1 Egypt in Gaza a sim ma TOPA na akua paupui ziam?
a. Jeremiah
b. Elijah
c. Isaiah
2 Koisungah tuikhang sia nguntui pawm bang hi tu ziam?
a. Thangsang
b. Saksang
c. Nisuanasang
3 Tuikhang sia in leitung mihingte ___ tu hi.
a. thatlumh
b. kisikkik na
c. Khuum
4 Pate in tate banghang leet nawn ngawl tu ziam?
a. Thinkiam lei
b. Tate kicingzo
c. Kikham
5. Tyre le Sidonte in Philitia husawm ahihang ___ tu hi.
a. hu nuam ngawl kik
b. ki khaktan
c. lamkhial
6 ___ suksiat tu hun ciang TOPA tawlnga nuam ngawl tu hi.
a. Moab
b. Israel
c. Philistia
7. TOPA in ___ ngam khua khat beak zong khet sawm ngawl hi.
a. Moab
b. Israel
c. Egypt
8. ___ mite zu taw te ngat hi.
a. Moab
b. Israel
c. Philistia
9. Kuate in ngalsim thiam kici ziam?
a. Moab
b. Israel
c. Egypt
10. TOPA na akuate zukham sak vun ci ziam?
a. Moab
b. Israel
c. Egypt
11. Kuate kiphasak lei lalawm ziam?
a. Moab
b. Israel
c. Philistia
12. Pathian ii daan tawk in mailamsangah nuam asa kik tute sia kuate ziam?
a. Moab
b. Israel
c. Egypt
Jeremiah 47
Philistia taw kisai TOPA ii Thupuak
1Egypt kumpipa in Gaza khua a sim ma in Philistia mite taw kisai in TOPA in keima tungah thu hong son hi. * 2Ama in:
“En in! Sak sangah tui khang a,
nguntui pawm bangin luang tu hi.
Tua tuite in leitung le a tungah om na theampo,
khuapite le a sungah a teang mihingte khuum tu hi.
Mihingte in hu ngenin au tu uh a;
lei tungah om misim in nasia takin kap tu hi.
3Amate in, siphu khuasii ngingte,
ngalleang ngingte,
leangmui pei a kingoai ngingte za tu uh hi.
Pate in a khut uh a pangh ah kaai niingniang tu a,
a tate uh en kik tu in hong heak kik ngawl tu uh hi.
4Philistia suksiat tu hun,
Tyre le Sidonte kung pan a,
huna a nga sunte theampo khatan tu hun hong theng zo hi.
Keima, TOPA in Crete tuikulh pan a hong pai
Philistiate theampo ka susia tu hi.
5Gaza mite tungah heena khuangaina lian theng zo a,
Ashkelon ii mite dai dide in om uh hi.
Philistia mi a om laiteng bang tan vei kap tu uh ziam?
6‘TOPA ii Namsau awng!
Bangtan vei vaat lai tu ni ziam?
Na paai sungah cia kik in a,
tua munah om in a tawlnga in!’ ci in na au uh hi.
7Ahihang a sep tu nasep ka piak sa ahiciang,
bangbangin tawlnga thei tu ziam?
Ashkelon le tuipi hui ah a teang
mihingte sim tu in ka sawl zo hi,” ci hi.
Jeremiah 48
Moab Ngam Kisuksiatna
1Vaanglianbelpa TOPA in Moab ngam taw kisai hi bangin ci hi:
“Nebo khua mite hesuak vun–
a khua ki susia hi!
Kiriathaim khua kila zo a,
a kulh kipheltham zo hi, a mite maizum in kikoi zo hi.
2Moab ngam ii minthanna bo zo hi.
Ngalte in Heshbon la zo a,
Moab minamte suksiat tu sawm uh hi.
Madmen khua kithim sak tu a,
ngalkapte in tuancil tu uh hi.
3Horonaim mite in,
‘Molngolna! Kilal sakna!’ ci in au uh hi.
4“Moab sia kilalcip sak zo hi;
patangte kaana aw ngai vun.
