1. Thuhilsya sia akua ii at hi tu ziam?
a. Elijah
b. David
c. Solomon
2. Akua sia alui thathong ci ziam?
a. Doai vakthaap
b. Akipil sak te
c. Thuthuk ngaisunpa
3. Bang sia alui thathong ziam?
a. Kiitna
b. Ih nuntakna
c. Zinei/ pasalnei
4. Simleitung bup ah a bang om ngawl ziam?
a. Athak
b. Kiitna
c. Hanciam taw thuman suana
5. A bangthu sia vuiva delkot taw kibang ziam?
a. Kiitna
b. Nasep theampo
c. Thee zon
6. Laiatpa in abang thu ka he tatak hi kici ziam?
a. Ciimna le heakna
b. Topa ii zia
c. Mihingte ngitlo
7. Nuina in bang ziam?
a. Cidamna
b. Lungdamna
c. Mawmawt vai
8. Laiatpa in zu banghang dawn ziam?
a. Lim sa
b. Cidamna in zangh thei
c. Thinnop tu uk
9. Laiatpa in Jerusalem ateang ngeite sang in___ka nei ci hi.
a. zi tam tatak
b. ngan tam nei
c. inn le lo
10. Mihing ciimte in apai natu ___ thei hi.
a. mu
b. khuat khol
c. Topa aap
11. Ih hanciamna sepna theampo sia ___ tungah kinu sia lel hi.
a. hi sim lei
b. aseam ngawl het khat
c. ih tate
12. Mihing khat ii a pha bel a sep thei sia neak tu dawn tu le ___ tu ahi hi.
a. thalaw sa teng lungkim
b. Topa pok
c. zinei/ pasal nei
Thuhilsya 1
Nuntakna sia Luithathong hi
1Hite sia David ii tapa Jerusalem kumpipa ahi Thuthuk ngaisunpa ii kammalte ahi hi.
2Thuthuk ngaisunpa in a luithathong, luithathong hi, ci hi. Nuntakna sia luithathong, a vekpi luithathong hi. 3Na nuntak sungah naseam in na diang uh a, ahihang bang teng na lak tu om na ziam? 4Khang khat piangin, khang khat bo hi, ahizong simlei sia a om ngei in om hi. 5Ni suak kik lai in, tum kik lai a, a sua natu mun ah heak kikin suak kik leleau hi. 6Vui zongh thang sangah vasuk, sak sangah vato, a kot a kotin va a, kipan kik nithi hi. 7Ngun theampo tuipi sungah luangsuk a, ahihang tuipi dimleet tuan ngawl hi. Ngunte kipatna ah tuite heak kik a, taciang kipan kik leleau hi. 8Na theampo in hong thin ngim sak a, thin ngimna sia kam taw son zawk hi ngawl hi. Ih mittang in a mu cim thei ngawl a, bil in a zaak cim ngei ngawl hi. 9A piang ngei sa tengma piang kikik tu hi. A kiseam ngei sa tengma kiseam kikik tu hi. Simlei tung bup ah a thak bangma om ngawl hi. 10Amate in, “En vun, hi sungah bang ziam maw a thak khat om hi!” ci uh hi. Hi ngawl hi, a piang ngei sa hi lel hi, ei sua ma pek a, a piang sa hi. 11Hun bo sa sung a thupiangte kuama in ciamtee ngawl a, tu le maisang kilaklaw hun sungah a piang thute kuama in ciamtee tuan ngawl tu hi.
Thuthuk ngaisunpa ii Sin sate
12Kei, Thuthuk ngaisunpa sia Jerusalem ah Israelte kumpipa ka hi ngei hi. 13Hi leitung ah a kiseam na theampo kanthiang in sin tong ci in tupna ka nei hi.
Pathian in eite tungah a ngimhuai haksatna hong pia hi. 14Hi leitung ah a kiseam theampo ka mu zo a, a luithathong vive hi ci in kong son hi. Tasia in vuiva delkot taw kibang hi. 15A koaite na maam thei bua a, a om ngawl nate na sim thei bua hi.
