1. Johanan in akua ii thuson umh ngawl ziam?
a. Jeremiah
b. Baruch
c. Moriah
2. Jeremiah sia akua ii hanthawnna taw Johanan langpan hi tu umh ziam?
a. Baruch
b. Nebuchadnezzar
c. Egypt kumpipa
3. Akua ii lampuina taw Israelte Egypt ngam pai ziam?
a. Baruch
b. Johanan
c. Jeremiah
4. Egypt ngamah banghang in pai uh ziam?
a. Kial om ngawl
b. Kumpipa in sam
c. Ngaltai
5. Jeremiah in kumpi inn tumna lampi tungah bang koi ziam?
a. Thingtawng
b. Suangtum
c. Milim
6. TOPA in Babylon Kumpipa Nebuchadnezzar sia bang ci ziam?
a. Ngutapa
b. Ka ngalpa
c. Ka naseampa
7. Israelte in bang avawt hang in TOPA thinuk ziam?
a. Asia vawt
b. Tualthat
c. Milim vawt
8. Judah ngam theampo akua in susia ziam?
a. TOPA
b. Babylon kumpi
c. Israelte
9. TOPA in Egypt taw kisai bang hi sawm ziam?
a. Pua kik
b. Suhsiat sawm
c. Nusiat
10. Egypt ngam huam ii koisungah Isrealte teang uh ziam?
a. Nisuana
b. Nitumna
c. Thangsang
11. Egypt ah Israelte ii biak sia akua ziam?
a. TOPA
b. Vantung Kumpinu
c. Baal
12. Babylon in Israel asim hun in, Egyptte kumpipa akua ziam?
a. Baruch
b. Jehu
c. Hophra
Jeremiah 43
Egypt ngamah Jeremiah Kipaipui
1TOPA, amate Pathian ii amate tungah son tu a hong sawlte theampo mipite tungah ka son zo hi. 2Taciang Hoshaiah ii tapa Azariah le Kareah ii tapa Johanan le a kiphasak midangte theampo in kei tungah, “Leeilot ni hi. TOPA kote Pathian in Egypt ngamah ka pai ngawl natu uh le ka ten ngawl natu uh kote tungah son tu in nang hong sawl ngawl hi. 3Babylonian te in ko hong zothaw tu a, hong that nuam uh le hong thatin Babylonia khua ah saltang tu in hong paipui nuam le hong paipui thei natu in Neriah ii tapa Baruch in ko hong langpan in, nang hong hanthawn hi,” hong ci uh hi. 4Tua ahikom Judah ngam sungah om tu a TOPA ii thupiak sia, Johanan hi kale ngalkapbu te hi kale mipite hi kale khat zongh in ni ngawl uh hi. 5Taciang Johanan le ngalkapbu te theampo in Judah ngamah a taanglai te theampo sia, a kithethaang na ngamte pan hong heak kik mihingte theampo taw Egypt ngamah paipui uh hi; * 6Tuate sia pate, numeite, patangte le kumpipa ii tanute ahi uh hi. Amate in Gedaliah ii kepcing tu a ngalkap maangpa Nebuzaradan ii nusiat mihingte theampo le Baruch le keima hong paipui uh hi. 7Amate in TOPA ii thupiak sia ni ngawlin Egypt ngam Tahpanhes khua dong pai uh hi.
8Tua munah TOPA in ka tungah, 9“Suangtum lian pawl khat la in a, hi khuapi sung kumpi inn tumna mai lampi dawl tung a, a pha suangpheak sah ii nuai ah phum in; tabang na vawt sia Israel mi pawlkhat in mu sak in, 10Taciang, Vaanglianbelpa TOPA Israel ii Pathian, keima in, ka naseam Babylon Kumpipa Nebuchadnezzar sia hi munah kong puak tu a, ama in tua na phum suangtumte tungah a kumpi tokhum phut tu a, a kumpi puanbuk sia tuate ii tung ma ah phal tu hi, ci sia amate tungah son in. 11Nebuchadnezzar hong pai tu a, Egypt zo tu hi. Natna taw thi tu in a see sa tua mihingte sia natna taw thi tu a, sal a kai tu in a kisee sate salin kikai tu a, taciang ngal sungah kithat tu in a kisee sate, ngal sungah kithat tu hi. 12Egypt ngam pathiante ii biakinnte mei taw ka hal tu a, taciang Babylonia kumpipa in a pathiante mei taw halin, ahibale pua in paipui tu hi. Tuucing pa in a puan tung pan khate vawkin a thian sak bangin, Babylonia kumpipa in Egypt ngam thiang sak tu a, tua zawkciang ngal zo in cia tu hi. 13Ama in Egypt ngam Heliopolis khua a, a thiangtho biakna taw kisai khansuangte susia tu a, Egypt pathiante ii biakinnte haltum tu hi,” hong ci hi.