5Luhith mual kaatona lam tawntung ah
amate ii kaana awte,
Horonaim khuapi paisukna lampi ah
ngimin khamin a kaana awte ngai vun.
6‘Manlang vun, na suatak natu uh in tai vun!
Senneal ngam a om ngam laate bangin tai vun!’ amate in ci uh hi.
7“Moab awng, na thatang le na hauna na suang hi,
ahihang tu in nang ngangawn hong kizo tu a;
na pathian Chemosh sia a uliante le
a thiampite taw saltang khawm tu uh hi.
8Khua khat beak zongh kisiatna pan suakta ngawl tu a;
mualkuam le zaangtamte ngeal ki siacip sak tu hi.
Keima, TOPA in ka ci zo hi.
9Moab atu in khansuang khat phut vun;
hai ngawlin kisia tu hi.
A khuapite kisia tu a,
tua sungah kuama teang kik nawn ngawl tu hi,” ci hi. ( 10 A thin theampo taw TOPA ii na a seam ngawl pa sia haamsiat vun! Mihing a vaat ngawl, a that ngawl pa haamsiat vun!)
Moab Khuapite Kisusia
11TOPA in, “Moab sia thin muangin om tawntung a, ngamdang ah sal kitang sak ngei ngawl hi. Ama sia beal khat pan beal khat sungah a kilaih kakoai ngei ngawl zu taw kibang hi. A limna lal ngei ngawlin lim tawntung hi. *
12“Tua ahiciang tu in zu buak bang a Moab mite a bua mang tu in mihingte ka pai sak hun hong theng tu hi. Amate in a sapit beal hawm sak tu a, tua zawkciang sutham tu uh hi. 13Taciang Israel mite, a muan uh Bethel pathian in a mai uh a zum sak bangma in Moab mite sia, Chemosh a pathian in a mai uh zum sak tu uh hi.
14“Moab mite awng, banghangin ngalhangte ka hi uh a,
ngalsim thiam ngalkapte ka hi uh kici nu ziam?
15Moab le a khuapite kisia sak zo a;
a tangval phabelte kithatlum zo hi.
Keima in kumpipa, Vaanglianbelpa TOPA ka hi a,
keima in ka ci zo hi.
16Moab ngam ii ngim thuak tu nai zo a,
a siat natu hong theng pal tu hi.
17A kiim ah a teangte le a minthanna a he mihingte theampo awng,
Moab ngam atu in kap vun.
‘A minthanna le a vaangletna om nawn ngawl a,
a nasia mama a ngam ukna vaang bo zo hi,’ ci vun.
18Dibon khua ah a teangte awng,
minpha a na omna uh panin
hong tuaksuk ta vun a leivui sungah hong to tavun.
Moab a sia sak tu pa hi sungah om a, a kulhte siacip in nusia zo hi.
19Aroer khua ah a teang note awng,
lamhui ah dingin ngak vun;
a taikeak mihingte tungah bang thu piang ziam ci sia dongh vun.
20‘Moab puk zo hi, Moab atu in kap vun; maizumna thuak hi.
Moab ngam kisiatna thu sia
Arnon ngun dungah son tavun!’ ci in amate in zo tu hi.
21-23“Mual zaangtam tungah a om khuapite ahi Holon, Jahzah, Mephath, Dibon, Nebo, Beth Diblathaim, Kiriathaim, Bethgamul, Bethmeon te tungah thukhenna theng zo hi. 24Kerioth le Bozrah ahi uh hi. A khuala le a nai a om Moab ngam khuapite theampo ii tungah thukhenna theng zo hi. 25Moab ii thahatna kisutham zo a; a vaangletna kisia sak zo hi. Keima, TOPA in ka ci zo hi,” ci hi.
