akuate kumpi ziam?
a. Israel
b. Judah
c. Babylon
8. Baasha kungah apai TOPA kamsang sia akua ziam?
a. Jehu
b. Jeremiah
c. Nathan
9. Jeroboam ii innkuanpui theampo athat siat sia akua ziam?
a. Baasha
b. Jonathan
c. Hit
10. Baasha ii innkuanpui theampo akua in that siat ziam?
a. Jeroboam
b. Zimri
c. Ahijah
11. Israelte ni sali sung a uk kumpi sia akua ziam?
a. Ahijah
b. Zimri
c. Baasha
12. Philistia asim laitak banghang amate khua le khuapi uumci kik ziam?
a. Judahte in sim
b. Syriate khuasung tum
c. Akumpipa kisuam
13. Samaria sia abang ii min ziam?
a. Vantungmi
b. Khuapi lui min
c. Mihing min
14. Israel khuapi Tirzah pan Samaria ah akhin sia kua ziam?
a. Omri
b. Baasha
c. Laaban
Judah Kumhpi
Israel Kumhpi
Kumpite Khatna 15
Judah Kumpipa Abijah
(2Khang tangthu 13:1-14:1)
1Israelte Kumpipa Jeroboam ii maan zawk a kum sawm le liatna ciangin Abijah sia Judahte kumpipa suak a, 2taciang, ama in Jerusalem panin kum thum sung uk hi. Ama ii nu sia Absalom ii tanu Maacah ahi hi. 3Ama in a pa mawnate ma maw suk in, a pu selawn David bangin TOPA tungah thumaan bup ngawl hi. 4Ahihang David ii hu in TOPA in Abijah sia ama zawkciang Jerusalem pan a uk tu le Jerusalem ngammuang in a koi tu tapa khat pia hi. * 5TOPA in hi bangin a vawt sia banghangziam cile David in ama ii dik sakte bek seam a, a thukhamte Hit mi Uriah taw a vai khat sim ngawl, nit ngawl nei ngawl hi. * 6Abijah ii maan sung theampo Rehoboam le Jeroboam ii kidona sia kizom paisuak lai hi.. * 7Taciangin Abijah ii sep le vawt theampo sia Judah Kumpipate Tangthu sungah kikhum siat hi.
8Abijah sia thi in David ii khuapi sungah kiphum hi, taciang a tapa Asa in ama kumpi za laih hi.
Judah Kumpipa Asa
(2Khangtangthu 15:16-16:6)
9Israelte ii Kumpipa Jeroboam ii maan zawk a kum kul na ciangin Asa sia Judahte Kumpipa suak hi, 10taciangin ama in Jerusalem ah kum sawmli le kum khat sung maang hi. Ama ii pi sia Absalom ii tanu Maacah ahi hi. 11A pu David ii ngamtat bangin Asa in TOPA ii dik sak tu in ngamta hi. 12Ngam sung panin numei le pasal pumpi zuak doai biate biakna munah a om theampo hawlkeak hi, taciang ama ii mai a kumpipate ii vawt milim theampo sot hi. * 13Ama in a pi Maacah sia kumpipa ii nu ahina panin heamkhia hi, banghangziam cile ama in a kiihuai ta tam nei natu a siam Asherah pathian numei ii milim khat vawt hi. Asa in tua milim sia phukin Kidron luamkuam ah haltham hi. 14Asa in doai biate ii biakpiakna mun theampo susia ngawl ahihang TOPA tungah a nuntak tawntung thumaan hi. 15Biakinn sungah a pa ii Pathian atu a piak sa nate le kham le ngun nate ama ii piakte koi hi.
16Judahte ii kumpipa Asa le Israelte ii Kumpipa Baasha sia amate vaang a nei lai teng in kido tawntung hi. 17Baasha in Judah sim a, Judah ngam pan a pusuak a sungtang a om thei ngawl natu in Ramah sia kulh taw uum hi. 18Tua ahikom Kumpipa Asa in Biakinnpi sung a kham le ngunte le kumpi inn sung pan a dangte a om lai sun teng la in a uliante in pua sak in, Damascus ah, Tubrimmon ii tapa, Hezion tupa, Syria Kumpipa Benhadad,— hi kam teng thaak hi: 19“Ih pate sia ngal a kipawl ahi bangma ei zongh kipawl khawm tawng. Hi ngun le khamte sia nangma atu letsong kong piak hi. Tu in, ka ngamkhen sung pan ngalkapte a laak kik thei natu in, Israel te kumpipa Baasha taw na kipawl na sia na pheltan in,” ci hi.