16Keima le keima, “Mihing thupi khat ka suak zo a, ka mai ah Jerusalem a ukte sangin ka ciim zaw pek hi. Ciimna le heakna tatak tel ing,” ka kici hi. * 17Heakna le mawmawtna, ciimna le thin ap nate a ki lamdanna kan tu in ka khensat hi. Ahihang vuiva del taw ka kiban tu sia ka he hi. 18Ciim va-ial leang thin ngimna tam va-ial a, heak va-ial na in hong ngim sak va-ial zawsap hi
Thuhilsya 2
1Lungdamna zongin nuam ka sak babangin om tong ci in ka khensat hi. Ahizong hi sia zongh luithathong hi veve hi. 2Nuina in mawmawt huai a, nop sakna in bangma phattuamna hong pia ngawl ci sia ka mu hi. 3Ciimna ka thangaina in kei hong sasawn a, keima le keima thinnop ka kipiak natu in zu ne in hunnuam zak tu ka khensat hi. Hi leitung ah tawmvei a nuntak hunsung mihingte ngamtat zia tu sia hi sia a pha bel hi vak ci in ka ngaisun hi.
4Na lianpite ka seam zo hi. Keima atu in innte ka sa a, sapit huante ka vawt hi. * 5Huan vawtin thingno ka ciing a, a sungah thingnga kung namcin om hi. 6Tuate tuibuak natu in tuikhukte ka to hi. 7Sila tam mama ka lei a, ka innsung suak sila tam mama om hi. Jerusalem khua ah a teang ngeite theampo sangin nganno tam zaw ka nei hi. * 8Ka ukna ngam kumpi sumkholnate panin ngun le khamte ka la hi. Pasal le nupite in la sa in hong ngualnuam sak a, pasal khat ii dik a sak numei ka dei zaza ka nei hi. *
9Hi hi, kei ka lian a, Jerusalem khua ah a teang ngei khat po sangin ka lian zaw a, ka ciimna bo ngei ngawl hi. * 10Ka dei papo ka nga hi. Nopsakna a min piang bangma ka kidan bua hi. Ka sep sa theampo tungah ka kisuangtaak a, hite theampo sia ka min phatna tel ahi hi. 11Taciang ka sep sa theampo le haksa tak ka sepnate ka ngaisun a, bangma khiakna a nei ngawl hunlam ka phawk hi. Tasia in vuiva del taw kibang a, ki manna om vet ngawl hi. 12Bangbang po ahizong kumpi khat in ama mai a, a seam kumpite ii sep sa teng seam thei bek hi.
Tua ahikom ciimna ahibale maitatna, ahibale mawmawtnate bangziam cisia ngaisut ka kipan hi. 13Oh, he ing, “Khuavak sia khuazing sangin a phat zawk bangma, ciimna sia mawmawtna sangin pha zaw hi. 14Mihing ciimte in a pai natu mun mu thei a, a mamawte in mu thei ngawl hi,”. Ahihang eite theampo atu in mai sangah a kibangin ii thuak tu thu in hong ngak nginge ci sia zongh ka he hi. 15Keima in hi bang, “Mihing mamawte tungah a tung thu sia kei tung zongh ah hong tung tu hi. Tua ahikom ka ciim mama na in bang meetna hong pia ziam?” ci in ka ngaisun hi. Bangma hong pia ngawl hi, na khat beak zongh hong pia ngawl hi,” ci in ka zo kik hi. 16Kuama in mihing ciimte phawk ngawl a, kuama in a mamawte phawk ngawl hi. Hong pai tu hunte sungah ih vekpi in hong kimangil siat tu hi. A ciim le a mamaw a kibangin ih thi siat tu hi. 17Tua ahikom nuntakna in kei atu bangma khiakna nei ngawl hi, banghangziam cile nuntakna in ngimna sim ngawl bangma hong puak ngawl hi. Na theampo a luithathong hi a, vuiva del bang ahi hi.