Moab Mite Kiniamkhiak sak tu
26TOPA in, “Moab zukham sak vun, banghangziam cile ama in kei hong langpan hi. Moab sia ama luak sungah leiliik tu a midangte nui tu uh hi. 27Moab awng, Israel mite na nunau sia phawk in. Mihing suamte pawl taw a kiman khawm bangin amate na vawt uh hi. 28“Moab ngamah a teang no mihingte awng, na khua uh nusia vun! Pai in liangpangh ah teang vun! Liangpangh ah bu a vawt vakhu sia taw kibang tavun. 29Moab mite kiphasak mama hi! A mite kiphatsakna, a kisak theina, a kilet sakna, a kivawt tawmna le amate le amate thupi a kisakna thute ka za zo hi. 30Keima, TOPA in amate ii a kihi sakna thu ka he hi. Amate ii kiphatsakna sia bangma penh zo ngawl a, a vawtnate sia ngei kho ngawl tu hi. 31Tua ahikom Moab ngamsung a om misim atu le Kir Heres mite atu in ka kap tu hi. 32Jazer mite atu sangin Sibmah mite atu in ka kaana nasia zaw tu hi. Sibmah khuapi awng, nangma in a baakte Tuipi Thi kantan a, Jazer ciang dong a zaam sapitngui khat taw na kibang hi. Ahihang tu in na khuakhal ante le na sapit ngate kisusia zo hi. 33Lungdamna le thin nopna sia Moab ngam leiphana panin kila zo hi. Sapit tui ngoaina panin sapit tui ka luan ka tawp sak hi; zu vawt a lungdam in a au tu kuama om ngawl hi. 34“Heshbon mite le Elealeh mite kap uh a a kaana aw sia Jahaz ciang dongin kiza thei hi; Tua kaana aw sia Zoar khua mite in za thei uh a Horonaim le Eglath Shelishiyah khuate dongin kiza hi. Nimrim lui ngangawn kang zo hi. 35Moab mite sia a biakna mun uh ah meihal biakpiaknate le a pathiante tungah a biakpiaknate a piak ngawl natu in ka khaam tu hi. Keima, TOPA in ka ci zo hi. 36“Tua ahikom mithi vuina pumpa a tum khat bangin Moab atu le Kir Heres mite atu in ka kap hi; banghangziam cile a neisa theampo a bo siat hang ahi hi. 37Amate a vekpi a sam le a khamulte meet uh hi. Amate a vekpi in a khut kuikeak uh a, misim in khau-ip puan silh hi. 38Moab ngamsung innkhum theampo le khuasung kikhopna theampo ah mithi kaana ngawl bangma dang om ngawl hi, banghangziam cile kuama dei ngawl tuibeal khat bangin Moab ka sutham zo hi. 39Moab ngam kitamtham zo hi! Kap vun! Moab kimaizum sak zo hi. Moab kisiacip zo a, a kiim a paam minamte theampo in nuisan uh hi. Keima, TOPA in ka ci zo hi,” ci hi.
Moab atu Suatakna Om ngawl
40A tha a phal muvanlai khat bangin ngam khat in Moab ngam tungah hong suktun tu hi ci in TOPA in kamciam zo hi, 41taciang a khuapite le a kulhte kila tu hi. Tua ni in Moab ii ngalkapte sia numei nausuak tu a, a patau bangin patau tu uh hi. 42Moab sia kisusia tu a, minam khat suak zo nawn ngawl tu hi, banghangziam cile ama in kei hong langpan hang ahi hi. 43A lauhuai, dum le thaangte in Moab mite ngak nginge hi. TOPA in ci zo hi. 44A lauhuai na pan taiku tu a hanciam papo dum sungah taak tu uh a, dumsung panin a kaato papo thaang sungah kiman tu uh hi. Banghangziam cile Moab mite lalthap natu in TOPA in hun ciangtan zo hi. 45Hu tu a nei ngawl ngaltaite in Sihon kumpipa ii khatvei a uk ngeina khuapi ahi Heshbon khua sungah bel natu zong tu in hanciam uh hi, ahihang tua khua sia mei in kaangtum hi. Ngalsim a kin Moab mihingte ii ngam le mualsaangte sia mei in kaangtham zo hi. 46Moab mihingte hesuak vun! Chemosh pathian a bia mite kisusia zo a, a tapate le a tanute thongtaak tu in ki paipui zo hi.