20Benhadad kumpipa in Asa ii nget teng thukim a, a ngalkap ukpite kuan sak in Israel khuapite sim uh hi. Amate in hi khuapi teng suan uh hi, Ijon, Dan, Abel Beth Maacah khuapi teng, Galilee Tuili hui ngam teng, Napthali ngamkhen bup. amate in suan uh hi. 21Kumpipa Baasha in thupiang teng a zaak ciang Ramah khua ah a kulhpi vawt teng tawpin Tirzah zuan hi.
22Tua zawkciang Kumpipa Asa in Judah ngambup ah thupiakna pai sak in, a kuama theampo khat zongh kikhe ngawlin, Ramah panin suang le thing aa te Baasha ii kulh vawtna a zakte pua siat tu hi, ci hi. Hi vanhte taw Asa in Mizpah le Benjamin ngamah Geba khuapite sia ngal nan natu in vawt hi.
23Asa ii a sep a vawt dang theampo, a haanna, khuapinote a khuangkho sak nate dongin Judahte Kumpipate ii Tangthu sungah kikhum hi. Ahihang a khanhaam ciangin ama sia peang natna taw zawcip hi. 24Asa thi a, ama sia David ii Khuapi sung kumpi thaan ah kiphum hi, taciang a tapa Jehoshaphat in a kumpi za laih hi.
Israel Kumpipa Nadab
25Judah Kumpipa Asa ii maan zawk a kum niina hun sungah Kumpipa Jeroboam ii tapa Nadad sia Israelte kumpipa hong suak a kum nii sung maang hi. 26Ama ii mai ah a pa bangin ama in TOPA tungah mawin, Israelte mawna vawtna ah lampui hi.
27Issachar nam Ahijah ii tapa Baasha in Nadad thasawm in, Nadad le a ngalkap honte in Philistia ngam ah Gibbethon khuapi a uumci laitakin Nadad thatlum hi. 28Hi thu, Kumpipa Asa in Judah ah a maan zawk a kum thumna ciang piang hi. Tua bangin, Baasha in Nadad sia Israel kumpipa ahina laih hi. 29Thakhat thu in ama in Jeroboam ii innkuanpuite that siat hi, Shiloh pan kamsang pa Ahijah ii TOPA kammal a son bang tatakin tung hi, Jeroboam ii innkuanpuite kithat siat a, khat zongh a nungta om ngawl hi. * 30Hi bang a pian sia banghangziam cile Jeroboam in Israelte ii Pathian TOPA sia ama ii mawna hang le Israel mite a maw tu in a vawt hu in TOPA thin uuk sak a tua hang ahi hi.
31Nadad ii a sep a vawt dang theampo sia Israel Kumpite ii Tangthu sungah kikhum hi. 32Judah ii Kumpipa Asa le Israel ii Kumpipa Baasha te ngeal sia a vaang nei uh sung teng khat le khat kido tan uh hi.
Israel Kumpipa Baasha
33Judah ah Kumpipa Asa ii maan zawk a kum thumna ah Ahijah ii tapa Baasha sia Israelte kumpipa suak a, ama in Tirza panin kum kul le kum li sung uk hi. 34Ama ii mai ah Kumpipa Jeroboam bangma in ama in TOPA tungah maw a, Israelte mawna sungah lampui hi.
Kumpite Khatna 16
1Hanani ii tapa kamsang pa Jehu tungah Baasha atu kam hi teng TOPA in pau hi: 2“Nang sia bangma ahi ngawl khat hi napi ka mi Israel te ii lampui tu in hong koi khi hi. Taciang tu in nang zongh Jeroboam bangma in mawna na vawt a, ka mite mawna vawt natu sungah na lampui hi. Amate ii mawnate in kei hong thin uuk sak hi, 3tua ahikom Jeroboam tungah ka vawt bangma in nang le na innkuante sia kong heam tu hi. 4Na innkuanpuite sung pan khuapi sungah a thite sia ui in a sa uh ne tu a, ngam taanzauna sungah a thite vaciik in ne tu hi,” ci hi.
5Baasha ii a sep a vawtte theampo a dangte sia Israel Kumpipate Tangthu sungah kikhum hi. 6Baasha thi a Tirzah ah kiphum hi, taciang a tapa Elah in a kumpi za laih hi.
