1. Elijah sia akua lau in tai ziam?
a. Ahab
b. Benhaded
c. Jezebel
2. Sinai mual sia ___ kici hi.
a. Thukham omna
b. ngualzawna
c. mual thiangtho
3. Lianghawng kongah TOPA in thu nam bangza Elijah lak ziam?
a. 4
b. 3
c. 5
4. Elijah in akuate kumpi sathau noai ngei ziam?
a. Moab
b. Syria
c. Assyria
5. Elijah hun lai TOPA in Israelte bangza sim ngawl thalup sawm ziam?
a. 7000
b. 8000
c. 12,000
6. Elisha bang ahi laitak Elijah taw kimu ziam?
a. Tuu cing
b. Lotho
c. Ngasa vai
7. Benhadad in bang anget zawk ciang Ahab in a uliante sam ziam?
a. Azi le atate
b. Biakinnpi sung khamh
c. Kumpi le Uliante in tok tu
8. Akua in ngal kidomaa kisuang ngawl ziam?
a. Kumpite
b. Ngalkap mangpa
c. Ngalkap citak khat
9. Ahab Syriate taw akido tu ciang, Lau heak in aci sia___?
a. Kamsang khat
b. Elijah
c. Jezebel
10. Ahab in Syriate taw bangza vei kisim ziam?
a. 1
b. 2
c. 3
11. Ahab in akua sia ka suapuipa ci ziam?
a. Benhadad
b. Babylon kumpipa
c. Elijah
12. Ahab in ___ ngawl hang in Pathian lungkim ngawl hi.
a. Pathian mai a zon
b. Banhadad thalup
c. Meingong tangate a it
Kumpite Khatna 19
Sinai Mualvum ah Elijah
1Kumpipa Ahab in a zi Jezebel munah Elijah ii ngamtatna theampo son a, Baal ii kamsang theampo a thalup na thu dong son siat hi. 2Kumpi nu in Elijah kam khat thaak hi: “Kamsangte tungah na vawt bang keak in zing ciang tu hunin nang tungah kong vawt ba le pathiante in kei hong vaatlum tahen,” ci hi. 3Elijah lau a, a nuntakna kihukna tu in tai in, a naseampa kengin Judah ngam Beersheba zuan hi.
A naseam pa tua munah nusia in, 4Elijah sia nitangtum dui sungah a peangin pai hi. Ama in thingkung khat ii lim nuai ah tawlnga in to a, taciang thi thei le uuk hi. “Nasia lei hi, TOPA awng,” ci in thu ngen hi. “Ka nuntakna hong laak sak tan; thi leng pha zaw hi, ” ci hi. *
5Ama in thingkung nuai ah lumin mutthip hi. Thakhat thu in vantung lalang khat in tham a, hi bangin ci hi. “Khanglo in ne in,” ci hi. 6A kiimkot a et ciang anluum khat le tuidam thawl khat mu hi. Ama in ne in dawn a, tua zawkciang lum suk kik hi. 7TOPA ii vantung lalang sia a nii veina hong pai a, “Tho in an ne in, tua ahibale na khualhaw natu sia nang atu haksa lei tu hi,” ci hi. 8Elijah tho in, a neak a dawn zawkciang ni sawmli mual thiangtho Sinai dong a pai natu thangui thatang tua an tung pan nga hi. 9Tua munah zan ngiak tu in lianghawng khat ii sungah tum hi.
Thakhat thu in TOPA in, “Elijah, hi sungah bang vawt ni ziam?” ci hi.
10Ama in zo a, “TOPA Pathian Vaanglianbelpa awng, na na— nang bekma ii na hong sep sak tawntung khi hi. Ahihang Israel mite in nang taw kiciamna paltan uh a, na biaktaute baltham in, na kamsangte thatlum siat hi. Kei bekma taanglai khi hi— taciang amate in kei hong thasawm hi!” *
11“Pusuak in a, mualdawn ka mai ah hong ding tan,” TOPA in ama tungah ci hi. Tua zawkciang TOPA in kantan in hong pai a, vuipi suangval khat hong pai sak hi, tua vui in mualno kikhentham sak a, suangtumpuite tam zaan sak hi— ahihang TOPA sia vui sungah om ngawl hi. Vui vak hong thim a, tua zawkciang zin hong liing hi— ahihang TOPA sia zinliing sungah om ngawl hi. 12Zinliin zawkciang meikuang khat hong om a,— ahihang TOPA sia meikuang sungah om ngawl hi. Meikuang zawkciangin a kihuau vathial awneal khat om hi.