18Naseam in ka thalawte khiakna nei ngawl hi, banghangziam cile ka za hong laih tu sia atu in a nusiat tu ka hi hunlam ka he hi, 19taciang tua pa a ciim ahile, a mamaw ahi akua in he ziam? Ahizong ka sep ka vawt theampo, ka ciimna ii hi leitung ah kei atu a thalaw theampo ama in lua tu hi. A vekpi a luithathong ahi hi. 20Tua ahikom nasia tak na ka sep sia ka kisiik hi. 21Na khat papo atu in na ciimna, na heakna le na thiamna theampo taw naseam a, a zawkciang tua na sia a seam ngawl het khat tungah na nusiat lel tu hi. A luithathong hi a, maan zongh maan ngawl hi. 22Na nuntak sungah thin ngim tak ngimin na na sep hangin bang na lak tu om na ziam? 23Na nuntak laiteng na sep na vawt theampo in thin ngimna le thin natna simngawl bangma dang hong puak ngawl hi. Zan ngawngawn in na mutmawk law hi. A vekpi a luithathong ahi hi. *
24Mihing khat ii a pha bel a sep thei sia neak tu dawn tu le a thalaw sa teng taw a lungkim tu ahi hi. Ahizong, hi sia ngangawn Pathian kung pan hong pai hi, cisia ka phawk hi. * 25Tua ngawlin bangbangin neak tu le lungkim natu koisung pan nga thei tu ni ziam? 26Pathian a lungdam sak te tungah Pathian in ciimna, heakna, le lungdamna pia hi, ahihang mimawte ii thalaw sate ama a lungkim sakte tungah a piak thei tu in ama in mawneite na seam sak, sum thalaw sakin sum khol sak hi. A vekpi a luithathong ahi hi. Tasia in vuiva delkot bang ahi hi.
a. Elijah
b. David
c. Solomon
2. Akua sia alui thathong ci ziam?
a. Doai vakthaap
b. Akipil sak te
c. Thuthuk ngaisunpa
3. Bang sia alui thathong ziam?
a. Kiitna
b. Ih nuntakna
c. Zinei/ pasalnei
4. Simleitung bup ah a bang om ngawl ziam?
a. Athak
b. Kiitna
c. Hanciam taw thuman suana
5. A bangthu sia vuiva delkot taw kibang ziam?
a. Kiitna
b. Nasep theampo
c. Thee zon
6. Laiatpa in abang thu ka he tatak hi kici ziam?
a. Ciimna le heakna
b. Topa ii zia
c. Mihingte ngitlo
7. Nuina in bang ziam?
a. Cidamna
b. Lungdamna
c. Mawmawt vai
8. Laiatpa in zu banghang dawn ziam?
a. Lim sa
b. Cidamna in zangh thei
c. Thinnop tu uk
9. Laiatpa in Jerusalem ateang ngeite sang in___ka nei ci hi.
a. zi tam tatak
b. ngan tam nei
c. inn le lo
10. Mihing ciimte in apai natu ___ thei hi.
a. mu
b. khuat khol
c. Topa aap
11. Ih hanciamna sepna theampo sia ___ tungah kinu sia lel hi.
a. hi sim lei
b. aseam ngawl het khat
c. ih tate
12. Mihing khat ii a pha bel a sep thei sia neak tu dawn tu le ___ tu ahi hi.
a. thalaw sa teng lungkim
b. Topa pok
c. zinei/ pasal nei
Thuhilsya 1
Nuntakna sia Luithathong hi
1Hite sia David ii tapa Jerusalem kumpipa ahi Thuthuk ngaisunpa ii kammalte ahi hi.
