1. Judah kumpi Jehoiakim ii pa sia akua ziam?
a. Josh
b. Judson
c. Josiah
2. Jehoiakim kumpi asep kum 4 ciang bang kiat ziam?
a. Jeremiah Laithiangtho
b. Jeremiah 45
c. Jeremiah 45, 46 etc
3. Baruch in akua ii son teng ciamte ziam?
a. Josiah
b. Jeremiah
c. Nehemiah
4. Akua in toi leih ngim lei kisa ziam?
a. Jeremiah
'b. Baruch
c. Josiah
5 Topa in a sak sate bang law sawm ziam?
a. Pua pha kik tu
b. A keam tu koi
c. Balthap sawm
6. Topa in ___ tungah "hong ki tuam vawt tu zong ni ziam? ci hi.
a. Jeremiah
b. Johaiah
c. Baruch
7 Egypt le Babylon ngalkapte bang ngun hui ah kisim ziam?
a. Nile
b. Eupharate
c. Jordan
8. Akuate sia nasia tatak kinging ahihang lau in tai kik ziam?
a. Babylon
b. Egypt
c. Israel
9 Egypte sia bang ngun taw kibang ziam?
a. Eupharate
b. Jordan
c. Nile
10. ___ te in Egypt huu le ki uk hi.
a. Moab le Zeba
b. Syria le Edom
c. Ethiopia le Libya
11. Babylon in Egypt asim tu thu Topa in akua tungah son ziam?
a. Baruch
b. Jeremiah
c. Johaiah
12. Kuate in angalte nang kenkon ngawl in tai ziam?
a. Babylon
b. Egypt
c. Judah
Jeremiah 45
Baruch tungah Pathian ii Kamciam
1Josiah ii tapa Jehoiakim ii Judah ngam kumpi a sua zawk a kum li kum in Baruch in ama tungah ka khaw bangin at hi. Taciang keima in ama tungah, * 2TOPA Israel ii Pathian in hi bang ci hi, “Baruch awng, 3‘kei paw cimaw zo ing! TOPA in ka haksatnate khuangaina taw hong belap hi. Ka tatauna taw ka ngim zo a ka toi thai thei ngawl hi!’ na ci hi. 4“Ahihang, Keima, TOPA in ka sak sate ka baltham tu a ka phu sate ka botkeak tu hi. Leitung buppi sia hi bangin ka vawt tu hi. 5Nang atu a tuam vilvel a hong kivawt natu zong ni ziam? Zong heak in! Mihing theampo tungah siatna ka theng sak tu a, ahihang nang sia na paina po ah thi ngawlin na suakta valiai tu hi. Keima TOPA in ka ci zo hi,” ci in ka son hi.
Jeremiah 46
Carchemish ah Egyptte ii Ngallelna
1TOPA in minam dangte ii thu ka tungah hong son a, 2Egypt ii thu taw in hong pan hi. Jehoiakim ii Judah kumpi a sua zawk a kum li kumin Eupharates ngunhui Carchemish khuapi ah Babylonia Kumpipa Nebuchadnezzar ii a zaw Egypt Kumpipa Neco ii ngalkapte thu TOPA in hi bangin ci hi: *
3“Egypt ngalkapbu te au in, ‘Na lumte la vun a, ngalsim tu in kuan vun!
4Na siphute kamkhau thua vun a, a tungah to vun!
A tangin kingual vun a na thik lukhute khu vun!
Na teite taat vun!
Na thik puante silh vun!’ ci uh hi.
5“Ahihang keima in bang mu khi ziam?” ci in TOPA in dongh hi.
“Amate lau in heak kik uh hi.
A ngalkapte kinot kik a, a ngalte kiita mama ahikom nungsang enkik ngawlin a ngang thei zaza in tai uh hi.
6A manlang a taite zongh taisuak thei ngawl a, a ngalkapte suakta thei ngawl uh hi.
Saksang, Euphrates ngun hui ah amate lutu in puk uh hi.
7Nile ngun bangin khang a,
nguntui pawm bang ahi sia akua ziam?
8Nile ngun bangin khangto a, nguntui bang a a pawm sia Egypt ahi hi.
Egypt in, ‘Ka khangto tu a, leitung buppi ka khum tu hi;
khuapite le khuapi sungah a teang mihingte ka susia tu hi.
9Siphute a pai natu le ngalleangte
a mui a pei natu thupia vun!
Ngalkapte kuan sak vun:
Ethiopia le Libya pan lum toai ngalkapte le, Lydia mi thalkap thiamte kuan sak vun’ ci hi,” ci hi.
