Laithiangtho Dokna (Thuhilsya 5-6)

1. ___tungah kamciam vawt memeang heak in. 
a. Na zi/ pasal
b. Na lawmte
c. Pathian 

2. Na pau tu za sangin ___ pau heak in. 
a. iim in
b. a tam zaw
c. akiheak sak

3. Banghang in mangn sia va-ial thei ziam?
a. Thin ngimna tam le
b. A vawtnate hang
c. Mingilote taw kithua

4. Ulian khat sia akua in vuumsit ziam? 
a. A tungsia ulain in
b. Kumpipa
c. Mihonpi

5. Kumpi khat ngawngawn in ___ suang hi.
a. a ngalkapte
b. thaw an
c. a ngam ii hauna

6. Sum it lei leang bang hi ngawl tu ziam? 
a. Zawnna he ngawl
b. Ki hauna om ngawl
c. Lungkim ngei ngawl

7. Hauna minphatnate koisung pan ziam? 
a. Mihingte tung pan
b. Satan kung pan
c. Pathian kung pan

8. Mihing khat in atel tu lungdamna angaa bua le ___ hi. 
a. khua ngai thei
b. Pian awl le pha
c. tual thana piang thei

9. A tel tu lungdamna anga ngawl khat le nausen khat sia ___ hi. 
a. kibang
b. ki bang ngawl
c. Pathian in it

10. Na dang dei tawntung sang in ___  pha zaw hi. 
a. neisa taw lungkimna
b. dei awl le teh
c. sum khol leang

11. ___sia taanghtawng lai pan a piang tu in a kisep sa hi. 
a. Simleitung
b. A piang theampo 
c. Meimual puakte

12. Mihing khat in ___khat ii kam nial thei ngawl hi.
a. kumpi naseam
b. thukhen-mangpa

c. ama sangin a hat zaw 



Thuhilsya 5
Kamciam Pia Memeang Heak in.
1Biakinnpi ah pai tu kidawm in. Tua munah pai in thusin tu sia, a maan le a maan ngawl a he ngawl mihing mamawte ii sangaw biakpiakna sangin pha zaw hi. 2Na pau ma in ngaisun phot in a, Pathian tungah kamciam vawt memeang heak in. Ama sia vantung ah om in, nang sia leitung ah om a, tua ahikom na pau tu za sangin a tam zaw pau heak in. 3Na thin ngimna a tam zaza in na mang sia va-ial tu hi. Kam tam na pau zaza in mawmawt kamte na pau tha tu hi. 4Tua ahikom Pathian tungah kamciam na piak ciang, a man lalangin tangtung sak in. Ama in mihing mamawte diksa ngawl hi. Na kamciam bangin vawt in. * 5Kamciam pia a, nasep ngawl sangin kamciam piak awl lete pha zaw hi. 6Khial tha ing ci in Pathian thiampipa mai ah na son kul tu ahikom, na kampauna in khialna sung then sak heak in. Banghang na tungah Pathian thin uuk sak ni ziam? Nasep sa theampo ama in banghang laltham siat sak ni ziam? 7Bangza in mang na man a, bangza in a luithathong nasep naseam zong, ahibale bangza in na pau hial zong, Pathian na zatak veve kul lai tu hi.

Nuntak sia Luithathong hi
8Kumpite in mizawngte vawtsia in amate hamphat natu te danh in thumaan ngawlin thu a khen na mu ciang lamdang sa heak in. Ulian khat papo sia a tung sia a ulian sia in vuumsit a, amate ngeal sia a tung sawn a sia in vuumsit lalai hi.

9Kumpi khat ngawngawn in thaw an suang hi.

10Sum na it le na lungkim ngei ngawl tu a, hau tu na lungngul le na dei theampo na nga ngei batu hi. Tasia in a luithathong ahi hi. 11Na hau va-ial le na vaak tu tam va-ial tu hi. Na meet belna sia na hau hunlam na heak sia bekma hi tu hi. 12Naseam khat sia a neak khom tu zongh nei thei a, nei ngawl thei si hi, ahizong ama sia zanin a mut nuam lel hi. Sumhaupa sia, nei leilam ahikom thin ngim a, zanin mutthip thei ngawl hi.