7Baasha le a innkuanpuite langpanna tua TOPA kammalte sia kamsangpa Jehu in pia hi, banghangziam cile Baasha in TOPA tungah mawna vawt hi. Ama in TOPA ii thin uukna piang sak hi, banghangziam cile ama in tatkhaakna bek, Jeroboam bangin vawt ngawlin, Jeroboam ii innkuanpuite theampo zongh ama in that siat hi.
Israel Kumpipa Elah
8Judah ah Asa ii maan zawk a kum kul le lukna in, Baasha ii tapa Elah sia Israelte ii kumpipa suakin Tirzah pan kum nii sung uk hi. 9A uliante khat, kumpipa ii ngalleangte a lang a uk pa Zimri in ama suam sawm hi. Ni khat ni in Tirzah ah Elah sia kumpi inn a ukpi pa Arza ii inn ah zu kham hi. 10Zimri in inn sungah tumin, Elah suamlum hi, taciang ama in kumpi za laih hi. Hi sia a pian hun sia Judah ngam ah Asa in Kumpipa in a maan a kum kul le sali kum ahi hi.
11Zimri kumpipa a sua po ciangin Baasha ii innkuanpuite theampo thatlum siat hi. Pasal a minpiang be hi kale lawm hi kale thatlum sak siat hi. 12Tabangin kamsangpa Jehu tungtawnin TOPA ii Baasha huvau a son bangin Zimri in Baasha ii innkuanpui theampo thatlum siat hi. 13Amate ii milim a biak hu le Israel mite mawna sung a thet pui hu in Baasha le a tapa Elah in Israelte ii Pathian TOPA a thin uuk sak hi. 14Elah ii sep le vawt a dangte theampo sia Israel Kumpipate Tangthu sungah kikhum siat hi.
Israel Kumpipa Zimri
15Judahte ii Kumpipa Asa ii a kum kul le sali na ciang Zimri in Tirzah pan Israel te sia ni sali sung uk hi Israel ngalkapte sia Philistia ah Gibbethon khuapi uumci uh hi. 16taciang amate in, Zimri in a kumpipa uh suamlum hi ci in a zaak uh ciang, tua hun tua munah amate ngalkap ukpipa Omri sia Israelte Kumpipa in taangko uh hi. 17Omri le a ngalkapte in Gibbethon nusia in Tirzah uumci uh hi. 18Zimri in khuapi sia ngalte khut sung theng zo ci in a zaak ciang kumpi inn ii a sungnung doi kulh taw a ki uumna mei taw hal hi, taciang ama zongh meikuang sungah thi hi. 19Hi bangin a pian sia banghangziam cile ama in TOPA tungah maw hi. Ama ii mai ah a maang Jeroboam bangma in ama ii mawna hu le Israel mite mawna ah a lampui hu in, TOPA dik sak ngawlna thuak hi. 20Zimri ii a sep a vawt na dangte theampo le suamlup natu a sawmna te sia Israelte Kumpipate Tangthu bu sungah kikhum siat hi.
Israel Kumpipa Omri
21Israel mite sia kikhen hi; pawlkhat te in Ginath ii tapa Tibni sia kumpipa in koi nuam a, a dangte in Omri dei uh hi. 22A khakbel ciang Omri deite in zo uh a; Tibri thi a Omri sia kumpipa suak hi. 23Tabangin Judah kumpipa in Asa a maan zawk a kum sawmthum le kum khat kumin Omri sia Israelte kumpipa suak hi, taciang ama in kum sawm le kum nii sung uk hi. A masa kum luk teng sia ama in Tirzah pan uk hi, 24taciang ama in Samaria ngam mualno khat sia Shemer a kici pasal khat ii tung pan nguntang tul zaluk taw lei hi. Omri in tua mual sia kulh taw ngal nanna vawt in tua munah khuapi khat sa hi, taciang a min sia mual nei lui pa min la in Samaria phuak hi.
25Omri in ama mai a te sangin TOPA tungah nasia maw zaw hi. 26Ama ii mai ah Jeroboam bangma in ama ii mawna te hu le a mite mawna te milim biakna sungah a thet pui hu in Israelte ii Pathian TOPA ii thin uukna piang sak hi. 27Omri ii a sep a vawt dangte le ama ii zawnate sia Israel Kumpipate Tuanthu sungah kikhum hi. 28Omri thi a, Samaria ah kiphum in, a tapa Ahab in a kumpi za laih hi.