13Elijah tua a zaakciang a maitang a puantual taw siinin pusuak in lianghawng kuamai ah ding hi. Aw khat in, “Elijah, hi sungah bang hi ni ziam?” ama tungah ci hi.
14Ama in zo a, “TOPA Pathian Vaanglianbelpa, na na nangma na hong sep sak tawntung khi hi. Ahihang Israel mite in na thuciamna paltan in, na biaktaute baltham a, na kamsangte thatlum siat hi, Keima bekma taanglai khi hi— taciang amate in kei hong thasawm hi.” ci hi.
15TOPA in ama munah, “Damascus hui dui sungah heak kik tan a, khuapi sungah tumin, Hazael sia Syria te ii kumpipa tu in sathau noai tan, * 16Nimshi ii tapa Jehu sia Israelte ii Kumpipa tu in sathau noai tan. taciang Abel Meholah pan a, Shaphat ii tapa Elisha sia nang hong laih tu kamsang tu in sathau noai tan. * 17Hazael ii thalup natu pan a suakta a om le Jehu in thatlum tu a, Jehu ii thalup tu pan a suakta a om le Elisha in thatlum tu hi. 18Ahihang Israel ngamah a nungta in mihing tulsali khe lai tu khi hi— kei tungah hong thumaan theampo le Baal mai ah kun ngawlin milim a namh ngawlte ahi uh hi,” ci hi. *
Elisha ii a Kisap khiatna
19Elijah in tua mun nusia in a pai le Elisha sia khui kap taw lotho in mu hi; ama mai ah kap sawm le kap khat om a ama sia a khakbel kap sia taw lotho hi. 20Tasia ciang Elisha in a khuikap nusia in Elijah del a, taciang, “Ka pa le ka nu vaithakna in va nam phot tong, tua zawkciang nangma taw tonkhawm tu khi hi,” ci hi.
Elijah in zo a, “Pha hi, cia kik tan. Hong khaam ngawl khi hi,” ci hi.
21Elisha sia ama ii khuikapte kungah pai in ngo hi, taciang a sa huanin, a khui hakkolte sia mei thuna thingin zangh hi. Ama in a sa sia mihingte hawm sak a, amate in ne uh hi. Tua zawkciang ama in Elijah ii hu pa tu in a nungzui hi.
Kumpite Khatna 20
Syriate taw Kidona
1Syriate Kumpipa Benhadad in ngam uk sawmthum le nii te ii siphu le ngalleangte taw kuanto in Samaria khuapi uumci in, sim hi. 2Ama in khuapi sungah kam thaak in Israelte ii Kumpipa Ahab munah, “Kumpipa Benhadad in hi bang teng hong ngen hi, 3ama tungah na ngun, na kham, na numeite le na tate a hatbel teng taw lut in,” ci hi.
4“Benhadad ka topa mun ah son tavun a, hong ngetna teng sia lungkim khi hi; ama in kei le ka neisa theampo tang thei hi,” ci in Ahab in zo hi.
5A zawkciang kamtai te hong heak kik uh a, Benhadad kung pan ngetna dang khat hong paipui thua hi. “Na ngun, na kham, na numeite le na tate nong aap natu kam hong thaak khi hi. 6Tu in, ka uliante kong pai sak tu a, na kumpi inn le na uliante ii innte tok in, manpha a sak theampo la tu hi. Amate zing ciang tu hun khawngin tua mun hong theng tu hi,” ci hi.
7Kumpipa Ahab in ngamsung a lampui theampo samin hi bang ci hi. “Na mu uh hi a, hi sia pa in ei sia hong lalcip sak nuam hi. Ama in kam hong thaak a, ka zite ka tate le ka ngun ka khamte hong ngen hi, taciang ka na lungkim hi,” ci hi.
8Lampuite le mipite in zo a, “Ama awlmaw heak in. Ama ii tungah lut heak in!” ci uh hi.
9Tua ahikom Ahab in Benhadad ii kamtaite munah zo kik a, “Hong nget masak teng thukim khi hi, ahihang hong nget kik teng sia thukim thei ngawl khi hi, ka topa Benhadad munah va ci tavun,” ci hi.
Kamtaite cia a tawmvei zawkciang hong heak kikin Benhadad kung pan kam thaak khat ma hong keng hi; 10“Nang ii khuapi hi sia a sutham zo tu mihing a khom kong keng tu a, taciang suangbek te sia amate khut tek taw puakhia tu hi. Tabangin ka ngamta bale pathiante in hong vaatlum tahen!” ci hi.