Jeremiah 44
Egypt ngam Israelte tungah TOPA ii Thupuak
1Egypt ngamsung Migdol, Tahpanhes, Memphis khuapite le Egypt ngam thang sangah a teang Israelte theampo taw kisai in TOPA in ka tungah thu hong son hi. 2Vaanglianbelpa TOPA Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thet sak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi. 3Banghangziam cile tua khua mite in a sia vawtin ka thin hong uk sak uh hi. Amate in amate ahizong noma na hi uh zong, na pu na pate ahizong ii biak ngei ngawl pathian dangte tungah biakpiakna pia in a na seam uh hi. 4Ka naseam kamsangte note kungah tatsat ngawlin kong pai sak a, amate in ka ngaimawk a lauhuai hi bang nate na vawt ngawl natu in note hong son uh hi. 5Ahihang note in na ngai bua uh a, na awlmawk bua uh hi. Pathian dangte tungah a sia biakpiak ngamtatna na vawt uh sia na kheal nuam bua uh hi. 6Tua ahikom ka thin uukna le ka thin sona sia Judah ngam khuate le Jerusalem lampite tungah ka buak a, tuate sia mei taw ka hal hi. Tuni a na mu uh bangma in tuate sia a kisiacip in om a, a kiitak huai suak hi.
7“Tua ahikom Vaanglianbelpa TOPA, Israel ii Pathian keima in, banghang tabang thusiate noma le noma tungah vawt nu ziam? ci in tu in kong dongh hi. Na mite kuama a kikheet ngawl natu in, pasal, numei, patang le nausente tungah siatna theng sak nuam nu ziam? 8A teang tu in na thetna uh hi Egypt ngamah, milim na biakna uh le a dang milim pathiante tungah biakpiakna na neina uh taw in banghangin kei hong thin uuk sak nu ziam? Leitung mihing theampo in no hong nunau natu le haamsiatna in na min a zak natu in noma le noma na kisiat sak natu bekin hi bangin vawt na hi uh ziam? 9Judah ngam khuate sung le Jerusalem khua lampi tungah na pu na pate, Judah ngam kumpite le a zite, noma le na zite ii na a sia a kici theampo na vawt uh sia mangil zo nu ziam? 10Ahihang tuni dong ciang noma le noma na kiniamkhiak bua uh hi. Keima upatna le zatakna nong nei bua uh a, noma le na pu na pate tungah kong piak thukhamte theampo bangin na nungta bua uh hi.
11“Tua ahikom, Vaanglianbelpa TOPA Israel ii Pathian keima in, note kong langpan tu a Judah ngam theampo ka susia tu hi. 12A taanglai sun Judah mite, Egypt ngamah pai in ten tatak tu a sawm teng sia a vekpi in ka mon siat tu hi. A lian a no amate a vekpi in Egypt ngamah ngalsung ahibale kialpi taw in thi tu uh hi. Amate sia mihingte muna ah a lauhuai suak tu uh hi, amate nunau tu uh a, a min uh haamsiatna in zangh tu uh hi. 13Jerusalem daan ka piak bangma in Egypt ngamah a teang mihingte ngal, kialpi le natna taw in daan ka pia tu hi. 14Judah mi a taanglai Egypt ngamah teang tu a, a paite kuama suakta ngawl tu a, nungta ngawl tu uh hi. Khatvei a ten kik nopna mun Judah ngamah amate khat zongh heak kik ngawl tu uh hi. Ngaltai tawmno simngawl kuama heak kik ngawl tu hi,” ci hi.