Israel Kumpipa Ahab
29Judah ah Kumpipa Asa ii maan zawk a kum sawmthum le liat kumin Omri ii tapa Ahab sia Israelte ii kumpipa suak hi, taciang ama in Samaria panin kum kul le kum nii sung uk hi. 30Ama in ama ii mai a kumpi dangte sangin TOPA tungah maw zaw hi. 31Ama atu in Kumpipa Jeroboam ii khial bang bekte taw kicing sa ngawl hi; ama in tua kaanin ngamta in, Jezebel a kici Sidon Kumpipa Ethbaal ii tanu sia pai in tenpui a, taciang ama in Baal pathian bia hi. 32Ama in Samaria ah Baal atu biakinn sak sakin, biaktau khat vawtin biakinn sungah koi hi. 33Ama in pathian nu Asherah milim khat vawt hi. Israelte ii Pathian TOPA ii thin uuk natu in, ama ii masia a, Israel kumpipa te theampo sangin ama in nasia takin vawt zaw hi. 34Ama ii maan sungin Bethel panin Hiel in Jericho sa kik hi. Nun ii tapa Joshua ii tungah TOPA ii son khol bangma in Hiel in a tapa lianbel Abiram sia Jericho khua ii phungkawng a vawt laitakin thi sua a, taciang a tapa a nobel Segub sia khuapi kongpi a vawt ciang thisua hi.
a. 3
b. 7
c. 12
2. Abijah maan sung kuate taw kido ziam?
a. Israel
b. Judah
c. Syria
3. Asa in kum bangza Judah uk ziam?
a. 31
b. 41
c. 21
4. Asa kumpipa ii pi sia akua ii tanu ziam?
a. Solomon
b. Absalom
c. Jonathan
5. Akua in khuapi sia Ramah pan Tirzah ah kikhiin ziam?
a. Jimri
b. Zirmi
c. Baasha
6. Asa in Israelte sim tu in akuate cial ziam?
a. Baasha
b. Nimri
c. Syria
7. Israel kumpi Nadad athat sia akuate kumpi ziam?
a. Israel
b. Judah
c. Babylon
8. Baasha kungah apai TOPA kamsang sia akua ziam?
a. Jehu
b. Jeremiah
c. Nathan
9. Jeroboam ii innkuanpui theampo athat siat sia akua ziam?
a. Baasha
b. Jonathan
c. Hit
10. Baasha ii innkuanpui theampo akua in that siat ziam?
a. Jeroboam
b. Zimri
c. Ahijah
11. Israelte ni sali sung a uk kumpi sia akua ziam?
a. Ahijah
b. Zimri
c. Baasha
12. Philistia asim laitak banghang amate khua le khuapi uumci kik ziam?
a. Judahte in sim
b. Syriate khuasung tum
c. Akumpipa kisuam
13. Samaria sia abang ii min ziam?
a. Vantungmi
b. Khuapi lui min
c. Mihing min
14. Israel khuapi Tirzah pan Samaria ah akhin sia kua ziam?
a. Omri
b. Baasha
c. Laaban
Judah Kumhpi
- Rehoboam kumh 17 sung uk aa ngina ngawl
- Abijam (Abijah) kumh 3 sung uk ngina ngawl
- Asa kumh 41 sung uk ngina
Israel Kumhpi
- Jeroboam kumh 22 sung uk ngina ngawl
- Nadab kumh 2 sung uk ngina ngawl
- Baasha kumh 24 sung uk ngina ngawl
- Elah kumh 2 sung uk ngina ngawl
- Zimri ni 7 sung uk ngina ngawl
- Omri 885-874 Army Captain 12 Bad Died 16:15-28
- Jehoshaphat kumh 25 ngina
Kumpite Khatna 15
Judah Kumpipa Abijah
(2Khang tangthu 13:1-14:1)
1Israelte Kumpipa Jeroboam ii maan zawk a kum sawm le liatna ciangin Abijah sia Judahte kumpipa suak a, 2taciang, ama in Jerusalem panin kum thum sung uk hi. Ama ii nu sia Absalom ii tanu Maacah ahi hi. 3Ama in a pa mawnate ma maw suk in, a pu selawn David bangin TOPA tungah thumaan bup ngawl hi. 4Ahihang David ii hu in TOPA in Abijah sia ama zawkciang Jerusalem pan a uk tu le Jerusalem ngammuang in a koi tu tapa khat pia hi. * 5TOPA in hi bangin a vawt sia banghangziam cile David in ama ii dik sakte bek seam a, a thukhamte Hit mi Uriah taw a vai khat sim ngawl, nit ngawl nei ngawl hi. * 6Abijah ii maan sung theampo Rehoboam le Jeroboam ii kidona sia kizom paisuak lai hi.. * 7Taciangin Abijah ii sep le vawt theampo sia Judah Kumpipate Tangthu sungah kikhum siat hi.