11Kumpipa Ahab in zo a, “Kumpipa Benhadad munah son tavun a, ngalkap citak khat in ngal kido zawkciang kisuangtaak pheang a, kido maa in kisuang ngawl hi,” ci hi.
12Benhadad in Ahab ii kam thaakte sia ama le a kipawl pui ngam uk dangte taw puanbuk sung zu a neak laitakin nga hi. Ama in a mite sia khuapi sim tu in sawl a, tua ahikom amate sia dinmun la tu in hong kuan uh hi.
13Tua laanin kamsang khat Kumpipa Ahab kungah hong pai a, “TOPA in ci hi, ‘Tua ngalkap hon lian sia kiita heak in! Amate tungah tu ni in zawna nang kong pia tu hi, tasia ciang kei TOPA ka hi hunlam nong he tu hi,’ ” ci in son hi.
14Ahab in, “Akua in kidona lampui tu ziam?” ci in dongh hi.
Kamsangpa in zo kik a, “TOPA in ngamkhen ukpite ii nuai a seam khangmoi ngalkapte in lampui tu hi,” ci hi.
“A ngalkap mipite a kua in uk tu ziam?” ci in Ahab in dongh hi.
“Nangma,” ci in kamsangpa in zo hi.
15Tua ahikom kumpipa in ngamkhen a ukte ii nuai a ngalkap khangmoi te sam a, amate sia 232 pha hi. Tua zawkciang ama in Israel ngalkapte khawmtua in tulsali pha uh hi.
16Kisimna sia sunkim ciang hong kipan a Benhadad le a pawlpui sawmthum le nii te puanbuk sungah zu khamin a om laitak ahi hi. 17Ngalkap khangmoite sia madawk in hong mainawt uh hi. Benhadad ii ngalvilte in Samaria pan ngalkap pawlkhat hong pai hi ci in ama tungah ko uh hi. 18Ama in thupia a, “Hong sim tu in hong kuan ahizong, a vekpi in pummat vun,” ci hi.
19Ngalkap khangmoite in kisimna hong lampui uh a, Israel ngalkap honte in zui uh hi, 20taciang misim in amate ii kido pui tek that uh hi. Syriate hong taithaap uh a, amate sia Israelte in del uh hi, ahihang Benhadad sia siphu tung panin hong suakta hi, ama sia siphu ngalkap pawlkhat in tonpui hi. 21Kumpipa Ahab sia ngalphual ah hong diang a, ngalte siphu, ngalleang te manin, Syriate in nasia takin lelna thuak hi.
22Tua zawkciang kamsangpa Kumpipa Ahab kungah hong pai kik a, “Cia kik in a, na ngalkapte puapha in, taciang kidopna taw ngealna vawt in, banghangziam cile Syriate in mai tuk ciang hong sim kik tu hi,” ci hi.
Syriate in Nii vei A simna
23Kumpipa Benhadad ii uliante in, “Israelte ii pathiante sia mualpite pathiante hi a, tua hu in Israelte in hong zo hi. Ahizong, zaangtam ah sim leang ahile zo tu hi hing ci uh hi. 24Tu in ngam uk sawmthum le nii te ngalkap uk sak heak in a, ngalzia he ngalkapmaangte in uk sak in. 25Taciang nang hong taisan sa ngalkapte za ma in a tam ngalkap hon sam in, siphu le siphu ngalleangte zongh a ngei za ma sam in. Israel te zaangtam ah ih sim tu a, tu sia ciangin amate ih zo tu hi,” ci hi
Kumpipa Benhadad in amate ii ngaisut piakna sia thukim a, tabangin ngamta hi. 26Tuk hun hong thet kik ciangin ama in ngalkapte sam kik in, Aphek khua ah Israelte sim tu in pai uh hi. 27Israelte sia a kisam sa hi a, ngalvanh a cing taw; amate in khen nii in kikhen a mainawt a, Syriate taw kimaingat in ngiaphual saat uh hi. Israel ngalkapte sia Syriate ngam sung theampo ah a kizel te taw ettee ciang kealhon nii bang ahi hi.
28Kamsang khat Kumpipa Ahab kungah hong pai a, “TOPA in hi bangin ci hi: ‘Syriate in kei sia mualnote pathian hi a, zaangtam te ii pathian hi bo hong ci hu in, hi ngalkap hon lian mama tungah zawna kong pia tu a, tasia ciang nang le na mihingte in kei sia TOPA ka hi hunlam nong he tu uh hi,’ ” ci in son hi.