15Taciang a zite in pathian dangte tungah biakpiakna a nei hunlam a he pate theampo le tua munah a ding numeite theampo a kipan Egypt ngam thang sangah a teang Israel te– mihonpi tam mama in– keima tungah, 16“TOPA min taw thu nong sonte hong ngai nuam ngawl khu hi. 17Ka vawt tu uh hi ka cite theampo ka vawt tu uh hi. Koma le ka pute, ka kumpipa uh le kumpi ulian lampuite in Judah ngam khuapite sung le Jerusalem khua lampite ah ka vawt ngei uh bangma in, kote pathiannu vantung kumpinu tungah biakpiakna ka pia tu uh a, ama tungah biakpiakna zu ka buak tu uh hi. Tabangin ka vawt uh ciang an hau in, nuamsa in, ngimna ka nei bua uh hi. 18Ahihang Vantung Kumpinu tungah biakpiakna ka nei nawn ngawl uh ciang le ama tungah zu taw biakpiakna ka buak nawn ngawl uh hun pan kipan bangma ka nei nawn bua uh a, ka mite uh sia ngalsung le kialpi taw in thi uh hi,” hong ci uh hi.
19Taciang numeite in, “Vantung Kumpinu ii meal taw kibang muh vawt a, biakpiakna pia in zu ama tungah ka buak uh ciang ka pasalte a lungkim uh hi,” ci in belap uh hi.
20Taciang ka pauna hi bang a hong zo kik pasalte le numeite theampo ii tungah keima in, 21“Nangma le na pu na pate hi kale, na kumpipate le kumpi lampui uliante hi kale, ngamsung mihonte hi kale Judah ngam khuate sung le Jerusalem khua lam tungah biakpiakna na vawt uhte TOPA in he ngawl ahibale mangilin ngaisun nu ziam? 22Tuni mama in na ngam uh sia a lalcip sa in om a, a sungah kuama teang ngawl hi. Na ngitlona uh le a sia na vawtna uhte TOPA in thuak zo nawn ngawl ahikom na ngam uh sia a lauhuai mun suak a mihingte in a min sia haamsiatna in nei uh hi. 23TOPA ii hong thupiakte theampo ni ngawlin ama tungah na khial uh hang le milim pathian dangte tungah biakpiakna na piak uh hu in hi bang tuasiatna no tungah hong theng hi,” ka ci hi.
24-25Keima in mihingte theampo tung, a tatuan in numeite tung, Egypt ngam sungah a teang Judah mite tungah Vaanglianbelpa TOPA, Israel ii Pathian ii son thu sia ka son hi: “Noma le na zite in Vantung Kumpinu kungah a ciliap huai kamciamna na vawt zo uh hi. Ama ii tungah biakpiaknate na piak natu uh le zu biakpiakna na buak natu in na kamciam zo uh a, na kamciam uh bangin na tangtung sak zo uh hi. Tua ahile, pha hi! Na kamciam uh len vun! Na kamciam uh bangin seam vun! 26Ahihang Keima, TOPA in Egypt ngam a a teang no Israel mite theampo tungah a vaanglian ka min taw kamciam ka vawt sia, tu in ngai vun. ‘A nungta Vaanglianpipa TOPA taw ka kiciam hi!’ ci in na kiciam natu in ka min kuama in kong zangh sak kik ngei nawn batu hi! 27Note a nuamsa ngawlin kong vawt tu hi, bek dom ngawlin hong kilalcip sak tu hi. Note khat zongh kikhe ngawlin, ngal taw ahizong, natna taw ahizong na mong tu uh hi. 28Ahihang tawmno khat thina pan na suakta tu uh a, Egypt ngam panin Judah ngamah na heak kik tu uh hi. Tasia ciang a nungta laite in akua ii kammal sia maan ziam, keima kammal maw, amate ii kammal maw ci sia he tu uh hi. 29Hi munah daan kong pia tu a, taciang note tungah siatna kong theng sak tu hi ci a ka kamciam sia a tangtun takpi na Keima, TOPA in note kong lak tu hi. 30Judah ngam Kumpipa Zedekiah sia ama a thatlum nuam a ngal pa ahi Babylon Kumpipa Nebuchadnezzar tungah ka aap bangma in, Egypt ngam Kumpipa Hophra sia ama a thatlum nuam a ngalte khut sungah ka aap tu hi,” hong ci hi. *