8Abijah sia thi in David ii khuapi sungah kiphum hi, taciang a tapa Asa in ama kumpi za laih hi.
Judah Kumpipa Asa
(2Khangtangthu 15:16-16:6)
9Israelte ii Kumpipa Jeroboam ii maan zawk a kum kul na ciangin Asa sia Judahte Kumpipa suak hi, 10taciangin ama in Jerusalem ah kum sawmli le kum khat sung maang hi. Ama ii pi sia Absalom ii tanu Maacah ahi hi. 11A pu David ii ngamtat bangin Asa in TOPA ii dik sak tu in ngamta hi. 12Ngam sung panin numei le pasal pumpi zuak doai biate biakna munah a om theampo hawlkeak hi, taciang ama ii mai a kumpipate ii vawt milim theampo sot hi. * 13Ama in a pi Maacah sia kumpipa ii nu ahina panin heamkhia hi, banghangziam cile ama in a kiihuai ta tam nei natu a siam Asherah pathian numei ii milim khat vawt hi. Asa in tua milim sia phukin Kidron luamkuam ah haltham hi. 14Asa in doai biate ii biakpiakna mun theampo susia ngawl ahihang TOPA tungah a nuntak tawntung thumaan hi. 15Biakinn sungah a pa ii Pathian atu a piak sa nate le kham le ngun nate ama ii piakte koi hi.
16Judahte ii kumpipa Asa le Israelte ii Kumpipa Baasha sia amate vaang a nei lai teng in kido tawntung hi. 17Baasha in Judah sim a, Judah ngam pan a pusuak a sungtang a om thei ngawl natu in Ramah sia kulh taw uum hi. 18Tua ahikom Kumpipa Asa in Biakinnpi sung a kham le ngunte le kumpi inn sung pan a dangte a om lai sun teng la in a uliante in pua sak in, Damascus ah, Tubrimmon ii tapa, Hezion tupa, Syria Kumpipa Benhadad,— hi kam teng thaak hi: 19“Ih pate sia ngal a kipawl ahi bangma ei zongh kipawl khawm tawng. Hi ngun le khamte sia nangma atu letsong kong piak hi. Tu in, ka ngamkhen sung pan ngalkapte a laak kik thei natu in, Israel te kumpipa Baasha taw na kipawl na sia na pheltan in,” ci hi.
20Benhadad kumpipa in Asa ii nget teng thukim a, a ngalkap ukpite kuan sak in Israel khuapite sim uh hi. Amate in hi khuapi teng suan uh hi, Ijon, Dan, Abel Beth Maacah khuapi teng, Galilee Tuili hui ngam teng, Napthali ngamkhen bup. amate in suan uh hi. 21Kumpipa Baasha in thupiang teng a zaak ciang Ramah khua ah a kulhpi vawt teng tawpin Tirzah zuan hi.
22Tua zawkciang Kumpipa Asa in Judah ngambup ah thupiakna pai sak in, a kuama theampo khat zongh kikhe ngawlin, Ramah panin suang le thing aa te Baasha ii kulh vawtna a zakte pua siat tu hi, ci hi. Hi vanhte taw Asa in Mizpah le Benjamin ngamah Geba khuapite sia ngal nan natu in vawt hi.
23Asa ii a sep a vawt dang theampo, a haanna, khuapinote a khuangkho sak nate dongin Judahte Kumpipate ii Tangthu sungah kikhum hi. Ahihang a khanhaam ciangin ama sia peang natna taw zawcip hi. 24Asa thi a, ama sia David ii Khuapi sung kumpi thaan ah kiphum hi, taciang a tapa Jehoshaphat in a kumpi za laih hi.