10Tuni sia Vaanglianpipa TOPA, Vaanglianbelpa ii ni hi:
tuni in ama in phu la tu a;
tuni in ama in a ngalte daan pia tu hi.
A namsau in a kham dong amate ne tu a, a kham dong a chi uh dawn tu hi.
Tuni in Vaanglianbelpa in saksang Euphrates ngunhui ah
a ngalte biakpiakna in nei hi.
11Egypt mite awng, Gilead ah pai vun a ciidamna zatui zong tavun!
Na zatuite theampo kimanna nei ngawl a;
bangma in nang hong dam sak thei ngawl hi.
12Minamte theampo in na maizumna za zo a;
na kaana mihing theampo in za zo hi.
Ngalkapte khat le khat kituan tha a, a nii in lei ah puk uh hi.
Nebuchadnezzar Hong paina
13Babylonia Kumpipa Nebuchadnezzar Egypt sim tu in hong pai ciang, TOPA in kei hong paupui hi, Ama in, *
14“Egypt ngamsung khuate
Migdol, Memphis le Tahpanhes ah taangko in:
‘Noma le noma a kihu tu in kinging vun;
na neisa theampo uh ngal kisimna sungah ki susia tu hi!
15Banghangin a thahat note pathian Apis puk ziam?
TOPA in ama saat vawk hi!’ ci in.
16Note ngalkapte lutu in puk zo hi;
amate khat le khat ii tungah, ‘Manlang vun! Ih inn le ih mite kung zuanin
ngalte namsau pan suakta tawng!’ kici uh hi.
17“Egypt kumpipa min thak khat vaw vun–
‘Kam uang taw bek a hunpha a bo sak thathong pa’ ci vun.
18Vaanglianbelpa TOPA Keima sia kumpipa ka hi hi.
A nungta Pathian ka hi hi.
Mualdangte sangin Tabor mual a saan zawk bangin,
Carmel mual in tuipi tungah saang a, a dawk to bangin,
No hong sim sia pa ii thahatna lian tu hi.
19Egypt mite awng! luangta tu in kithoai vun.
Memphis khua sia senneal ngam kisuak sak tu a, kisiacip in kuama teang ngawl hi.
20Egypt ngam sia saksang panin
hong leang thataa ii a pe khuipui limci khat taw kibang hi.
21A cial sa ngalkapte ngangawn khuinote bangin cimaw uh hi.
Amate in nang kenkon in do ngawlin; nungkin in tai siat uh hi.
Amate ii ngim thuak tu ni le siatna a thuak tu hun hong theng zo hi.
22A ngalte ii ngalkapte in a neak va-ial uh ciang, Egypt sia ngul haam bangin haamin taikeak hi.
Thingphuk naseamte in thingte phukin taam ngam a sukthap uh bangin,
23amate in ama sia hei taw sim uh hi.
A mite sia sim zawk ngawl tu za in tam mama a,
a ngalkapte sia khaumawte sangin tam zaw uh hi.
24Egypt mite sia maizum in kikoi a,
saksang pan hong pai mihingte in amate zothal uh hi.
Keima, TOPA in ka ci zo hi,” ci hi.
25Vaanglianbelpa TOPA Israel ii Pathian in, “Thebes khua ii a pathian Amon sia Egypt le a pathiante le a kumpipate taw daan ka pia khawm tu hi. Egypt kumpipa le ama a umte theampo ka la tu a, 26amate a that nuam Babylonia Kumpipa Nebuchadnezzar le a ngalkapte khut sungah ka aap tu hi. Ahihang hun khat ciang, nidang hun a ten ngei bangma in Egypt ngamah mihingte teang kik tu uh hi. Keima, TOPA in ka ci zo hi.
TOPA in A mite Ngum tu
27“Ka mite awng, lau heak vun,
Israel mite awng, patau heak vun.
Na thongtaakna uh ngam khuala na pan kong suatak tu hi.
Na ngam na inn uh ah
na cia kik tu uh a nuam takin na teang tu uh hi;
ngam muangin na om tu uh a, kuama in no hong lau sak ngawl tu hi. *
28Note kungah kong pai tu a kong ngum tu hi.
Note kong thethaang na munah a teang minamte theampo ka susia tu a, ahihang no kong susia batu hi.
Daan piak ngawlin note kong tha thong batu hi;
ahihang a kiphu za in daan kong pia tu hi.