a. Jeremiah
b. Baruch
c. Moriah
2. Jeremiah sia akua ii hanthawnna taw Johanan langpan hi tu umh ziam?
a. Baruch
b. Nebuchadnezzar
c. Egypt kumpipa
3. Akua ii lampuina taw Israelte Egypt ngam pai ziam?
a. Baruch
b. Johanan
c. Jeremiah
4. Egypt ngamah banghang in pai uh ziam?
a. Kial om ngawl
b. Kumpipa in sam
c. Ngaltai
5. Jeremiah in kumpi inn tumna lampi tungah bang koi ziam?
a. Thingtawng
b. Suangtum
c. Milim
6. TOPA in Babylon Kumpipa Nebuchadnezzar sia bang ci ziam?
a. Ngutapa
b. Ka ngalpa
c. Ka naseampa
7. Israelte in bang avawt hang in TOPA thinuk ziam?
a. Asia vawt
b. Tualthat
c. Milim vawt
8. Judah ngam theampo akua in susia ziam?
a. TOPA
b. Babylon kumpi
c. Israelte
9. TOPA in Egypt taw kisai bang hi sawm ziam?
a. Pua kik
b. Suhsiat sawm
c. Nusiat
10. Egypt ngam huam ii koisungah Isrealte teang uh ziam?
a. Nisuana
b. Nitumna
c. Thangsang
11. Egypt ah Israelte ii biak sia akua ziam?
a. TOPA
b. Vantung Kumpinu
c. Baal
12. Babylon in Israel asim hun in, Egyptte kumpipa akua ziam?
a. Baruch
b. Jehu
c. Hophra
Jeremiah 43
Egypt ngamah Jeremiah Kipaipui
1TOPA, amate Pathian ii amate tungah son tu a hong sawlte theampo mipite tungah ka son zo hi. 2Taciang Hoshaiah ii tapa Azariah le Kareah ii tapa Johanan le a kiphasak midangte theampo in kei tungah, “Leeilot ni hi. TOPA kote Pathian in Egypt ngamah ka pai ngawl natu uh le ka ten ngawl natu uh kote tungah son tu in nang hong sawl ngawl hi. 3Babylonian te in ko hong zothaw tu a, hong that nuam uh le hong thatin Babylonia khua ah saltang tu in hong paipui nuam le hong paipui thei natu in Neriah ii tapa Baruch in ko hong langpan in, nang hong hanthawn hi,” hong ci uh hi. 4Tua ahikom Judah ngam sungah om tu a TOPA ii thupiak sia, Johanan hi kale ngalkapbu te hi kale mipite hi kale khat zongh in ni ngawl uh hi. 5Taciang Johanan le ngalkapbu te theampo in Judah ngamah a taanglai te theampo sia, a kithethaang na ngamte pan hong heak kik mihingte theampo taw Egypt ngamah paipui uh hi; * 6Tuate sia pate, numeite, patangte le kumpipa ii tanute ahi uh hi. Amate in Gedaliah ii kepcing tu a ngalkap maangpa Nebuzaradan ii nusiat mihingte theampo le Baruch le keima hong paipui uh hi. 7Amate in TOPA ii thupiak sia ni ngawlin Egypt ngam Tahpanhes khua dong pai uh hi.
8Tua munah TOPA in ka tungah, 9“Suangtum lian pawl khat la in a, hi khuapi sung kumpi inn tumna mai lampi dawl tung a, a pha suangpheak sah ii nuai ah phum in; tabang na vawt sia Israel mi pawlkhat in mu sak in, 10Taciang, Vaanglianbelpa TOPA Israel ii Pathian, keima in, ka naseam Babylon Kumpipa Nebuchadnezzar sia hi munah kong puak tu a, ama in tua na phum suangtumte tungah a kumpi tokhum phut tu a, a kumpi puanbuk sia tuate ii tung ma ah phal tu hi, ci sia amate tungah son in. 11Nebuchadnezzar hong pai tu a, Egypt zo tu hi. Natna taw thi tu in a see sa tua mihingte sia natna taw thi tu a, sal a kai tu in a kisee sate salin kikai tu a, taciang ngal sungah kithat tu in a kisee sate, ngal sungah kithat tu hi. 12Egypt ngam pathiante ii biakinnte mei taw ka hal tu a, taciang Babylonia kumpipa in a pathiante mei taw halin, ahibale pua in paipui tu hi. Tuucing pa in a puan tung pan khate vawkin a thian sak bangin, Babylonia kumpipa in Egypt ngam thiang sak tu a, tua zawkciang ngal zo in cia tu hi. 13Ama in Egypt ngam Heliopolis khua a, a thiangtho biakna taw kisai khansuangte susia tu a, Egypt pathiante ii biakinnte haltum tu hi,” hong ci hi.