Israel Kumpipa Nadab
25Judah Kumpipa Asa ii maan zawk a kum niina hun sungah Kumpipa Jeroboam ii tapa Nadad sia Israelte kumpipa hong suak a kum nii sung maang hi. 26Ama ii mai ah a pa bangin ama in TOPA tungah mawin, Israelte mawna vawtna ah lampui hi.
27Issachar nam Ahijah ii tapa Baasha in Nadad thasawm in, Nadad le a ngalkap honte in Philistia ngam ah Gibbethon khuapi a uumci laitakin Nadad thatlum hi. 28Hi thu, Kumpipa Asa in Judah ah a maan zawk a kum thumna ciang piang hi. Tua bangin, Baasha in Nadad sia Israel kumpipa ahina laih hi. 29Thakhat thu in ama in Jeroboam ii innkuanpuite that siat hi, Shiloh pan kamsang pa Ahijah ii TOPA kammal a son bang tatakin tung hi, Jeroboam ii innkuanpuite kithat siat a, khat zongh a nungta om ngawl hi. * 30Hi bang a pian sia banghangziam cile Jeroboam in Israelte ii Pathian TOPA sia ama ii mawna hang le Israel mite a maw tu in a vawt hu in TOPA thin uuk sak a tua hang ahi hi.
31Nadad ii a sep a vawt dang theampo sia Israel Kumpite ii Tangthu sungah kikhum hi. 32Judah ii Kumpipa Asa le Israel ii Kumpipa Baasha te ngeal sia a vaang nei uh sung teng khat le khat kido tan uh hi.
Israel Kumpipa Baasha
33Judah ah Kumpipa Asa ii maan zawk a kum thumna ah Ahijah ii tapa Baasha sia Israelte kumpipa suak a, ama in Tirza panin kum kul le kum li sung uk hi. 34Ama ii mai ah Kumpipa Jeroboam bangma in ama in TOPA tungah maw a, Israelte mawna sungah lampui hi.
Kumpite Khatna 16
1Hanani ii tapa kamsang pa Jehu tungah Baasha atu kam hi teng TOPA in pau hi: 2“Nang sia bangma ahi ngawl khat hi napi ka mi Israel te ii lampui tu in hong koi khi hi. Taciang tu in nang zongh Jeroboam bangma in mawna na vawt a, ka mite mawna vawt natu sungah na lampui hi. Amate ii mawnate in kei hong thin uuk sak hi, 3tua ahikom Jeroboam tungah ka vawt bangma in nang le na innkuante sia kong heam tu hi. 4Na innkuanpuite sung pan khuapi sungah a thite sia ui in a sa uh ne tu a, ngam taanzauna sungah a thite vaciik in ne tu hi,” ci hi.
5Baasha ii a sep a vawtte theampo a dangte sia Israel Kumpipate Tangthu sungah kikhum hi. 6Baasha thi a Tirzah ah kiphum hi, taciang a tapa Elah in a kumpi za laih hi.
7Baasha le a innkuanpuite langpanna tua TOPA kammalte sia kamsangpa Jehu in pia hi, banghangziam cile Baasha in TOPA tungah mawna vawt hi. Ama in TOPA ii thin uukna piang sak hi, banghangziam cile ama in tatkhaakna bek, Jeroboam bangin vawt ngawlin, Jeroboam ii innkuanpuite theampo zongh ama in that siat hi.
Israel Kumpipa Elah
8Judah ah Asa ii maan zawk a kum kul le lukna in, Baasha ii tapa Elah sia Israelte ii kumpipa suakin Tirzah pan kum nii sung uk hi. 9A uliante khat, kumpipa ii ngalleangte a lang a uk pa Zimri in ama suam sawm hi. Ni khat ni in Tirzah ah Elah sia kumpi inn a ukpi pa Arza ii inn ah zu kham hi. 10Zimri in inn sungah tumin, Elah suamlum hi, taciang ama in kumpi za laih hi. Hi sia a pian hun sia Judah ngam ah Asa in Kumpipa in a maan a kum kul le sali kum ahi hi.
11Zimri kumpipa a sua po ciangin Baasha ii innkuanpuite theampo thatlum siat hi. Pasal a minpiang be hi kale lawm hi kale thatlum sak siat hi. 12Tabangin kamsangpa Jehu tungtawnin TOPA ii Baasha huvau a son bangin Zimri in Baasha ii innkuanpui theampo thatlum siat hi. 13Amate ii milim a biak hu le Israel mite mawna sung a thet pui hu in Baasha le a tapa Elah in Israelte ii Pathian TOPA a thin uuk sak hi. 14Elah ii sep le vawt a dangte theampo sia Israel Kumpipate Tangthu sungah kikhum siat hi.