13Hi leitung ah a lauhuai ka mu thu khat om hi: mihingte in a ki taangsap uh ciang a zak tu in a sum tawm uh hi, 14taciang nasep pha ngawl khat tungah sumhcip in a tate atu zongh bangma kheet ngawl hi. 15Hi leitung ah pumnguak in ih sua bangma, pumnguak in ih nusia hi. Bangza po ih seam zong ih ken thei bangma om ngawl hi. * 16Hi thu maan ngawl hi! Ih pai lai bang lianin ih cia kik hi. Na ih seam a, vui man tu in ih hanciam hi, ahihang bang nga na hi ziam? 17Eite sia khua zing sungah heena, thin ngimna, thin uukna le ciinat thuakin ih nungta hi.

18Hi sungah ka phaw thu om hi: Pathian ii hong piak nuntak tomno sungin ih sep thaman ne in dawnin, nuamsa in ih om tu sia a pha bel ahi hi. Hisia in mihing ii thuak tu nuntakzia ahi hi. 19Pathian in mihing khat hauna le neisa lamhsa pia in tuate tungah a lung a dam sak le ama sia lungkim in a sep a vawt tungah nuamsa tu hi. Hisia in Pathian letsong ahi hi. 20Pathian in ama lungdam sak ahikom, a nuntakna a tom hunlam thin ngim leilam ngawl tu hi.

Thuhilsya 6
1Hi leitung ah a nasia mama a maan ngawl a thutanna khat om cisia ka mu hi. 2Pathian in mihing khat sia hauna, min phatna le neisa pia hi, hi hi, a dei theampo pia hi, ahihang tua vanhte tungah nop sakna pia ngawl hi. Khualmi khat po in nop sak law tu hi. Tasia in a luithathong ahi hi, maan ngawl het hi. 3Mihing khat in ta zakhat nei in, a khansau kale, bangtan vei po a nungta zong, ama ii tel tu lungdam na a nga bua a, a thi ciang pha tak a kiphum bale, nausen a thisa in a suak sia pha zaw lai hi, ka ci hi. 4Tua nausen a sua hu in phattuamna om ngawl hi; ama sia khuazing sungah bo in kimangil hi. 5Tua nausen in sun khuavak sia mu ngei ngawl a, nuntak zongh bangbang hi ci in he ngawl hi, ahihang ama in a no belin tawlngakna a mu hi. 6Ama in kum tulnii nungta kale, a nuntak sung thin nopna a nei ngei bale a thi sa a suak tua nausen sia pha zaw hi. A tatak ci leang amate ngeal in a zot natu mun kibang hi.

7Mihing khat in bang khat po a neak thei natu in naseam ahihang a kicing in nei ngei ngawl hi. 8Bangbangin mihing ciim khat sia a mamaw khat sangin nuam sa zaw ziam? Mizawng khat in nuntak natu zia a heak hangin bang phatuam ziam? 9Tasia in a luithathong hi. Tasia in vuiva delkot bang ahi hi. Na neisa taw na lungkim tu sia, na dang dei tawntung sangin pha zaw hi.

10Na a piang theampo sia taanghtawng lai pan a piang tu in a kisep sa hi a, mihing khat in ama sangin a hat zaw mihing khat ii kam nial thei ngawl ci sia ih he siat hi. 11Na nial va-ial le a luithathong hi va-ial a, nang sia pha zaw tuan ngawl ni hi. 12Nilim bangin a papai nuntakna sia a luithathong ama nuntakna hi a, a tom a nuntak sungah mihing atu a phabel sia akua in he thei tu ziam? Bangbangin mihing khat in a thi zawkciang leitung ah bang thu piang tu cisia he thei tu ziam?

0 comments:

Post a Comment