2Thuthuk ngaisunpa in a luithathong, luithathong hi, ci hi. Nuntakna sia luithathong, a vekpi luithathong hi. 3Na nuntak sungah naseam in na diang uh a, ahihang bang teng na lak tu om na ziam? 4Khang khat piangin, khang khat bo hi, ahizong simlei sia a om ngei in om hi. 5Ni suak kik lai in, tum kik lai a, a sua natu mun ah heak kikin suak kik leleau hi. 6Vui zongh thang sangah vasuk, sak sangah vato, a kot a kotin va a, kipan kik nithi hi. 7Ngun theampo tuipi sungah luangsuk a, ahihang tuipi dimleet tuan ngawl hi. Ngunte kipatna ah tuite heak kik a, taciang kipan kik leleau hi. 8Na theampo in hong thin ngim sak a, thin ngimna sia kam taw son zawk hi ngawl hi. Ih mittang in a mu cim thei ngawl a, bil in a zaak cim ngei ngawl hi. 9A piang ngei sa tengma piang kikik tu hi. A kiseam ngei sa tengma kiseam kikik tu hi. Simlei tung bup ah a thak bangma om ngawl hi. 10Amate in, “En vun, hi sungah bang ziam maw a thak khat om hi!” ci uh hi. Hi ngawl hi, a piang ngei sa hi lel hi, ei sua ma pek a, a piang sa hi. 11Hun bo sa sung a thupiangte kuama in ciamtee ngawl a, tu le maisang kilaklaw hun sungah a piang thute kuama in ciamtee tuan ngawl tu hi.
Thuthuk ngaisunpa ii Sin sate
12Kei, Thuthuk ngaisunpa sia Jerusalem ah Israelte kumpipa ka hi ngei hi. 13Hi leitung ah a kiseam na theampo kanthiang in sin tong ci in tupna ka nei hi.
Pathian in eite tungah a ngimhuai haksatna hong pia hi. 14Hi leitung ah a kiseam theampo ka mu zo a, a luithathong vive hi ci in kong son hi. Tasia in vuiva delkot taw kibang hi. 15A koaite na maam thei bua a, a om ngawl nate na sim thei bua hi.
16Keima le keima, “Mihing thupi khat ka suak zo a, ka mai ah Jerusalem a ukte sangin ka ciim zaw pek hi. Ciimna le heakna tatak tel ing,” ka kici hi. * 17Heakna le mawmawtna, ciimna le thin ap nate a ki lamdanna kan tu in ka khensat hi. Ahihang vuiva del taw ka kiban tu sia ka he hi. 18Ciim va-ial leang thin ngimna tam va-ial a, heak va-ial na in hong ngim sak va-ial zawsap hi
Thuhilsya 2
1Lungdamna zongin nuam ka sak babangin om tong ci in ka khensat hi. Ahizong hi sia zongh luithathong hi veve hi. 2Nuina in mawmawt huai a, nop sakna in bangma phattuamna hong pia ngawl ci sia ka mu hi. 3Ciimna ka thangaina in kei hong sasawn a, keima le keima thinnop ka kipiak natu in zu ne in hunnuam zak tu ka khensat hi. Hi leitung ah tawmvei a nuntak hunsung mihingte ngamtat zia tu sia hi sia a pha bel hi vak ci in ka ngaisun hi.
4Na lianpite ka seam zo hi. Keima atu in innte ka sa a, sapit huante ka vawt hi. * 5Huan vawtin thingno ka ciing a, a sungah thingnga kung namcin om hi. 6Tuate tuibuak natu in tuikhukte ka to hi. 7Sila tam mama ka lei a, ka innsung suak sila tam mama om hi. Jerusalem khua ah a teang ngeite theampo sangin nganno tam zaw ka nei hi. * 8Ka ukna ngam kumpi sumkholnate panin ngun le khamte ka la hi. Pasal le nupite in la sa in hong ngualnuam sak a, pasal khat ii dik a sak numei ka dei zaza ka nei hi. *
9Hi hi, kei ka lian a, Jerusalem khua ah a teang ngei khat po sangin ka lian zaw a, ka ciimna bo ngei ngawl hi. * 10Ka dei papo ka nga hi. Nopsakna a min piang bangma ka kidan bua hi. Ka sep sa theampo tungah ka kisuangtaak a, hite theampo sia ka min phatna tel ahi hi. 11Taciang ka sep sa theampo le haksa tak ka sepnate ka ngaisun a, bangma khiakna a nei ngawl hunlam ka phawk hi. Tasia in vuiva del taw kibang a, ki manna om vet ngawl hi. 12Bangbang po ahizong kumpi khat in ama mai a, a seam kumpite ii sep sa teng seam thei bek hi.