29Ni sali sung Syriate le Israelte sia kimaitua in a ngiaphual tek ah om uh hi. A ni sali ni ciang amate kido tu hong kipan a, taciang Israelte in Syriate tul zakhat that uh hi. 30A suakta lai teng sia Aphek khuapi sungah tai uh hi, tua sung khuapi luphung cimh in tulkul le tulsali thi lalai hi.
Benhadad zongh suakta a, khuapi sung tu in, inn khat ii nung khaan khat sungah om hi. 31Ama ii uliante ama kungah pai in, “Israelte kumpipate sia ngual hesuak thei hi ci in za khu hi, Ka kawng uh ah khau-ip puan teangin ka ngawng uh ah khauhual taw kivial in, Israel kumpipa kungah ka pai natu hong oai tan, tua hi le ama in na nuntakna hong khoaikhe tha tu hi,” ci uh hi. 32Tua ahikom amate in a kawngah khau-ip puan teang uh a, a ngawng ah khauhual kivial in Ahab kumpipa munah, “Na naseampa Benhadad in a nuntakna na suatak sak natu hong maangkaa hi,” ci uh hi.
Ahab in, “Ama nungta lai ziam? Pha hi, ama sia ka suapui khat bangin ngaisun khi hi,” ci hi.
33Benhadad ii uliante in limpha khat encik in a om laitak Ahab in ka suapuipa ci kammal a zaak uh po ciang, amate in thakhat in zomto in, “Na ci bangma in Benhadad sia na suapui pa hi,” ci uh hi.
“Keima kungah hong paipui tavun,” ci in Ahab in thupia hi. Benhadad hong thet ciang Ahab in ngalleang sungah a to natu in sawl hi. 34Benhadad in ama munah, “Ka pa ii na pa tung pan khuapino a laak teng hong pia kik tu khi hi, taciang Damascus khua ah nangma atu sumzuak sum leina phual khat na koi nuam le ka pa ii Samaria ah a koi bangin koi thei tu ni hi,” ci hi.
Ahab in, “Hi thukimna tungtawn in nang hong suatak tu khi hi,” ci hi. Ama in kiciamna khat vawtin, Benhadad pai sak hi.
Kamsang khat in Ahab Puanil
35TOPA ii sawlna bangin kamsang pawlkhat sung pan khat in a kamsang dang khat munah, hong vua tan ci hi. Ahihang ama in nial hi. 36Tua ahikom ama in tua pa tungah, “TOPA ii thupiakna nial na hikom kei nong nusiat po ciang tawpi khat in nang hong thatlum tu hi,” ci hi. Taciangin a nusiat po ciang tawpi khat hong pai a, ama that hi. *
37Tua zawkciang tua kamsangpa ma in a dang khat ii munah, “Hong vua tan,” ci hi. Hi sia pa in vua hi, ama in nasia takin thong ahikom na sa hi. 38Kamsangpa in a maitang sia puansia taw hong tuam a, kimealseal in, lampi hui ah ding a, Israel kumpipa hong kantan tu ngakin om hi. 39Kumpipa hong kantan tu ciang kamsang pa in biakpui a, “Kumpipa awng, kidona sungah kihel hi veang, ngalkap khat in ngalte a mat khat kei kungah hong paipui a, hi bang hong ci hi. ‘Hi sia pa cing in; a suakta napo le na nuntakna taw lul tu ni hi, tua ahibale zong nguntang tulthum liau tu ni hi,’hong ci hi. 40Ahihang vai dang taw komla ka hikom a pasal suakta hi” ci hi.
Kumpipa in zo a, “Nangma in nangma thi natu thu son ni hi, daan na thuak kul tu hi,’ ci hi,
41Kamsangpa in a maitang panin puansia sia hong leamkeak a, thakhat thu in kumpipa in kamsang khat ahi hunlam hong tel paih hi. 42Kamsangpa in kumpipa munah, “Hi sia TOPA ii kammal hi: ‘Thalup tu in kong thupiak pa suakta sak na hikom nangma in na nuntakna taw lul tu ni hi, taciang ama ii ngalkap honte na suatak sak hu in nangma ngalkap honte lalcip tu hi,’ ” ci hi.