Jeremiah 44
Egypt ngam Israelte tungah TOPA ii Thupuak
1Egypt ngamsung Migdol, Tahpanhes, Memphis khuapite le Egypt ngam thang sangah a teang Israelte theampo taw kisai in TOPA in ka tungah thu hong son hi. 2Vaanglianbelpa TOPA Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thet sak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi. 3Banghangziam cile tua khua mite in a sia vawtin ka thin hong uk sak uh hi. Amate in amate ahizong noma na hi uh zong, na pu na pate ahizong ii biak ngei ngawl pathian dangte tungah biakpiakna pia in a na seam uh hi. 4Ka naseam kamsangte note kungah tatsat ngawlin kong pai sak a, amate in ka ngaimawk a lauhuai hi bang nate na vawt ngawl natu in note hong son uh hi. 5Ahihang note in na ngai bua uh a, na awlmawk bua uh hi. Pathian dangte tungah a sia biakpiak ngamtatna na vawt uh sia na kheal nuam bua uh hi. 6Tua ahikom ka thin uukna le ka thin sona sia Judah ngam khuate le Jerusalem lampite tungah ka buak a, tuate sia mei taw ka hal hi. Tuni a na mu uh bangma in tuate sia a kisiacip in om a, a kiitak huai suak hi.
7“Tua ahikom Vaanglianbelpa TOPA, Israel ii Pathian keima in, banghang tabang thusiate noma le noma tungah vawt nu ziam? ci in tu in kong dongh hi. Na mite kuama a kikheet ngawl natu in, pasal, numei, patang le nausente tungah siatna theng sak nuam nu ziam? 8A teang tu in na thetna uh hi Egypt ngamah, milim na biakna uh le a dang milim pathiante tungah biakpiakna na neina uh taw in banghangin kei hong thin uuk sak nu ziam? Leitung mihing theampo in no hong nunau natu le haamsiatna in na min a zak natu in noma le noma na kisiat sak natu bekin hi bangin vawt na hi uh ziam? 9Judah ngam khuate sung le Jerusalem khua lampi tungah na pu na pate, Judah ngam kumpite le a zite, noma le na zite ii na a sia a kici theampo na vawt uh sia mangil zo nu ziam? 10Ahihang tuni dong ciang noma le noma na kiniamkhiak bua uh hi. Keima upatna le zatakna nong nei bua uh a, noma le na pu na pate tungah kong piak thukhamte theampo bangin na nungta bua uh hi.
11“Tua ahikom, Vaanglianbelpa TOPA Israel ii Pathian keima in, note kong langpan tu a Judah ngam theampo ka susia tu hi. 12A taanglai sun Judah mite, Egypt ngamah pai in ten tatak tu a sawm teng sia a vekpi in ka mon siat tu hi. A lian a no amate a vekpi in Egypt ngamah ngalsung ahibale kialpi taw in thi tu uh hi. Amate sia mihingte muna ah a lauhuai suak tu uh hi, amate nunau tu uh a, a min uh haamsiatna in zangh tu uh hi. 13Jerusalem daan ka piak bangma in Egypt ngamah a teang mihingte ngal, kialpi le natna taw in daan ka pia tu hi. 14Judah mi a taanglai Egypt ngamah teang tu a, a paite kuama suakta ngawl tu a, nungta ngawl tu uh hi. Khatvei a ten kik nopna mun Judah ngamah amate khat zongh heak kik ngawl tu uh hi. Ngaltai tawmno simngawl kuama heak kik ngawl tu hi,” ci hi.