Tua ahikom ciimna ahibale maitatna, ahibale mawmawtnate bangziam cisia ngaisut ka kipan hi. 13Oh, he ing, “Khuavak sia khuazing sangin a phat zawk bangma, ciimna sia mawmawtna sangin pha zaw hi. 14Mihing ciimte in a pai natu mun mu thei a, a mamawte in mu thei ngawl hi,”. Ahihang eite theampo atu in mai sangah a kibangin ii thuak tu thu in hong ngak nginge ci sia zongh ka he hi. 15Keima in hi bang, “Mihing mamawte tungah a tung thu sia kei tung zongh ah hong tung tu hi. Tua ahikom ka ciim mama na in bang meetna hong pia ziam?” ci in ka ngaisun hi. Bangma hong pia ngawl hi, na khat beak zongh hong pia ngawl hi,” ci in ka zo kik hi. 16Kuama in mihing ciimte phawk ngawl a, kuama in a mamawte phawk ngawl hi. Hong pai tu hunte sungah ih vekpi in hong kimangil siat tu hi. A ciim le a mamaw a kibangin ih thi siat tu hi. 17Tua ahikom nuntakna in kei atu bangma khiakna nei ngawl hi, banghangziam cile nuntakna in ngimna sim ngawl bangma hong puak ngawl hi. Na theampo a luithathong hi a, vuiva del bang ahi hi.
18Naseam in ka thalawte khiakna nei ngawl hi, banghangziam cile ka za hong laih tu sia atu in a nusiat tu ka hi hunlam ka he hi, 19taciang tua pa a ciim ahile, a mamaw ahi akua in he ziam? Ahizong ka sep ka vawt theampo, ka ciimna ii hi leitung ah kei atu a thalaw theampo ama in lua tu hi. A vekpi a luithathong ahi hi. 20Tua ahikom nasia tak na ka sep sia ka kisiik hi. 21Na khat papo atu in na ciimna, na heakna le na thiamna theampo taw naseam a, a zawkciang tua na sia a seam ngawl het khat tungah na nusiat lel tu hi. A luithathong hi a, maan zongh maan ngawl hi. 22Na nuntak sungah thin ngim tak ngimin na na sep hangin bang na lak tu om na ziam? 23Na nuntak laiteng na sep na vawt theampo in thin ngimna le thin natna simngawl bangma dang hong puak ngawl hi. Zan ngawngawn in na mutmawk law hi. A vekpi a luithathong ahi hi. *
24Mihing khat ii a pha bel a sep thei sia neak tu dawn tu le a thalaw sa teng taw a lungkim tu ahi hi. Ahizong, hi sia ngangawn Pathian kung pan hong pai hi, cisia ka phawk hi. * 25Tua ngawlin bangbangin neak tu le lungkim natu koisung pan nga thei tu ni ziam? 26Pathian a lungdam sak te tungah Pathian in ciimna, heakna, le lungdamna pia hi, ahihang mimawte ii thalaw sate ama a lungkim sakte tungah a piak thei tu in ama in mawneite na seam sak, sum thalaw sakin sum khol sak hi. A vekpi a luithathong ahi hi. Tasia in vuiva delkot bang ahi hi.
0 comments:
Post a Comment