43Kumpipa sia Samaria a inn ah cia kikin thinngim in a thin kiam hi.
a. Ahab
b. Benhaded
c. Jezebel
2. Sinai mual sia ___ kici hi.
a. Thukham omna
b. ngualzawna
c. mual thiangtho
3. Lianghawng kongah TOPA in thu nam bangza Elijah lak ziam?
a. 4
b. 3
c. 5
4. Elijah in akuate kumpi sathau noai ngei ziam?
a. Moab
b. Syria
c. Assyria
5. Elijah hun lai TOPA in Israelte bangza sim ngawl thalup sawm ziam?
a. 7000
b. 8000
c. 12,000
6. Elisha bang ahi laitak Elijah taw kimu ziam?
a. Tuu cing
b. Lotho
c. Ngasa vai
7. Benhadad in bang anget zawk ciang Ahab in a uliante sam ziam?
a. Azi le atate
b. Biakinnpi sung khamh
c. Kumpi le Uliante in tok tu
8. Akua in ngal kidomaa kisuang ngawl ziam?
a. Kumpite
b. Ngalkap mangpa
c. Ngalkap citak khat
9. Ahab Syriate taw akido tu ciang, Lau heak in aci sia___?
a. Kamsang khat
b. Elijah
c. Jezebel
10. Ahab in Syriate taw bangza vei kisim ziam?
a. 1
b. 2
c. 3
11. Ahab in akua sia ka suapuipa ci ziam?
a. Benhadad
b. Babylon kumpipa
c. Elijah
12. Ahab in ___ ngawl hang in Pathian lungkim ngawl hi.
a. Pathian mai a zon
b. Banhadad thalup
c. Meingong tangate a it
Kumpite Khatna 19
Sinai Mualvum ah Elijah
1Kumpipa Ahab in a zi Jezebel munah Elijah ii ngamtatna theampo son a, Baal ii kamsang theampo a thalup na thu dong son siat hi. 2Kumpi nu in Elijah kam khat thaak hi: “Kamsangte tungah na vawt bang keak in zing ciang tu hunin nang tungah kong vawt ba le pathiante in kei hong vaatlum tahen,” ci hi. 3Elijah lau a, a nuntakna kihukna tu in tai in, a naseampa kengin Judah ngam Beersheba zuan hi.
A naseam pa tua munah nusia in, 4Elijah sia nitangtum dui sungah a peangin pai hi. Ama in thingkung khat ii lim nuai ah tawlnga in to a, taciang thi thei le uuk hi. “Nasia lei hi, TOPA awng,” ci in thu ngen hi. “Ka nuntakna hong laak sak tan; thi leng pha zaw hi, ” ci hi. *
5Ama in thingkung nuai ah lumin mutthip hi. Thakhat thu in vantung lalang khat in tham a, hi bangin ci hi. “Khanglo in ne in,” ci hi. 6A kiimkot a et ciang anluum khat le tuidam thawl khat mu hi. Ama in ne in dawn a, tua zawkciang lum suk kik hi. 7TOPA ii vantung lalang sia a nii veina hong pai a, “Tho in an ne in, tua ahibale na khualhaw natu sia nang atu haksa lei tu hi,” ci hi. 8Elijah tho in, a neak a dawn zawkciang ni sawmli mual thiangtho Sinai dong a pai natu thangui thatang tua an tung pan nga hi. 9Tua munah zan ngiak tu in lianghawng khat ii sungah tum hi.
Thakhat thu in TOPA in, “Elijah, hi sungah bang vawt ni ziam?” ci hi.
10Ama in zo a, “TOPA Pathian Vaanglianbelpa awng, na na— nang bekma ii na hong sep sak tawntung khi hi. Ahihang Israel mite in nang taw kiciamna paltan uh a, na biaktaute baltham in, na kamsangte thatlum siat hi. Kei bekma taanglai khi hi— taciang amate in kei hong thasawm hi!” *
11“Pusuak in a, mualdawn ka mai ah hong ding tan,” TOPA in ama tungah ci hi. Tua zawkciang TOPA in kantan in hong pai a, vuipi suangval khat hong pai sak hi, tua vui in mualno kikhentham sak a, suangtumpuite tam zaan sak hi— ahihang TOPA sia vui sungah om ngawl hi. Vui vak hong thim a, tua zawkciang zin hong liing hi— ahihang TOPA sia zinliing sungah om ngawl hi. 12Zinliin zawkciang meikuang khat hong om a,— ahihang TOPA sia meikuang sungah om ngawl hi. Meikuang zawkciangin a kihuau vathial awneal khat om hi.