Israel Kumpipa Zimri
15Judahte ii Kumpipa Asa ii a kum kul le sali na ciang Zimri in Tirzah pan Israel te sia ni sali sung uk hi Israel ngalkapte sia Philistia ah Gibbethon khuapi uumci uh hi. 16taciang amate in, Zimri in a kumpipa uh suamlum hi ci in a zaak uh ciang, tua hun tua munah amate ngalkap ukpipa Omri sia Israelte Kumpipa in taangko uh hi. 17Omri le a ngalkapte in Gibbethon nusia in Tirzah uumci uh hi. 18Zimri in khuapi sia ngalte khut sung theng zo ci in a zaak ciang kumpi inn ii a sungnung doi kulh taw a ki uumna mei taw hal hi, taciang ama zongh meikuang sungah thi hi. 19Hi bangin a pian sia banghangziam cile ama in TOPA tungah maw hi. Ama ii mai ah a maang Jeroboam bangma in ama ii mawna hu le Israel mite mawna ah a lampui hu in, TOPA dik sak ngawlna thuak hi. 20Zimri ii a sep a vawt na dangte theampo le suamlup natu a sawmna te sia Israelte Kumpipate Tangthu bu sungah kikhum siat hi.
Israel Kumpipa Omri
21Israel mite sia kikhen hi; pawlkhat te in Ginath ii tapa Tibni sia kumpipa in koi nuam a, a dangte in Omri dei uh hi. 22A khakbel ciang Omri deite in zo uh a; Tibri thi a Omri sia kumpipa suak hi. 23Tabangin Judah kumpipa in Asa a maan zawk a kum sawmthum le kum khat kumin Omri sia Israelte kumpipa suak hi, taciang ama in kum sawm le kum nii sung uk hi. A masa kum luk teng sia ama in Tirzah pan uk hi, 24taciang ama in Samaria ngam mualno khat sia Shemer a kici pasal khat ii tung pan nguntang tul zaluk taw lei hi. Omri in tua mual sia kulh taw ngal nanna vawt in tua munah khuapi khat sa hi, taciang a min sia mual nei lui pa min la in Samaria phuak hi.
25Omri in ama mai a te sangin TOPA tungah nasia maw zaw hi. 26Ama ii mai ah Jeroboam bangma in ama ii mawna te hu le a mite mawna te milim biakna sungah a thet pui hu in Israelte ii Pathian TOPA ii thin uukna piang sak hi. 27Omri ii a sep a vawt dangte le ama ii zawnate sia Israel Kumpipate Tuanthu sungah kikhum hi. 28Omri thi a, Samaria ah kiphum in, a tapa Ahab in a kumpi za laih hi.
Israel Kumpipa Ahab
29Judah ah Kumpipa Asa ii maan zawk a kum sawmthum le liat kumin Omri ii tapa Ahab sia Israelte ii kumpipa suak hi, taciang ama in Samaria panin kum kul le kum nii sung uk hi. 30Ama in ama ii mai a kumpi dangte sangin TOPA tungah maw zaw hi. 31Ama atu in Kumpipa Jeroboam ii khial bang bekte taw kicing sa ngawl hi; ama in tua kaanin ngamta in, Jezebel a kici Sidon Kumpipa Ethbaal ii tanu sia pai in tenpui a, taciang ama in Baal pathian bia hi. 32Ama in Samaria ah Baal atu biakinn sak sakin, biaktau khat vawtin biakinn sungah koi hi. 33Ama in pathian nu Asherah milim khat vawt hi. Israelte ii Pathian TOPA ii thin uuk natu in, ama ii masia a, Israel kumpipa te theampo sangin ama in nasia takin vawt zaw hi. 34Ama ii maan sungin Bethel panin Hiel in Jericho sa kik hi. Nun ii tapa Joshua ii tungah TOPA ii son khol bangma in Hiel in a tapa lianbel Abiram sia Jericho khua ii phungkawng a vawt laitakin thi sua a, taciang a tapa a nobel Segub sia khuapi kongpi a vawt ciang thisua hi.
0 comments:
Post a Comment