47Ahihang mailam sangah TOPA in Moab sia nuamsa sak kik tu hi. Hite theampo sia Moab tungah a piang tu thu TOPA ii son sa ahi hi. *
a. Jeremiah
b. Elijah
c. Isaiah
2 Koisungah tuikhang sia nguntui pawm bang hi tu ziam?
a. Thangsang
b. Saksang
c. Nisuanasang
3 Tuikhang sia in leitung mihingte ___ tu hi.
a. thatlumh
b. kisikkik na
c. Khuum
4 Pate in tate banghang leet nawn ngawl tu ziam?
a. Thinkiam lei
b. Tate kicingzo
c. Kikham
5. Tyre le Sidonte in Philitia husawm ahihang ___ tu hi.
a. hu nuam ngawl kik
b. ki khaktan
c. lamkhial
6 ___ suksiat tu hun ciang TOPA tawlnga nuam ngawl tu hi.
a. Moab
b. Israel
c. Philistia
7. TOPA in ___ ngam khua khat beak zong khet sawm ngawl hi.
a. Moab
b. Israel
c. Egypt
8. ___ mite zu taw te ngat hi.
a. Moab
b. Israel
c. Philistia
9. Kuate in ngalsim thiam kici ziam?
a. Moab
b. Israel
c. Egypt
10. TOPA na akuate zukham sak vun ci ziam?
a. Moab
b. Israel
c. Egypt
11. Kuate kiphasak lei lalawm ziam?
a. Moab
b. Israel
c. Philistia
12. Pathian ii daan tawk in mailamsangah nuam asa kik tute sia kuate ziam?
a. Moab
b. Israel
c. Egypt
Jeremiah 47
Philistia taw kisai TOPA ii Thupuak
1Egypt kumpipa in Gaza khua a sim ma in Philistia mite taw kisai in TOPA in keima tungah thu hong son hi. * 2Ama in:
“En in! Sak sangah tui khang a,
nguntui pawm bangin luang tu hi.
Tua tuite in leitung le a tungah om na theampo,
khuapite le a sungah a teang mihingte khuum tu hi.
Mihingte in hu ngenin au tu uh a;
lei tungah om misim in nasia takin kap tu hi.
3Amate in, siphu khuasii ngingte,
ngalleang ngingte,
leangmui pei a kingoai ngingte za tu uh hi.
Pate in a khut uh a pangh ah kaai niingniang tu a,
a tate uh en kik tu in hong heak kik ngawl tu uh hi.
4Philistia suksiat tu hun,
Tyre le Sidonte kung pan a,
huna a nga sunte theampo khatan tu hun hong theng zo hi.
Keima, TOPA in Crete tuikulh pan a hong pai
Philistiate theampo ka susia tu hi.
5Gaza mite tungah heena khuangaina lian theng zo a,
Ashkelon ii mite dai dide in om uh hi.
Philistia mi a om laiteng bang tan vei kap tu uh ziam?
6‘TOPA ii Namsau awng!
Bangtan vei vaat lai tu ni ziam?
Na paai sungah cia kik in a,
tua munah om in a tawlnga in!’ ci in na au uh hi.
7Ahihang a sep tu nasep ka piak sa ahiciang,
bangbangin tawlnga thei tu ziam?
Ashkelon le tuipi hui ah a teang
mihingte sim tu in ka sawl zo hi,” ci hi.
Jeremiah 48
Moab Ngam Kisuksiatna
1Vaanglianbelpa TOPA in Moab ngam taw kisai hi bangin ci hi:
“Nebo khua mite hesuak vun–
a khua ki susia hi!
Kiriathaim khua kila zo a,
a kulh kipheltham zo hi, a mite maizum in kikoi zo hi.
2Moab ngam ii minthanna bo zo hi.
Ngalte in Heshbon la zo a,
Moab minamte suksiat tu sawm uh hi.
Madmen khua kithim sak tu a,
ngalkapte in tuancil tu uh hi.
3Horonaim mite in,
‘Molngolna! Kilal sakna!’ ci in au uh hi.
4“Moab sia kilalcip sak zo hi;
patangte kaana aw ngai vun.
5Luhith mual kaatona lam tawntung ah
amate ii kaana awte,
Horonaim khuapi paisukna lampi ah
ngimin khamin a kaana awte ngai vun.