13Elijah tua a zaakciang a maitang a puantual taw siinin pusuak in lianghawng kuamai ah ding hi. Aw khat in, “Elijah, hi sungah bang hi ni ziam?” ama tungah ci hi.
14Ama in zo a, “TOPA Pathian Vaanglianbelpa, na na nangma na hong sep sak tawntung khi hi. Ahihang Israel mite in na thuciamna paltan in, na biaktaute baltham a, na kamsangte thatlum siat hi, Keima bekma taanglai khi hi— taciang amate in kei hong thasawm hi.” ci hi.
15TOPA in ama munah, “Damascus hui dui sungah heak kik tan a, khuapi sungah tumin, Hazael sia Syria te ii kumpipa tu in sathau noai tan, * 16Nimshi ii tapa Jehu sia Israelte ii Kumpipa tu in sathau noai tan. taciang Abel Meholah pan a, Shaphat ii tapa Elisha sia nang hong laih tu kamsang tu in sathau noai tan. * 17Hazael ii thalup natu pan a suakta a om le Jehu in thatlum tu a, Jehu ii thalup tu pan a suakta a om le Elisha in thatlum tu hi. 18Ahihang Israel ngamah a nungta in mihing tulsali khe lai tu khi hi— kei tungah hong thumaan theampo le Baal mai ah kun ngawlin milim a namh ngawlte ahi uh hi,” ci hi. *
Elisha ii a Kisap khiatna
19Elijah in tua mun nusia in a pai le Elisha sia khui kap taw lotho in mu hi; ama mai ah kap sawm le kap khat om a ama sia a khakbel kap sia taw lotho hi. 20Tasia ciang Elisha in a khuikap nusia in Elijah del a, taciang, “Ka pa le ka nu vaithakna in va nam phot tong, tua zawkciang nangma taw tonkhawm tu khi hi,” ci hi.
Elijah in zo a, “Pha hi, cia kik tan. Hong khaam ngawl khi hi,” ci hi.
21Elisha sia ama ii khuikapte kungah pai in ngo hi, taciang a sa huanin, a khui hakkolte sia mei thuna thingin zangh hi. Ama in a sa sia mihingte hawm sak a, amate in ne uh hi. Tua zawkciang ama in Elijah ii hu pa tu in a nungzui hi.
Kumpite Khatna 20
Syriate taw Kidona
1Syriate Kumpipa Benhadad in ngam uk sawmthum le nii te ii siphu le ngalleangte taw kuanto in Samaria khuapi uumci in, sim hi. 2Ama in khuapi sungah kam thaak in Israelte ii Kumpipa Ahab munah, “Kumpipa Benhadad in hi bang teng hong ngen hi, 3ama tungah na ngun, na kham, na numeite le na tate a hatbel teng taw lut in,” ci hi.
4“Benhadad ka topa mun ah son tavun a, hong ngetna teng sia lungkim khi hi; ama in kei le ka neisa theampo tang thei hi,” ci in Ahab in zo hi.
5A zawkciang kamtai te hong heak kik uh a, Benhadad kung pan ngetna dang khat hong paipui thua hi. “Na ngun, na kham, na numeite le na tate nong aap natu kam hong thaak khi hi. 6Tu in, ka uliante kong pai sak tu a, na kumpi inn le na uliante ii innte tok in, manpha a sak theampo la tu hi. Amate zing ciang tu hun khawngin tua mun hong theng tu hi,” ci hi.
7Kumpipa Ahab in ngamsung a lampui theampo samin hi bang ci hi. “Na mu uh hi a, hi sia pa in ei sia hong lalcip sak nuam hi. Ama in kam hong thaak a, ka zite ka tate le ka ngun ka khamte hong ngen hi, taciang ka na lungkim hi,” ci hi.
8Lampuite le mipite in zo a, “Ama awlmaw heak in. Ama ii tungah lut heak in!” ci uh hi.
9Tua ahikom Ahab in Benhadad ii kamtaite munah zo kik a, “Hong nget masak teng thukim khi hi, ahihang hong nget kik teng sia thukim thei ngawl khi hi, ka topa Benhadad munah va ci tavun,” ci hi.
Kamtaite cia a tawmvei zawkciang hong heak kikin Benhadad kung pan kam thaak khat ma hong keng hi; 10“Nang ii khuapi hi sia a sutham zo tu mihing a khom kong keng tu a, taciang suangbek te sia amate khut tek taw puakhia tu hi. Tabangin ka ngamta bale pathiante in hong vaatlum tahen!” ci hi.