Keima, TOPA in ka ci zo hi,” ci hi.
a. Josh
b. Judson
c. Josiah
2. Jehoiakim kumpi asep kum 4 ciang bang kiat ziam?
a. Jeremiah Laithiangtho
b. Jeremiah 45
c. Jeremiah 45, 46 etc
3. Baruch in akua ii son teng ciamte ziam?
a. Josiah
b. Jeremiah
c. Nehemiah
4. Akua in toi leih ngim lei kisa ziam?
a. Jeremiah
'b. Baruch
c. Josiah
5 Topa in a sak sate bang law sawm ziam?
a. Pua pha kik tu
b. A keam tu koi
c. Balthap sawm
6. Topa in ___ tungah "hong ki tuam vawt tu zong ni ziam? ci hi.
a. Jeremiah
b. Johaiah
c. Baruch
7 Egypt le Babylon ngalkapte bang ngun hui ah kisim ziam?
a. Nile
b. Eupharate
c. Jordan
8. Akuate sia nasia tatak kinging ahihang lau in tai kik ziam?
a. Babylon
b. Egypt
c. Israel
9 Egypte sia bang ngun taw kibang ziam?
a. Eupharate
b. Jordan
c. Nile
10. ___ te in Egypt huu le ki uk hi.
a. Moab le Zeba
b. Syria le Edom
c. Ethiopia le Libya
11. Babylon in Egypt asim tu thu Topa in akua tungah son ziam?
a. Baruch
b. Jeremiah
c. Johaiah
12. Kuate in angalte nang kenkon ngawl in tai ziam?
a. Babylon
b. Egypt
c. Judah
Jeremiah 45
1Josiah ii tapa Jehoiakim ii Judah ngam kumpi a sua zawk a kum li kum in Baruch in ama tungah ka khaw bangin at hi. Taciang keima in ama tungah, * 2TOPA Israel ii Pathian in hi bang ci hi, “Baruch awng, 3‘kei paw cimaw zo ing! TOPA in ka haksatnate khuangaina taw hong belap hi. Ka tatauna taw ka ngim zo a ka toi thai thei ngawl hi!’ na ci hi. 4“Ahihang, Keima, TOPA in ka sak sate ka baltham tu a ka phu sate ka botkeak tu hi. Leitung buppi sia hi bangin ka vawt tu hi. 5Nang atu a tuam vilvel a hong kivawt natu zong ni ziam? Zong heak in! Mihing theampo tungah siatna ka theng sak tu a, ahihang nang sia na paina po ah thi ngawlin na suakta valiai tu hi. Keima TOPA in ka ci zo hi,” ci in ka son hi.
Jeremiah 46
Carchemish ah Egyptte ii Ngallelna
1TOPA in minam dangte ii thu ka tungah hong son a, 2Egypt ii thu taw in hong pan hi. Jehoiakim ii Judah kumpi a sua zawk a kum li kumin Eupharates ngunhui Carchemish khuapi ah Babylonia Kumpipa Nebuchadnezzar ii a zaw Egypt Kumpipa Neco ii ngalkapte thu TOPA in hi bangin ci hi: *
3“Egypt ngalkapbu te au in, ‘Na lumte la vun a, ngalsim tu in kuan vun!
4Na siphute kamkhau thua vun a, a tungah to vun!
A tangin kingual vun a na thik lukhute khu vun!
Na teite taat vun!
Na thik puante silh vun!’ ci uh hi.
5“Ahihang keima in bang mu khi ziam?” ci in TOPA in dongh hi.
“Amate lau in heak kik uh hi.
A ngalkapte kinot kik a, a ngalte kiita mama ahikom nungsang enkik ngawlin a ngang thei zaza in tai uh hi.
6A manlang a taite zongh taisuak thei ngawl a, a ngalkapte suakta thei ngawl uh hi.
Saksang, Euphrates ngun hui ah amate lutu in puk uh hi.
7Nile ngun bangin khang a,
nguntui pawm bang ahi sia akua ziam?
8Nile ngun bangin khangto a, nguntui bang a a pawm sia Egypt ahi hi.
Egypt in, ‘Ka khangto tu a, leitung buppi ka khum tu hi;
khuapite le khuapi sungah a teang mihingte ka susia tu hi.
9Siphute a pai natu le ngalleangte
a mui a pei natu thupia vun!
Ngalkapte kuan sak vun:
Ethiopia le Libya pan lum toai ngalkapte le, Lydia mi thalkap thiamte kuan sak vun’ ci hi,” ci hi.