6‘Manlang vun, na suatak natu uh in tai vun!
Senneal ngam a om ngam laate bangin tai vun!’ amate in ci uh hi.
7“Moab awng, na thatang le na hauna na suang hi,
ahihang tu in nang ngangawn hong kizo tu a;
na pathian Chemosh sia a uliante le
a thiampite taw saltang khawm tu uh hi.
8Khua khat beak zongh kisiatna pan suakta ngawl tu a;
mualkuam le zaangtamte ngeal ki siacip sak tu hi.
Keima, TOPA in ka ci zo hi.
9Moab atu in khansuang khat phut vun;
hai ngawlin kisia tu hi.
A khuapite kisia tu a,
tua sungah kuama teang kik nawn ngawl tu hi,” ci hi. ( 10 A thin theampo taw TOPA ii na a seam ngawl pa sia haamsiat vun! Mihing a vaat ngawl, a that ngawl pa haamsiat vun!)
Moab Khuapite Kisusia
11TOPA in, “Moab sia thin muangin om tawntung a, ngamdang ah sal kitang sak ngei ngawl hi. Ama sia beal khat pan beal khat sungah a kilaih kakoai ngei ngawl zu taw kibang hi. A limna lal ngei ngawlin lim tawntung hi. *
12“Tua ahiciang tu in zu buak bang a Moab mite a bua mang tu in mihingte ka pai sak hun hong theng tu hi. Amate in a sapit beal hawm sak tu a, tua zawkciang sutham tu uh hi. 13Taciang Israel mite, a muan uh Bethel pathian in a mai uh a zum sak bangma in Moab mite sia, Chemosh a pathian in a mai uh zum sak tu uh hi.
14“Moab mite awng, banghangin ngalhangte ka hi uh a,
ngalsim thiam ngalkapte ka hi uh kici nu ziam?
15Moab le a khuapite kisia sak zo a;
a tangval phabelte kithatlum zo hi.
Keima in kumpipa, Vaanglianbelpa TOPA ka hi a,
keima in ka ci zo hi.
16Moab ngam ii ngim thuak tu nai zo a,
a siat natu hong theng pal tu hi.
17A kiim ah a teangte le a minthanna a he mihingte theampo awng,
Moab ngam atu in kap vun.
‘A minthanna le a vaangletna om nawn ngawl a,
a nasia mama a ngam ukna vaang bo zo hi,’ ci vun.
18Dibon khua ah a teangte awng,
minpha a na omna uh panin
hong tuaksuk ta vun a leivui sungah hong to tavun.
Moab a sia sak tu pa hi sungah om a, a kulhte siacip in nusia zo hi.
19Aroer khua ah a teang note awng,
lamhui ah dingin ngak vun;
a taikeak mihingte tungah bang thu piang ziam ci sia dongh vun.
20‘Moab puk zo hi, Moab atu in kap vun; maizumna thuak hi.
Moab ngam kisiatna thu sia
Arnon ngun dungah son tavun!’ ci in amate in zo tu hi.
21-23“Mual zaangtam tungah a om khuapite ahi Holon, Jahzah, Mephath, Dibon, Nebo, Beth Diblathaim, Kiriathaim, Bethgamul, Bethmeon te tungah thukhenna theng zo hi. 24Kerioth le Bozrah ahi uh hi. A khuala le a nai a om Moab ngam khuapite theampo ii tungah thukhenna theng zo hi. 25Moab ii thahatna kisutham zo a; a vaangletna kisia sak zo hi. Keima, TOPA in ka ci zo hi,” ci hi.