11Kumpipa Ahab in zo a, “Kumpipa Benhadad munah son tavun a, ngalkap citak khat in ngal kido zawkciang kisuangtaak pheang a, kido maa in kisuang ngawl hi,” ci hi.
12Benhadad in Ahab ii kam thaakte sia ama le a kipawl pui ngam uk dangte taw puanbuk sung zu a neak laitakin nga hi. Ama in a mite sia khuapi sim tu in sawl a, tua ahikom amate sia dinmun la tu in hong kuan uh hi.
13Tua laanin kamsang khat Kumpipa Ahab kungah hong pai a, “TOPA in ci hi, ‘Tua ngalkap hon lian sia kiita heak in! Amate tungah tu ni in zawna nang kong pia tu hi, tasia ciang kei TOPA ka hi hunlam nong he tu hi,’ ” ci in son hi.
14Ahab in, “Akua in kidona lampui tu ziam?” ci in dongh hi.
Kamsangpa in zo kik a, “TOPA in ngamkhen ukpite ii nuai a seam khangmoi ngalkapte in lampui tu hi,” ci hi.
“A ngalkap mipite a kua in uk tu ziam?” ci in Ahab in dongh hi.
“Nangma,” ci in kamsangpa in zo hi.
15Tua ahikom kumpipa in ngamkhen a ukte ii nuai a ngalkap khangmoi te sam a, amate sia 232 pha hi. Tua zawkciang ama in Israel ngalkapte khawmtua in tulsali pha uh hi.
16Kisimna sia sunkim ciang hong kipan a Benhadad le a pawlpui sawmthum le nii te puanbuk sungah zu khamin a om laitak ahi hi. 17Ngalkap khangmoite sia madawk in hong mainawt uh hi. Benhadad ii ngalvilte in Samaria pan ngalkap pawlkhat hong pai hi ci in ama tungah ko uh hi. 18Ama in thupia a, “Hong sim tu in hong kuan ahizong, a vekpi in pummat vun,” ci hi.
19Ngalkap khangmoite in kisimna hong lampui uh a, Israel ngalkap honte in zui uh hi, 20taciang misim in amate ii kido pui tek that uh hi. Syriate hong taithaap uh a, amate sia Israelte in del uh hi, ahihang Benhadad sia siphu tung panin hong suakta hi, ama sia siphu ngalkap pawlkhat in tonpui hi. 21Kumpipa Ahab sia ngalphual ah hong diang a, ngalte siphu, ngalleang te manin, Syriate in nasia takin lelna thuak hi.
22Tua zawkciang kamsangpa Kumpipa Ahab kungah hong pai kik a, “Cia kik in a, na ngalkapte puapha in, taciang kidopna taw ngealna vawt in, banghangziam cile Syriate in mai tuk ciang hong sim kik tu hi,” ci hi.
Syriate in Nii vei A simna
23Kumpipa Benhadad ii uliante in, “Israelte ii pathiante sia mualpite pathiante hi a, tua hu in Israelte in hong zo hi. Ahizong, zaangtam ah sim leang ahile zo tu hi hing ci uh hi. 24Tu in ngam uk sawmthum le nii te ngalkap uk sak heak in a, ngalzia he ngalkapmaangte in uk sak in. 25Taciang nang hong taisan sa ngalkapte za ma in a tam ngalkap hon sam in, siphu le siphu ngalleangte zongh a ngei za ma sam in. Israel te zaangtam ah ih sim tu a, tu sia ciangin amate ih zo tu hi,” ci hi
Kumpipa Benhadad in amate ii ngaisut piakna sia thukim a, tabangin ngamta hi. 26Tuk hun hong thet kik ciangin ama in ngalkapte sam kik in, Aphek khua ah Israelte sim tu in pai uh hi. 27Israelte sia a kisam sa hi a, ngalvanh a cing taw; amate in khen nii in kikhen a mainawt a, Syriate taw kimaingat in ngiaphual saat uh hi. Israel ngalkapte sia Syriate ngam sung theampo ah a kizel te taw ettee ciang kealhon nii bang ahi hi.
28Kamsang khat Kumpipa Ahab kungah hong pai a, “TOPA in hi bangin ci hi: ‘Syriate in kei sia mualnote pathian hi a, zaangtam te ii pathian hi bo hong ci hu in, hi ngalkap hon lian mama tungah zawna kong pia tu a, tasia ciang nang le na mihingte in kei sia TOPA ka hi hunlam nong he tu uh hi,’ ” ci in son hi.