10Tuni sia Vaanglianpipa TOPA, Vaanglianbelpa ii ni hi:
tuni in ama in phu la tu a;
tuni in ama in a ngalte daan pia tu hi.
A namsau in a kham dong amate ne tu a, a kham dong a chi uh dawn tu hi.
Tuni in Vaanglianbelpa in saksang Euphrates ngunhui ah
a ngalte biakpiakna in nei hi.
11Egypt mite awng, Gilead ah pai vun a ciidamna zatui zong tavun!
Na zatuite theampo kimanna nei ngawl a;
bangma in nang hong dam sak thei ngawl hi.
12Minamte theampo in na maizumna za zo a;
na kaana mihing theampo in za zo hi.
Ngalkapte khat le khat kituan tha a, a nii in lei ah puk uh hi.
Nebuchadnezzar Hong paina
13Babylonia Kumpipa Nebuchadnezzar Egypt sim tu in hong pai ciang, TOPA in kei hong paupui hi, Ama in, *
14“Egypt ngamsung khuate
Migdol, Memphis le Tahpanhes ah taangko in:
‘Noma le noma a kihu tu in kinging vun;
na neisa theampo uh ngal kisimna sungah ki susia tu hi!
15Banghangin a thahat note pathian Apis puk ziam?
TOPA in ama saat vawk hi!’ ci in.
16Note ngalkapte lutu in puk zo hi;
amate khat le khat ii tungah, ‘Manlang vun! Ih inn le ih mite kung zuanin
ngalte namsau pan suakta tawng!’ kici uh hi.
17“Egypt kumpipa min thak khat vaw vun–
‘Kam uang taw bek a hunpha a bo sak thathong pa’ ci vun.
18Vaanglianbelpa TOPA Keima sia kumpipa ka hi hi.
A nungta Pathian ka hi hi.
Mualdangte sangin Tabor mual a saan zawk bangin,
Carmel mual in tuipi tungah saang a, a dawk to bangin,
No hong sim sia pa ii thahatna lian tu hi.
19Egypt mite awng! luangta tu in kithoai vun.
Memphis khua sia senneal ngam kisuak sak tu a, kisiacip in kuama teang ngawl hi.
20Egypt ngam sia saksang panin
hong leang thataa ii a pe khuipui limci khat taw kibang hi.
21A cial sa ngalkapte ngangawn khuinote bangin cimaw uh hi.
Amate in nang kenkon in do ngawlin; nungkin in tai siat uh hi.
Amate ii ngim thuak tu ni le siatna a thuak tu hun hong theng zo hi.
22A ngalte ii ngalkapte in a neak va-ial uh ciang, Egypt sia ngul haam bangin haamin taikeak hi.
Thingphuk naseamte in thingte phukin taam ngam a sukthap uh bangin,
23amate in ama sia hei taw sim uh hi.
A mite sia sim zawk ngawl tu za in tam mama a,
a ngalkapte sia khaumawte sangin tam zaw uh hi.
24Egypt mite sia maizum in kikoi a,
saksang pan hong pai mihingte in amate zothal uh hi.
Keima, TOPA in ka ci zo hi,” ci hi.
25Vaanglianbelpa TOPA Israel ii Pathian in, “Thebes khua ii a pathian Amon sia Egypt le a pathiante le a kumpipate taw daan ka pia khawm tu hi. Egypt kumpipa le ama a umte theampo ka la tu a, 26amate a that nuam Babylonia Kumpipa Nebuchadnezzar le a ngalkapte khut sungah ka aap tu hi. Ahihang hun khat ciang, nidang hun a ten ngei bangma in Egypt ngamah mihingte teang kik tu uh hi. Keima, TOPA in ka ci zo hi.
TOPA in A mite Ngum tu
27“Ka mite awng, lau heak vun,
Israel mite awng, patau heak vun.
Na thongtaakna uh ngam khuala na pan kong suatak tu hi.
Na ngam na inn uh ah
na cia kik tu uh a nuam takin na teang tu uh hi;
ngam muangin na om tu uh a, kuama in no hong lau sak ngawl tu hi. *
28Note kungah kong pai tu a kong ngum tu hi.
Note kong thethaang na munah a teang minamte theampo ka susia tu a, ahihang no kong susia batu hi.
Daan piak ngawlin note kong tha thong batu hi;
ahihang a kiphu za in daan kong pia tu hi.
Keima, TOPA in ka ci zo hi,” ci hi.
0 comments:
Post a Comment