Moab Mite Kiniamkhiak sak tu
26TOPA in, “Moab zukham sak vun, banghangziam cile ama in kei hong langpan hi. Moab sia ama luak sungah leiliik tu a midangte nui tu uh hi. 27Moab awng, Israel mite na nunau sia phawk in. Mihing suamte pawl taw a kiman khawm bangin amate na vawt uh hi. 28“Moab ngamah a teang no mihingte awng, na khua uh nusia vun! Pai in liangpangh ah teang vun! Liangpangh ah bu a vawt vakhu sia taw kibang tavun. 29Moab mite kiphasak mama hi! A mite kiphatsakna, a kisak theina, a kilet sakna, a kivawt tawmna le amate le amate thupi a kisakna thute ka za zo hi. 30Keima, TOPA in amate ii a kihi sakna thu ka he hi. Amate ii kiphatsakna sia bangma penh zo ngawl a, a vawtnate sia ngei kho ngawl tu hi. 31Tua ahikom Moab ngamsung a om misim atu le Kir Heres mite atu in ka kap tu hi. 32Jazer mite atu sangin Sibmah mite atu in ka kaana nasia zaw tu hi. Sibmah khuapi awng, nangma in a baakte Tuipi Thi kantan a, Jazer ciang dong a zaam sapitngui khat taw na kibang hi. Ahihang tu in na khuakhal ante le na sapit ngate kisusia zo hi. 33Lungdamna le thin nopna sia Moab ngam leiphana panin kila zo hi. Sapit tui ngoaina panin sapit tui ka luan ka tawp sak hi; zu vawt a lungdam in a au tu kuama om ngawl hi. 34“Heshbon mite le Elealeh mite kap uh a a kaana aw sia Jahaz ciang dongin kiza thei hi; Tua kaana aw sia Zoar khua mite in za thei uh a Horonaim le Eglath Shelishiyah khuate dongin kiza hi. Nimrim lui ngangawn kang zo hi. 35Moab mite sia a biakna mun uh ah meihal biakpiaknate le a pathiante tungah a biakpiaknate a piak ngawl natu in ka khaam tu hi. Keima, TOPA in ka ci zo hi. 36“Tua ahikom mithi vuina pumpa a tum khat bangin Moab atu le Kir Heres mite atu in ka kap hi; banghangziam cile a neisa theampo a bo siat hang ahi hi. 37Amate a vekpi a sam le a khamulte meet uh hi. Amate a vekpi in a khut kuikeak uh a, misim in khau-ip puan silh hi. 38Moab ngamsung innkhum theampo le khuasung kikhopna theampo ah mithi kaana ngawl bangma dang om ngawl hi, banghangziam cile kuama dei ngawl tuibeal khat bangin Moab ka sutham zo hi. 39Moab ngam kitamtham zo hi! Kap vun! Moab kimaizum sak zo hi. Moab kisiacip zo a, a kiim a paam minamte theampo in nuisan uh hi. Keima, TOPA in ka ci zo hi,” ci hi.
Moab atu Suatakna Om ngawl
40A tha a phal muvanlai khat bangin ngam khat in Moab ngam tungah hong suktun tu hi ci in TOPA in kamciam zo hi, 41taciang a khuapite le a kulhte kila tu hi. Tua ni in Moab ii ngalkapte sia numei nausuak tu a, a patau bangin patau tu uh hi. 42Moab sia kisusia tu a, minam khat suak zo nawn ngawl tu hi, banghangziam cile ama in kei hong langpan hang ahi hi. 43A lauhuai, dum le thaangte in Moab mite ngak nginge hi. TOPA in ci zo hi. 44A lauhuai na pan taiku tu a hanciam papo dum sungah taak tu uh a, dumsung panin a kaato papo thaang sungah kiman tu uh hi. Banghangziam cile Moab mite lalthap natu in TOPA in hun ciangtan zo hi. 45Hu tu a nei ngawl ngaltaite in Sihon kumpipa ii khatvei a uk ngeina khuapi ahi Heshbon khua sungah bel natu zong tu in hanciam uh hi, ahihang tua khua sia mei in kaangtum hi. Ngalsim a kin Moab mihingte ii ngam le mualsaangte sia mei in kaangtham zo hi. 46Moab mihingte hesuak vun! Chemosh pathian a bia mite kisusia zo a, a tapate le a tanute thongtaak tu in ki paipui zo hi.
47Ahihang mailam sangah TOPA in Moab sia nuamsa sak kik tu hi. Hite theampo sia Moab tungah a piang tu thu TOPA ii son sa ahi hi. *
0 comments:
Post a Comment