29Ni sali sung Syriate le Israelte sia kimaitua in a ngiaphual tek ah om uh hi. A ni sali ni ciang amate kido tu hong kipan a, taciang Israelte in Syriate tul zakhat that uh hi. 30A suakta lai teng sia Aphek khuapi sungah tai uh hi, tua sung khuapi luphung cimh in tulkul le tulsali thi lalai hi.
Benhadad zongh suakta a, khuapi sung tu in, inn khat ii nung khaan khat sungah om hi. 31Ama ii uliante ama kungah pai in, “Israelte kumpipate sia ngual hesuak thei hi ci in za khu hi, Ka kawng uh ah khau-ip puan teangin ka ngawng uh ah khauhual taw kivial in, Israel kumpipa kungah ka pai natu hong oai tan, tua hi le ama in na nuntakna hong khoaikhe tha tu hi,” ci uh hi. 32Tua ahikom amate in a kawngah khau-ip puan teang uh a, a ngawng ah khauhual kivial in Ahab kumpipa munah, “Na naseampa Benhadad in a nuntakna na suatak sak natu hong maangkaa hi,” ci uh hi.
Ahab in, “Ama nungta lai ziam? Pha hi, ama sia ka suapui khat bangin ngaisun khi hi,” ci hi.
33Benhadad ii uliante in limpha khat encik in a om laitak Ahab in ka suapuipa ci kammal a zaak uh po ciang, amate in thakhat in zomto in, “Na ci bangma in Benhadad sia na suapui pa hi,” ci uh hi.
“Keima kungah hong paipui tavun,” ci in Ahab in thupia hi. Benhadad hong thet ciang Ahab in ngalleang sungah a to natu in sawl hi. 34Benhadad in ama munah, “Ka pa ii na pa tung pan khuapino a laak teng hong pia kik tu khi hi, taciang Damascus khua ah nangma atu sumzuak sum leina phual khat na koi nuam le ka pa ii Samaria ah a koi bangin koi thei tu ni hi,” ci hi.
Ahab in, “Hi thukimna tungtawn in nang hong suatak tu khi hi,” ci hi. Ama in kiciamna khat vawtin, Benhadad pai sak hi.
Kamsang khat in Ahab Puanil
35TOPA ii sawlna bangin kamsang pawlkhat sung pan khat in a kamsang dang khat munah, hong vua tan ci hi. Ahihang ama in nial hi. 36Tua ahikom ama in tua pa tungah, “TOPA ii thupiakna nial na hikom kei nong nusiat po ciang tawpi khat in nang hong thatlum tu hi,” ci hi. Taciangin a nusiat po ciang tawpi khat hong pai a, ama that hi. *
37Tua zawkciang tua kamsangpa ma in a dang khat ii munah, “Hong vua tan,” ci hi. Hi sia pa in vua hi, ama in nasia takin thong ahikom na sa hi. 38Kamsangpa in a maitang sia puansia taw hong tuam a, kimealseal in, lampi hui ah ding a, Israel kumpipa hong kantan tu ngakin om hi. 39Kumpipa hong kantan tu ciang kamsang pa in biakpui a, “Kumpipa awng, kidona sungah kihel hi veang, ngalkap khat in ngalte a mat khat kei kungah hong paipui a, hi bang hong ci hi. ‘Hi sia pa cing in; a suakta napo le na nuntakna taw lul tu ni hi, tua ahibale zong nguntang tulthum liau tu ni hi,’hong ci hi. 40Ahihang vai dang taw komla ka hikom a pasal suakta hi” ci hi.
Kumpipa in zo a, “Nangma in nangma thi natu thu son ni hi, daan na thuak kul tu hi,’ ci hi,
41Kamsangpa in a maitang panin puansia sia hong leamkeak a, thakhat thu in kumpipa in kamsang khat ahi hunlam hong tel paih hi. 42Kamsangpa in kumpipa munah, “Hi sia TOPA ii kammal hi: ‘Thalup tu in kong thupiak pa suakta sak na hikom nangma in na nuntakna taw lul tu ni hi, taciang ama ii ngalkap honte na suatak sak hu in nangma ngalkap honte lalcip tu hi,’ ” ci hi.
43Kumpipa sia Samaria a inn ah cia kikin thinngim in a thin kiam hi.
0 comments:
Post a Comment