15Taciang a zite in pathian dangte tungah biakpiakna a nei hunlam a he pate theampo le tua munah a ding numeite theampo a kipan Egypt ngam thang sangah a teang Israel te– mihonpi tam mama in– keima tungah, 16“TOPA min taw thu nong sonte hong ngai nuam ngawl khu hi. 17Ka vawt tu uh hi ka cite theampo ka vawt tu uh hi. Koma le ka pute, ka kumpipa uh le kumpi ulian lampuite in Judah ngam khuapite sung le Jerusalem khua lampite ah ka vawt ngei uh bangma in, kote pathiannu vantung kumpinu tungah biakpiakna ka pia tu uh a, ama tungah biakpiakna zu ka buak tu uh hi. Tabangin ka vawt uh ciang an hau in, nuamsa in, ngimna ka nei bua uh hi. 18Ahihang Vantung Kumpinu tungah biakpiakna ka nei nawn ngawl uh ciang le ama tungah zu taw biakpiakna ka buak nawn ngawl uh hun pan kipan bangma ka nei nawn bua uh a, ka mite uh sia ngalsung le kialpi taw in thi uh hi,” hong ci uh hi.
19Taciang numeite in, “Vantung Kumpinu ii meal taw kibang muh vawt a, biakpiakna pia in zu ama tungah ka buak uh ciang ka pasalte a lungkim uh hi,” ci in belap uh hi.
20Taciang ka pauna hi bang a hong zo kik pasalte le numeite theampo ii tungah keima in, 21“Nangma le na pu na pate hi kale, na kumpipate le kumpi lampui uliante hi kale, ngamsung mihonte hi kale Judah ngam khuate sung le Jerusalem khua lam tungah biakpiakna na vawt uhte TOPA in he ngawl ahibale mangilin ngaisun nu ziam? 22Tuni mama in na ngam uh sia a lalcip sa in om a, a sungah kuama teang ngawl hi. Na ngitlona uh le a sia na vawtna uhte TOPA in thuak zo nawn ngawl ahikom na ngam uh sia a lauhuai mun suak a mihingte in a min sia haamsiatna in nei uh hi. 23TOPA ii hong thupiakte theampo ni ngawlin ama tungah na khial uh hang le milim pathian dangte tungah biakpiakna na piak uh hu in hi bang tuasiatna no tungah hong theng hi,” ka ci hi.
24-25Keima in mihingte theampo tung, a tatuan in numeite tung, Egypt ngam sungah a teang Judah mite tungah Vaanglianbelpa TOPA, Israel ii Pathian ii son thu sia ka son hi: “Noma le na zite in Vantung Kumpinu kungah a ciliap huai kamciamna na vawt zo uh hi. Ama ii tungah biakpiaknate na piak natu uh le zu biakpiakna na buak natu in na kamciam zo uh a, na kamciam uh bangin na tangtung sak zo uh hi. Tua ahile, pha hi! Na kamciam uh len vun! Na kamciam uh bangin seam vun! 26Ahihang Keima, TOPA in Egypt ngam a a teang no Israel mite theampo tungah a vaanglian ka min taw kamciam ka vawt sia, tu in ngai vun. ‘A nungta Vaanglianpipa TOPA taw ka kiciam hi!’ ci in na kiciam natu in ka min kuama in kong zangh sak kik ngei nawn batu hi! 27Note a nuamsa ngawlin kong vawt tu hi, bek dom ngawlin hong kilalcip sak tu hi. Note khat zongh kikhe ngawlin, ngal taw ahizong, natna taw ahizong na mong tu uh hi. 28Ahihang tawmno khat thina pan na suakta tu uh a, Egypt ngam panin Judah ngamah na heak kik tu uh hi. Tasia ciang a nungta laite in akua ii kammal sia maan ziam, keima kammal maw, amate ii kammal maw ci sia he tu uh hi. 29Hi munah daan kong pia tu a, taciang note tungah siatna kong theng sak tu hi ci a ka kamciam sia a tangtun takpi na Keima, TOPA in note kong lak tu hi. 30Judah ngam Kumpipa Zedekiah sia ama a thatlum nuam a ngal pa ahi Babylon Kumpipa Nebuchadnezzar tungah ka aap bangma in, Egypt ngam Kumpipa Hophra sia ama a thatlum nuam a ngalte khut sungah ka aap tu hi,” hong ci hi. *
0 comments:
Post a Comment